1 Kings 11

Hausa Arabic 2020 (أَتَّوْرَتْ دَ أَنَّبَاوَا)

1أَنَانً سَيْ سَرْكِے سُلَيْمَٰنُ يَڧَوْنَثِ مَاتَادَيَوَ، بَڧِنْ دَ بَ إِسْرَٰٓءِيلَاوَا بَنٜىٰ؞ بَنْ دَ یَرْ سَرْكِنْ مَصَرْ، سُلَيْمَٰنُ يَ عَوْرِ مَتَ دَغَ مُواْوَبْ دَ أَمُّوانْ دَ عٜىٰدُوامْ دَ سِدُوانْ دَ كُمَ دَغَ ثِكِنْ هِتِّيَاوَا؞

2مَاتَنَّنْ كُوَ سُنْ ڢِتُواْ دَغَ ڧَبِيلُنْ دَ يَهْوٜىٰهْ يَعُمَرْثِ مُتَنٜىٰنْسَ ثٜىٰوَ كَدَ سُيِ عَوْرٜىٰ دَغَ ثِكِنْسُ نٜىٰ؞ غَمَا حَڧِيڧَ مَاتَنَّنْ دَ سُكَ عَوْرَ ذَاسُ جُويَا ذُوثِيَارْسُ ذُوَاغَ بَوْتَرْ أَلُّواْلِ؞ عَمَّا دُكْدَهَكَ سُلَيْمَٰنُ يَنَاثٜىٰ يَنَ ڧَوْنَرْسُ؞

3عَثِكِنْ مَاتَنْسَ أَݣَويْ یَیَنْ سَرَاكُنَ طَرِے بَݣَويْ، أَݣَويْ كُمَ مَتَنْ دَ يَأَجِيٜىٰسُ طَرِے عُكُ؞ مَاتَنْسَ كُوَ سُكَ جُويَا مَسَ ذُوثِيَا؞

4سَعَدَّ سُلَيْمَٰنُ يَڟُوڢَ مَاتَنْسَ سُكَسَا يَجُويَ يَنَ بِنْ وَطَنْسُ أَلُّواْلِ؞ بَيْ مِيڧَ ذُوثِيَارْسَ غَبَاطَيَ غَ يَهْوٜىٰهْ اللَّهْ نْسَ كَمَرْ يَدَّ بَابَنْسَ دَاوُدَ يَيِبَ؞

5غَمَا سُلَيْمَٰنُ يَذَمَ مَيْبِنْ غُنْكِنَّنْ عَشْتُواْرٜىٰتْ، صِڢَّرْ وَتَ اللَّهْ تَمُتَنٜىٰنْ سِدُوانْ دَ كُمَ مُواْلٜىٰكْ غُنْكِ مَيْ ڧَظَنْتَرْ نَنْ نَ أَمُّواْنَاوَا؞

6سُلَيْمَٰنُ كُوَ يَعَيْكَتَ مُغُنْتَا أَعِدُوانْ يَهْوٜىٰهْ ، بَيْ كُمَبِے يَهْوٜىٰهْ دَ دُكَنْ ذُوثِيَارْسَ كَمَرْ يَدَّ بَابَنْسَ دَاوُدَ يَيِبَ؞

7عَكَنْ بَبَّنْ تُدُنْ دَيَكٜىٰ غَبَسْ غَ عُرُوشَلِيمَ يَغِنَ وُرِنْ سُجَّدَ وَ كٜىٰمُواشْ، غُنْكِ مَيْ ڧَظَنْتَرْ نَنْ نَمُتَنٜىٰنْ مُواْوَبْ دَ كُمَ وُرِنْ سُجَّدَ غَ مُواْلٜىٰكْ غُنْكِ مَيْ ڧَظَنْتَرْ نَنْ نَمُتَنٜىٰنْ أَمُّوانْ؞

8سُلَيْمَٰنُ كُمَ يَغِنَ بَغَدَيْ دُواْمِنْ دُكَنْ مَاتَنْسَ بَاڧِ وَطَنْدَ بَ إِسْرَٰٓءِيلَاوَا بَنٜىٰ، دُواْمِنْ سُدِنْ‌غَ ڧُواْنَ تُرَارٜىٰ دَ يِنْ هَدَايُ غَ أَلُّواْلِنْسُ؞

