1 Kings 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1سَرْكِے دَاوُدَ كُوَ يَڟُوڢَ، شٜىٰكَرُنْسَ كُمَ سُنْيِيَوَ، بَيْ عِيَ جِنْ طُمِبَ، كُواْ دَ أَنْرُڢٜىٰشِ دَ بَرْغُواْ؞

2سَيْ مَاسُ يِمَسَ حِدِمَ سُكَثٜىٰ «رَنْكَيَدَطٜىٰ، بَرِ مُنٜىٰمُواْ مَكَ يَارِنْيَرْ دَ ذَاتَ ذَوْنَ تَرٜىٰدَكَيْ تَلُورَ دَكَيْ؞ ذَاتَ دِنْ‌غَ ݣُونْتَ أَغٜىٰڢٜىٰنْكَ دُوانْ تَسَا كَجِ طُمِ، يَا مَيْغِرْمَ سَرْكِے؞»

3عَكَ شِغَ كُواْعِنَ عَڧَسَرْ إِسْرَٰٓءِيلَ أَنَ نٜىٰمَنْ ݣَكْݣَوَرْ يَارِنْيَ؞ سَيْ عَكَ سَامِ وَتَ يَارِنْيَ مَيْ سُونَ أَبِشَغْ أَغَرِنْ شُنٜىٰمْ، عَكَ كَٰوُاْوَ سَرْكِے؞

4يَارِنْيَرْ كُوَ ݣَكْݣَوَاثٜىٰ سُواْسَيْ، تَلُورَ دَ سَرْكِے تَنَ مَسَ حِدِمَ؞ عَمَّا سَرْكِے بَيْيِ جِمَاعِ دَ عِتَبَ؞

5أَدُواْنِيَ، طَنْ دَ هَغِّتْ تَحَيْڢَا وَ دَاوُدَ، يَڢِتُواْ دَ كَنْسَ يَنَ ثٜىٰوَ «نِے ذَنْ ذَمَ سَرْكِے!» سَبُواْدَ حَكَ سَيْ يَشِرْيَ وَكَنْسَ كٜىٰكُنَنْ دُواْكِ دَ دَوَكِ، يَكُمَ سَامِ مُتَنٜىٰ حَمْسِنْ سُوُثٜىٰ غَبَنْسَ؞

6أَ دُكَنْ رَايُوَرْسَ بَابَنْسَ بَيْتَٻَ ڟَاوَتَا مَسَ يَثٜىٰ «دُوانْمٜىٰ كَكٜىٰيِنْ حَكَ؟» بَ؞ أَنْ حَيْڢِ أَدُواْنِيَ بَايَنْ أَبْسَلُوامْ، شِے مَا ݣَكْݣَوَنْ مُتُمْ نٜىٰ؞

7أَدُواْنِيَ يَيِ مَغَنَ دَ يُواْوَبْ طَنْ ظٜىٰرُوِيَ دَ كُمَ أَبِيَتَرْ ڢِرِسْتِ؞ سُو كُوَ سُكَ يَرْدَ سُيِ غُواْيُوانْ بَايَنْسَ؞

8عَمَّا ظَدُواكْ ڢِرِسْتِ دَ بٜىٰنَيَ طَنْ يٜىٰهُواْيِدَ دَ أَنَّبِے نَتَنْ دَ شِمٜىٰيِ دَ رٜىٰيِ دَ سُواْجُواْجِنْ دَاوُدَ مَڢِيَ عِيَ يَاڧِ بَسُ غُواْيِ بَايَنْ أَدُواْنِيَ بَ؞

9وَتَرَانَ أَدُواْنِيَ يَتَڢِے دُوڟٜىٰنْ ذُواْهٜىٰلٜىٰتْ كُسَدَ عٜىٰنْرُواْغٜىٰلْ، عِنْدَ يَيِ هَدَايَرْ تُمَكِ دَ شَانُنْ نُواْمَ دَ شَانُنْ دَ عَكٜىٰكِيوُاْ أَغِدَا؞ يَكُمَ غَيَّثِ یَنْعُوَنْسَ، وَتُواْ سَوْرَنْ یَیَنْ سَرْكِے دَاوُدَ، تَرٜىٰدَ دُكَنْ دَتَّاوَنْ سَرْكِے دَ سُكَ ڢِتُواْ دَغَ يَهُودَ؞

