bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
1 Kings 18
1 Kings 18
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
1
Aur bahut dinoṉ ke ba‘d aisá húá ki Ḳhudáwand ká yih kalám tísre sál Íliyáh par názil húá, ki Jákar Aḳhíab se mil, aur maiṉ zamín par meṉh barsáúṉgá.
2
So Íliyáh Aḳhíab se milne ko chalá. Aur Sámariya meṉ saḳht kál thá.
3
Aur Aḳhíab ne ‘Abadiyáh ko jo us ke ghar ká díwán thá talab kiyá. Aur ‘Abadiyáh Ḳhudáwand se bahut ḍartá thá;
4
kyúṉki jab Ízabil ne Ḳhudáwand ke nabíoṉ ko qatl kiyá, to ‘Abadiyáh ne sau nabíoṉ ko lekar pachás pachás karke un ko ek g̣ár meṉ chhipá diyá, aur roṭí aur pání se un ko páltá rahá.
5
So Aḳhíab ne ‘Abadiyáh se kahá, Mulk meṉ gasht kartá húá pání ke sab chashmoṉ aur sab náloṉ par já; sháyad ham ko kahíṉ ghás mil jáe, jis se ham ghoṛoṉ aur ḳhachcharoṉ ko jítá bachá leṉ, táki hamáre sab chaupáye zá‘i na hoṉ.
6
So unhoṉ ne us púre mulk meṉ gasht karne ke liye use ápas meṉ taqsím kar liyá; Aḳhíab akelá ek taraf chalá, aur ‘Abadiyáh akelá dúsrí taraf gayá.
7
Aur ‘Abadiyáh ráste hí meṉ thá, ki Íliyáh use milá: wuh use pahchánkar muṉh ke bal girá, aur kahne lagá, Ai mere málik Íliyáh, kyá tú hai?
8
Us ne use jawáb diyá, Maiṉ hí húṉ; já, apne málik ko batá de, ki Íliyáh házir hai.
9
Us ne kahá, Mujh se kyá gunáh húá hai jo tú apne ḳhádim ko Aḳhíab ke háth meṉ hawála karná cháhtá hai, táki wuh mujhe qatl kare?
10
Ḳhudáwand tere Ḳhudá kí hayát kí qasam, ki aisí koí qaum yá saltanat nahíṉ, jaháṉ mere málik ne terí talásh ke liye na bhejá ho; aur jab unhoṉ ne kahá, ki Wuh yaháṉ nahíṉ, to us ne us saltanat aur qaum se qasam lí, ki tú un ko nahíṉ milá hai.
11
Aur ab tú kahtá hai, ki Jákar apne málik ko ḳhabar kar de, ki Íliyáh házir hai.
12
Aur aisá hogá, ki jab maiṉ tere pás se chalá jáúṉgá, to Ḳhudáwand kí rúh tujh ko na jáne kaháṉ le jáe; aur maiṉ jákar Aḳhíab ko ḳhabar dúṉ, aur tú us ko kahíṉ mil na sake, to wuh mujh ko qatl kar degá: lekin maiṉ terá ḳhádim laṛakpan se Ḳhudáwand se ḍartá rahá húṉ.
13
Kyá mere málik ko jo kuchh maiṉ ne kiyá hai, nahíṉ batáyá gayá, ki jab Ízabil ne Ḳhudáwand ke nabíoṉ ko qatl kiyá, to maiṉ ne Ḳhudáwand ke nabíoṉ meṉ se sau ádmíoṉ ko lekar pachás pachás karke un ko ek g̣ár meṉ chhipáyá, aur un ko roṭí aur pání se páltá rahá?
14
Aur ab tú kahtá hai, ki Jákar apne málik ko ḳhabar de, ki Íliyáh házir hai; so wuh to mujhe már ḍálegá.
15
Tab Íliyáh ne kahá, Rabb u’l afwáj kí hayát kí qasam, jis ke sámne maiṉ khaṛá húṉ, maiṉ áj us se zarúr milúṉgá.
16
So ‘Abadiyáh Aḳhíab se milne ko gayá, aur use ḳhabar dí; aur Aḳhíab Íliyáh kí muláqát ko chalá.
