bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Numbers 11
Numbers 11
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 12 →
1
Phir wuh log kuṛkuṛáne aur Ḳhudáwand ke sunte burá kahne lage: chunáṉchi Ḳhudáwand ne suná, aur us ká g̣azab bhaṛká, aur Ḳhudáwand kí ág un ke darmiyán jal uṭhí, aur lashkargáh ko ek kanáre se bhasam karne lagí.
2
Tab logoṉ ne Músá se faryád kí; aur Músá ne Ḳhudáwand se du‘á máṉgí, to ág bujh gayí.
3
Aur us jagah ká nám Tab‘erah paṛá, kyúṉki Ḳhudáwand kí ág un meṉ jal uṭhí thí.
4
Aur jo milí julí bhíṛ in logoṉ meṉ thí, wuh tarah tarah kí hirs karne lagí, aur baní Isráíl bhí phir rone aur kahne lage, ki Ham ko kaun gosht kháne ko degá?
5
Ham ko wuh machhlí yád átí hai, jo ham Misr meṉ muft kháte the: aur háe! wuh khíre, aur wuh ḳharbúze, aur wuh gandane, aur piyáz, aur lahsan:
6
lekin ab to hamárí ján ḳhushk ho gayí; yaháṉ koí chíz muyassar nahíṉ, aur mann ke siwá ham ko âur kuchh dikháí nahíṉ detá.
7
Aur mann dhaniye kí mánind thá, aur aisá nazar átá thá, jaise motí.
8
Log idhar udhar jákar use jama‘ karte, aur use chakkí meṉ píste, yá ukhlí meṉ kúṭ lete the, phir use háṉḍiyoṉ meṉ ubálkar roṭiyáṉ banáte the: us ká maza táza tel ká sá thá.
9
Aur rát ko, jab lashkargáh meṉ os paṛtí, to us ke sáth mann bhí girtá thá.
10
Aur Músá ne sab gharánoṉ ke ádmíoṉ ko apne apne ḍere ke darwáze par rote suná, aur Ḳhudáwand ká qahr niháyat bhaṛká, aur Músá ne bhí burá máná.
11
Tab Músá ne Ḳhudáwand se kahá, ki Tú ne apne ḳhádim se yih saḳht bartáo kyúṉ kiyá? aur mujh par tere karam kí nazar kyúṉ nahíṉ húí jo tú in sab logoṉ ká bojh mujh par ḍáltá hai?
12
Kyá yih sab log mere peṭ meṉ paṛe the? kyá yih mujh hí se paidá húe the jo tú kahtá hai, ki jis tarah se báp dúdh píte bachche ko uṭháe uṭháe phirtá hai, usí tarah maiṉ in logoṉ ko apní god meṉ uṭhákar us mulk meṉ le jáúṉ, jis ke dene kí qasam tú ne un ke bápdádá se kháí hai?
13
Maiṉ in sab logoṉ ko kaháṉ se gosht lákar dúṉ? kyúṉki wuh yih kah kahkar mere sámne rote haiṉ, ki Ham ko gosht kháne ko de.
14
Maiṉ akelá in sab logoṉ ko nahíṉ sambhál saktá, kyúṉki yih merí táqat se báhar hai.
15
Aur jo tujhe mere sáth yihí bartáo karná hai, to mere úpar agar tere karam kí nazar húí hai, to mujhe yaklaḳht ján se már de, táki maiṉ apní burí gat dekhne na páúṉ.
16
Ḳhudáwand ne Músá se kahá, ki Baní Isráíl ke buzurgoṉ meṉ se sattar mard, jin ko tú jántá hai ki qaum ke buzurg aur un ke sardár haiṉ, mere huzúr jama‘ kar, aur un ko ḳhaima e ijtimá‘ ke pás le á, táki wuh tere sáth waháṉ khaṛe hoṉ.
17
Aur maiṉ utarkar tere sáth waháṉ báteṉ karúṉgá; aur maiṉ us rúh meṉ se, jo tujh meṉ hai, kuchh lekar un meṉ ḍál dúṉgá, ki wuh tere sáth qaum ká bojh uṭháeṉ, táki tú use akelá na uṭháe.
18
Aur logoṉ se kah, ki Kal ke liye apne ko pák kar rakkho, to tum gosht kháoge, kyúṉki tum Ḳhudáwand ke sunte húe yih kah kahkar roe ho, ki Ham ko kaun gosht kháne ko degá? ham to Misr hí meṉ mauj se the: so Ḳhudáwand tum ko gosht degá, aur tum kháná.