9يَهْوٜىٰهْ كُوَ يَيِ ڢُشِے دَ سُلَيْمَٰنُ سَبُواْدَ سَرْكِے سُلَيْمَٰنُ يَجُويَ ذُوثِيَارْسَ دَغَ بِنْ يَهْوٜىٰهْ اللَّهْ نَ إِسْرَٰٓءِيلَ، وَنْدَ يَبَيَّنَ أَغَرٜىٰشِ سَوْ بِيُ؞

10يَهْوٜىٰهْ كُمَ يَغَرْغَطِے سُلَيْمَٰنُ مُسَمَّنْ كَدَ يَيِ سُجَّدَ غَ وَطَنْسُ أَلُّواْلِ، عَمَّا سُلَيْمَٰنُ بَيْيِ بِيَيَّ دَ عُمَرْنِنْ يَهْوٜىٰهْ بَ؞

11سَيْ يَهْوٜىٰهْ يَثٜىٰ وَ سُلَيْمَٰنُ «تُنْدَيَكٜىٰ كَيِ وَنَّنْ، كُمَ بَكَكِيَايٜىٰ يَرْجٜىٰجٜىٰنِيَتَ دَ ڧَٰعِدُواْدِنَ وَطَنْدَ نَعُمَرْثٜىٰكَ بَ، لَلَّيْ ذَنْ ثِرٜىٰ مُلْكٍ دَغَ حَنُّنْكَ إِنْ بَا وَنِ دَغَ ثِكِنْ دَتَّاوَنْكَ؞

12عَمَّا، سَبُواْدَ ڧَوْنَرْ دَ نَكٜىٰيِ وَبَابَنْكَ دَاوُدَ، بَذَنْ ثِرٜىٰ مُلْكٍ سَعَدَّ كَكٜىٰ دَ رَيْبَ؞ ذَنْ ثِرٜىٰ مُلْكٍ دَغَ حَنُّنْ طَنْكَ وَنْدَ ذَيْ ذَمَ سَرْكِے؞

13دُكْدَهَكَ، بَذَنْ ثِرٜىٰ مُلْكٍ غَبَاطَيَ دَغَ حَنُّنْسَبَ، ذَنْبَرْ مَسَ ذُرِيَ طَيَ يَيِ مُلْكِنْسُ؞ ذَنْيِ وَنَّنْ سَبُواْدَ بَاوَنَ دَاوُدَ دَ كُمَ عُرُوشَلِيمَ، بِرْنِنْدَ نَذَاٻَا؞»

14سَيْ يَهْوٜىٰهْ يَسَا هَدَدْ دَغَ غِدَنْ مُلْكٍ عٜىٰدُوامْ يَيِ وَ سُلَيْمَٰنُ تَاوَيٜىٰ؞

15أَ شٜىٰكَرُنْ بَايَ دَاوُدَ يَثِ عٜىٰدُوامْ دَ يَاڧِ؞ أَ لُواْكَثِنْ كُوَ، يُواْوَبْ شُوغَبَنْ سُواْجُواْجِنْسَ يَتَڢِے وُرِنْ دُواْمِنْ يَبِنّٜىٰ إِسْرَٰٓءِيلَاوَا وَطَنْدَ سُكَ مُتُ عَيَاڧِ؞ سَعَدَّ سُكٜىٰ أَوُرِنْ، سُواْجُواْجِنْ إِسْرَٰٓءِيلَ سُكَ كَشٜىٰ كُواْوَنٜىٰ نَمِجِ أَ عٜىٰدُوامْ؞

16يُواْوَبْ كُوَ دَ سَوْرَنْ سُواْجُواْجِنْ إِسْرَٰٓءِيلَ سُنْ ذَوْنَ أَ عٜىٰدُوامْ وَتَنِّ شِدَ حَرْ سَيْ دَ سُكَ كَكَّشٜىٰ دُكَنْ یَیَ مَذَنْ وُرِنْ؞

17عَمَّا هَدَدْ يَغُدُ ذُوَا ڧَسَرْ مَصَرْ تَرٜىٰدَ مُتَنٜىٰنْ عٜىٰدُوامْ مَاسُيِ وَبَابَنْسَ حِدِمَ؞ أَ لُواْكَثِنْ كُوَ هَدَدْ طَنْ سَوْرَيِ نٜىٰ؞