17
Aur jab Aḳhíab ne Íliyáh ko dekhá, to us ne us se kahá, Ai Isráíl ke satánewále, kyá tú hí hai?
18
Us ne jawáb diyá, Maiṉ ne Isráíl ko nahíṉ satáyá; balki tú aur tere báp ke gharáne ne; kyúṉki tum ne Ḳhudáwand ke hukmoṉ ko tark kiyá, aur tú Ba‘lím ká pairau ho gayá.
19
Is liye ab tú qásid bhej; aur sáre Isráíl ko, aur Ba‘l ke sáṛhe chár sau nabíoṉ ko, aur Yasírat ke chár sau nabíoṉ ko jo Ízabil ke dastarḳhwán par kháte haiṉ koh i Karmil par mere pás ikaṭṭhá kar de.
20
So Aḳhíab ne sáre baní Isráíl ko bulá bhejá, aur nabíoṉ ko koh i Karmil par ikaṭṭhá kiyá.
21
Aur Íliyáh sab logoṉ ke nazdík ákar kahne lagá, Tum kab tak do ḳhayáloṉ meṉ ḍáṉwáṉḍol rahoge? agar Ḳhudáwand hí Ḳhudá hai, to us ke pairau ho jáo; aur agar Ba‘l hai, to us kí pairawí karo. Par un logoṉ ne use ek harf jawáb na diyá.
22
Tab Íliyáh ne un logoṉ se kahá, Ek maiṉ hí akelá Ḳhudáwand ká nabí bach rahá húṉ; par Ba‘l ke nabí chár sau pachás ádmí haiṉ.
23
So ham ko do bail diye jáeṉ; aur wuh apne liye ek bail ko chun leṉ, aur use ṭukṛe ṭukṛe káṭkar lakṛiyoṉ par dhareṉ, aur níche ág na deṉ; aur maiṉ dúsrá bail taiyár karke use lakṛiyoṉ par dharúṉgá, aur níche ág nahíṉ dúṉgá:
24
tab tum apne deotá se du‘á karná, aur maiṉ Ḳhudáwand se du‘á karúṉgá; aur wuh Ḳhudá jo ág se jawáb de, wuhí Ḳhudá ṭhahre. Aur sab log bol uṭhe, Ḳhúb kahá!
25
So Íliyáh ne Ba‘l ke nabíoṉ se kahá, ki Tum apne liye ek bail chun lo, aur pahle use taiyár karo, kyúṉki tum bahut se ho; aur apne deotá se du‘á karo, lekin ág níche na dená.
26
So unhoṉ ne us bail ko lekar jo un ko diyá gayá, use taiyár kiyá; aur subh se do pahar tak Ba‘l se du‘á karte aur kahte rahe, Ai Ba‘l, hamárí sun. Par na kuchh áwáz húí, aur na koí jawáb denewálá thá. Aur wuh us mazbah ke gird jo banáyá gayá thá kúdte rahe.
27
Aur do pahar ko aisá húá, ki Íliyáh ne un ko chiṛákar kahá, Baland áwáz se pukáro: kyúṉki wuh to deotá hai, wuh kisí soch meṉ hogá, yá wuh ḳhalwat meṉ hai, yá kahíṉ safar meṉ hogá, yá sháyad wuh sotá hai, so zarúr hai ki wuh jagáyá jáe.
28
Tab wuh baland áwáz se pukárne lage, aur apne dastúr ke mutábiq apne áp ko chhuriyoṉ aur nashtaroṉ se gháyal kar liyá, yaháṉ tak ki lahú luhán ho gaye.
29
Wuh do pahar ḍhale par bhí shám kí qurbání chaṛhákar nubuwwat karte rahe; par na kuchh áwáz húí, na koí jawáb denewálá, na tawajjuh karnewálá thá.
30
Tab Íliyáh ne sab logoṉ se kahá, ki Mere nazdík á jáo. Chunáṉchi sab log us ke nazdík á gaye. Tab us ne Ḳhudáwand ke us mazbah ko jo ḍhá diyá gayá thá marammat kiyá.