10عَمَّا أَدُواْنِيَ بَيْ غَيَّثِ أَنَّبِے نَتَنْ دَ بٜىٰنَيَ دَ سُواْجُواْجِنْ دَاوُدَ مَڢِيَ عِيَ يَاڧِ، كُواْ كُوَ طَنْعُوَنْسَ سُلَيْمَٰنُ بَ؞

11سَعَنً أَنَّبِے نَتَنْ يَتَڢِے وُرِنْ بَتْشٜىٰبَةُ مَامَرْ سُلَيْمَٰنُ، يَتَمْبَيٜىٰتَ يَثٜىٰ «بَكِجِ ثٜىٰوَ أَدُواْنِيَ طَنْ هَغِّتْ يَنَطَ كَنْسَ سَرْكِے بَ؟ كُمَ سَرْكِے دَاوُدَ بَيْ سَنْ كُواْمٜىٰ عَكَيْبَ!

12تُواْ، بَرِ إِنْ بَاكِ شَوَرَا يَدَّ ذَاكِ ثٜىٰثِ رَنْكِ دَ نَطَنْكِ سُلَيْمَٰنُ؞

13يَنْذُ نَنْ كِتَڢِے وُرِنْ سَرْكِے دَاوُدَ كِثٜىٰمَسَ، ‹رَنْكَيَدَطٜىٰ، سَرْكِے، بَكَيْ كَايِ مِنِ أَلْڧَوَرِ دَ ضَنْڟُوَا ثٜىٰوَ طَانَ سُلَيْمَٰنُ ذَيْ يِمُلْكِ بَايَنْكَ يَذَوْنَ عَكُجٜىٰرَرْ مُلْكِنْكَبَ؟ تُواْ، يَيَ عَكَيِ أَدُواْنِيَ يَذَمَ سَرْكِے؟›

14يَايِنْ دَ كِكٜىٰ ثِكِنْ مَغَنَ دَ سَرْكِے، ذَنْ شِغُواْ إِنْ تَبَّتَرْ دَ مَغَنَرْكِ؞»

15سَيْ بَتْشٜىٰبَةُ تَشِغَ ثِكِنْ طَاكِنْ ݣُونْثِيَرْ سَرْكِے؞ أَ لُواْكَثِنْ كُوَ، سَرْكِے يَڟُوڢَ سُواْسَيْ، كُمَ أَبِشَغْ یَرْ غَرِنْ شُنٜىٰمْ ثٜىٰ تَكٜىٰيِ مَسَ حِدِمَ؞

16بَتْشٜىٰبَةُ تَرُسُنَ دَ ڢُسْكَرْتَ حَرْ ڧَسَا تَغَيْ دَ سَرْكِے، سَيْ يَتَمْبَيٜىٰتَ يَثٜىٰ «مٜىٰكِكٜىٰ نٜىٰمَ؟»

17تَا أَمْسَ تَثٜىٰ «رَنْكَيَدَطٜىٰ، سَرْكِے! كَارِغَا كَا ضَنْڟٜىٰ مِنِ دَ سُونَنْ يَهْوٜىٰهْ اللَّهْ نْكَ ثٜىٰوَ سُلَيْمَٰنُ طَانَ نٜىٰ ذَيْ يِمُلْكِ بَايَنْكَ، ذَيْ كُوَ ذَوْنَ عَكُجٜىٰرَرْ مُلْكِنْكَ؞

18غَاشِ يَنْذُ أَدُواْنِيَ يَذَمَ سَرْكِے، رَنْكَيَدَطٜىٰ، كُواْدَيَكٜىٰ بَكَ سَنِبَ؞

