Numbers 7 — Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))

1Aur jis din Músá maskan ke khaṛá karne se fárig̣ húá, aur us ko aur us ke sab sámán ko masah aur muqaddas kiyá, aur mazbah aur us ke sab zurúf ko bhí masah aur muqaddas kiyá;

2to Isráílí raís, jo apne ábáí ḳhándánoṉ ke sardár aur qabíloṉ ke raís, aur shumár kiye húoṉ ke úpar muqarrar the, nazrána láe.

3Wuh apná hadya chha pardadár gáṛiyáṉ aur bárah bail Ḳhudáwand ke huzúr láe. Do do raísoṉ kí taraf se ek ek gáṛí, aur har raís kí taraf se ek bail thá. In ko unhoṉ ne maskan ke sámne házir kiyá.

4Tab Ḳhudáwand ne Músá se kahá, ki

5Tú in ko un se le, táki wuh ḳhaima e ijtimá‘ ke kám meṉ áeṉ, aur tú Láwíoṉ meṉ har shaḳhs kí ḳhidmat ke mutábiq un ko taqsím kar de.

6So Músá ne wuh gáṛiyáṉ aur bail lekar un ko Láwíoṉ ko de diyá.

7Baní Jairson ko us ne un kí ḳhidmat ke liház se do gáṛiyáṉ aur chár bail diye:

8aur chár gáṛiyáṉ aur áṭh bail us ne baní Mirárí ko un kí ḳhidmat ke liház se Hárún káhin ke beṭe Itamar ke mátaht karke diye.

9Lekin baní Qihát ko us ne koí gáṛí nahíṉ dí, kyúṉki un ke zimme maqdis kí ḳhidmat thí. Wuh use apne kandhoṉ par uṭháte the.

10Aur jis din mazbah masah kiyá gayá, us din wuh raís us kí taqdís ke liye hadye láe, aur apne hadyoṉ ko wuh raís mazbah ke áge le jáne lage.

11Tab Ḳhudáwand ne Músá se kahá, ki Maqdis kí taqdís ke liye ek ek raís ek ek din apná hadya guzráne.

12So pahle din Yahúdáh ke qabíle meṉ se ‘Ammínadáb ke beṭe Nahson ne apná hadya guzráná.

13Aur us ká hadya yih thá: maqdis kí misqál ke hisáb se ek sau tís misqál chándí ká ek tabáq, aur sattar misqál chándí ká ek kaṭorá; un donoṉ meṉ nazr kí qurbání ke liye tel milá húá maida bhará thá;

14das misqál sone ká ek chammach, jo baḳhúr se bhará thá;

15soḳhtaní qurbání ke liye ek bachhṛá, ek meṉḍhá, ek nar yaksála barra;

16ḳhatá kí qurbání ke liye ek bakrá;

17aur salámatí kí qurbání ke liye do bail, páṉch meṉḍhe, páṉch bakre, páṉch nar yaksála barre. Yih ‘Ammínadáb ke beṭe Nahson ká hadya thá.

18Dúsre din Zugr ke beṭe Nataníel ne, jo Ishkár ke qabíle ká sardár thá, apná hadya guzráná.

19Aur us ká hadya yih thá: maqdis kí misqál ke hisáb se ek sau tís misqál chándí ká ek tabáq, aur sattar misqál chándí ká ek kaṭorá; un donoṉ meṉ nazr kí qurbání ke liye tel milá húá maida bhará thá;

20das misqál sone ká ek chammach jo baḳhúr se bhará thá;

21soḳhtaní qurbání ke liye ek bachhṛá, ek meṉḍhá, ek nar yaksála barra;

22ḳhatá kí qurbání ke liye ek bakrá;

23aur salámatí kí qurbání ke liye do bail, páṉch meṉḍhe, páṉch bakre, páṉch nar yaksála barre. Yih Zug̣r ke beṭe Nataníel ká hadya thá.

24Aur tísre din Helon ke beṭe Ilíáb ne, jo Zabúlún ke qabíle ká sardár thá, apná hadya guzráná.

25Aur us ká hadya yih thá: maqdis kí misqál ke hisáb se ek sau tís misqál chándí ká ek tabáq, aur sattar misqál chándí ká ek kaṭorá; un donoṉ meṉ nazr kí qurbání ke liye tel milá húá maida bhará thá;

26das misqál sone ká ek chammach jo baḳhúr se bhará thá;

27soḳhtaní qurbání ke liye ek bachhṛá, ek meṉḍhá, ek nar yaksála barra;

28ḳhatá kí qurbání ke liye ek bakrá;

29aur salámatí kí qurbání ke liye do bail, páṉch meṉḍhe, páṉch bakre, páṉch nar yaksála barre. Yih Helon ke beṭe Ilíáb ká hadya thá.

30Chauthe din Shadíúr ke beṭe Ilísúr ne, jo Rúbin ke qabíle ká sardár thá, apná hadya guzráná.

