bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
2 Chronicles 13
2 Chronicles 13
Zande
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 14 →
1
Ti gu 18 garã zogarago nangia ga Bakindo Yerobama Abiya atona zoga rago Yuda yo.
2
Ko azogo rago Yerusarema yo tipa garã biata. Rimo nako angia Mikara wiri Uriere boro Giba. Vura anye dagba aAbiya na Yerobama.
3
Abiya ki tangara rikaavura nangia nyanyaki aboro sa sovura, nangia siasia akumba wa 400,000. Yerobama ki tangara aboro vura kuti Rabama ni siasia akumba wa 800,000 naadu ni airanyaka ni kangará aboro.
4
Abiya ki ru ri Bagangara Semaraima nga gu du ringara abagangara Efuraima yo, ki ya, “Ako Yerobama, mo gí gi pai na aYisaraere dunduko!
5
Oni arengba nga ka ina gi pai re nga Yekova nga ga aYisaraere Mbori fu ngbi fu Dawidi ku ri aYisaraere nye anye kindi, fu kina ko na fu awiriko ni mokido nga ga tikpo, te?
6
Ono Yerobama wiri Nebota aguari, nangia vuru Soromo wiri Dawidi, ka sa mungu kuti gako gbia;
7
ko ki dungura aboro koyo du ko ni aruga nga tiyo na pai ya, nangia awiri gbegberẽ sino aboro nga agu yo nanyakasa tiyo kuti Rabama wiri Soromo, ho Rabama adu ni ni paranga naaruga nga tiko na pai ya ka ko arengba nga na dia be yo ya.
8
“Awere oni naberã za pa ga Yekova ngbi be awiri Dawidi, bambiko wa du oni ni babakere rimbasa aboro, kpia wiri abagara ni dahabu du be roni nga gu Yerobama amangi he fu roni ni gaoni ambori.
9
A nga oni nado ga Yekova aboromotumo, nangia awiri Arona, na aRevi a, ki sa aboromotumo fu roni akia kuti sino agu aboro nga ga kura aringara te? Si du gu ni ka ye ka kpara tini na paranga abaabagara na abaakandoro saba, ni ka ngia boromotumo nga ga agu ahe angia nga ambori ya.
10
Ono tipa rani, Yekova nga gaani Mbori, ani ambu nga ko te. Ani du na aboromotumo be rani namanga pa Yekova nga awiri Arona, na aRevi tipa pa gayo sunge.
11
I ninazo zozo amotumo na wene fuõngua na awiso na anyemu fu Yekova, i ninamaa kpokuta yugopai ni ringbisiringbisi he auru mbisa du ni gigiri dahabu; ki nibanda pa abaduawe du ni dahabu na gaha awe si nikĩ na anyemu; bambiko ani naka kuti gu rugapai nga ga Yekova gaani Mbori, ono oni mbu ko.
12
Oni ngeére, Mbori du na ani ku ri rani a, na gako aboromotumo na ambanya be yo nga ga tingidapai ka vuda pa tingidapai kuti roni. Ako awiri aYisaraere, ka oni só nga vura kuti Yekova ya, nga ga abaroni Mbori; bambiko oni adia nga be vura te.”
13
Ono Yerobama aru nguru na gako aboro ka ye gii yo yo; si du i adu ti ni kina barangba aboro aYudo, arunguru ki du ku gii yo yo.
14
Ho aboro aYudo angere ni ku gii yo yo, oni ngére, vura adu ku barangba yo na ku gii yo yo a; i ki kpari fu Yekova, aboromotumo ki vu ambanya.
15
Aboro aYudo ki ngbiko. Wa aboro aYudo angbiko, Mbori ki mangi Yerobama na aYisaraere dunduko barangba Abiya na aboro aYudo.
16
Awiri aYisaraere ki oro be aboro aYudo, Mbori ki fu aYisaraere ku be aYudo.
17
Abiya na gako aboro ki imi yo aimo ni bakere imo aboro; si du aYisaraere ki kpi wa siasia akumba 500,000.
18
Ti gu rago re aYudo ki zogo aYisaraere, aboro aYudo ki di be yo bambiko i akida kuti Yekova, ga abayo Mbori.
19
Abiya ki nido fuo Yerobama, ki rogo abaakporo be ko, nga Betere na gaha akporo, Yesana na gaha akporo, na Efurona na gaha akporo.
20
Yerobama adu nga na ome berewe ti gu i ago nangia ga Abiya te; Yekova ki mangi ko, ko ki kpi.
21
Ono Abiya ki nyaki anyaka na ome. Ko ki rogo ade 14, ki batika akumbagude 22, na adegude 16.
22
Kura ga Abiya mangaapai, na pa gako apai, na gako gumbapai, si ni keke he rogo gu pekapai nga ga Ido nga nebi.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36