bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Numbers 32
Numbers 32
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
1
Aur baní Rúbin aur baní Jadd ke pás chaupáyoṉ ke bahut baṛe baṛe g̣ol the. So jab unhoṉ ne Ya‘zer, aur Jili‘ád ke mulkoṉ ko dekhá, ki yih maqám chaupáyoṉ ke liye niháyat achchhe haiṉ;
2
to unhoṉ ne jákar Músá aur Ilí‘azar káhin aur jamá‘at ke sardároṉ se kahá, ki
3
‘Atárát, aur Díbon, aur Ya‘zer, aur Nimrah, aur Hasbon, aur Ilí‘álí, aur Shabám, aur Nabú, aur Ba‘ún,
4
ya‘ní wuh mulk jis par Ḳhudáwand ne Isráíl kí jamá‘at ko fath diláí hai, chaupáyoṉ ke liye niháyat achchhá hai, aur tere ḳhádimoṉ ke pás chaupáye haiṉ.
5
So agar ham par tere karam kí nazar hai, to isí mulk ko apne ḳhádimoṉ ki mírás kar de, aur ham ko Yardan pár na le já.
6
Músá ne baní Rúbin aur baní Jadd se kahá, Kyá tumháre bháí laṛáí meṉ jáeṉ, aur tum yahíṉ baiṭhe raho?
7
Tum kyúṉ baní Isráíl ko pár utarkar us mulk meṉ jáne se, jo Ḳhudáwand ne un ko diyá hai, bedil karte ho?
8
Tumháre bápdádá ne bhí, jab maiṉ ne un ko Qádis Barní‘a se bhejá, ki mulk ká hál daryáft kareṉ, to aisá hí kiyá thá.
9
Kyúṉki jab wuh wádí e Iskál meṉ pahuṉche, aur us mulk ko dekhá, to unhoṉ ne baní Isráíl ko bedil kar diyá, táki wuh us mulk meṉ jo Ḳhudáwand ne un ko ‘ináyat kiyá na jáeṉ.
10
Aur usí din Ḳhudáwand ká g̣azab bhaṛká, aur us ne qasam khákar kahá, ki
11
Un logoṉ meṉ se, jo Misr se nikalkar áe haiṉ, bís baras aur us se úpar úpar kí ‘umr ká koí shaḳhs us mulk ko nahíṉ dekhne páegá, jis ke dene kí qasam maiṉ ne Abrahám, aur Izháq, aur Ya‘qúb se kháí; kyúṉki unhoṉ ne merí púrí pairawí nahíṉ kí.
12
Magar Yufannah Qinzí ká beṭá Kálib, aur Nún ká beṭá Yashú‘ use dekheṉge, kyúṉki unhoṉ ne Ḳhudáwand kí púrí pairawí kí hai.
13
So Ḳhudáwand ká qahr Isráíl par bhaṛká, aur us ne un ko biyábán meṉ chálís baras tak áwára phiráyá, jab tak ki us pusht ke sab log, jinhoṉ ne Ḳhudáwand ke rúbarú gunáh kiyá thá, nábúd na ho gaye.
14
Aur dekho, tum jo gunahgároṉ kí nasl ho, ab apne bápdádá kí jagah uṭhe ho, táki Ḳhudáwand ke qahr i shadíd ko Isráílíoṉ par ziyáda karáo.
15
Kyúṉki agar tum us kí pairawí se phir jáo, to wuh un ko phir biyábán meṉ chhoṛ degá; aur tum in sab logoṉ ko halák karáoge.
16
Tab wuh us ke nazdík ákar kahne lage, ki Ham apne chaupáyoṉ ke liye yaháṉ bheṛsále, aur apne bál bachchoṉ ke liye shahr banáeṉge:
17
par ham ḳhud hathyár báṉdhe húe taiyár raheṉge, ki baní Isráíl ke áge áge chaleṉ, jab tak ki un ko un kí jagah tak na pahuṉchá deṉ: aur hamáre bál bachche is mulk ke báshindoṉ ke sabab se fasíldár shahroṉ meṉ raheṉge.
18
Aur ham apne gharoṉ ko phir wápas nahíṉ áeṉge, jab tak baní Isráíl ká ek ek ádmí apní mírás ká málik na ho jáe.
19
Aur ham un meṉ shámil hokar Yardan ke us pár, yá us se áge, mírás na leṉge, kyúṉki hamárí mírás Yardan ke is pár mashriq kí taraf ham ko mil gayí.
