1 Kings 8

Hausa Arabic 2020 (أَتَّوْرَتْ دَ أَنَّبَاوَا)

1سَيْ سُلَيْمَٰنُ يَسَا دُكَنْ دَتَّاوَنْ إِسْرَٰٓءِيلَ دَ شُوغَبَنِّنْ كُواْوَثٜىٰ ذُرِيَ دَ شُوغَبَنِّنْ غِدَاجٜىٰنْ كَاكَنِّنْ جَمَعَرْ إِسْرَٰٓءِيلَ سُتَتَّارُ أَوُرِنْسَ أَ عُرُوشَلِيمَ، دُواْمِنْ سُكَٰوُاْ عَݣُوتِنْ يَرْجٜىٰجٜىٰنِيَرْ يَهْوٜىٰهْ دَغَ بِرْنِنْ دَاوُدَ، وَتُواْ سِهِيُواْنَ؞

2سَيْ دُكَنْ مُتَنٜىٰنْ إِسْرَٰٓءِيلَ سُكَ تَارُ وُرِنْ سَرْكِے سُلَيْمَٰنُ أَ لُواْكَثِنْ بِكٍ بُكُّواْكِ أَوَتَ نَبَݣَويْ؞

3سَعَدَّ دُكَنْ دَتَّاوَنْ إِسْرَٰٓءِيلَ سُكَ إِسُواْ، سَيْ ڢِرِسْتُواْثِے سُكَ طَوْكِ عَݣُوتِنْ يَرْجٜىٰجٜىٰنِيَ،

4سُكَ كَيْ شِ غِدَنْ يَهْوٜىٰهْ ؞ ڢِرِسْتُواْثِے دَ لَوِيَاوَا سُكَ كُمَ كَٰوُاْ تٜىٰنْتِنْ سَدُوَ دَ كُمَ ݣُونُواْنِنْ دَ عَكَ كٜىٰٻٜىٰ وَطَنْدَ سُكٜىٰ عَثِكِنْ تٜىٰنْتِنْ ذُوَا غِدَنْ يَهْوٜىٰهْ ؞

5سَرْكِے سُلَيْمَٰنُ دَ دُكَنْ جَمَعَرْ إِسْرَٰٓءِيلَ دَسُكٜىٰ تَرٜىٰ دَشِ أَغَبَنْ عَݣُوتِنْ يَرْجٜىٰجٜىٰنِيَ نَ يَهْوٜىٰهْ سُكَيِ تَمِيڧَ هَدَايَرْ تُمَكِ دَ بِجِمَيْ مَاسُيَوَ دَ بَعَ عِيَ ڧِرْغَوَ كُواْ كُوَ عَيِ مِصَالِنْسُ؞

6سَيْ ڢِرِسْتُواْثِنْ سُكَ كَيْ عَݣُوتِنْ يَرْجٜىٰجٜىٰنِيَ نَ يَهْوٜىٰهْ ذُوَا ثِكِ ثِكِنْ غِدَنْ؞ سُكَ كُوَ سَا شِ أَوُرِنْ ذَمَنْسَ ثِكِنْ وُرِے مَڢِے ڟَرْكِے، عَڧَرْڧَشِنْ ڢِكَڢِكَنْ حَلِتُّنَّنْ غُدَا بِيُ؞

7بُوطَطُّنْ ڢِكَڢِكَنْ حَلِتُّنْ سُكَ رُڢٜىٰ وُرِنْ دَ عَكَ أَجِيٜىٰ عَݣُوتِنْ تَرٜىٰدَ سَنْدُنَنْ دَ عَكٜىٰ طَوْكَرْسَ؞

8سَنْدُنَنْ سُنْيِ دُواْغُواْ يَدَّ عِدَنْ أَنْڟَيَ أَغَبَنْ وُرِے مَڢِے ڟَرْكِے ذَاعَ عِيَ غَنِنْ بَاكِنْسُ دَغَ وُرِے مَيْ ڟَرْكِے، عَمَّا بَذَاعَ عِيَ غَنِ دَغَ وَجٜىٰبَ؞ سَنْدُنَنْ سُنَانَنْ هَرْوَيَوْ؞