18سُكَ غُدُ دَغَ مَدْيَنَ سُكَ تَڢِے ڢَرَنْ عِنْدَ سُكَ سَامِ وَطَنْسُ دَ سُكَ تَڢِے تَرٜىٰدَسُو؞ دَغَ ڢَرَنْ سُكَ تَڢِے مَصَرْ وُرِنْ سَرْكِے ڢِرْعَوْنَ، وَنْدَ يَبَا شِ غِدَا، يَدِنْ‌غَ بَاشِ عَبِنْثِ، يَكُمَ بَاشِ ڧَسَا؞

19هَدَدْ يَسَامِ ڢَضٍ جِنِ أَعِدَانُنْ ڢِرْعَوْنَ سُواْسَيْ، حَرْ ڢِرْعَوْنَ يَبَا شِ یَرْعُوَرْ مَاتَرْسَ سَرَوْنِيَ تَڢٜىٰنٜىٰسْ تَذَمَ مَاتَرْ هَدَدْ؞

20یَرْعُوَرْ تَڢٜىٰنٜىٰسْ تَحَيْڢَ مَسَ طَا مَيْ سُونَ غٜىٰنُبَتْ؞ غٜىٰنُبَتْ كُوَ يَيِ غِرْمَ أَغِدَنْ ڢِرْعَوْنَ تَرٜىٰدَ یَیَنْ سَرْكِنْ؞

21لُواْكَثِنْ دَ هَدَدْ يَجِ أَ مَصَرْ ثٜىٰوَ دَاوُدَ يَكُواْمَ غَ كَاكَنِّنْسَ عَكَ كُمَ بِنّٜىٰشِ، كُمَ يُواْوَبْ شُوغَبَنْ سُواْجُواْجِ يَمُتُ، سَيْيَثٜىٰ وَ سَرْكِے ڢِرْعَوْنَ «كَبَرْ نِے إِنْكُواْمَ ڧَسَاتَ؞»

22سَيْ سَرْكِے يَثٜىٰ «دُوانْمٜىٰ كَكٜىٰسُواْ كَكُواْمَ ڧَسَرْكَ؟ مٜىٰنٜىٰنٜىٰ كَرَسَ أَوُرِينَ؟» سَيْ يَأَمْسَ يَثٜىٰ «بَا كُواْمٜىٰ، كَدَيْ بَرْنِ إِنْتَڢِے؞»

23اللَّهْ كُمَ يَسَا رٜىٰظُوانْ طَنْ عٜىٰلِيَدَ يَيِ وَ سُلَيْمَٰنُ تَاوَيٜىٰ؞ دَا مَا رٜىٰظُوانْ يَغُدُ دَغَ وُرِنْ مَيْغِدَنْسَ، سَرْكِے هَدَدٜىٰظٜىٰرْ نَ ذُوابَ؞

24دَا بَايَنْدَ دَاوُدَ يَثِ ذُوابَ دَ يَاڧِ، سَيْ رٜىٰظُوانْ يَتَارَ وَكَنْسَ یَنْ تَاوَيٜىٰ يَذَمَ شُوغَبَنْسُ؞ سُكَ غُدُ ذُوَا دِمَشْڧُ عِنْدَ سُكَ ذَوْنَ سُكَ نَطَ رٜىٰظُوانْ سَرْكِے؞

25رٜىٰظُوانْ يَذَمَ بَبَّنْ أَبُواْكِنْ غَابَنْ إِسْرَٰٓءِيلَ ثِكِنْ دُكَنْ ݣُونَكِنْ مُلْكٍ سُلَيْمَٰنُ؞ يَڧَارَ ضِكِثِ عَكَنْ ضِكِثِنْ هَدَدْ؞ رٜىٰظُوانْ يَڧِ مُلْكٍ إِسْرَٰٓءِيلَ دَ دُكَنْ رَنْسَ، يَكُمَيِ مُلْكِ عَكَنْ سُورِيَ؞

26يٜىٰرُواْبُواْوَمْ طَنْ نٜىٰبَتْ، مُتُمِنْ إِڢْرَيِمْ دَغَ ظٜىٰرٜىٰدَ، طَيَ دَغَ ثِكِنْ دَتَّاوَا أَمُلْكٍ سُلَيْمَٰنُ، شِے مَا يَيِ وَ سَرْكِے سُلَيْمَٰنُ تَاوَيٜىٰ؞ سُونَنْ مَامَرْسَ ظٜىٰرُوَ وَدَّ مِجِنْتَ يَمُتُ؞

