bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Numbers 14
Numbers 14
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 15 →
1
Tab sárí jamá‘at zor zor se chíḳhne lagí, aur wuh log us rát rote hí rahe.
2
Aur kull baní Isráíl Músá aur Hárún kí shikáyat karne lage, aur sárí jamá‘at un se kahne lagí, Háe, kásh ham Misr hí meṉ mar játe, yá kásh is biyábán hí meṉ marte.
3
Ḳhudáwand kyúṉ ham ko us mulk meṉ le jákar talwár se qatl karáná cháhtá hai? Phir to hamárí bíwiyáṉ aur bál bachche lúṭ ká mál ṭhahreṉge: kyá hamáre liye bihtar na hogá, ki ham Misr ko wápas chale jáeṉ?
4
Phir wuh ápas meṉ kahne lage, Áo, ham kisí ko apná sardár baná leṉ aur Misr ko lauṭ chaleṉ.
5
Tab Músá aur Hárún baní Isráíl kí sárí jamá‘at ke sámne auṉdhe muṉh ho gaye.
6
Aur Nún ká beṭá Yashú‘ aur Yafunnah ká beṭá Kálib, jo us mulk ká hál daryáft karnewáloṉ meṉ se the, apne apne kapṛe pháṛkar
7
baní Isráíl kí sárí jamá‘at se kahne lage, ki Wuh mulk, jis ká hál daryáft karne ko ham us meṉ se guzre, niháyat achchhá mulk hai.
8
Agar Ḳhudá ham se rází rahe, to wuh ham ko us mulk meṉ pahuṉcháegá, aur usí mulk ko, jis meṉ dúdh aur shahd bahtá hai, ham ko degá.
9
Faqat itná ho, ki tum Ḳhudáwand se bag̣áwat na karo, aur na us mulk ke logoṉ se ḍaro; wuh to hamárí ḳhurák haiṉ; un kí panáh un ke sir par se játí rahí hai, aur hamáre sáth Ḳhudáwand hai; so un ká ḳhauf na karo.
10
Tab sárí jamá‘at bol uṭhí, ki In ko sangsár karo. Us waqt ḳhaima e ijtimá‘ meṉ sáre baní Isráíl ke sámne Ḳhudáwand ká jalál numáyáṉ húá.
11
Aur Ḳhudáwand ne Músá se kahá, ki Yih log kab tak merí tauhín karte raheṉge? aur báwujúd un sab mu‘jizoṉ ke, jo maiṉ ne in ke darmiyán kiye haiṉ, kab tak mujh par ímán nahíṉ láeṉge?
12
Maiṉ in ko wabá se márúṉgá, aur mírás se ḳhárij karúṉgá, aur tujhe ek aisí qaum banáúṉgá, jo in se kahíṉ baṛí aur ziyáda zoráwar ho.
13
Músá ne Ḳhudáwand se kahá, Tab to Misrí, jin ke bích se tú in logoṉ ko apne zor i bázú se nikál le áyá, yih suneṉge,
14
aur use is mulk ke báshindoṉ ko batáeṉge: unhoṉ ne suná hai ki tú jo Ḳhudáwand hai in logoṉ ke darmiyán rahtá hai, kyúṉki tú, ai Ḳhudáwand, saríh taur par dikháí detá hai, aur terá abr in par sáya kiye rahtá hai, aur tú din ko abr ke sutún meṉ, aur rát ko ág ke sutún meṉ hokar in ke áge áge chaltá hai.
15
Pas, agar tú is qaum ko, ek akele ádmí kí tarah ján se már de, to wuh qaumeṉ, jinhoṉ ne terí shuhrat suní hai, kaheṉgí,
16
ki Chúṉki Ḳhudáwand is qaum ko us mulk meṉ, jise us ne in ko dene kí qasam kháí thí, pahuṉchá na saká, is liye us ne in ko biyábán meṉ halák kar diyá.
17
So Ḳhudáwand kí qudrat kí ‘azmat tere hí is qaul ke mutábiq záhir ho,
18
ki Ḳhudáwand qahr karne meṉ dhímá aur shafaqat meṉ g̣aní hai; wuh gunáh aur ḳhatá ko baḳhsh detá hai, lekin mujrim ko hargiz barí nahíṉ karegá, kyúṉki wuh bápdádá ke gunáh kí sazá un kí aulád ko tísrí aur chauthí pusht tak detá hai.
19
So tú apní rahmat kí firáwání se is ummat ká gunáh, jaise tú Misr se lekar yaháṉ tak in logoṉ ko mu‘áf kartá rahá hai, ab bhí mu‘áf kar de.
20
Ḳhudáwand ne kahá, Maiṉ ne terí darḳhwást ke mutábiq mu‘áf kiyá;
21
lekin mujhe apní hayát kí qasam, aur Ḳhudáwand ke jalál kí qasam, jis se sárí zamín ma‘múr hogí,
22
chúṉki un sab logoṉ ne, jinhoṉ ne báwujúd mere jalál ke dekhne ke, aur báwujúd un mu‘jizoṉ ke, jo maiṉ ne Misr meṉ aur is biyábán meṉ dikháe, phir bhí das bár mujhe ázmáyá, aur merí bát nahíṉ mání;
23
is liye wuh us mulk ko, jis ke dene kí qasam maiṉ ne un ke bápdádá se kháí thí, dekhne bhí na páeṉge, aur jinhoṉ ne merí tauhín kí hai, un meṉ se bhí koí use dekhne nahíṉ páegá.