9بَا وَنِ أَبُ ثِكِنْ عَݣُوتِنْ، سَيْدَيْ أَلُّنَ بِيُ نَدُوڟٜىٰ وَطَنْدَ مُوسَٰى يَسَا عَثِكِنْ عَݣُوتِنْ عَبَبَّنْ تُدُنْ هُواْرٜىٰبْ، عِنْدَ يَهْوٜىٰهْ يَيِ يَرْجٜىٰجٜىٰنِيَ دَ جَمَعَرْ إِسْرَٰٓءِيلَ، سَعَدَّ سُكَ ڢِتُواْ دَغَ ڧَسَرْ مَصَرْ؞

10يَايِنْ دَ ڢِرِسْتُواْثِنْ سُكَ ڢِتَ دَغَ وُرِے مَيْ ڟَرْكِے، سَيْ وَنِ غِرْغِجٜىٰ يَرُڢٜىٰ غِدَنْ يَهْوٜىٰهْ ؞

11ڢِرِسْتُواْثِنْ بَسُ إِيَثِيغَبَ دَ عَيْكِنْسُ بَ، سَبُواْدَ حَصْكٜىٰنْ طَوْكَكَرْ كَسَنْثٜىٰوَرْ يَهْوٜىٰهْ يَثِكَ غِدَنْ؞

12سَيْ سُلَيْمَٰنُ يَثٜىٰ، «يَا يَهْوٜىٰهْ ، كَثٜىٰ غِذَغِظَيْ مَاسُ دُهُ سُنْ كَسَنْثٜىٰ وُرِنْ ذَمَنْكَ؞

13غَاشِ، نَغِنَ مَكَ غِدَا مَيْ دَرَجَ عِنْدَ ذَاكَ كَسَنْثٜىٰ حَرْ أَبَدَا؞»

14يَايِنْ دَ دُكَنْ تَارُوانْ جَمَعَرْ إِسْرَٰٓءِيلَ سُنَانَنْ ڟَيٜىٰ أَوُرِنْ، سَيْ سُلَيْمَٰنُ يَجُويَ يَڢُسْكَنْثٜىٰسُ، يَسَا مُسُ أَلْبَرْكَ يَثٜىٰ،

15«أَلْبَرْكَ تَا تَبَّتَا غَ يَهْوٜىٰهْ اللَّهْ نَ إِسْرَٰٓءِيلَ! شِينٜىٰ وَنْدَ تَهَنُّنْسَ يَثِكَ أَلْڧَوَرِنْ بَاكِنْسَ وَنْدَ يَيِ وَبَابَنَ دَاوُدَ؞

16غَمَا يَهْوٜىٰهْ يَثٜىٰ وَبَابَنَ، ‹تُنْدَغَ رَانَرْدَ نَڢِتَرْدَ مُتَنٜىٰنَ نَ إِسْرَٰٓءِيلَ دَغَ مَصَرْ، بَنْ تَٻَ ذَاٻٜىٰنْ وَنِ بِرْنِ عَثِكِنْ ذُرِيَرْ إِسْرَٰٓءِيلَ عِنْدَ ذَنْ غِنَا غِدَا دُواْمِنْ سُونَنَ يَكَسَنْثٜىٰبَ؞ عَمَّا نَذَاٻِ دَاوُدَ يَشُوغَبَنْثِ مُتَنٜىٰنَ إِسْرَٰٓءِيلَ؞›

17«بَابَنَ دَاوُدَ يَيِ نِيَّ يَغِنَ غِدَا دُواْمِنْ أَغِرْمَمَ سُونَنْ يَهْوٜىٰهْ اللَّهْ نَ إِسْرَٰٓءِيلَ؞

18عَمَّا يَهْوٜىٰهْ يَثٜىٰمَسَ، ‹يَنَ دَݣَوْ دَ كَا يِنِيَّ كَغِنَ مِنِ غِدَا دُواْمِنْ أَغِرْمَمَ سُونَنَ،