27غَا يَدَّ تَاوَيٜىٰنْ يَكَسَنْثٜىٰ؞ دَ سُلَيْمَٰنُ يَنَ غِنَا مِلُّواْ، وَتُواْ وُرِنْ دَ عَكَ ثِثِّكَ دَ ڧَسَا، يَنَ كُمَ ڠَغْڠَرَ كَتَنْ‌غَرْ بِرْنِنْ عُرُوشَلِيمَ، بِرْنِنْ بَابَنْسَ دَاوُدَ،

28سَيْ يَغَانٜىٰ يٜىٰرُواْبُواْوَمْ مُتُمْ مَيْ ڨُوذُواْ نٜىٰ سُواْسَيْ؞ دَ سُلَيْمَٰنُ يَغَ يَنَ عَيْكِ سُواْسَيْ، سَيْ يَمَيْدَشِ شُوغَبَنْ مَاسُ عَيْكِنْ دُواْلٜىٰ نَظُرِيَرْ إِڢْرَيِمْ دَ نَ مَنَسّٜىٰ؞

29وَتَرَانَ يٜىٰرُواْبُواْوَمْ يَڢِتَ دَغَ عُرُوشَلِيمَ ذَاشِ وَنِ وُرِے، سَيْ يَغَمُ دَ أَنَّبِے أَهِيَ مُتُمِنْ شِلُواْ، سَنْيٜىٰ دَ سَابُوَرْ رِغَا؞ سُكَ غَمُ سُو بِيُ كَطَيْ عَكَنْ حَنْيَ بَايَنْ غَرِ؞

30سَيْ أَهِيَ يَكَامَ سَابُوَرْ رِغَرْسَ يَيَيَّاغٜىٰ تَكَشِ غُواْمَشَا بِيُ؞

31سَعَنً يَثٜىٰ وَ يٜىٰرُواْبُواْوَمْ «كَطَوْكِ كَشِ غُواْمَ وَكَنْكَ، غَمَا يَهْوٜىٰهْ اللَّهْ نَ إِسْرَٰٓءِيلَ يَثٜىٰ ذَيْثِرٜىٰ مُلْكٍ دَغَ حَنُّنْ سُلَيْمَٰنُ يَبَاكَ ذُرِيَ غُواْمَ؞

32عَمَّا ذَيْ بَرْ مَسَ ذُرِيَ غُدَا سَبُواْدَ بَاوَنْسَ دَاوُدَ دَ كُمَ عُرُوشَلِيمَ، بِرْنِنْدَ يَذَاٻَا دَغَ دُكَنْ ذُرِيَرْ إِسْرَٰٓءِيلَ؞

33يَهْوٜىٰهْ ذَيْ عَيْكَتَ وَنَّنْ سَبُواْدَ مُتَنٜىٰنْ سُنْ يَاشٜىٰشِ، سُنْ كُواْمَ سُنَ سُجَّدَ غَ غُنْكِ عَشْتُواْرٜىٰتْ، صِڢَّرْ وَتَ اللَّهْ تَمُتَنٜىٰنْ سِدُوانْ دَ غُنْكِنْ كٜىٰمُواشْ اللَّهْ‌نْ مُتَنٜىٰنْ مُواْوَبْ دَ كُمَ غُنْكِنْ مُواْلٜىٰكْ اللَّهْ‌نْ مُتَنٜىٰنْ أَمُّوانْ؞ بَ سُيِ تَڢِيَ أَ حَنْيَرْسَبَ، بَسُ كُمَيِ أَبِنْدَ يَكٜىٰ دَيْدَيْ أَغَبَنْسَبَ؞ بَسُ كُمَيِ بِيَيَّ دَ ڧَٰعِدُواْدِ دَ عُمَرْنَنْ اللَّهْ كَمَرْ دَاوُدَ بَابَنْ سُلَيْمَٰنُ بَ؞