31Aur us ká hadya yih thá: maqdis kí misqál ke hisáb se ek sau tís misqál chándí ká ek tabáq, aur sattar misqál chándí ká ek kaṭorá; un donoṉ meṉ nazr kí qurbání ke liye tel milá húá maida bhará thá;

32das misqál sone ká ek chammach jo baḳhúr se bhará thá;

33soḳhtaní qurbání ke liye ek bachhṛá, ek meṉḍhá, ek nar yaksála barra;

34ḳhatá kí qurbání ke liye ek bakrá;

35aur salámatí kí qurbání ke liye do bail, páṉch meṉḍhe, páṉch bakre, páṉch nar yaksála barre. Yih Shadíúr ke beṭe Ilísúr ká hadya thá.

36Aur páṉchweṉ din Súríshaddaí ke beṭe Salúmíel ne, jo Shama‘ún ke qabíle ká sardár thá, apná hadya guzráná.

37Aur us ká hadya yih thá: maqdis kí misqál ke hisáb se ek sau tís misqál chándí ká ek tabáq, aur sattar misqál chándí ká ek kaṭorá; un donoṉ meṉ nazr kí qurbání ke liye tel milá húá maida bhará thá;

38das misqál sone ká ek chammach jo baḳhúr se bhará thá;

39soḳhtaní qurbání ke liye ek bachhṛá, ek meṉḍhá, ek nar yaksála barra;

40ḳhatá kí qurbání ke liye ek bakrá;

41aur salámatí kí qurbání ke liye do bail, páṉch meṉḍhe, páṉch bakre, páṉch nar yaksála barre. Yih Súríshaddaí ke beṭe Salúmíel ká hadya thá.

42Aur chhaṭe din Da‘úel ke beṭe Ilyásaf ne, jo Jadd ke qabíle ká sardár thá, apná hadya guzráná.

43Aur us ká hadya yih thá: maqdis kí misqál ke hisáb se ek sau tís misqál chándí ká ek tabáq, aur sattar misqál chándí ká ek kaṭorá; un donoṉ meṉ nazr kí qurbání ke liye tel milá húá maida bhará thá;

44das misqál sone ká ek chammach jo baḳhúr se bhará thá;

45soḳhtaní qurbání ke liye ek bachhṛá, ek meṉḍhá, ek nar yaksála barra;

46ḳhatá kí qurbání ke liye ek bakrá;

47aur salámatí kí qurbání ke liye do bail, páṉch meṉḍhe, páṉch bakre, páṉch nar yaksála barre. Yih Da‘úel ke beṭe Ilyásaf ká hadya thá.

48Aur sátweṉ din ‘Ammíhúd ke beṭe Ilísama‘ ne, jo Ifráím ke qabíle ká sardár thá, apná hadya guzráná.

49Aur us ká hadya yih thá: maqdis kí misqál ke hisáb se ek sau tís misqál chándí ká ek tabáq, aur sattar misqál chándí ká ek kaṭorá; un donoṉ meṉ nazr kí qurbání ke liye tel milá húá maida bhará thá;

50das misqál sone ká ek chammach jo baḳhúr se bhará thá;

51soḳhtaní qurbání ke liye ek bachhṛá, ek meṉḍhá, ek nar yaksála barra;

52ḳhatá kí qurbání ke liye ek bakrá;

53aur salámatí kí qurbání ke liye do bail, páṉch meṉḍhe, páṉch bakre, páṉch nar yaksála barre. Yih ‘Ammíhúd ke beṭe Ilísama‘ ká hadya thá.

54Aur áṭhweṉ din Fadáhsúr ke beṭe Jamlíel ne, jo Munassí ke qabíle ká sardár thá, apná hadya guzráná.

55Aur us ká hadya yih thá: maqdis kí misqál ke hisáb se ek sau tís misqál chándí ká ek tabáq, aur sattar misqál chándí ká ek kaṭorá; un donoṉ meṉ nazr kí qurbání ke liye tel milá húá maida bhará thá;

56das misqál sone ká ek chammach jo baḳhúr se bhará thá;

57soḳhtaní qurbání ke liye ek bachhṛá, ek meṉḍhá, ek nar yaksála barra;

58ḳhatá kí qurbání ke liye ek bakrá;

59aur salámatí kí qurbání ke liye do bail, páṉch meṉḍhe, páṉch bakre, páṉch nar yaksála barre. Yih Fadáhsúr ke beṭe Jamlíel ká hadya thá.

60Aur naweṉ din Jida‘úní ke beṭe Abidán ne, jo Binyamín ke qabíle ká sardár thá, apná hadya guzráná.