19عَمَّا دُكْدَهَكَ، بَ كَيْنٜىٰ ذَاكَ غِنَا غِدَنْ بَ؞ طَنْكَ وَنْدَ ذَاعَ حَيْڢَ مَكَ نٜىٰ ذَيْ غِنَا غِدَنْ دُواْمِنْ سُونَنَ؞›

20«غَاشِ كُوَ يَهْوٜىٰهْ يَا ثِكَ أَلْڧَوَرِنْ دَ يَيِ؞ يَوْ نَغَاجِ بَابَنَ دَاوُدَ، نَذَوْنَ عَكُجٜىٰرَرْ مُلْكٍ إِسْرَٰٓءِيلَ بِسَغَ أَلْڧَوَرِنْ يَهْوٜىٰهْ ، نَكُمَ غِنَا غِدَا دُواْمِنْ أَغِرْمَمَ سُونَنْ يَهْوٜىٰهْ اللَّهْ نَ إِسْرَٰٓءِيلَ؞

21نَكُمَ شِرْيَ وَ عَݣُوتِنْ يَرْجٜىٰجٜىٰنِيَ وُرِے عَثِكِنْ غِدَنْ؞ عَݣُوتِنْ يَنَ ڧُنْشٜىٰ دَ يَرْجٜىٰجٜىٰنِيَرْ دَ يَهْوٜىٰهْ يَيِ دَ كَاكَنِّنْمُ لُواْكَثِنْدَ يَڢِتَرْ دَسُو دَغَ ڧَسَرْ مَصَرْ؞»

22أَغَبَنْ تَارُوانْ جَمَعَرْ إِسْرَٰٓءِيلَ سُلَيْمَٰنُ يَڟَيَ أَغَبَنْ بَغَدٜىٰنْ يَهْوٜىٰهْ ، يَمِيڧَ حَنُّوَنْسَ سَمَ؞

23سَيْ يَيِ أَدُّعَ يَثٜىٰ، «يَا يَهْوٜىٰهْ اللَّهْ نَ إِسْرَٰٓءِيلَ، بَابُوَنِ اللَّهْ كَمَرْكَ عَثَنْ سَمَ، كُواْ أَنَنْ دُونِيَا! كَنَ كِيَايٜىٰ يَرْجٜىٰجٜىٰنِيَرْكَ، كَنَ كُمَ نُونَ ڧَوْنَ مَرَرْ ثَنْجَاوَا غَ دُكَنْ مَاسُ تَڢِيَ تَرٜىٰدَكَيْ دَ دُكَنْ ذُوثِيَارْسُ؞

24كَيْ كَثِكَ أَلْڧَوَرِنْدَ كَيِ وَبَابَنَ دَاوُدَ، وَنْدَ كَڢَطَا دَ بَاكِنْكَ كَكُمَ عَيْكَتَ دَ حَنُّنْكَ؞

25يَنْذُ يَا يَهْوٜىٰهْ اللَّهْ نَ إِسْرَٰٓءِيلَ، بَرِ كَثِكَ أَلْڧَوَرِنْدَ كَيِ وَبَاوَنْكَ بَابَنَ دَاوُدَ دَ كَثٜىٰمَسَ، ‹عِدَنْ یَیَنْكَ مَظَا ذَاسُ لُورَ دَ رَايُوَرْسُ، سُكُمَيِ تَڢِيَ تَرٜىٰدَنِ كَمَرْ يَدَّ كَيْ كَايِ، تُواْ، كُلُّمْ ذَاعَ سَامِ وَنِ دَغَ ثِكِنْ عِيَلِنْكَ دَ ذَيْ غَاجِ كُجٜىٰرَرْ مُلْكٍ إِسْرَٰٓءِيلَ؞›

26يَنْذُ يَا اللَّهْ نَ إِسْرَٰٓءِيلَ، بَرِ كَتَبَّتَرْ دَ مَغَنَرْ أَلْڧَوَرِنْكَ وَدَّ كَيِ وَبَاوَنْكَ بَابَنَ دَاوُدَ؞

27«عَمَّا كُواْ ذَيْ يِوُ اللَّهْ يَذَوْنَ عَدُونِيَا نٜىٰ؟ سَمَنْ سَمَّيْ مَا بَتَ إِشٜىٰكَبَ، بَلّٜىٰ مَا وَنَّنْ غِدَنْدَ نَغِنَ، أَيْ، بَيْ إِسَ كُواْمٜىٰبَ!

