Numbers 26 — Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))

1Aur wabá ke ba‘d Ḳhudáwand ne Músá aur Hárún káhin ke beṭe Ilí‘azar se kahá, ki

2Baní Isráíl kí sárí jamá‘at meṉ bís baras aur us se úpar úpar kí ‘umr ke jitne Isráílí jang karne ke qábil haiṉ, un sabhoṉ ko un ke ábáí ḳhándánoṉ ke mutábiq gino.

3Chunáṉchi Músá aur Ilí‘azar káhin ne Moáb ke maidánoṉ meṉ, jo Yardan ke kanáre kanáre Yaríhú ke muqábil haiṉ, un logoṉ se kahá,

4ki Bís baras aur us se úpar úpar kí ‘umr ke ádmíoṉ ko waise hí gin lo, jaise Ḳhudáwand ne Músá aur baní Isráíl ko, jab wuh Misr ke mulk se nikal áe the, hukm kiyá thá.

5Rúbin, jo Isráíl ká pahlauṭhá thá us ke beṭe yih haiṉ, ya‘ní Hanúk, jis se Hanúkíoṉ ká ḳhándán chalá: aur Fallú, jis se Falwíoṉ ká ḳhándán chalá:

6aur Hasron, jis se Hasroníoṉ ká ḳhándán chalá: aur Karmí, jis se Karmíoṉ ká ḳhándán chalá.

7Yih baní Rúbin ke ḳhándán haiṉ: aur in meṉ se, jo gine gaye, wuh teṉtálís hazár sát sau tís the.

8Aur Fallú ká beṭá Ilíáb thá.

9Aur Ilíáb ke beṭe Namúel, aur Dátan, aur Abírám the. Yih wuhí Dátan aur Abírám haiṉ, jo jamá‘at ke chune húe the, aur jab Qorah ke faríq ne Ḳhudáwand se jhagṛá kiyá, to yih bhí us faríq ke sáth milkar Músá aur Hárún se jhagṛe:

10aur jab un ḍháí sau ádmíoṉ ke ág meṉ bhasam ho jáne se wuh faríq nábúd ho gayá, usí mauqa‘ par zamín ne muṉh kholkar Qorah samet un ko bhí nigal liyá thá, aur wuh sab ‘ibrat ká nishán ṭhahre.

11Lekin Qorah ke beṭe nahíṉ mare the.

12Aur Shama‘ún ke beṭe, jin se un ke ḳhándán chale, yih haiṉ, ya‘ní Namúel, jis se Namúelíoṉ ká ḳhándán chalá: aur Yamín, jis se Yamíníoṉ ká ḳhándán chalá: aur Yakín, jis se Yakíníoṉ ká ḳhándán chalá.

13Aur Zárah, jis se Zárahíoṉ ká ḳhándán chalá: aur Sáúl, jis se Sáúlíoṉ ká ḳhándán chalá.

14So baní Shama‘ún ke ḳhándánoṉ meṉ se báís hazár do sau ádmí gine gaye.

15Aur Jadd ke beṭe, jin se un ke ḳhándán chale, yih haiṉ, ya‘ní Safon, jis se Safoníoṉ ká ḳhándán chalá: aur Hajjí, jis se Hajjíoṉ ká ḳhándán chalá: aur Súní, jis se Súníoṉ ká ḳhándán chalá:

16aur Uzní, jis se Uzníoṉ ká ḳhándán chalá; aur ‘Erí, jis se ‘Eríoṉ ká ḳhándán chalá:

17aur Arúd, jis se Arúdíoṉ ká ḳhándán chalá: aur Arelí, jis se Arelíoṉ ká ḳhándán chalá.

18Baní Jadd ke yihí gharáne haiṉ. Jo in meṉ se gine gaye, wuh chálís hazár páṉch sau the.

19Yahúdáh ke beṭoṉ meṉ se ‘Er aur Onán to mulk i Kan‘án hí meṉ mar gaye.

20Aur Yahúdáh ke âur beṭe, jin se un ke ḳhándán chale, yih hain, ya‘ní Sílah, jis se Síláníoṉ ká ḳhándán chalá: aur Fáras, jis se Fárasíoṉ ká ḳhándán chalá: aur Zárah, jis se Zárahíoṉ ká ḳhándán chalá.

21Fáras ke beṭe yih haiṉ, ya‘ní Hasron jis se Hasroníoṉ ká ḳhándán chalá: aur Hamúl, jis se Hamúlíoṉ ká ḳhándán chalá.

