1 Kings 7

Hausa Arabic 2020 (أَتَّوْرَتْ دَ أَنَّبَاوَا)

1يَطَوْكِ سُلَيْمَٰنُ شٜىٰكَرُ غُواْمَشَا عُكُ، كَاڢِنْ يَغَمَ غِنَاوَا كَنْسَ غِدَنْ سَرْكِے؞

2يَغِنَ وَنِ بَبَّنْ طَاكِنْ تَارُواْ مَيْ سُونَ غِدَنْ كُرْمِنْ لٜىٰبَنُوانْ؞ ڟَوُانْسَ ڧَڢَا طَرِے دَ حَمْسِنْ نٜىٰ، ڢَاطِنْسَ ڧَڢَا سَبَعِنْ دَ بِيَرْ، سَعَنً ڟَيِنْسَ ڧَڢَا أَرْبَعِنْ دَ بِيَرْ نٜىٰ؞ بِمْ نَسِلِنْ غِدَنْ يَنَ عَكَنْ جٜىٰرِ حُطُ نَغِنْشِڧَنْ إِتَاثٜىٰنْ سٜىٰدَ؞

3عَكَ رُڢٜىٰشِ دَ بِمْ نَسٜىٰدَ عَكَنْ غِنْشِڧَنَّنْ أَرْبَعِنْ دَ بِيَرْ دَسُكٜىٰ أَ جٜىٰرٜىٰ كُواْوَنٜىٰ لَيِ غُواْمَشَا بِيَرْ؞

4عَبَنْ‌غُوانْ غٜىٰڢٜىٰنْ حَنُّنْ هَغُ دَ نَدَمَ نَغِدَنْ، أَݣَويْ تَغُواْغِ جٜىٰرِ عُكُنْ دَسُكٜىٰ ڢُسْكَنْتَرْ جُونَ؞

5دُكَنْ غٜىٰڢٜىٰ حُطُ نَڧُواْڢُواْڢِ دَ ڢِرَمْ نَاسُ، غِرْمَنْسُ دَيْدَيْ دَ سَوْرَنْ غٜىٰڢٜىٰنْ، سُنَ ڢُسْكَنْتَرْ جُونَ ثِكِنْ جٜىٰرِ عُكُنْ؞

6سُلَيْمَٰنُ يَكُمَ غِنَا ذَوْرٜىٰ مَيْ غِنْشِڧَيْ، ڟَوُانْسَ ڧَڢَا سَبَعِنْ دَ بِيَرْ، ڢَاطِنْسَ ڧَڢَا أَرْبَعِنْ دَ بِيَرْ؞ أَغَبَنْ ذَوْرٜىٰنْ أَݣَويْ ذَوْرٜىٰ مَيْ غِنْشِڧَيْ وَنْدَ أَنْرُڢٜىٰ سَمَنْسَ؞

7سُلَيْمَٰنُ يَغِنَ بَبَّنْ طَاكِنْ كُجٜىٰرَرْ مُلْكِ عِنْدَ يَكٜىٰيِ وَمُتَنٜىٰ شَرِيعَ، مَيْ سُونَ بَبَّنْ طَاكِنْ شَرِيعَ؞ وَنَّنْ طَاكِنْ كُوَ أَنْرُڢٜىٰ ثِكِنْسَ دَ كَتَكَنْ إِتَاثٜىٰنْ سٜىٰدَ دَغَ ڧَسَا حَرْ سَمَ؞

8غِدَنْ دَ سُلَيْمَٰنُ يَكٜىٰ ذَمَ عَثِكِ، أَنْ‌غِنَ شِ أَوَنِ ڢِيلِ عَبَايَنْ بَبَّنْ طَاكِنْ شَرِيعَرْ نٜىٰ؞ أَنْ كُوَ غِنَاشِ كَمَرْ يَدَّ عَكَ غِنَا بَبَّنْ طَاكِنْ شَرِيعَ؞ سُلَيْمَٰنُ يَكُمَ غِنَاوَا مَاتَرْسَ، یَرْ سَرْكِنْ مَصَرْ، غِدَا كَمَرْ بَبَّنْ طَاكِنْ شَرِيعَرْسَ؞

