2 Chronicles 31

Zande

← Chapter 30 Jump to: Chapter 32 →

1Were ho agi apai anyasi ni dunduko re, agu aYisaraere nadu ho i ki ndu ku rogo agu abaakporo nga ga aYudo ki kuadi agu aduadua ambia nadu yo rukutu, ki dedewe aAsera nga ngbama ku sande ki kuadi tumbatumba arago na abamotumo Yuda yo dunduko na Benyamina yo, na Efuraima yo na Manase yo a, daho i agbarasi he ni dunduko. Awiri aYisaraere ki karaga tiyo dunduko, aboro ni ba sa sa kina ku kpuyo yo, ku rogo gayo abaakporo.

2Izikiya ki ringbisi ga aboromotumo arika na ga aRevi, wa pa gayo sunge adu, aboro ni ba sa sa kina kuti gayo mangapai, aboromotumo na aRevi a, tipa zozo amotumo na amotumo zereda, ka amanga pa ha na ka afu atambuahe na ka asambua he pa angbadimo ga Yekova bataya.

3Ko aringbisi bete ga bakindo ahe a tipa zozo amotumo: tipa ga wiso na ga nyemu zozo amotumo, na gu zozo amotumo du tipa asabiti, na tipa fogo adiwi, na tipa ringbisiringbisi apumbo, a wa du he ni keke he rogo ga Yekova rugute.

4Ko ki rugu apai a fu agu aboro nanaraka Yerusarema yo ya i fu bete gayo ahe tipa ga aboromotumo apai na ga aRevi, i ki rengbe ka fu tiyo sa manga ga Yekova rugute.

5Wa gu rugute ada koyo du yo ni re, awiri aYisaraere ki fu makawa zuzu ahe kpaima nga ga zende ahe, na imekakue, na nzeme, na nzeme anyege, na agu ahe naida ati yo dunduko; i ki ye na gu sa dagba bawe a, nga ga ahe dunduko kpaima.

6Agu awiri aYisaraere na agu aYudo nanaraka rogo abaakporo yo nga ga aYudo, i ki ye a na sa dagba bawe nga ga abaabagara na akandoro, na gu sa dagba bawe nga ga kparakpara ahe naadu ni kparakpara ha fu Yekova gayo Mbori. I ki ba ha ni guguda ha

7I atona ba guguda ha ti biata diwi, ki nyasi he ti saba diwi.

8Ho Izikiya aye ni ki bi aguguda ha na abazogo, i asambua Yekova na gako aboro nga aYisaraere a.

9Izikiya ki sana aboromotumo na aRevi tipa gu guguda ahe re.

10Azaraya nangia baira aboromotumo, ni ngbatunga Sadoka, ki karaga ha fu ko ki ya, “Wa aboro atona ka fu gayo tumbatumba gamaahe ku rogo ga Yekova bambu yo ani ari riahe ki du na gu rengbe arengba, ki mbu bakere he a; bambiko Yekova fu maku fu gako aboro, si du gu nanye nga gi bakere dungu he re.”

11Izikiya ki rugu yo i mbakadi avuru bambu rogo ga Yekova bambu yo. I ki mbakadi he.

12I ki ye na tumbatumba gamaahe na gu nga sa dagba bawe na kparakpara ahe nzunzu. Konania adu ku ri yo nangia boro Revi ni bazogo, Simi nangia wirinako ki du ni ue ko;

13Yiere ki du ni babiapai, na Azazaya, na Nata, na Asaere, na Yerimota, na Yozabada, na Eriere, na Yisemakaya, na Mata, na Benaya, i adu ni ababiapai ku tii be Konania na Simi nangia wirinako, ku sangba ga Izikiya ringbisapai nga bakindo na Azaraya bazogo ga mbori bambu.

14Kore wiri Yimena boro Revi, nangia babandarago ti ngbadimo ku uroyo, ko adu ku ri gu gamunihe i afu zaza ni nyemuhe fu Mbori, ka kparaka gu tumbatumba gamaahe nga ga Yekova na gu kparakpara ziazia ahe susi.

15Edene adu ku tii be ko, na Mineyamina, na Yesua, na Semaya, na Amaraya, na Sekania rogo ga aboromotumo bakporo, na rogo gayo ringbisiringbisi asunge, ka kparaka he fu awirinayo ni barikayo, fu ba kikindigi pa yo na fu umba pa yo a,

16gbiakuti agu yo i agedi yo ni ngbatunga nga akumba, tona ti agu yo garãyo adu biata ka ndu ku mbata yo, nga agu aboro dunduko narima ku rogo ga Yekova bambu yo, rengbe na gu sunge nga ga gu uru, tipa gayo mangapai rogo gayo ringbisiringbisi sunee ni ba sa sa, kina kuti gayo arika.

17Agu yo i agedi yo ni ngbatunga aboromotumo i adu kina kuti angbatunga abayo; na aRevi tona ti 20 garã ka ndu ku mbata yo rogo gayo ringbisiringbisi sunge, a wa du gayo arika.

18I agedi aboromotumo ti angbatungayo na nikutu awiriyo dunduko, na adiayo, na awiriyo nga akumba, na awiriyo nga ade, nga rimbasa yo dunduko; bambiko rogo gayo ringbisiringbisi sunge i anakpara tiyo rogo ziazia pai nzunzu.

19Si adu wo a tipa awiri Arona nangia aboromotumo, nangia agu yo nadu aati yo, ringara abanambu yo nga ga gayo abaakporo. Aboro adu rogo agu aoaakporo yo i nayamba yo ti kina mnoyo ka kparaka bete ahe fu akumba dagba aboromotumo yo na fu agu yo i agedi vo ti ngbatungayo dagba aRevi yo.

20Were Izikiya amangi rogo Yuda dunduko; ko ki mangi gu pai nangba angba ni gu nadu ni ruru he ki du ni yososopai ku bangiri Yekovagako Mbori.

21Agu asu nge dunduko ko atona manga ha rogo manga pa ga Mbori bambu ku sangba rugute yo na andika, ka gbata gako Mbori, ko amangi he na kpotoko yo dũ ko ki u rogo ho.

← Chapter 30 Jump to: Chapter 32 →