19
Aur tum ek yá do din nahíṉ, aur na páṉch, yá das, yá bís din,
20
balki ek mahína kámil use kháte rahoge, jab tak wuh tumháre nathnoṉ se nikalne na lage, aur tum us se ghin na kháne lago; kyúṉki tum ne Ḳhudáwand ko, jo tumháre darmiyán hai, tark kiyá, aur us ke sámne yih kah kahkar roe ho, ki Ham Misr se kyúṉ nikal áe?
21
Phir Músá kahne lagá, ki Jin logoṉ meṉ maiṉ húṉ, un meṉ chha lákh to piyáde hí haiṉ; aur tú ne kahá hai, ki Maiṉ un ko itná gosht dúṉgá, ki wuh mahína bhar use kháte raheṉge.
22
So kyá bheṛ bakriyoṉ ke yih rewaṛ aur gáe bailoṉ ke jhunḍ un kí ḳhátir zabh hoṉ, ki un ke liye bas ho? yá samundar kí sárí machhliyáṉ un kí ḳhátir ikaṭṭhí kí jáeṉ, ki un sab ke liye káfí ho?
23
Ḳhudáwand ne Músá se kahá, Kyá Ḳhudáwand ká háth chhoṭá ho gayá hai? ab tú dekh legá, ki jo maiṉ ne tujh se kahá hai, wuh púrá hotá hai, yá nahíṉ.
24
Tab Músá ne báhar jákar Ḳhudáwand kí báteṉ un logoṉ ko kah sunáíṉ, aur qaum ke buzurgoṉ meṉ se sattar shaḳhs ikaṭṭhe karke un ko ḳhaime ke girdágird khaṛá kar diyá.
25
Tab Ḳhudáwand abr meṉ hokar utrá, aur us ne Músá se báteṉ kíṉ, aur us rúh meṉ se, jo us meṉ thí, kuchh lekar use un sattar buzurgoṉ meṉ ḍálá: chunáṉchi jab rúh un meṉ áí, to wuh nubuwwat karne lage, lekin ba‘d meṉ phir kabhí na kí.
26
Par un meṉ se do shaḳhs lashkargáh hí meṉ rah gaye, ek ká nám Ildád, aur dúsre ká Medád thá: un meṉ bhí rúh áí; yih bhí un hí meṉ se the, jin ke nám likh liye gaye the, par yih ḳhaime ke pás na gaye, aur lashkargáh hí meṉ nubuwwat karne lage.
27
Tab kisí jawán ne dauṛkar Músá ko ḳhabar dí, aur kahne lagá, ki Ildád aur Medád lashkargáh meṉ nubuwwat kar rahe haiṉ.
28
So Músá ke ḳhádim Nún ke beṭe Yashú‘ ne, jo us ke chune húe jawánoṉ meṉ se thá, Músá se kahá, Ai mere málik Músá, tú un ko rok de.
29
Músá ne us se kahá, Kyá tujhe merí ḳhátir rashk átá hai? kásh Ḳhudáwand ke sab log nabí hote, aur Ḳhudáwand apní rúh un sab meṉ ḍáltá!
30
Phir Músá aur wuh Isráílí buzurg lashkargáh meṉ gaye.
31
Aur Ḳhudáwand kí taraf se ek áṉdhí chalí, aur samundar se baṭereṉ uṛá láí, aur un ko lashkargáh ke barábar aur us ke girdágird ek din kí ráh tak is taraf, aur ek hí din kí ráh tak dúsrí taraf zamín se koí do do háth úpar ḍál diyá.
32
Aur logoṉ ne uṭhkar us sáre din, aur us sárí rát, aur us ke dúsre din bhí baṭereṉ jama‘ kíṉ, aur jis ne kam se kam jama‘ kí thíṉ, us ke pás bhí das ḳhomar ke barábar jama‘ ho gayíṉ; aur unhoṉ ne apne liye lashkargáh kí chároṉ taraf un ko phailá diyá.
33
Aur un ká gosht unhoṉ ne dáṉtoṉ se káṭá hí thá aur use chabáne bhí nahíṉ páe the, ki Ḳhudáwand ká qahr un logoṉ par bhaṛak uṭhá, aur Ḳhudáwand ne un logoṉ ko baṛí saḳht wabá se márá.
34
So us maqám ká nám Qabrot Hattáwah rakkhá gayá, kyúṉki unhoṉ ne un logoṉ ko, jinhoṉ ne hirs kí thí, wahíṉ dafn kiyá.
35
Aur wuh log Qabrot Hattáwah se safar karke Haserát ko gaye, aur wahíṉ Haserát meṉ rahne lage.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36