19يَرِغَا يَمِيڧَ هَدَايَرْ شَانُو دَ دَبُّواْبِنْ دَ عَكَيِ كِيوُانْسُ أَغِدَا دَ تُمَكِ مَاسُيَوَ؞ يَغَيَّثِ أَبِيَتَرْ ڢِرِسْتِ دَ يُواْوَبْ شُوغَبَنْ سُواْجُواْجِنْكَ، تَرٜىٰدَ دُكَنْ یَیَ مَذَنْ سَرْكِے، عَمَّا بَيْ غَيَّثِ مَيْ حِدِمَرْكَ سُلَيْمَٰنُ بَ؞

20رَنْكَيَدَطٜىٰ، أَغَرٜىٰكَ دُكَنْ جَمَعَرْ إِسْرَٰٓءِيلَ سُكٜىٰ ظُبَ عِدُواْ سُنَ جِرَا دُواْمِنْ كَڢَطَا مُسُ وَنْدَ ذَيْ ذَوْنَ عَكُجٜىٰرَرْ مُلْكِنْكَ بَايَنْكَ؞

21عِدَنْ مَيْغِرْمَ سَرْكِے بَيْيِ حَكَبَ، بَايَنْ يَيِ بَرْثِ تَرٜىٰدَ كَاكَنِّنْسَ، ذَاعَ طَوْكٜىٰنِ دَ طَانَ سُلَيْمَٰنُ مَاسُثِنْ أَمَانَرْ ڧَسَانٜىٰ؞»

22سَعَدَّ تَكٜىٰ ثِكِنْ مَغَنَ دَ سَرْكِے، سَيْ أَنَّبِے نَتَنْ يَشِغَ؞

23عَكَثٜىٰ وَ سَرْكِے «غَا أَنَّبِے نَتَنْ؞» دَ نَتَنْ يَذُواْ غَبَنْ سَرْكِے سَيْ يَرُسُنَ دَ ڢُسْكَرْسَ حَرْ ڧَسَا يَغَيْ دَ سَرْكِے؞

24نَتَنْ يَثٜىٰ «رَنْكَيَدَطٜىٰ سَرْكِے، كُواْ كَسَنَرْ ثٜىٰوَ أَدُواْنِيَ نٜىٰ ذَيْ ذَمَ سَرْكِے بَايَنْكَ، يَذَوْنَ عَكُجٜىٰرَرْ مُلْكِنْكَ؟

25غَمَا عَيَوْ طِنَّنْ يَتَڢِے يَمِيڧَ هَدَايَرْ شَانُو دَ دَبُّواْبِنْ دَ عَكَيِ كِيوُانْسُ أَغِدَا دَ تُمَكِ مَاسُيَوَ، كُمَ يَغَيَّثِ دُكَنْ یَیَ مَذَنْ سَرْكِے دَ شُوغَبَنِّنْ سُواْجُواْجِ دَ أَبِيَتَرْ ڢِرِسْتِ؞ غَاشِ كُوَ سُنَثِ سُنَشَا أَغَبَنْ أَدُواْنِيَ سُنَ ثٜىٰ مَسَ، ‹رَنْكَيَدَطٜىٰ، سَرْكِے أَدُواْنِيَ!›

26عَمَّا بَيْ غَيَّثٜىٰنِ مَيْ حِدِمَرْكَبَ، كُواْ ظَدُواكْ ڢِرِسْتِ، كُواْ بٜىٰنَيَ طَنْ يٜىٰهُواْيِدَ، كُواْ مَيْ حِدِمَرْكَ سُلَيْمَٰنُ؞

27رَنْكَيَدَطٜىٰ، كُواْ غَسْكِيَثٜىٰ ثٜىٰوَ أَبِنْدَ يَكٜىٰ ڢَرُوَ دَ سَنِنْكَ نٜىٰ؟ كُمَ بَكَ كُواْ ڢَطَا وَوَنِ دَغَ ثِكِنْمُ مَاسُ حِدِمَرْكَ وَظَيْ ذَوْنَ عَكُجٜىٰرَرْ مُلْكِنْكَ بَايَنْكَبَ؞»