28دُكْدَهَكَ، جِ أَدُّعَ دَ ضُواْڧُوانْ دَنِے بَاوَنْكَ نَكٜىٰيِ مَكَ، يَا يَهْوٜىٰهْ اللَّهْ نَا، كَكَسَ كُنّٜىٰ غَ كُوكَا دَ أَدُّعَرْ دَنِے بَاوَنْكَ نَكٜىٰيِ مَكَ يَوْ؞

29بَرِ كَدِنْ‌غَ سَا عِدَنُونْكَ نَأَلْحٜىٰرِ عَكَنْ وَنَّنْ غِدَا دَرٜىٰ دَ رَانَ، وَتُواْ عِنْدَ كَثٜىٰ، ‹سُونَنَ ذَيْ كَسَنْثٜىٰ أَوُرِنْ؞› بَرِ كَجِ أَدُّعَتَ سَعَدَّ نَڢُسْكَنْثِ وَنَّنْ وُرِنْ ثِكِنْ أَدُّعَ؞»

30«بَرِ كَجِ ضُواْڧٜىٰ ضُواْڧٜىٰنَ دَ نَجَمَعَرْكَ سَعَدَّ سُكَ ڢُسْكَنْثِ وُرِنَّنْ سُنَ أَدُّعَ؞ بَرِ كَجِيمُ دَغَ سَمَ عِنْدَ كَكٜىٰ ذَمَ، كَجِ كَغَاڢَرْتَا مَنَ؞

31«عِدَنْ وَنِ يَظَرْغِ وَنِ عَكَنْ يَسَامٜىٰشِ دَ لَيْڢِے حَرْ عَكَ كَٰوُاْ مُتُمِنْ أَغَبَنْ بَغَدٜىٰنْكَ ثِكِنْ غِدَنْكَ دُوانْ ضَنْڟُوَا، إِنْ كُوَ يَرَنْڟٜىٰ ثٜىٰوَ بَاشِ دَ لَيْڢِے،

32يَا يَهْوٜىٰهْ ، سَيْكَجِ دَغَ سَمَ، كَيِ شَرِيعَ، كَيَنْكٜىٰ وَبَايِنْكَ حُكُنْثِ؞ كَحُكُنْتَ مَيْ لَيْڢِے كَمَيْدَ لَيْڢِنْسَ عَكَنْسَ، مَيْ غَسْكِيَ كُمَ كَنُونَ شِے مَرَرْ لَيْڢِے نٜىٰ بِسَغَ غَسْكِيَرْسَ؞

33«مَيْ يِوُوَ أَبُواْكَنْ غَابَنْ جَمَعَرْكَ إِسْرَٰٓءِيلَ ذَاسُثِسُ دَ يَاڧِ سَبُواْدَ جَمَعَرْكَ سُنْيِ مَكَ ذُنُوبِ؞ عَمَّا عِدَنْ سُكَ جُويُواْ غَرٜىٰكَ، سُكَ تَبَّتَرْ دَ غِرْمَنْ سُونَنْكَ، سُكَيِ أَدُّعَ، سُكَ نٜىٰمِ غَاڢَرَ أَوَنَّنْ غِدَا،

34سَيْكَ جِيسُ دَغَ سَمَ؞ كَغَاڢَرْتَا مُسُ ذُنُبَنْسُ، كَكُواْمَرْ دَسُو ذُوَا وَنَّنْ ڧَسَرْدَ كَبَا كَاكَنِّنْسُ؞

35«مَيْ يِوُوَ ذَاكَ كُلّٜىٰ سَرَرِنْ سَمَ حَرْ ضُوً سَمَ بَيْ سَوْكُواْبَ، سَبُواْدَ جَمَعَرْكَ سُنْيِ مَكَ ذُنُوبِ؞ عِدَنْ سُكَ تَبَّتَرْ دَ غِرْمَنْ سُونَنْكَ سُكَيِ أَدُّعَ سُنَ ڢُسْكَنْتَرْ غِدَنَّنْ، سُكَ جُويَا دَغَ ذُنُبَنْسُ سَبُواْدَ كَحُكُنْتَسُ،