24
Par is liye ki mere bande Kálib kí kuchh âur hí tabí‘at thí, aur us ne merí púrí pairawí kí hai, maiṉ us ko us mulk meṉ, jaháṉ wuh ho áyá hai, pahuṉcháúṉgá, aur us kí aulád us kí wáris hogí.
25
(Aur wádí meṉ to ‘Amálíqí aur Kan‘ání base húe haiṉ.) So kal tum ghúmkar us ráste se, jo Bahr i Qulzum ko játá hai, biyábán meṉ dáḳhil ho jáo.
26
Aur Ḳhudáwand ne Músá aur Hárún se kahá,
27
Maiṉ kab tak is ḳhabís guroh kí, jo merí shikáyat kartí rahtí hai, bardásht karúṉ? Baní Isráíl, jo mere barḳhiláf shikáyateṉ karte rahte haiṉ, maiṉ ne wuh sab shikáyateṉ suní haiṉ.
28
So tum un se kah do, Ḳhudáwand kahtá hai, Mujhe apní hayát kí qasam hai, ki jaisá tum ne mere sunte kahá hai, maiṉ tum se zarúr waisá hí karúṉgá;
29
tumhárí lásheṉ isí biyábán meṉ paṛí raheṉgí, aur tumhárí sárí ta‘dád meṉ se, ya‘ní bís baras se lekar us se úpar úpar kí ‘umr ke tum sab, jitne gine gaye, aur mujh par shikáyat karte rahe,
30
in meṉ se koí us mulk meṉ, jis kí bábat maiṉ ne qasam kháí thí, ki tum ko waháṉ basáúṉgá, jáne na páegá, siwá Yafunnah ke beṭe Kálib, aur Nún ke beṭe Yashú‘ ke.
31
Aur tumháre bál bachche, jin kí bábat tum ne yih kahá, ki Wuh to lúṭ ká mál ṭhahreṉge, un ko maiṉ waháṉ pahuṉcháúṉgá, aur jis mulk ko tum ne haqír jáná, wuh us kí haqíqat pahcháneṉge.
32
Aur tumhárá yih hál hogá, ki tumhárí lásheṉ isí biyábán meṉ paṛí raheṉgí.
33
Aur tumháre laṛke bále chálís baras tak biyábán meṉ áwára phirte, aur tumhárí zinákáríoṉ ká phal páte raheṉge, jab tak ki tumhárí lásheṉ biyábán meṉ gal na jáeṉ,
34
un chálís dinoṉ ke hisáb se, jin meṉ tum us mulk ká hál daryáft karte rahe the: ab din píchhe ek ek baras, ya‘ní chálís baras tak, tum apne gunáhoṉ ká phal páte rahoge; tab tum mere muḳhálif ho jáne ko samjhoge.
35
Maiṉ Ḳhudáwand yih kah chuká húṉ, ki Maiṉ is púre ḳhabís guroh se, jo merí muḳhálafat par muttafiq hai, qata‘í aisá hí karúṉgá: in ká ḳhátima isí biyábán meṉ hogá, aur wuh yahíṉ mareṉge.
36
Aur jin ádmíoṉ ko Músá ne mulk ká hál daryáft karne ko bhejá thá, jinhoṉ ne lauṭkar us mulk kí aisí burí ḳhabar sunáí thí, jis se sárí jamá‘at Músá par kuṛkuṛáne lagí,
37
so wuh ádmí, jinhoṉ ne mulk kí burí ḳhabar dí thí, Ḳhudáwand ke sámne wabá se mar gaye.
38
Par jo ádmí us mulk ká hál daryáft karne gaye the, un meṉ se Nún ká beṭá Yashú‘ aur Yafunnah ká beṭá Kálib, donoṉ jíte bache rahe.
39
Aur Músá ne yih báteṉ sáre baní Isráíl se kahíṉ; tab wuh log zár zár roe.
40
Aur wuh dúsre din subh sawere uṭhkar yih kahte húe paháṛ kí choṭí par chaṛhne lage, ki Ham házir haiṉ, aur jis jagah ká wa‘da Ḳhudáwand ne kiyá hai, waháṉ jáeṉge kyúṉki ham se ḳhatá húí hai.
41
Músá ne kahá, Tum kyúṉ ab Ḳhudáwand kí hukm‘udúlí karte ho? is se koí fáida na hogá.
42
Úpar mat chaṛho, kyúṉki Ḳhudáwand tumháre darmiyán nahíṉ hai, aisá na ho ki apne dushmanoṉ ke muqábale meṉ shikast kháo.
43
Kyúṉki waháṉ tum se áge ‘Amálíqí aur Kan‘ání log haiṉ, so tum talwár se máre jáoge, kyúṉki Ḳhudáwand se tum bargashta ho gaye ho, is liye Ḳhudáwand tumháre sáth nahíṉ rahegá.
44
Lekin wuh shoḳhí karke paháṛ kí choṭí tak chaṛhe chale gaye; par Ḳhudáwand ke ‘ahd ká sandúq, aur Músá, lashkargáh se báhar na nikle.
45
Tab ‘Amálíqí aur Kan‘ání, jo us paháṛ par rahte the, un par á paṛe, aur un ko qatl kiyá, aur Hurmah tak un ko márte chale áe.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36