9دُكَنْ غِنٜىٰ غِنٜىٰنَّنْ دَغَ تُوشٜىٰ حَرْ رُڢِنْ أَنْيِسُ دَ دُوَڟُو مَاسُ ݣَوْ دَ كُمَ ڟَادَ؞ دَ ڢَارِ أَنْيَيَّنْكَ دُووَڟُنْ دَيْدَيْ كَمَرْ يَدَّ عَكَ عَوْنَ، سَعَنً عَكَ ڠَغْڠَرَسُ غَبَ دَ بَايَ دَ زَرْتُواْ؞

10تُوشٜىٰنْ غِنِنْ أَنْ‌غِنَاشِ دَ دُوَڟُو مَاسُ ݣَوْ دَ كُمَ ڟَادَ، مَنْيَ نٜىٰ سُواْسَيْ؞ وَطَنْسُ ڟَوُانْسُ يَكَيْ ڧَڢَا غُواْمَشَا بِيَرْ، وَطَنْسُ ڧَڢَا غُواْمَشَا بِيُ؞

11عَكَنْ دُوَڟُو نَتُوشٜىٰنْ غِنِنْ، أَݣَويْ بِمْ نَسٜىٰدَ دَ كُمَ وَطَنْسُ دُوَڟُو مَاسُ ݣَوْ دَ كُمَ ڟَادَ، وَطَنْدَ عَكَ يَيَّنْكَ دَيْدَيْ كَمَرْ يَدَّ عَكَ عَوْنَ؞

12ڢِيلِنْ غِدَنْ سَرْكِے، أَنْ‌غِنَ كَتَنْ‌غَرْ يَدَّ أَݣَويْ جٜىٰرِنْ بِمْ نَكَتَكَنْ إِتَاثٜىٰنْ سٜىٰدَ بَايَنْ كُواْوَنٜىٰ جٜىٰرِ عُكُ نَدُووَڟُنْ دَ عَكَ سَسَّڧَ دَيْدَيْ كَمَرْ نَڢِيلِنْ ثِكِنْ غِدَنْ يَهْوٜىٰهْ دَ كُمَ نَذَوْرٜىٰنْ غِدَنْ يَهْوٜىٰهْ ؞

13سَرْكِے سُلَيْمَٰنُ كُوَ يَعَيْكَ عَكَٰوُاْ مَسَ هُرَمْ دَغَ بِرْنِنْ تَيَ؞

14شِے طَنْ وَتَ مَتَا نٜىٰ دَغَ ذُرِيَرْ نَڢْتَلِ، وَدَّ مِجِنْتَ يَا رِغَا يَا مُتُ؞ بَابَنْسَ مُتُمِنْ تَيَ نٜىٰ، دَا بَبَّنْ ڠُونِنْ عَيْكِنْ ڧَرْڢٜىٰنْ تَغُلَّنٜىٰ؞ هُرَمْ شِے مَا مَيْ حِكِمَ نٜىٰ، مَيْ عِيَ عَيْكِنٜىٰ، مَيْ سَنِنْ سَنَعَرْسَ نَعَيْكِنْ ڧَرْڢٜىٰنْ تَغُلَّ؞ يَأَمْسَ كِرَنْ سُلَيْمَٰنُ دُواْمِنْ يَشُوغَبَنْثِ عَيْكِنْسَ نَڧَرْڢٜىٰنْ تَغُلَّ؞

15هُرَمْ يَيِ غِنْشِڧَيْ بِيُ نَڧَرْڢٜىٰنْ تَغُلَّ، كُواْوَنّٜىٰنْسُ ڟَيِنْسَ ڧَڢَا عَشِرِنْ دَ بَݣَويْ نٜىٰ؞ إِغِيَ مَيْ ڧَڢَا غُواْمَشَا تَݣُوسْ ذَيْ كٜىٰوَيٜىٰ كُواْوَنّٜىٰنْسُ؞