28سَعَنً سَرْكِے دَاوُدَ يَثٜىٰ «عَكِرَا مِنِ بَتْشٜىٰبَةُ تَدَاوُاْ ثِكِ؞» سَيْ تَشِغُواْ وُرِنْ سَرْكِے تَڟَيَ أَغَبَنْسَ؞

29سَرْكِے يَثٜىٰ مَتَ «نَا ضَنْڟٜىٰ دَ سُونَنْ يَهْوٜىٰهْ مَيْ رَيْ وَنْدَ يَڢَنْشٜىٰنِ دَغَ كُواْوَثٜىٰ وَهَلَ، ذَنْ ثِكَ رَنْڟُوَاتَا يَوْ؞

30يَوْ ذَنْ ثِكَ ضَنْڟُوَارْدَ نَيِ مِكِ ثِكِنْ سُونَنْ يَهْوٜىٰهْ اللَّهْ نَ إِسْرَٰٓءِيلَ ثٜىٰوَ طَنْكِ سُلَيْمَٰنُ ذَيْ غَاجٜىٰنِ يَذَمَ سَرْكِے، ذَيْ ذَوْنَ عَكُجٜىٰرَرْ مُلْكِنَ بَايَنَ؞»

31سَيْ بَتْشٜىٰبَةُ تَرُسُنَ دَ ڢُسْكَرْتَ حَرْ ڧَسَا تَثٜىٰ وَسَرْكِے «بَرِ رَنْ مَيْغِرْمَنَ سَرْكِے دَاوُدَ يَدَطٜىٰ حَرْ أَبَدَا!»

32سَرْكِے دَاوُدَ يَعُمَرْتَ عَكِرَا مَسَ ظَدُواكْ ڢِرِسْتِ دَ أَنَّبِے نَتَنْ دَ بٜىٰنَيَ طَنْ يٜىٰهُواْيِدَ؞ دَ سُكَ إِسُواْ غَبَنْ سَرْكِے سَيْيَثٜىٰ مُسُ،

33«كُطَوْكِ سُلَيْمَٰنُ تَرٜىٰدَ دَتَّاوَنَ، كُسَا سُلَيْمَٰنُ يَهَوْ جَاكِنْ دُواْكِنَ كُغَنْ‌غَرَ دَشِ ذُوَا غِهُوانْ؞

34كُسَا ظَدُواكْ ڢِرِسْتِ دَ أَنَّبِے نَتَنْ سُظُبَ مَسَ مَنْ كٜىٰٻٜىٰوَ أَوُرِنْ، سُنَطَشِ سَرْكِنْ إِسْرَٰٓءِيلَ؞ سَيْ كُبُوسَ ڧَهُواْ كُثٜىٰ، ‹رَنْكَيَدَطٜىٰ، سَرْكِے سُلَيْمَٰنُ!›

35سَيْ كُهَوْرُواْ دَشِ نَنْ يَشِغَ ثِكِ يَذَوْنَ عَكُجٜىٰرَرْ مُلْكِنَ؞ غَمَا شِے ذَيْ ذَمَ سَرْكِے بَايَنَ كُمَ نَسَا شِ يَذَمَ سَرْكِنْ إِسْرَٰٓءِيلَ دَ يَهُودَ؞»

36سَيْ بٜىٰنَيَ طَنْ يٜىٰهُواْيِدَ يَأَمْسَا وَ سَرْكِے يَثٜىٰ «أَمِينْ! بَرِ يَهْوٜىٰهْ اللَّهْ نَمَيْغِرْمَ سَرْكِے يَتَبَّتَرْ دَ كُواْمٜىٰ؞