22Yih baní Yahúdáh ke gharáne haiṉ. In meṉ se chhahattar hazár páṉch sau ádmí gine gaye.

23Aur Ishkár ke beṭe, jin se un ke ḳhándán chale, yih haiṉ, ya‘ní, Tola‘ jis se Tola‘íoṉ ká ḳhándán chalá: aur Fuwwah, jis se Fuwwíoṉ ká ḳhándán chalá.

24Yasúb, jis se Yasúbíoṉ ká ḳhándán chalá: Simron, jis se Simroníoṉ ká ḳhándán chalá.

25Yih baní Ishkár ke gharáne haiṉ. In meṉ se jo gine gaye, wuh chauṉsaṭh hazár tín sau the.

26Aur Zabúlún ke beṭe, jin se un ke ḳhándán chále, yih haiṉ, ya‘ní Sarad, jis se Saradíoṉ ká ḳhándán chalá; Ailon, jis se Ailoníoṉ ká ḳhándán chalá; Yahalíel, jis se Yahalíelíoṉ ká ḳhándán chalá.

27Yih baní Zabúlún ke gharáne haiṉ. In meṉ se sáṭh hazár páṉch sau ádmí gine gaye.

28Aur Yúsuf ke beṭe, jin se un ke ḳhándán chale, yih haiṉ, ya‘ní Munassí aur Ifráím.

29Aur Munassí ká beṭá Makír thá, jis se Makíríoṉ ká ḳhándán chalá: aur Makír se Jili‘ád paidá húá, jis se Jili‘ádíoṉ ká ḳhándán chalá.

30Aur Jili‘ád ke beṭe yih haiṉ, ya‘ní Í‘azar, jis se Í‘azaríoṉ ká ḳhándán chalá: aur Ḳhalaq, jis se Ḳhalaqíoṉ ká ḳhándán chalá:

31aur Asríel, jis se Asríelíoṉ ká ḳhándán chalá: aur Sikm, jis se Sikmíoṉ ká ḳhándán chalá:

32aur Samída‘, jis se Samída‘íoṉ ká ḳhándán chalá: and Hifr, jis se Hifríoṉ ká ḳhándán chalá:

33aur Hifr ke beṭe Siláfihád ke háṉ koí beṭá nahíṉ, balki beṭiyáṉ hí húíṉ, aur Siláfihád kí beṭiyoṉ ke nám yih haiṉ: Mahláh, aur Nú‘áh, aur Hujláh, aur Milkáh, aur Tirzáh.

34Yih baní Munassí ke gharáne haiṉ. In meṉ se jo gine gaye, wuh báwan hazár sát sau the.

35Aur Ifráím ke beṭe, jin se un ke ḳhándán chale, yih haiṉ, ya‘ní Sútalah, jis se Sútalahíoṉ ká ḳhándán chalá: aur Bakar, jis se Bakaríoṉ ká ḳhándán chalá: aur Tahan, jis se Tahaníoṉ ká ḳhándán chalá.

36Aur Sútalah ká beṭá ‘Írán thá, jis se ‘Íráníoṉ ká ḳhándán chalá.

37Yih baní Ifráím ke gharáne haiṉ. In meṉ se, jo gine gaye, wuh battís hazár páṉch sau the. Yúsuf ke beṭoṉ ke ḳhándán yihí haiṉ.

38Aur Binyamín ke beṭe, jin se un ke ḳhándán chale, yih haiṉ, ya‘ní Bála‘ jis se Bála‘íoṉ ká ḳhándán chalá: aur Ashbíl, jis se Ashbílíoṉ ká ḳhándán chalá: aur Aḳhírám, jis se Aḳhírámíoṉ ká ḳhándán chalá:

39aur Súfám, jis se Súfámíoṉ ká ḳhándán chalá: aur Húfám, jis se Húfámíoṉ ká ḳhándán chalá.

40Bála‘ ke do beṭe the, ek Ard, jis se Ardíoṉ ká ḳhándán chalá: dúsrá Na‘mán, jis se Na‘máníoṉ ká ḳhándán chalá.

41Yih baní Binyamín ke gharáne haiṉ. In meṉ se, jo gine gaye, wuh paiṉtálís hazár chha sau the.

42Aur Dán ká beṭá, jis se us ká ḳhándán chalá, Súhám thá. Us se Súhámíoṉ ká ḳhándán chalá. Dáníoṉ ká ḳhándán yihí thá.

43Súhámíoṉ ke ḳhándán ke, jo ádmí gine gaye, wuh chauṉsaṭh hazár chár sau the.