16يَيِ كَوُنَ بِيُ نَڧَرْڢٜىٰنْ تَغُلَّ دُواْمِنْ أَسَاسُ عَكَنْ غِنْشِڧَنْ بِيُ طِنْ؞ ڟَيِنْ كُواْوَنّٜىٰنْسُ ڧَڢَا بَݣَويْ دَ رَبِنٜىٰ؞

17يَيِ وَكُواْوَنٜىٰ كَنْ غِنْشِڧِ أَدُواْ دَ ذَانِ ذَانِنْ رَاغَرْ سَرْڧَ؞ أَجِكِنْ كُواْوَنٜىٰ كَنْ غِنْشِڧِ أَݣَويْ لَيِ بَݣَويْ نَأَدُوانْ؞

18يَيِ لَيِ بِيُ نَظَانٜىٰ ذَانِنْ صِڢُّواْڢِنْ یَیَنْ رُمَّنْ نَڧَرْڢٜىٰنْ تَغُلَّ سُكٜىٰوَيٜىٰ أَدُوانْ رَاغَرْ سَرْڧَرْ؞ وَطَنَّنْ سُنَ سَمَ دَ لَيِ بَݣَويْ نَظَانٜىٰ ذَانِنْ رَاغَرْ سَرْڧَ أَجِكِنْ كَوُنَنْ غِنْشِڧَنَّنْ؞

19كَوُنَنْ غِنْشِڧَنْ دَسُكٜىٰ عَكَنْ كُواْوَنٜىٰ غِنْشِڧِ نَذَوْرٜىٰنْ، أَنْيِ مُسُ ذَانِ ذَانِنْ صِڢُّواْڢِنْ ڢُلَوَ، كُمَ ڟَيِنْسُ ڧَڢَا شِدَ نٜىٰ؞

20أَوُرِنْ دَ كَنْ غِنْشِڧِ يَبُوطُ كَمَرْ ݣُونُواْ، سَمَ دَ ذَانِ ذَانِنْ سَرْڧَرْ، أَنْيِ ذَانِ ذَانِنْ یَیَنْ رُمَّنْ وَجٜىٰنْ طَرِے بِيُ، لَيِ لَيِ كٜىٰوَيٜىٰ دَ كَوُنَنْ غِنْشِڧَنَّنْ؞

21هُرَمْ يَكَڢَ وَطَنَّنْ غِنْشِڧَنْ ڧَرْڢٜىٰ عَڧُواْڢَرْ ذَوْرٜىٰ نَغِدَنْ يَهْوٜىٰهْ ؞ غِنْشِڧِنْ دَيَكٜىٰ عَكُدُ يَكِرَشِ يَكِنْ؞ غِنْشِڧِنْ دَيَكٜىٰ عَ أَرٜىٰوَ يَكِرَشِ بُواْوَظْ؞

22وَطَنَّنْ كَوُنَنْ غِنْشِڧَنْ دَ عَكَيِمُسُ ذَانِ ذَانِنْ صِڢُّواْڢِنْ ڢُلَوَ سُنَ عَكَنْ غِنْشِڧَنْ؞ تَهَكَ عَكَ كَمَّلَ عَيْكِ عَكَنْ غِنْشِڧَنْ؞

23سَيْ هُرَمْ يَيِ وَنِ ڧَتُوانْ ݣُونُواْ دُواْمِنْ عَ أَجِيٜىٰ ضُوَ نَڧَرْڢٜىٰنْ تَغُلَّ، وَنْدَ عَكٜىٰ كِرَنْسَ تٜىٰكُ؞ ظُرْڢِنْسَ ڧَڢَا بَݣَويْ دَ رَبِے، ڢَاطِنْسَ ڧَڢَا غُواْمَشَا بِيَرْ، إِغِيَ مَيْ ڧَڢَا أَرْبَعِنْ دَ بِيَرْ ذَاتَ كٜىٰوَيٜىٰ بَاكِنْ ݣُونُوانْ؞

