Romans 3

Ahirani (आहिराणी नवा करार) - No Year

← Chapter 2 Jump to: Chapter 4 →

1जर कदी परमेश्वर यहुदीस्ले सुंता नि दशा मा स्वीकार नई करत त मंग यहुदी होवा मुळे काय बडाई व सुंता कण काय फायदा?

2हा एना फायदा शे, सर्वास्तून खास हय कि परमेश्वर ना वचन तेस्ले सोपामा उनात.

3जरी तेस्ना मधून काही विश्वासघाती निघनात बी त काय हुईन? काय तेस्ले विश्वासघाती होवा मुळे परमेश्वर नि विश्वास योग्यता समाप्त हुई जाईन?

4कदीच नई. परमेश्वर खरा आणि प्रत्येक माणुस खोटा ठरो, जस कि शास्त्र मा लिखेल शे, “जेना कण तू आपली गोष्टीस्मा धर्मी ठरो आणि न्याय कराना टाईम ले तू विजय होवो.”

5एनासाठे कदी आमना अधर्म ना काम परमेश्वर नि धार्मिकता ले दाखाळतस, त आमी काय सांगुत? काय परमेश्वर न रागे भरण आणि आमले दंड देन चूकीन शे? (मी असा माणुस ना दृष्टीकोन कण सांगी ऱ्हायनु.)

6कदीच नई. कदी परमेश्वर आमी यहुदीस्ना न्यायच धर्म कण नई कराव त तो जग ना लोकस्ना न्याय कसा करीन?

7कदी कोणी सांगो कि, “मनी खोटी गोष्ट मुळे परमेश्वर नि सत्यता प्रगट हुयेल शे आणि तेना कण परमेश्वर ले जास्त गौरव भेटेल शे, त परमेश्वर कसा मले पापी ठराईसन दंड देवू सकस?”

8जर अशी गोष्ट शे, त मंग आमले वाईट करू द्या, एनासाठे कि चांगल हुई सको, काही लोकस्नी मनी निंदा करतांना मनावर दोष लावा कि मी असाच शिकाळस, ज्या मना बारामा असा सांगतस न्याय प्रमाणे तेस्ले दंडीत घोषित करन बरोबर शे.

9त, काय आमी यहुदी दुसरास्नी तुलना मा जास्त चांगली स्थिती मा शेतस? कदीच नई, कारण कि आमी हवू आरोप लाई दियेल शेतस कि सर्वा, भले त्या यहुदी राहोत कि बिगर यहुदी, पाप ना आधीन शेतस,

10जस कि लिखेल शे, “कोणीच धर्मी नई शे, एक बी नई,

11कोणीच समजदार नई, कोणीच परमेश्वर ले वयखणारा नई.

12सर्वा परमेश्वर पासून दूर हुई ग्यात, सर्वान-सर्वा वायबार हुई जायेल शेतस, कोणीच चांगल करणार नई, एक बी नई.

13तेस्ना गोष्टी उधळेल कबर नि वास ना सारखा गंध्या शेतस. तेस्ना जीप खोटी गोष्टीस कण भरेल शेतस, तेस्ना शब्द विषारी साप ना विष ना सारखा शेतस जेना कण नुकसान होस.

14तेस्ना तोंड कण कायम कळू आणि श्राप नाच गोष्टी निघतस.

15त्या नुकसान पोहोचाळा मा आणि हत्या करासाठे उतावळा शेतस.

16त्या जठे कोठे बी जातस सर्व काही खराब करी टाकतस आणि विपत्ती लयतस.

17तेस्ले शांती कण जीवन व्यतीत करन नई माहिती.

18आणि नईत त्या परमेश्वर ले भ्यावाले शिकेल शेतस.”

19आमले माहित शे कि मोशे ना नियम जे काही सांगस, ते त्या लोकस्ले सांगस, ज्या नियम ना आधीन शेतस, एनासाठे कि सर्वा माणसस्ले ढोंग करा पासून रोका मा येवो आणि परमेश्वर समोर पुरा जग दंड ना योग्य मानामा येवो.

20कारण कि मोशे ना नियम ना गोष्टीस्ना पालन करा मुळे कोणी बी माणुस परमेश्वर समोर धर्मी नई ठराव, एनासाठे कि मोशे ना नियम ना द्वारे हय साबित हुई जास कि आमनी पाप करेल शे.

21पण आते बिगर नियम ना गोष्टीस्ना पालन करत परमेश्वर नि आमले धर्मी ठरायेल शे, आणि हय गैरा टाईम पहिले मोशे ना नियम मा आणि भविष्यवक्तास्नी पुस्तकस्मा लिखामा एयेल शे.

22परमेश्वर नि लोकस्ले येशु ख्रिस्त वर विश्वास कराना द्वारे धर्मी ठरायेल शे. परमेश्वर त्या सर्वा लोकस साठे असा करस ज्या ख्रिस्त वर विश्वास करतस, कारण कि आते कोणताच भेद-भाव नई ऱ्हायना.

23कारण कि सर्वास्नी पाप करेल शे, आणि सर्वा परमेश्वर नि महिमा पासून दूर हुई जायेल शेतस.

24पण परमेश्वर नि कृपा ना द्वारे जी ख्रिस्त येशु मा शे, तेनी आमले आमना पापस्ना दंड पासून सोळाईसन धर्मी ठरायेल शे.

25तेले परमेश्वर नि ख्रिस्त ना रक्त मुळे असा प्रायश्चित्त ठरावना, जो विश्वास करा कण कार्यकारी होस, कि ज्या पाप पहिले करामा उनात आणि जेस्ना वर परमेश्वर नि आपली सहनशीलता मुळे ध्यान नई दिधा. तेस्ना विषय मा तो आपली धार्मिकता प्रगट करो.

26पण चालू टाईम मा तो तेस्ना पापस्ले निपटस एनासाठे कि तो आपली धार्मिकता ले प्रगट करी सको. अस करीसन परमेश्वर हय दाखाळस कि तो स्वता धर्मी शे आणि त्या सर्वास्ले धर्मी ठरावस ज्या येशु वर विश्वास करतस.

27त मंग, आमना गर्व न काय हुईन? तेना बहिष्कार करामा ईजायेल शे. अस कोणता सिद्धांत ना द्वारे हुयन, काय हय एनासाठे हुयन कि आमनी नियम ना गोष्टीस्ना पालन कर? नई. पण हय येशु वर विश्वास करा मुळे हुयन.

28कारण कि आमी असा मानतस कि माणुस मोशे ना नियम ना गोष्टीस्ना पालन कराना द्वारे नई पण विश्वास ना द्वारे धर्मी ठरस.

29काय परमेश्वर फक्त यहुदीस्ना परमेश्वर शे? काय तो बिगर यहुदीस्ना बी परमेश्वर नई? निश्चित तो बिगर यहुदीस्ना बी परमेश्वर शे.

30कारण कि फक्त एकच परमेश्वर शे, जो सुंता करावणारा यहुदीस्ले तेस्ना विश्वास ना आधार कण धर्मी ठराईन आणि त्याच विश्वास ना द्वारे बिगर यहुदी बी जो बिगर सुंता ना शे धर्मी ठरावामा ईन.

31त, काय आमी ह्या विश्वास ना द्वारे मोशे ना नियमले रद्द करतस? कदीच नई. पण आमी मोशे ना नियमले स्थिर करतस.

← Chapter 2 Jump to: Chapter 4 →