36سَيْكَ جِيسُ دَغَ سَمَ؞ كَغَاڢَرْتَ ذُنُبَنْ بَايِنْكَ وَتُواْ جَمَعَرْ إِسْرَٰٓءِيلَ، كَكُواْيَ مُسُ سُيِ تَڢِيَ أَ حَنْيَرْ رَايُوَا مَيْݣَوْ؞ سَعَنً يَا يَهْوٜىٰهْ ، كَعَيْكَ دَ ضُوً سَمَ عَڧَسَرْكَ دَ كَبَا مُتَنٜىٰنْكَ تَذَمَ مَلَّكَرْسُ تَغَادُواْ؞

37«مَيْ يِوُوَ ذَاعَيِ يُنْوَ عَڧَسَرْ، كُواْ بَلَعِ، كُواْ إِسْكَ مَيْ ذَاڢِ مَيْ يَنْڨُونٜىٰ أَمْڢَانِنْ غُواْنَ، كُواْ ڢُمْڢُنَ، كُواْ ڢَارِ، كُواْ كُمَ ڟُڟُواْڟِ سُنْ ڢَاطَوَ أَمْڢَانِنْ غُواْنَرْسُ، كُواْ كُوَ عِدَنْ أَبُواْكَنْ غَابَنْ جَمَعَرْكَ سُنْ شِغَ ڧَسَرْ سُكَ كٜىٰوَيٜىٰ غَرُرُوَنْسُ، كُواْ كُوَ أَݣَويْ ثُوتُتُّكَ دَ رَشِنْ لَاڢِيَ عَثِكِنْ مُتَنٜىٰنْ؞

38عِدَنْ وَنِ مُتُمْ كُواْ دُكَنْ جَمَعَرْكَ سُنْيِ أَدُّعَ، كُواْ سُنْيِ ضُواْڧُواْ، سَبُواْدَ سُنْ غَانٜىٰ دَ دَامُوَرْ ذُوثِيَارْسُ حَرْ سُنَ مِيڧَ حَنُّوَنْسُ تَوَنَّنْ غِدَا،

39سَيْكَجِ دَغَ سَمَ عِنْدَ كَكٜىٰ ذَمَ؞ كَغَاڢَرْتَا مُسُ، كَطَوْكِ مَتَاكِ، كَبِدَ كُواْوَ يَدَّ يَثَنْثَنْتَ بِسَغَ يَدَّ كَسَنْ ذُوثِيَارْسَ، سَبُواْدَكَيْ كَطَيْ كَاسَنْ تُنَانِنْ ذُوثِيَارْ مُتُمْ؞

40تَهَكَ مُتَنٜىٰنْكَ ذَاسُجِڟُواْرُوانْكَ سُيِ تَڢِيَ عَثِكِنْ حَنْيَرْكَ دُكَنْ ݣُونَكِنْ دَ ذَاسُ كَسَنْثٜىٰ عَڧَسَرْدَ كَبَا كَاكَنِّنْمُ؞

41«مَيْ يِوُوَ وَنِ بَڧُواْ، وَنْدَ بَ نَڧَبِيلَرْكَ إِسْرَٰٓءِيلَ بَ، يَذُواْ دَغَ ڧَسَا مَيْ نِيسَ دُواْمِنْ يَغِرْمَمَ سُونَنْكَ،

42دَيَكٜىٰ بَاڧِ ذَاسُجِ غَمٜىٰدَ سُونَنْكَ دَ حَنُّنْكَ مَيْ إِيكُواْ دَ مَنْيَنْ أَيُّكَنْكَ نَبَنْ مَامَاكِ؞ عِدَنْ يَا ذُواْ يَيِ أَدُّعَ يَنَ ڢُسْكَنْتَرْ غِدَنَّنْ،