24عَكٜىٰوَيٜىٰنْ بَاكِنْ ڧَتُوانْ ݣُونُوانْ أَݣَويْ لَيِ بِيُ نَصِڢُّواْڢِنْ غُواْرَ نَڧَرْڢٜىٰنْ تَغُلَّ، أَݣَويْ غُواْرَ شِدَ ثِكِنْ كُواْوَنٜىٰ ڧَڢَا؞ أَنْ نَرْكٜىٰ ڧَرْڢٜىٰنْ تَغُلَّ، أَنْيِ ظُبِے نَصِڢُّواْڢِنْ غُواْرَنْ حَطٜىٰ دَ ڧَتُوانْ ݣُونُوانْ؞

25أَنْسَا ڧَتُوانْ ݣُونُواْنَّنْ عَكَنْ صِڢُّواْڢِنْ بِجِمَنْ ڧَرْڢٜىٰ غُواْمَشَا بِيُ؞ ڢُسْكُواْكِنْ بِجِمَنْ سُنَ ڢُسْكَنْتَرْ وَجٜىٰ؞ صِڢُّواْڢِنْ بِجِمَيْ عُكُ سُنَ ڢُسْكَنْتَرْ غَبَسْ، عُكُ سُنَ ڢُسْكَنْتَرْ يَمَّ، عُكُ سُنَ ڢُسْكَنْتَرْ كُدُ، عُكُ سُنَ ڢُسْكَنْتَرْ أَرٜىٰوَ؞

26غٜىٰڢٜىٰنْ ڧَتُوانْ ݣُونُوانْ، كَوْرِنْسَ إِنْثِ عُكُنٜىٰ، كُمَ ݣُونُوانْ يَنَ عِيَ طَوْكَرْ لِتَ دُبُو أَرْبَعِنْ نَضُوَ؞ بَاكِنْ ڧَتُوانْ ݣُونُوانْ كَمَرْ نَݣُوڢْ نٜىٰ كُواْ ڢُلَوَرْ دَ تَبُوطُ؞

27سَعَنً هُرَمْ يَيِ أَمَلَنْكٜىٰ نَڧَرْڢٜىٰنْ تَغُلَّ غُدَا غُواْمَ، ڟَوُانْ غٜىٰڢٜىٰنْسَ ڧَڢَا شِدَ، ڢَاطِنْسَ ڧَڢَا شِدَ، ڟَيِنْسَ كُمَ ڧَڢَا حُطُ دَ رَبِے؞

28غَا يَدَّ عَكَيِ أَمَلَنْكٜىٰنْ، أَنْيِ ڢَلّٜىٰنْ غٜىٰڢٜىٰ حُطُنْ دَيْدَيْ دَ جُونَ، أَنْكَامَسُ دُكَ دَ ڢِرَمْ؞

29أَجِكِنْ ڢَلّٜىٰنْ حُطُ أَݣَويْ ذَانِ ذَانِنْ صِڢُّواْڢِنْ ذَاكُواْكِ دَ نَبِجِمَيْ دَ نَحَلِتُّو مَاسُ ڢِكَڢِكَيْ؞ أَ سَمَ دَ ڧَسَا نَظَانٜىٰ ذَانِنْ ذَاكُواْكِ دَ نَبِجِمَيْ، أَݣَويْ أَدُوانْ ذَانِ ذَانِ نَڢُلَوَرْ دَ عَكَيِ عَكَنْ ڢَلّٜىٰنْ؞

30كُواْوَنٜىٰ أَمَلَنْكٜىٰ يَنَدَ ڧَڢَرْ تَغُلَّ غُدَا حُطُ دَ سَنْدُنَنْ ڧَرْڢٜىٰ مَاسُ رِڧٜىٰسُ؞ أَوَجٜىٰنْ ݣُونَ حُطُ نَأَمَلَنْكٜىٰنْ، أَݣَويْ أَبُبُوَ غُدَا حُطُ وَطَنْدَ سُنَ رِڧٜىٰ ݣُونُواْ غُدَا؞ سُو مَا أَنْيِ مُسُ أَدُوانْ ذَانِ ذَانِنْ صِڢُّواْڢِ نَڢُلَوَ أَجِكِنْسُ؞