34عَمَّا دُكْدَهَكَ، اللَّهْ يَثٜىٰ بَذَيْثِرٜىٰ مُلْكٍ دُكَ دَغَ حَنُّنْ سُلَيْمَٰنُ بَ؞ ذَيْ بَرْ شِ يَيِ مُلْكِ دُكَنْ ݣُونَكِنْ رَنْسَ، سَبُواْدَ بَاوَنْسَ دَاوُدَ وَنْدَ يَذَاٻَا، دَاوُدَ وَنْدَ كُمَ يَكِيَايٜىٰ دُكَنْ عُمَرْنَنْ اللَّهْ دَ ڧَٰعِدُواْدِنْسَ؞

35عَمَّا اللَّهْ ذَيْثِرٜىٰ مُلْكٍ دَغَ حَنُّنْ طَنْ سُلَيْمَٰنُ، يَبَاكَ ذُرِيَ غُواْمَ كَيِ مُلْكِنْسُ؞

36عَمَّا اللَّهْ ذَيْ بَرْ وَ طَنْ سُلَيْمَٰنُ ذُرِيَ طَيَ، دُواْمِنْ ڢِتِلَرْ مُلْكٍ دَاوُدَ بَاوَنْ اللَّهْ تَكَسَنْثٜىٰ كُلُّمْ أَغَبَنْسَ أَ عُرُوشَلِيمَ، بِرْنِنْ دَ يَهْوٜىٰهْ يَذَاٻَا دُواْمِنْ يَتَبَّتَرْ دَ سُونَنْسَ؞

37يٜىٰرُواْبُواْوَمْ، اللَّهْ ذَيْ طَوْكٜىٰكَ يَمَيْدَكَيْ سَرْكِنْ إِسْرَٰٓءِيلَ، ذَاكَ كُمَيِ مُلْكِ عَكَنْ دُكَنْ أَبِنْدَ رَنْكَ يَكٜىٰسُواْ؞

38عِدَنْ كُوَ ذَاكَ كَسَ كُنّٜىٰ غَ دُكَنْ عُمَرْنَنْسَ، إِنْكُمَ كَيِ تَڢِيَ تَرٜىٰ دَشِ، كَكُمَيِ أَبِنْدَ يَكٜىٰ دَيْدَيْ أَعِدَنُونْسَ تَوُرِنْ كِيَايٜىٰ ڧَٰعِدُواْدِنْسَ دَ دُواْكُواْكِنْسَ كَمَرْ يَدَّ دَاوُدَ بَاوَنْ اللَّهْ يَيِ، تُواْ اللَّهْ ذَيْ كَسَنْثٜىٰ تَرٜىٰدَكَيْ؞ ذَيْ كُمَ كَڢَ مَكَ غِدَنْ مُلْكِ مَرَرْ ڧَارٜىٰوَ كَمَرْ يَدَّ يَكَڢَ وَ دَاوُدَ، ذَيْ كُمَبَاكَ مُلْكٍ إِسْرَٰٓءِيلَ؞

39اللَّهْ ذَيْ حُكُنْتَ ذُرِيَرْ دَاوُدَ سَبُواْدَ ذُنُوبِنْ سُلَيْمَٰنُ، عَمَّا حُواْرُوانْ بَذَيْ كَسَنْثٜىٰ حَرْ أَبَدَابَ؞»

40سُلَيْمَٰنُ يَنٜىٰمَ يَكَشٜىٰ يٜىٰرُواْبُواْوَمْ، عَمَّا يٜىٰرُواْبُواْوَمْ يَتَاشِ يَغُدُ ذُوَا وُرِنْ سَرْكِے شِشَكْ نَ مَصَرْ، يَذَوْنَ أَوُرِنْ سَيْ بَايَنْ مُتُوَرْ سُلَيْمَٰنُ؞

41سَوْرَنْ أَيُّكَنْ سُلَيْمَٰنُ دَ دُكَنْ أَبِنْدَ يَيِ دَ حِكِمَرْسَ سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سُلَيْمَٰنُ؞

42يَيِ مُلْكٍ دُكَنْ إِسْرَٰٓءِيلَ أَ عُرُوشَلِيمَ شٜىٰكَرَا أَرْبَعِنْ؞

43يَكُواْمَ غَ كَاكَنِّنْسَ، عَكَ بِنّٜىٰشِ عَبِرْنِنْ دَاوُدَ، بِرْنِنْ بَابَنْسَ، سَعَنً طَنْسَ رٜىٰهُواْبُواْوَمْ يَغَاجٜىٰشِ يَذَمَ سَرْكِے؞

← Chapter 10 Jump to: Chapter 12 →