44Aur Áshar ke beṭe, jin se un ke ḳhándán chale, yih haiṉ, ya‘ní Yimnah, jis se Yimníoṉ ká ḳhándán chalá: aur Iswí, jis se Iswíoṉ ká ḳhándán chalá: aur Barí‘áh, jis se Barí‘áhíoṉ ká ḳhándán chalá.

45Baní Barí‘áh yih haiṉ, ya‘ní Hibr, jis se Hibríoṉ ká ḳhándán chalá; aur Malkíel, jis se Malkíelíoṉ ká ḳhándán chalá.

46Aur Áshar kí beṭí ká nám Sárah thá.

47Yih baní Áshar ke gharáne haiṉ, aur jo in meṉ se gine gaye, wuh tirpan hazár chár sau the.

48Aur Naftálí ke beṭe, jin se un ke ḳhándán chale, yih haiṉ, ya‘ní Yahasíel, jis se Yahasíelíoṉ ká ḳhándán chalá: aur Júní, jis se Júníoṉ ká ḳhándán chalá:

49aur Yisr, jis se Yisríoṉ ká ḳhándán chalá: aur Salím, jis se Salímíoṉ ká ḳhándán chalá.

50Yih baní Naftálí ke gharáne haiṉ, aur jitne in meṉ se gine gaye, wuh paiṉtálís hazár chár sau the.

51So baní Isráíl meṉ se jitne gine gaye, wuh sab milákar chha lákh ek hazár sát sau tís the.

52Aur Ḳhudáwand ne Músá se kahá,

53In hí ko, in ke námoṉ ke shumár ke muwáfiq, wuh zamín mírás ke taur par báṉṭ dí jáe.

54Jis qabíle meṉ ziyáda ádmí hoṉ, use ziyáda hissa mile, aur jis meṉ kam hoṉ, use kam hissa mile. Har qabíle kí mírás us ke gine húe ádmíoṉ ke shumár par mauqúf ho.

55Lekin zamín qur‘a se taqsím kí jáe. Wuh apne ábáí qabíloṉ ke námoṉ ke mutábiq mírás páeṉ.

56Aur ḳhwáh ziyáda ádmíoṉ ká qabíla ho, yá thoṛoṉ ká, qur‘a se un kí mírás taqsím kí jáe.

57Aur jo Láwíoṉ meṉ se apne apne ḳhándánoṉ ke mutábiq gine gaye, wuh yih haiṉ, ya‘ní Jairson se Jairsoníoṉ ká gharáná; Qihát se Qihátíoṉ ká gharáná; Mirárí se Miráríoṉ ká gharáná.

58Aur yih bhí Láwíoṉ ke gharáne haiṉ, ya‘ní Libní ká gharáná, Habrún ká gharáná, Mahlí ká gharáná, aur Múshí ká gharáná, aur Qorah ká gharáná. Aur Qihát se ‘Amrám paidá húá.

59Aur ‘Amrám kí bíwí ká nám Yúkabid thá, jo Láwí kí beṭí thí, aur Misr meṉ Láwí ke háṉ paidá húí: isí ke Hárún aur Músá aur un kí bahin Maryam ‘Amrám se paidá húe.

60Aur Hárún ke beṭe yih the: Nadab, aur Abíhú, aur Ilí‘azar, aur Itamar.

61Aur Nadab aur Abíhú to usí waqt mar gaye, jab unhoṉ ne Ḳhudáwand ke huzúr úparí ág guzrání thí.

62So un meṉ se jitne ek mahíne aur us se úpar úpar ke narína farzand gine gaye wuh teís hazár the. Yih baní Isráíl ke sáth nahíṉ gine gaye, kyúṉki in ko baní Isráíl ke sáth mírás nahíṉ milí.

63So Músá aur Ilí‘azar káhin ne jin baní Isráíl ko Moáb ke maidánoṉ men, jo Yardan ke kanáre kanáre Yaríhú ke muqábil haiṉ shumár kiyá, wuh yihí haiṉ.

64Par jin Isráílíoṉ ko Músá aur Hárún káhin ne dasht i Síná meṉ giná thá, un meṉ se ek shaḳhs bhí in meṉ na thá,

65kyúṉki Ḳhudáwand ne un ke haqq meṉ kah diyá thá, ki Wuh yaqínan biyábán meṉ mar jáeṉge. Chunáṉchi un meṉ se, siwá Yufannah ke beṭe Kálib, aur Nún ke beṭe Yashú‘ ke, ek bhí báqí nahíṉ bachá thá.