31أَݣَويْ وَنِ ڢِرَمْ دَ يَيِ ذُواْبٜىٰ عَكَنْ أَمَلَنْكٜىٰ دُواْمِنْ ݣُونُواْ؞ ڟَيِنْسَ يَيِ ڧَڢَا طَيَ دَ رَبِے سَمَ دَ أَمَلَنْكٜىٰنْ، يَكُمَ كَيْ إِنْثِ عَشِرِنْ دَ بَݣَويْ ذُوَا ڧَسَا ثِكِنْ أَمَلَنْكٜىٰنْ؞ أَنْيِ ذَانِ ذَانِ أَجِكِنْ ڢِرَمْ طِنْ؞ كُواْوَنٜىٰ أَمَلَنْكٜىٰ يَنَدَ غٜىٰڢٜىٰ حُطُ دَ بَسُيِ ذُواْبٜىٰبَ؞

32ڟَيِنْ ڧَڢَاڢُنْ أَمَلَنْكٜىٰنْ يَيِ إِنْثِ عَشِرِنْ دَ بَݣَويْ؞ ڧَڢَاڢُ غُدَا حُطُ سُنَ ڧَرْڧَشِنْ ڢَلّٜىٰنْ؞ ڧَرْڢٜىٰ مَيْ رِڧٜىٰ ڧَڢَاڢُنْ يَنَ حَطٜىٰ دَ أَمَلَنْكٜىٰنْ؞

33أَنْيِ ڧَڢَاڢُنْ كَمَرْ نَكٜىٰكٜىٰنْ دُواْكِ؞ كُواْوَنٜىٰ أَبُ عَڧَڢَرْ، وَتُواْ ڧَرْڢٜىٰ مَيْ رِڧٜىٰ ڧَڢَاڢُنْ دَ غَرٜىٰغَرٜىٰنْ دَ وَيُواْيِنْ غَرٜىٰغَرٜىٰنْ دَ أَبِنْدَ يَرِڧٜىٰسُ، دُكَنْسُ أَنْيِسُ دَ ڧَرْڢٜىٰنْ تَغُلَّنٜىٰ؞

34عَكُواْوَثٜىٰ ݣُونَ تَغِنْدِنْ أَمَلَنْكٜىٰنْ، أَݣَويْ أَبُبُوَ حُطُ مَاسُ رِڧٜىٰ ݣُونُواْ؞ أَنْيِسُ حَطٜىٰ دَ أَمَلَنْكٜىٰنْ؞

35أَݣَويْ طَنْ ڧَرْڢٜىٰنْ تَغُلَّرْ دَ يَيِ ذُواْبٜىٰ بِسَ كَنْ كُواْوَنٜىٰ أَمَلَنْكٜىٰ؞ إِغِيَ مَيْ إِنْثِ تَرَ ذَاتَ كٜىٰوَيٜىٰشِ؞ ڢِرَمْ دَ ڢَلّٜىٰنْ أَنْكُوَ يِسُ حَطٜىٰ دَ أَمَلَنْكٜىٰنْ؞

36ڢَلّٜىٰنْ غٜىٰڢٜىٰنْ أَمَلَنْكٜىٰنْ دَ ڢِرَمْ أَنْثِكَسُ دَ ذَانِ ذَانِنْ صِڢُّواْڢِ نَحَلِتُّو مَاسُ ڢِكَڢِكَيْ دَ نَظَكُواْكِ دَ نَ عِتَتُوَنْ ڨُورَ؞ أَنْيِ ذَانِ ذَانِنْ ڢُلَوَ كٜىٰوَيٜىٰ دَسُو؞