37كَمَرْ يَدَّ يَهْوٜىٰهْ يَكَسَنْثٜىٰ تَرٜىٰدَ مَيْغِرْمَنَ سَرْكِے، حَكَكُمَ بَرِ يَكَسَنْثٜىٰ تَرٜىٰدَ سُلَيْمَٰنُ، يَكُمَسَا مُلْكٍ سُلَيْمَٰنُ يَڢِ نَمَيْغِرْمَنَ سَرْكِے دَاوُدَ؞»

38سَيْ ظَدُواكْ ڢِرِسْتِ دَ أَنَّبِے نَتَنْ دَ بٜىٰنَيَ طَنْ يٜىٰهُواْيِدَ، تَرٜىٰدَ مَاسُ غَادِنْ سَرْكِے سُكَ غَنْ‌غَرَ؞ سُكَسَا سُلَيْمَٰنُ عَكَنْ جَاكِنْ دُواْكِنْ سَرْكِے دَاوُدَ، سَعَنً سُكَ رَكَ شِ ذُوَا غِهُوانْ؞

39أَوُرِنْ ظَدُواكْ ڢِرِسْتِ يَطَوْكِ ڧَهُوانْ مَيْ وَنْدَ يَكَٰوُاْ دَغَ تٜىٰنْتِنْ يَهْوٜىٰهْ ، يَظُبَاوَ سُلَيْمَٰنُ يَنَطَشِ سَرْكِے؞ سَيْ سُكَ بُوسَ ڧَهُواْ، دُكَنْ جَمَعَرْ كُوَ سُكَ طَغَ مُرْيَ سُكَثٜىٰ «رَنْكَيَدَطٜىٰ، سَرْكِے سُلَيْمَٰنُ!»

40سَيْ دُكَنْ جَمَعَ سُكَ هَوْرُواْ سُكَبِيشِ، سُنَ بُوسَ سَرٜىٰوَ سُنَ مُرْنَ سُواْسَيْ، حَرْ مَا ڧَسَا تَغِرْغِظَ سَبُواْدَ إِيهُنْدَ سُكٜىٰيِ؞

41أَدُواْنِيَ تَرٜىٰدَ دُكَنْ بَڧِنْ دَسُكٜىٰ دَشِ سُكَجِ إِيهٌ دَيْدَيْ سُنَ ڧَارٜىٰ بِكِنْسُ؞ دَ يُواْوَبْ يَجِ بُوسَرْ ڧَهُواْ سَيْيَثٜىٰ «مٜىٰ يَجَٰوُاْ إِيهُ عَثِكِنْ بِرْنِ حَكَ؟»

42يُواْوَبْ يَنَ ثِكِنْ مَغَنَ كٜىٰنَنْ، سَيْغَاشِ يُواْنَتَنْ طَنْ أَبِيَتَرْ ڢِرِسْتِ يَ إِسُواْ وُرِنْ؞ سَيْ أَدُواْنِيَ يَثٜىٰ مَسَ «شِغُواْ، غَمَا كَيْ مُتُمِنْ كِرْكِنٜىٰ، لَلَّيْ كَنَ كَٰوُاْ لَابَرِ مَيْ دَاطِے؞»

43يُواْنَتَنْ يَثٜىٰ وَ أَدُواْنِيَ «أَعَ! مَيْغِرْمَنْمُ سَرْكِے دَاوُدَ يَنَطَ سُلَيْمَٰنُ سَرْكِے!

44سَرْكِے كُمَ يَعَيْكِ ظَدُواكْ ڢِرِسْتِ دَ أَنَّبِے نَتَنْ دَ بٜىٰنَيَ طَنْ يٜىٰهُواْيِدَ دَ مَاسُ غَادِنْ سَرْكِے تَرٜىٰدَ سُلَيْمَٰنُ ذُوَا غِهُوانْ؞ سُكَسَا يَهَوْ جَاكِنْ دُواْكِنْ سَرْكِے؞