43سَيْكَجِ دَغَ سَمَ عِنْدَ كَكٜىٰ ذَمَ؞ سَعَنً كَيِ دُكْ أَبِنْدَ بَڧُوانْ يَضُواْڧَا، دُواْمِنْ دُكَنْ ڧَبِيلُنْ دُونِيَا سُسَنْ سُونَنْكَ سُغِرْمَمَكَ، كَمَرْ يَدَّ جَمَعَرْكَ إِسْرَٰٓءِيلَ سُكٜىٰ غِرْمَمَكَ؞ ذَاسُ كُمَ سَنِ ثٜىٰوَ وَنَّنْ غِدَنْدَ نَغِنَ أَنْسَنْشِ دَ سُونَنْكَ نٜىٰ؞

44«مَيْ يِوُوَ جَمَعَرْكَ ذَاسُڢِتَ يِنْيَاڧِ دَ أَبُواْكَنْ غَابَنْسُ، دُكْ عِنْدَ ذَاكَ عُمَرْثٜىٰسُ سُتَڢِے؞ عِدَنْ سُنْيِ أَدُّعَ سُنَ ڢُسْكَنْتَرْ وَنَّنْ بِرْنِنْدَ كَذَاٻَا دَ كُمَ وَنَّنْ غِدَنْدَ نَغِنَ دُواْمِنْ أَغِرْمَمَ سُونَنْكَ،

45سَيْكَجِ أَدُّعَرْسُ دَ ضُواْڧُوانْسُ دَغَ سَمَ، كَيِ مُسُ أَبِنْدَ يَدَاثٜىٰ؞

46«مَيْ يِوُوَ جَمَعَرْكَ ذَاسُيِ مَكَ ذُنُوبِ، غَمَا بَ طَنْ أَدَمْ دَ بَايَ ذُنُوبِ، كَكُمَيِ ڢُشِے دَسُو كَبَاشٜىٰسُ أَ حَنُّنْ أَبُواْكَنْ غَابَنْسُ، حَرْ عَكَ ݣُوشٜىٰسُ ذُوَا وَتَ ڧَسَا مَيْ نِيسَ كُواْ كُسَ؞

47عِدَنْ سُكَ ثَنْجَ ذُوثِيَارْسُ عَڧَسَرْدَ عَكَ كَيْسُ بَوْتَا، حَرْ سُكَ تُوبَ سُكَ ضُواْڧٜىٰكَ سُكَثٜىٰ، ‹مُنْيِ ذُنُوبِ، بَمُيِ دَيْدَيْبَ، مُنْ عَيْكَتَ مُغُنْتَا،› سَيْ كَجِ أَدُّعَرْسُ دَغَ سَمَ عِنْدَ كَكٜىٰ ذَمَ؞

48عِدَنْ كُمَ سُكَ تُوبَ دَ دُكَنْ ذُوثِيَارْسُ دَ حَنْكَلِنْسُ عَڧَسَرْدَ سُكٜىٰ بَوْتَا، سُكَيِ مَكَ أَدُّعَ سُنَ ڢُسْكَنْتَرْ ڧَسَرْدَ كَبَا كَاكَنِّنْسُ دَ بِرْنِنْدَ كَذَاٻَا دَ كُمَ غِدَنْدَ نَغِنَ دُواْمِنْ أَغِرْمَمَ سُونَنْكَ،

49سَيْ كَجِ أَدُّعَرْسُ دَ ضُواْڧُوانْسُ دَغَ سَمَ عِنْدَ كَكٜىٰ ذَمَ، كَكُمَيِ مُسُ أَبِنْدَ يَدَاثٜىٰ؞

50بَرِ كَغَاڢَرْتَا وَمُتَنٜىٰنْكَ دُكَنْ ذُنُبَنْسُ دَ ذُنُبَنْ غَنْ‌غَنْثِنْ دَ سُكَيِ مَكَ؞ كَكُمَسَا أَبُواْكَنْ غَابَنْسُ سُرِڧٜىٰسُ دَ تَوْسَيِ؞

51غَمَا سُونٜىٰ جَمَعَرْكَ دَ كُمَ غَادُوانْكَ وَطَنْدَ كَڢِتَرْ دَسُو دَغَ ڧَسَرْ مَصَرْ دَغَ ثِكِنْ ذَاڢِنْ وُتَرْ مَڧٜىٰرَرْ نَنْ؞