37تَهَكَنٜىٰ هُرَمْ يَيِ أَمَلَنْكٜىٰنَّنْ غُدَا غُواْمَ؞ ڧَرْڢٜىٰنْ تَغُلَّ نَكُواْوَنٜىٰ أَمَلَنْكٜىٰ أَنَّرْكٜىٰشِ أَنْظُبَ ثِكِنْ أَبِنْدَ عَكَ رِغَا عَكَ ڧٜىٰرَ دَ صِڢَّرْسَ؞ دُواْمِنْ حَكَ دُكَنْ أَمَلَنْكٜىٰنْ غِرْمَنْسُ دَ كَمَنِّنْسُ إِرِ طَيَنٜىٰ؞

38هُرَمْ كُمَ يَيِ مَنْيَنْ ݣُونُواْنِ نَڧَرْڢٜىٰنْ تَغُلَّ غُدَا غُواْمَ، كُواْوَنٜىٰ ݣُونُواْ عَكَنْ أَمَلَنْكٜىٰ غُدَا؞ كُواْوَنٜىٰ بَبَّنْ ݣُونُواْ ڢَاطِنْسَ ڧَڢَا شِدَ، يَنَ عِيَ طَوْكَرْ لِتَ طَرِے تَݣُوسْ؞

39هُرَمْ يَأَجِيٜىٰ أَمَلَنْكٜىٰ بِيَرْ تَكُدَنْثِنْ غِدَنْ يَهْوٜىٰهْ ، بِيَرْ كُمَ تَأَرٜىٰوَثِنْ؞ يَسَا ڧَتُوانْ ݣُونُواْنَّنْ وَنْدَ عَكٜىٰ كِرَنْسَ تٜىٰكُ عَݣُونَرْ كُدُ مَسُواْ غَبَسْ نَغِدَنْ؞

40هُرَمْ يَكُمَيِ وَطَنْسُ ݣُونُواْنِ دَ شٜىٰبُرْ دَ مَنْيَنْ ݣُونُواْنِ؞ تَهَكَ، هُرَمْ يَكَمَّلَ دُكَنْ عَيْكِنْ دَ يَيِ وَ سَرْكِے سُلَيْمَٰنُ أَ غِدَنْ يَهْوٜىٰهْ ؞

41غَا أَبُبُوَنْ دَ يَيِ: غِنْشِڧَيْ بِيُ، مَنْيَنْ كَوُنَنْ دَ سُكَ بُوطُ كَمَرْ ݣُونُواْ عَكَنْ غِنْشِڧَنْ، لَيِ بِيُ نَأَدُوانْ رَاغَرْ سَرْڧَ أَجِكِنْ مَنْيَنْ كَوُنَنْ غِنْشِڧَنَّنْ،

42ذَانِ ذَانِنْ صِڢُّواْڢِنْ یَیَنْ رُمَّنْ طَرِے حُطُ، كُواْوَنٜىٰ لَيِ يَنَدَ غُدَا طَرِے، لَيِ بِيُ عَكَنْ كُواْوَنٜىٰ كَنْ غِنْشِڧِ،

43أَمَلَنْكٜىٰ غُواْمَ، كُواْوَنٜىٰ أَمَلَنْكٜىٰنْ يَنَ طَوْكٜىٰ دَ بَبَّنْ ݣُونُواْ طَيَ،

44ڧَتُوانْ ݣُونُواْ وَنْدَ عَكٜىٰ كِرَنْسَ تٜىٰكُ، صِڢُّواْڢِنْ بِجِمَيْ غُواْمَشَا بِيُ مَاسُ رِڧٜىٰ ڧَتُوانْ ݣُونُواْ،

45وَطَنْسُ ݣُونُواْنِ، دَ شٜىٰبُرْ، دَ مَنْيَنْ ݣُونُواْنِ؞ دُكَنْ كَايَنْ عَيْكِنَّنْ نَغِدَنْ يَهْوٜىٰهْ وَطَنْدَ هُرَمْ يَيِ دُواْمِنْ سَرْكِے سُلَيْمَٰنُ، أَنْيِسُ دَ ڧَرْڢٜىٰنْ تَغُلَّرْ دَ عَكَ غُواْغٜىٰ؞