20
Músá ne un se kahá, Agar tum yih kám karo, aur Ḳhudáwand ke huzúr musallah hokar laṛne jáo,
21
aur tumháre hathyárband jawán Ḳhudáwand ke huzúr Yardan pár jáeṉ jab tak ki Ḳhudáwand apne dushmanoṉ ko apne sámne se dafa‘ na kare;
22
aur wuh mulk Ḳhudáwand ke huzúr qabze meṉ na á jáe, to is ke ba‘d tum wápas áo: phir tum Ḳhudáwand ke huzúr aur Isráíl ke áge begunáh ṭhahroge, aur yih mulk Ḳhudáwand ke huzúr tumhárí milkíyat ho jáegá.
23
Lekin agar tum aisá na karo, to tum Ḳhudáwand ke gunahgár ṭhahroge: aur yih ján lo ki tumhárá gunáh tum ko pakṛegá.
24
So tum apne bál bachchoṉ ke liye shahr, aur apní bheṛ bakriyoṉ ke liye bheṛsále banáo; jo tumháre muṉh se niklá hai, wuhí karo.
25
Tab baní Jadd aur baní Rúbin ne Músá se kahá, ki Tere ḳhádim, jaisá hamáre málik ká hukm hai, waisá hí kareṉge.
26
Hamáre bál bachche, hamárí bíwiyáṉ, hamárí bheṛ bakriyáṉ, aur hamáre sab chaupáye Jili‘ád ke shahroṉ meṉ raheṉge;
27
par ham jo tere ḳhádim haiṉ, so hamárá ek ek musallah jawán Ḳhudáwand ke huzúr laṛne ko pár jáegá, jaisá hamárá málik kahtá hai.
28
Tab Músá ne un ke báre meṉ Ilí‘azar káhin, aur Nún ke beṭe Yashú‘, aur Isráílí qabáil ke ábáí ḳhándánoṉ ke sardároṉ ko wasíyat kí,
29
aur un se yih kahá, ki Agar baní Jadd aur baní Rúbin ká ek ek mard Ḳhudáwand ke huzúr tumháre sáth Yardan ke pár musallah hokar laṛáí meṉ jáe, aur us mulk par tumhárá qabza ho jáe, to tum Jili‘ád ká mulk un kí mírás kar dená.
30
Par agar wuh hathyár báṉdhkar tumháre sáth pár na jáeṉ, to un ko bhí mulk i Kan‘án hí meṉ tumháre bích mírás mile.
31
Tab baní Jadd aur baní Rúbin ne jawáb diyá, ki Jaisá Ḳhudáwand ne tere ḳhádimoṉ ko hukm diyá hai, ham waisá hí kareṉge.
32
Ham hathyár báṉdhkar Ḳhudáwand ke huzúr us pár mulk i Kan‘án ko jáeṉge, par Yardan ke is pár hí hamárí mírás rahe.
33
Tab Músá ne Amoríoṉ ke bádsháh Síhon kí milkíyat, aur Basan ke bádsháh ‘Oj kí mamlukat ko, ya‘ní un ke mulkoṉ ko aur shahroṉ ko jo un atráf meṉ the, aur us sárí nawáhí ke shahroṉ ko baní Jadd aur baní Rúbin aur Munassí bin Yúsuf ke ádhe qabíle ko de diyá.
34
Tab baní Jadd ne Díbon, aur ‘Atárát, aur ‘Aro‘ír,
35
aur ‘Atrát Shofán, aur Ya‘zer, aur Yagbihá,
36
aur Bait Nimrah, aur Bait Háran fasíldár shahr aur bheṛsále banáe.
37
Aur baní Rúbin ne Hasbon, aur Ilí‘álí, aur Qaryatáim ko,
38
aur Nabo, aur Ba‘l Ma‘ún ke nám badalkar un ko aur Shibmáh ko banáyá, aur unhoṉ ne apne banáe húe shahroṉ ke dúsre nám rakkhe.
39
Aur Munassí ke beṭe Makír kí nasl ke logoṉ ne jákar Jili‘ád ko le liyá, aur Amoríoṉ ko, jo waháṉ base húe the, nikál diyá.
40
Tab Músá ne Jili‘ád Makír bin Munassí ko de diyá. So us kí nasl ke log waháṉ sukúnat karne lage.
41
Aur Munassí ke beṭe Yáír ne us nawáhí kí bastiyoṉ ko jákar le liyá, aur un ká nám Hawwot Yáír rakkhá.
42
Aur Núbah ne Qanát aur us ke díhát ko apne tasarruf meṉ kar liyá, aur apne hí nám par us ká bhí nám Núbah rakkhá.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36