31
Aur Íliyáh ne Ya‘qúb ke beṭoṉ ke qabíloṉ ke shumár ke mutábiq, jis par Ḳhudáwand ká yih kalám názil húá thá, ki Terá nám Isráíl hogá, bárah patthar liye.
32
Aur us ne un pattharoṉ se Ḳhudáwand ke nám ká ek mazbah banáyá; aur mazbah ke ird gird us ne aisí baṛí kháí khodí, jis meṉ do paimáne bíj kí samáí thí;
33
aur lakṛiyoṉ ko qaríne se chuná; aur bail ke ṭukṛe ṭukṛe káṭkar lakṛiyoṉ par dhar diyá, aur kahá, Chár maṭke pání se bharkar us soḳhtaní qurbaní par aur lakṛiyoṉ par unḍel do.
34
Phir us ne kahá, Dobára karo. Unhoṉ ne dobára kiyá. Phir us ne kahá, Sibára karo. So unhoṉ ne sibára bhí kiyá.
35
Aur pání mazbah ke girdágird bahne lagá, aur us ne kháí bhí pání se bharwá dí.
36
Aur shám kí qurbání chaṛháne ke waqt Íliyáh nabí nazdík áyá, aur us ne kahá, Ai Ḳhudáwand, Abrahám aur Izháq aur Isráíl ke Ḳhudá, áj ma‘lúm ho jáe, ki Isráíl meṉ tú hí Ḳhudá hai, aur maiṉ terá banda húṉ, aur maiṉ ne in sárí bátoṉ ko tere hí hukm se kiyá hai.
37
Merí sun, ai Ḳhudáwand, merí sun, táki yih log ján jáeṉ ki ai Ḳhudáwand, tú hí Ḳhudá hai, aur tú ne phir un ke diloṉ ko pher diyá hai.
38
Tab Ḳhudáwand kí ág názil húí, aur us ne us soḳhtaní qurbání ko lakṛiyoṉ, aur pattharoṉ, aur miṭṭí samet bhasam kar diyá, aur us pání ko jo kháí meṉ thá cháṭ liyá.
39
Jab sab logoṉ ne yih dekhá, to muṉh ke bal gire, aur kahne lage, Ḳhudáwand wuhí Ḳhudá hai; Ḳhudáwand wuhí Ḳhudá hai.
40
Íliyáh ne un se kahá, Ba‘l ke nabíoṉ ko pakaṛ lo; un meṉ se ek bhí jáne na páe. So unhoṉ ne un ko pakaṛ liyá: aur Íliyáh un ko níche Qaison ke nále par le áyá, aur waháṉ un ko qatl kar diyá.
41
Phir Íliyáh ne Aḳhíab se kahá, Úpar chaṛh já, khá aur pí; kyúṉki kasrat kí bárish kí áwáz hai.
42
So Aḳhíab kháne píne ko úpar chalá gayá. Aur Íliyáh Karmil kí choṭí par chaṛh gayá; aur zamín par sarnigún hokar apná muṉh apne ghuṭnoṉ ke bích kar liyá,
43
aur apne ḳhádim se kahá, Zará úpar jákar samundar kí taraf to nazar kar. So us ne úpar jákar nazar kí, aur kahá, Waháṉ kuchh bhí nahíṉ hai. Us ne kahá, Phir sát bár já.
44
Aur sátweṉ martaba us ne kahá, Dekh, ek chhoṭá sá bádal ádmí ke háth ke barábar samundar meṉ se uṭhá hai. Tab us ne kahá, ki Já, aur Aḳhíab se kah, ki Apná rath taiyár karáke níche utar já, táki bárish tujhe rok na le.
45
Aur thoṛí hí der meṉ ásmán ghaṭá aur áṉdhí se siyáh ho gayá, aur baṛí bárish húí. Aur Aḳhíab sawár hokar Yazra‘el ko chalá.
46
Aur Ḳhudáwand ká háth Íliyáh par thá; aur us ne apní kamar kas lí, aur Aḳhíab ke áge áge Yazra‘el ke madḳhal tak dauṛá chalá gayá.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22