61Aur us ká hadya yih thá: maqdis kí misqál ke hisáb se ek sau tís misqál chándí ká ek tabáq, aur sattar misqál chándí ká ek kaṭorá; un donoṉ meṉ nazr kí qurbání ke liye tel milá húá maida bhará thá;

62das misqál sone ká ek chammach jo baḳhúr se bhará thá;

63soḳhtaní qurbání ke liye ek bachhṛá, ek meṉḍhá, ek nar yaksála barra;

64ḳhatá kí qurbání ke liye ek bakrá;

65aur salámatí kí qurbání ke liye do bail, páṉch meṉḍhe, páṉch bakre, páṉch nar yaksála barre. Yih Jida‘úní ke beṭe Abidán ká hadya thá.

66Aur dasweṉ din ‘Ammíshaddaí ke beṭe Aḳhí‘azar ne, jo Dán ke qabíle ká sardár thá, apná hadya guzráná.

67Aur us ká hadya yih thá: maqdis kí misqál ke hisáb se ek sau tís misqál chándí ká ek tabáq, aur sattar misqál chándí ká ek kaṭorá; un donoṉ meṉ nazr kí qurbání ke liye tel milá húá maida bhará thá;

68das misqál sone ká ek chammach jo baḳhúr se bhará thá;

69soḳhtaní qurbání ke liye ek bachhṛá, ek meṉḍhá, ek nar yaksála barra;

70ḳhatá kí qurbání ke liye ek bakrá;

71aur salámatí kí qurbání ke liye do bail, páṉch meṉḍhe, páṉch bakre, páṉch nar yaksála barre. Yih ‘Ammíshaddaí ke beṭe Aḳhí‘azar ká hadya thá.

72Aur gyárahweṉ din ‘Akrán ke beṭe Faja‘íel ne, jo Áshar ke qabíle ká sardár thá, apná hadya guzráná.

73Aur us ká hadya yih thá: maqdis kí misqál ke hisáb se ek sau tís misqál chándí ká ek tabáq, aur sattar misqál chándí ká ek kaṭorá; un donoṉ meṉ nazr kí qurbání ke liye tel milá húá maida bhará thá;

74das misqál sone ká ek chammach jo baḳhúr se bhará thá;

75soḳhtaní qurbání ke liye ek bachhṛá, ek meṉḍhá, ek nar yaksála barra;

76ḳhatá kí qurbání ke liye ek bakrá;

77aur salámatí kí qurbání ke liye do bail, páṉch meṉḍhe, páṉch bakre, páṉch nar yaksála barre. Yih ‘Akrán ke beṭe Faja‘íel ká hadya thá.

78Aur bárahweṉ din ‘Enán ke beṭe Aḳhíra‘ ne, jo baní Naftálí ke qabíle ká sardár thá, apná hadya guzráná.

79Aur us ká hadya yih thá: maqdis kí misqál ke hisáb se ek sau tís misqál chándí ká ek tabáq, aur sattar misqál chándí ká ek kaṭorá; un donoṉ meṉ nazr kí qurbání ke liye tel milá húá maida bhará thá;

80das misqál sone ká ek chammach jo baḳhúr se bhará thá;

81soḳhtaní qurbání ke liye ek bachhṛá, ek meṉḍhá, ek nar yaksála barra;

82ḳhatá kí qurbání ke liye ek bakrá;

83aur salámatí kí qurbání ke liye do bail, páṉch meṉḍhe, páṉch bakre, páṉch nar yaksála barre. Yih ‘Enán ke beṭe Aḳhíra‘ ká hadya thá.

84Mazbah ke mamsúh hone ke din, jo hadye us kí taqdís ke liye Isráílí raísoṉ kí taraf se guzráne gaye, wuh yihí the: ya‘ní chándí ke bárah tabáq, chándí ke bárah kaṭore, sone ke bárah chammach.

85Chándí ká har tabáq wazn meṉ ek sau tís misqál, aur har ek kaṭorá sattar misqál thá. In bartanoṉ kí sárí chándí maqdis kí misqál ke hisáb se do hazár chár sau misqál thí.

86Baḳhúr se bhare húe sone ke bárah chammach, jo maqdis kí misqál kí tol ke mutábiq, wazn meṉ das das misqál ke the; in chamchoṉ ká sárá soná ek sau bís misqál thá.

87Soḳhtaní qurbání ke liye kull bárah bachhṛe, bárah meṉḍhe, bárah nar yaksála barre apní apní nazr kí qurbání samet the; aur ḳhatá kí qurbání ke liye bárah bakre the;

88aur salámatí kí qurbání ke liye kull chaubís bail, sáṭh meṉḍhe, sáṭh bakre, sáṭh nar yaksála barre the. Mazbah kí taqdís ke liye, jab wuh mamsúh húá, itná hadya guzráná gayá.

89Aur jab Músá Ḳhudá se báteṉ karne ko ḳhaima e ijtimá‘ meṉ gayá, to us ne sarposh par se, jo shahádat ke sandúq ke úpar thá, donoṉ karúbíoṉ ke darmiyán se wuh áwáz suní, jo us se muḳhátib thí, aur us ne us se báteṉ kíṉ.