bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
2 Chronicles 26
2 Chronicles 26
Zande
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 27 →
1
Aboro aYudo dunduko ki di Uziya, ki moi ko ni bakindo ku ba bako nangia Amasaya, ho garãko adu ni 16.
2
Ko ki dua Erota ki karaga ha fu Yuda, fuo kpi bakindo fuo atitako.
3
Garã Uziya adu 16 ho ko atona zoga rago ni, ko ki zogo rago Yerusarema yo tipa garã 52. Rimo nako nangia Yekiraya ni boro Yerusarema.
4
Ko ki nimangi gu pai naru aru bangiri Yekova, a wa kina agu apai dunduko bako anamanga nangia Amasaya.
5
Ko ki fu tiko ka gbata Mbori rago Zekaraya, nangia gu ko naaruga ko rogo gunde ti Mbori. Ho ko agbata Yekova ni, Mbori anausa gako apai.
6
Ko ki ndu ka so vura kuti aFereseto, ki kuadi ngapa bakporo Gata na ngapa bakporo Yabene na ngapa bakporo Asedodo. Ko ki dudua abaakporo ringara Asedodo yo na dagba aFereseto yo a.
7
Mbori ki unda ko kuti aFereseto, na kuti aboro Araba nga agu yo nanaraka Gurabara yo, na kuti aMuna.
8
Aboro Amona ki nirũ he fu Uziya, pande wo rimoko ki gbandaka agbandaka tuturũ daku bangbanda Ezipeta yo, bambiko ko anyaki anyaka bakere gbe.
9
Uziya ki dudua kirikiri agbata Yerusarema yo pati Ngbadimo Tukpuhe na ti Ngbadimo Ngboongboorago a, na yo ndugu bakporo asa tihe ni, ki me he nyanyaki.
10
Ko ki dudua kirikiri agbata ngbakungba yo, ki geteke dungu aguga, bambiko bakere zogozogo anya adu be ko rogo ngboongboorago na kpasakpasa rago yo a. Ko adu na ababandaati na abambakadi bakakue ri abaagangara yo na rogo ringara idiidi ahe yo a, bambiko ko akpi nyemu sunge ati.
11
Uziya adu na rimbasa aborosovura a, narengbe tipa sovura, arikayo adu kuti gedigedi yo wa Yiere agedi yo nangia bakeapai na Maseya nangia barumbatayo, ku tii be Anania, gu ga bakindo barutirivura sa.
12
Gu gedigedi abarumbatayo dunduko ku ri angbatunga abayo nangia airanyaka ni ngangarã aboro i adu wa aboro 2,600.
13
Rikavura adu ku tii be yo i ayugu pa sovura fu yo, wa aboro 307,500, narengbe naso vura na bakere ome, ka unda bakindo kuti avurako.
14
Uziya ki mbakadi avurakube tipa rimbasa vura dunduko, na abaso, na akpakpari marã, na marã banda ngbaduse, na amboto, na ambia tipa ba barioko.
15
Ko ki mangi amasini Yerusarema yo, aboro birĩ asangi manga ha, si du ti kirikiri agbata na ti ngbaho abambu yo, ka bafa aguanza na ni na bakere ambia a. Pande wo rimoko ki gbandaka agbandaka tuturũ, bambiko i aunda ko ni iiriwo ho, daho ko adu ni nyanyaki.
16
Ono ho ko adu ni nyanyaki kpotoko yo ki du na abiatise, ko mangi pai sa gbarasa tiko. Ko ki basa pa Yekova nga gako Mbori, bambiko ko andu ku rogo ga Yekova yekaru yo ka zo fuõngua ri bamotumo zo fuõngua.
17
Ono Azaraya boromotumo ki rimi fuo ko koyo, na aboromotumo 80 fuo ko, nga ga Yekova yo, nangia agu yo nangia eerẽ aboro.
18
I ki za Bakindo Uziya, ki ya fu ko, “Ga pai nga ha te, Uziya, ka zo fuõngua fu Yekova, ono si tipa aboromotumo nga awiri Arona, agu yo i akpara yo i nizo fuõngua. Mo kúru rogo kparakpara ba yo; bambiko mo ti ndika gbegberẽ, irisa adú nga foro be Yekova ga Mbori mbiko gi pai te re.”
19
Uziya ki du na zinga. Ko adu na ũzokingire beko tipa zo fuõngua rogo ho. Ho ko adu ni na zinga kuti aboromotumo, ngbataka ki kuru ngbandia kpakpuko ni ba sa, ku bangiri aboromotumo rogo ga Yekova bambu yo, pati bamotumo zo fuõngua.
20
Azaraya nangia baira aboromotumo, na aboromotumo dunduko, ki ngere ka bi ko, ki bi ko na ngbataka ngbandia kpakpuko I ki tutura ko yo gburungagburunga, ii, ko ni tiko ki ipisi tiko ka kura, bambiko Yekova mangi ko.
21
Bakindo Uziya ki du ni boro ngbataka dati rago kpioko, ki niraki ni sa ko rogo kparakpara bambu, wa ko adu ni kina boro ngbataka, bambiko i akpara ko ku sa yo ti ga Yekova bambu. Wiriko nangia Yotama adu ku ri ga bakindo aborokporo, ki ni zogo aboro ringara.
22
Were kura ga Uziya apai, bambata ha na yangara ha, Yesaya ake pa ha nangia nebi nangia wiri Amosa.
23
Si du Uziya ki kpi fuo atitako, i ki kpisidi ko fuo atitako rogo bakpisida aboro yo nga ga abakindo, bambiko i aya, “Ko nga boro ngbataka.” Yotama nangia wiriko ki zogo rago ku ba ko.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
Recommended Reading
Commentary
2 Chronicles Commentaries
→
Devotional
2 Chronicles Devotional Guide
→
Get This Bible
Zande Study Bible
→