52«بَرِ كَبَادَ حَنْكَلِنْكَ غَ أَدُّعَرْ بَاوَنْكَ دَ تَجَمَعَرْكَ إِسْرَٰٓءِيلَ؞ كَكَسَ كُنّٜىٰ غَرٜىٰسُ سَعَدَّ سُكَيِ كِرَا غَرٜىٰكَ؞

53غَمَا كَيْ، يَا عُبَنْ‌غِجِ يَهْوٜىٰهْ ، كَوَارٜىٰسُ دُواْمِنْ كَنْكَ دَغَ دُكَنْ سَوْرَنْ ڧَبِيلُنْ دُونِيَا سُذَمَ غَادُوانْكَ، بِسَغَ أَلْڧَوَرِنْدَ كَيِ وَبَاوَنْكَ مُوسَٰى لُواْكَثِنْدَ كَڢِتَرْدَ كَاكَنِّنْمُ دَغَ ڧَسَرْ مَصَرْ؞»

54سَعَدَّ سُلَيْمَٰنُ يَغَمَ يِنْ وَطَنَّنْ أَدُّعُواْعِ دَ ضُواْڧٜىٰ ضُواْڧٜىٰ غَ يَهْوٜىٰهْ ، سَيْ يَمِيڧٜىٰ ڟَيٜىٰ أَغَبَنْ بَغَدٜىٰنْ يَهْوٜىٰهْ ، عِنْدَ دَا مَا يَكٜىٰ أَدُرْڧُشٜىٰ دَ حَنُّوَنْسَ أَ مِيڧٜىٰ ذُوَا سَمَ؞

55يَڟَيَ أَوُرِنْ يَطَغَ مُرْيَرْسَ سُواْسَيْ يَ أَلْبَرْكَثِ جَمَعَرْ إِسْرَٰٓءِيلَ دُكَ يَثٜىٰ،

56«أَلْبَرْكَ تَا تَبَّتَا غَ يَهْوٜىٰهْ وَنْدَ يَبَامُتَنٜىٰنْسَ إِسْرَٰٓءِيلَ هُوتُ، كَمَرْ يَدَّ يَيِ أَلْڧَوَرِ؞ بَابُ كَلْمَ طَيَ دَ تَذَمَ بَنْظَ ثِكِنْ دُكَنْ أَلْكَوَرَيْ مَاسُ ݣَوْ دَ يَيِ تَبَاكِنْ مُوسَٰى؞

57بَرِ يَهْوٜىٰهْ اللَّهْ نْمُ يَكَسَنْثٜىٰ تَرٜىٰدَمُو، كَمَرْ يَدَّ يَكَسَنْثٜىٰ دَ كَاكَنِّنْمُ؞ كَدَ يَبَرْمُو كُواْ كُوَ يَڨَلٜىٰمُ؞

58بَرِ يَبَامُ مَرْمَرِنْ عَيْكَتَ نُڢِنْسَ أَ ظُكَاتَنْمُ، مُيِ تَڢِيَ تَرٜىٰدَشِ ثِكِنْ دُكَنْ حَنْيَرْسَ، مُكُمَيِ بِيَيَّ دَ دُواْكُواْكِ دَ ڧَٰعِدُواْدِ دَ عُمَرْنَنْدَ يَبَا كَاكَنِّنْمُ؞

59بَرِ كُمَ كَلْمُواْمِنْ ضُواْڧٜىٰ ضُواْڧٜىٰنْدَ نَيِ أَغَبَنْ يَهْوٜىٰهْ سُكَسَنْثٜىٰ تَرٜىٰدَشِ كُلُّمْ دَرٜىٰ دَ رَانَ، دُواْمِنْ يَهْوٜىٰهْ اللَّهْ نْمُ يَيِ أَبِنْدَ يَدَاثٜىٰ دَنِے بَاوَنْسَ دَ كُمَ جَمَعَرْسَ إِسْرَٰٓءِيلَ كُواْوَثٜىٰ رَانَ؞

