bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
2 Chronicles 24
2 Chronicles 24
Zande
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 25 →
1
Garã Yoasa adu saba ho ko atona zoga rago ni, ko ki zogo rago garã ki du 40 Yerusarema yo; rimo nako nangia Sibaya ni boro Bera-saba.
2
Yoasa ki mangi gu pai naru aru bangiri Yekova ti gu rago dunduko Yoyada boromotumo adu ho.
3
Yoyada ki rogo ade fu ko ue, ko ki batika akumbagude na adegude.
4
Fuo gure, Yoasa ki niberẽ pa mbakada ga Yekova bambu berewe.
5
Ko ki dungura aboromotumo na aRevi, ki ya fu yo, “Oni ndú ku rogo agu abaakporo du Yuda yo, ka dungura marã be aYisaraere dunduko ka mbakada ga gaani Mbori bambu na ni na garã na agarã. Oni ki bi he ya oni ípisi gu pai re.” Ono ka aRevi aipisa nga ha ya.
6
Bakindo ki yambu Yoyada nangia baira aboromotumo, ki ya fu ko, “Tipagine mo asana nga aRevi ti ni i ye na marã rũhe Yuda yo na Yerusarema yo nga gu Mose ga Yekova moyambu arugu pa ha na be gbuu aYisaraere tipa bamburoko dezirepai ya?”
7
Bambiko awiri Ataraya, gu gbegberẽ de re, i akuadi ga Mbori bambu; na gu kparakpara ahe dunduko nangia ga ga Yekova bambu i amangi apai na ni fu aBara.
8
Si du bakindo ki rugu pai, i ki mbakadi sanduki igamarã, ki moi he zegi pangbadimo ga Yekova bambu.
9
I ki taki pande he rogo Yuda na Yerusarema yo, ya i ye na gu rũhe tipa Yekova Mose ga Mbori moyambu agumba pa ha fu aYisaraere ngbakungba yo.
10
Abazogo dunduko na aboro ki ningi ki ye na gayo marã rũhe ki nibafu he ku sanduki igamarã yo, daho i adigisi pa ha ni dunduko.
11
Ho aRevi aniye ni na sanduki igamarã fu ga bakindo abairasunge, i ki bi he ya bakere marã du yo, ga bakindo bakeapai na ga gbia aboromotumo barumbatayo aniye ka zaka gu sanduki igamarã re ki rogo marã yo ki karaga sanduki ku ba ha yo berewe. Wo i anamanga na uru na uru, ki dungura marã adungura kpaima.
12
Bakindo na Yoyada ki fu ra fu agu yo nadu ku ri sunge ga Yekova bambu, i ki ngbe abaduabambu na ami na abasekengua ka mbakada ga Yekova bambu berewe, na agu yo a namanga sunge na marã na sirigi i bungia ga Yekova bambu.
13
Si du aborosunge ki nimangi sunge, sunge bungia bambu ki nindu be yo wenengaĩ, i ki dua ga Mbori bambu berewe ku ba ha a wa si adu mbata ki nyakasi he.
14
Ho i adigisi paha ni, i ki ye na yangara marã ku bara bangiri bakindo na Yoyada, i ki mangi aúsunge rogo ho tipa ga Yekova bambu, nga aũsunge sa mangapai na tipa zozo amotumo, na abaarikare, na aũsunge ni dahabu na feda. I ki nizo zozo amotumo rogo ga Yekova bambu yo kindi ti agu arago dunduko nangia ga Yoyada.
15
Ono Yoyada agbinza, rameko ki rengbe, ko ki kpi; garãko adu 130 ho ko akpi ni.
16
I ki kpisidi ko rogo gu bakporo nga ga Dawidi ku dagba abakindo yo, bambiko ko amangi wenepai ringara aYisaraere yo, fu Mbori na tipa gako bambu a.
17
Tuo kpio Yoyada abazogo ki ye nga ga Yuda yo, ki fu irisa fu bakindo; bakindo ki gi payo.
18
I ki mbu ga Yekova bambu nga ga abayo Mbori, ki nimangi pa aAsera nga ngbama na kpiahe. Zinga ki ye ku ri aYudo na ku ri aboro Yerusarema tipa gi gayo tiandika re.
19
Ono Yekova ki nikedi anebi kindi koyo du yo ni, i káraga yo berewe koyo du Yekova ni; i ki yugu go gayo pai fu yo, ono i akpi nga nyemu ka dega tuyo fu yo te.
20
Ga Mbori Toro ki ye ku ri Zekaraya wiri Yoyada boromotumo. Ko ki ru ku ari fu aboro, ki ya fu yo, “Ya Mbori wẽ, ‘Tipagine oni agu auru ga Yekova andika ti ni, ka oni arengba nga ka u ya? Bambiko wa oni ambu Yekova, ko mbu roni a.’ ”
21
Aboro ki ta bura Zekaraya, ki sopo ko ni ambia ku sangba bakindo yo, rogo vurukporo ga Yekova bambu.
22
Si du Yoasa nangia bakindo atingida nga pa gu weneringise Yoyada ba Zekaraya amangi he fu ko te, ono ko ki imi wiriko. Ho Zekaraya akpi ni, ko ki ya, “Yekova bí he, ki iri bape he!”
23
Ti digida garã gu rimbasa aborosovura nga ga aSurio ki ye na vura kuti Yoasa. I ki ye ku Yuda yo na Yerusarema yo, ki gbarasi abazogo aboro dunduko du dagba aboro yo, ki kedi gayo gbugbu ahe fu bakindo Damaseke.
24
Zavura gu rimbasa aborosovura nangia ga aSurio yo aye ni kina umba yo, Yekova ki fu bakere rimbasa aboro ku be yo, bambiko wa i ambu Yekova, nga ga abayo Mbori. Si du i asari ngbanga ti ni kuti Yoasa.
25
Ho aSurio aguari ni pati ko, bambiko i ambu ko na bakere oro, gako amoyambu ki ta bura ko tipa kure gu wiri Yoyada nangia boromotumo, ki imi ko kina ku auru gako barame. Ko ki kpi; i ki kpisidi ko rogo gu bakporo nangia ga Dawidi, ono i akpisida nga ko rogo ga abakindo murã yo te.
26
Agu yo nata bura ko i nangia Zabada wiri de rimori angia Simata boro Amona, na Yozabada wiri de rimori angia Simerita boro Moaba.
27
Were tipa pa awiriko, na pa gu badungu apai i amoi ku ri ko, na pa bungia ga Mbori bambu berewe si ni keke he rogo Kitabu Peka pa Abakindo. Amasaya nangia wiriko ki zogo rago ku ba ko.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36