45ظَدُواكْ دَ نَتَنْ سُكَ ظُبَ مَسَ مَنْ كٜىٰٻٜىٰوَ سُكَ نَطَشِ سَرْكِے أَ غِهُوانْ؞ يَنْذُ نٜىٰ سُكَ هَوْرُواْ ثِكٜىٰ دَسُورُوتُ دَ مُرْنَ؞ دَلِيلِنْ إِيهٌ دَ كُكٜىٰجِ يَكٜىٰ ڢِتُواْوَ دَغَ بِرْنِنْ كٜىٰنَنْ؞

46بَنْدَ حَكَمَا سُلَيْمَٰنُ يَا رِغَا يَا ذَوْنَ عَكُجٜىٰرَرْ مُلْكٍ سَرْكِے؞

47دُكَنْ دَتَّاوَنْ سَرْكِے كُمَ سُنْ تَڢِے سُنْيِ وَمَيْغِرْمَنْمُ سَرْكِے دَاوُدَ غَيْسُوَا سُنَ ثٜىٰوَ ‹ اللَّهْ نْكَ يَسَا سُلَيْمَٰنُ يَيِ سُونَ ڢِيٜىٰ دَكَيْ، بَرِ مُلْكِنْسَ كُمَ يَڢِ نَاكَ!› سَيْ سَرْكِے يَيِ سُجَّدَ عَكَنْ غَدُوانْسَ؞

48سَعَنً يَثٜىٰ، ‹أَلْبَرْكَ تَا تَبَّتَا غَ يَهْوٜىٰهْ اللَّهْ نَ إِسْرَٰٓءِيلَ، وَنْدَ يَوْ يَبَانِ وَنْدَ ذَيْ ذَوْنَ عَكُجٜىٰرَرْ مُلْكِنَ، عِدَنُونَ كُوَ سُنَ غَنِ؞› »

49دَجِنْ حَكَ، سَيْ دُكَنْ بَڧِنْ أَدُواْنِيَ سُكَ ڟُواْرَتَ سُكَتَاشِ، كُواْوَ يَكَامَ حَنْيَرْسَ؞

50أَدُواْنِيَ، سَبُواْدَ يَنَ جِنْ ڟُواْرُوانْ سُلَيْمَٰنُ، يَا تَاشِ يَتَڢِے وُرِنْ تٜىٰنْتِنْ يَهْوٜىٰهْ يَكَامَ ڧَهُواْنِنْ بَغَدٜىٰنْ؞

51عَكَ ڢَطَا وَ سُلَيْمَٰنُ ثٜىٰوَ أَدُواْنِيَ يَنَ جِنْ ڟُواْرُوانْسَ؞ غَاشِ يَكَامَ ڧَهُواْنِنْ بَغَدٜىٰ يَنَ ثٜىٰوَ «بَرِ سَرْكِے سُلَيْمَٰنُ يَرَنْڟٜىٰ مِنِ ثٜىٰوَ بَذَيْ كَشٜىٰنِبَ!»

52سُلَيْمَٰنُ يَأَمْسَ يَثٜىٰ «عِدَنْ يَا نُونَ كَنْسَ مُتُمِنْ كِرْكِ نٜىٰ، كُواْ غَاشِنْ كَنْسَ طَيَ بَذَيْ ڢَاطِ عَڧَسَابَ؞ عَمَّا عِدَنْ أَنْسَامٜىٰشِ دَ مُغُنْتَا، ذَيْ مُتُ؞»

53سَيْ سَرْكِے سُلَيْمَٰنُ يَعَيْكَ عَتَڢِے أَ سَوْكَرْ دَشِ دَغَ بِسَنْ بَغَدٜىٰنْ عَكَٰوُاْ شِ؞ دَ أَدُواْنِيَ يَذُواْ سَيْ يَرُسُنَ دَ ڢُسْكَرْسَ حَرْ ڧَسَا أَغَبَنْ سَرْكِے سُلَيْمَٰنُ؞ سُلَيْمَٰنُ كُوَ يَثٜىٰ مَسَ «تَڢِے غِدَنْكَ؞»

Jump to: Chapter 2 →