46أَ ڢِيلَيٜىٰنْ دَسُكٜىٰ كُسَدَ كُواْغِنْ يُواْدَنْ، ڟَكَانِنْ سُكُّواتْ دَ ظَرٜىٰتَنْ، سَرْكِے سُلَيْمَٰنُ يَسَا أَ ظُبَ ڧَرْڢٜىٰنْ دَ عَكَ نَرْكَ ثِكِنْ رَامُكَنْ دَ عَكَ شِرْيَ عَڧَسَا دُواْمِنْ ڧٜىٰرَوَرْ كَايَنْ؞

47سُلَيْمَٰنُ بَيْ عَوْنَ نَوْيِنْ كَايَيَّكِنْ دَ عَكَ ڧٜىٰرَ بَ، سَبُواْدَ سُنْيِيَوَ؞ بَعَكُمَ سَنْ يَوَنْ نَوْيِنْ ڧَرْڢٜىٰنْ تَغُلَّرْ بَ؞

48سُلَيْمَٰنُ يَكُمَيِ دُكَنْ كَايَنْ عَيْكِ نَغِدَنْ يَهْوٜىٰهْ ، بَغَدٜىٰنْ ظِينَارِيَ، تٜىٰبُرِنْ ظِينَارِيَ دُواْمِنْ غُرَاسَرْ دَ عَكَ كٜىٰٻٜىٰ،

49سَنْدُنَ غُدَا غُواْمَ نَظِينَارِيَ ظَلَّ مَاسُ رِڧٜىٰ ڢِتِلُ، وَطَنْدَ عَكَ أَجِيٜىٰ أَغَبَنْ وُرِے مَڢِے ڟَرْكِے، بِيَرْ أَغٜىٰڢٜىٰنْ هَغُ، بِيَرْ كُمَ أَغٜىٰڢٜىٰنْ دَامَ، دُكَنْ ذَانِ ذَانِنْ صِڢُّواْڢِنْ ڢُلَوَ، ڢِتِلُ، مَنْيَنْ ثُواْكُلَ مَاسُ يَڟُ؞ دُكَنْسُ يَيِسُ دَ ظِينَارِيَ؞

50دُكَنْ ݣُوڢُنَ، أَبُبُوَنْ كَشٜىٰ ڢِتِلُ، مَنْيَنْ ݣُونُواْنِ، تَاسُواْشِنْ رِڧٜىٰ تُرَارٜىٰ، ݣُونُواْنِ نَݣُوشِ غَرْوَشِنْ وُتَا، أَبُبُوَ مَاسُ رِڧٜىٰ ڧُواْڢُواْڢِنْ وُرِے مَڢِے ڟَرْكِے دَ كُمَ نَبَبَّنْ طَاكِنْ غِدَنْ يَهْوٜىٰهْ ؞ يَيِسُ دَ ظِينَارِيَ؞

51عَڧَرْشٜىٰ، دُكَنْ عَيْكِنْ دَ سَرْكِے سُلَيْمَٰنُ يَيِ نَغِدَنْ يَهْوٜىٰهْ يَا كَمَّلَ؞ سُلَيْمَٰنُ يَشِغَرْدَ دُكْ أَبِنْدَ بَابَنْسَ دَاوُدَ يَكٜىٰٻٜىٰ دُواْمِنْ غِدَنْ يَهْوٜىٰهْ ، وَتُواْ أَظُرْڢَا دَ ظِينَارِيَ دَ وَطَنْسُ كَايَيَّكِ؞ يَسَا كُواْمٜىٰ ثِكِنْ طَاكِنْ أَجِيَ نَغِدَنْ يَهْوٜىٰهْ ؞

← Chapter 6 Jump to: Chapter 8 →