60بَرِ يَيِ حَكَ دُواْمِنْ دُكَنْ ڧَبِيلُنْ دُونِيَا سُسَنْ ثٜىٰوَ يَهْوٜىٰهْ شِينٜىٰ اللَّهْ ، كُمَ بَنْدَشِ، بَا وَنِ؞

61بَرِ كُمَ كُو دَ كُكٜىٰ مُتَنٜىٰنْسَ، كُبَادَ ذُوثِيَارْكُ غَبَاطَيَ كُلُّمْ غَ يَهْوٜىٰهْ اللَّهْ نْمُ؞ بَرِ كُدِنْ‌غَ رَايُوَا عَثِكِنْ ڧَٰعِدُواْدِنْسَ كُكُمَ كِيَايٜىٰ دُواْكُواْكِنْسَ دَيْدَيْ كَمَرْ يَدَّ كُكٜىٰيِ عَيَوْ؞»

62سَعَنً سَرْكِے تَرٜىٰدَ دُكَنْ جَمَعَرْ إِسْرَٰٓءِيلَ سُكَ مِيڧَ هَدَايُ أَغَبَنْ يَهْوٜىٰهْ ؞

63سُلَيْمَٰنُ يَيِ هَدَايَ تَڠَرَنْ زُمُنْثِ دَ شَانُو دُبُو عَشِرِنْ دَ بِيُ دَ تُمَكِ دُبُو طَرِے دَ دُبُو عَشِرِنْ؞ تَهَكَ سَرْكِے دَ دُكَنْ جَمَعَرْ إِسْرَٰٓءِيلَ سُكَ كٜىٰٻٜىٰ غِدَنْ يَهْوٜىٰهْ ؞

64أَ رَانَرْ نَنْ سَرْكِے يَكُمَ كٜىٰٻٜىٰ ڢِيلِنْ دَيَكٜىٰ أَغَبَنْ غِدَنْ يَهْوٜىٰهْ ؞ أَوُرِنْ نٜىٰ يَمِيڧَ هَدَايُنْ ڧُواْنَاوَا دَ نَغَرِ دَ كِڟٜىٰنْ هَدَايَ تَڠَرَنْ زُمُنْثِ، غَمَا بَغَدٜىٰنْ تَغُلَّرْ دَيَكٜىٰ أَغَبَنْ يَهْوٜىٰهْ يَا كَاسَ سُواْسَيْ دَ ذَاعَيِ دُكَنْ وَطَنَّنْ هَدَايُ عَكَنْسَ؞

65سَيْ سَرْكِے سُلَيْمَٰنُ تَرٜىٰدَ دُكَنْ إِسْرَٰٓءِيلَ، وَتُواْ بَبَّنْ تَارُوانْ جَمَعَ، سُكَيِ بِكِ أَغَبَنْ يَهْوٜىٰهْ اللَّهْ نْسُ؞ مُتَنٜىٰ سُكَذُواْ دَغَ نٜىٰسَ، تُنْدَغَ مَشِغِنْ يَنْكِنْ هَمَتْ عَ أَرٜىٰوَثِنْ ڧَسَرْ ذُوَا ݣُورِنْ إِيَاكَرْ ڧَسَرْ مَصَرْ عَكُدُ؞ سُكَيِ ݣُونَ بَݣَويْ سُنَ بِكِ، سُكَ كُمَ ڧَارَ وَنِ ݣُونَ بَݣَويْ؞

66أَ رَانَ تَتَݣُوسْ، سَيْ سُلَيْمَٰنُ يَسَلَّمِ مُتَنٜىٰنْ سُكَ تَڢِے؞ مُتَنٜىٰ دُكَ سُكَ يَبِے سَرْكِے، سُكَ كُواْمَ غِدَاجٜىٰنْسُ دَ ڢَضٍ ثِكِ دَ مُرْنَ سَبُواْدَ أَبُبُوَ مَاسُ ݣَوْ دَ يَهْوٜىٰهْ يَيِ وَبَاوَنْسَ دَاوُدَ دَ كُمَ جَمَعَرْسَ إِسْرَٰٓءِيلَ؞

← Chapter 7 Jump to: Chapter 9 →