1 Kings 2

Hausa Arabic 2020 (أَتَّوْرَتْ دَ أَنَّبَاوَا)

1دَ لُواْكَثِنْ مُتُوَرْ سَرْكِے دَاوُدَ يَيِ كُسَ، سَيْ يَكِرَا طَنْسَ سُلَيْمَٰنُ يَغَرْغَطٜىٰشِ يَثٜىٰ،

2«نَا كُسَ إِنْمُتُ كَمَرْ يَدَّ كُواْوَ عَدُونِيَا ذَيْ يِ؞ سَيْ كَڧَرْڢَڢَ، كَنُونَ كَنْكَ نَمِجِنٜىٰ؞

3سَيْ كَيِ أَبِنْدَ يَهْوٜىٰهْ اللَّهْ نْكَ يَعُمَرْثٜىٰكَ كَيِ؞ كَيِ تَڢِيَ أَ حَنْيَرْسَ؞ كَكِيَايٜىٰ ڧَٰعِدُواْدِنْسَ دَ دُواْكُواْكِنْسَ دَ عُمَرْنَنْسَ دَ غَرْغَطِنْسَ كَمَرْ يَدَّ عَكَ رُبُوتَ ثِكِنْ كُواْيَرْوَرْ مُوسَٰى؞ كَيِ وَنَّنْ دُواْمِنْ كَيَلْوَتَ ثِكِنْ دُكَنْ أَبِنْدَ ذَاكَيِ دَ كُمَ دُكْ عِنْدَ ذَاكَ تَڢِے؞

4سَعَنً يَهْوٜىٰهْ ذَيْثِكَ أَلْڧَوَرِنْسَ دَ يَيِ مِنِ ثٜىٰوَ ‹عِدَنْ یَیَنْكَ سُنَ لُورَ دَ حَنْيَرْسُ، سُنَ تَڢِيَ دَ أَمِنْثِ أَغَبَنَ دَ دُكَنْ ذُوثِيَارْسُ دَ كُمَ دُكَنْ رَنْسُ، بَذَاعَ رَسَ مُتُمْ دَغَ ثِكِنْ یَیَنْكَ وَنْدَ ذَيْ ذَوْنَ عَكُجٜىٰرَرْ مُلْكِنْكَ عَ إِسْرَٰٓءِيلَ بَ؞›

5«بَنْ دَ وَنَّنْ، كَا سَنْ أَبِنْدَ يُواْوَبْ طَنْ ظٜىٰرُوِيَ يَيِ مِنِ، يَدَّ يَكَشٜىٰ شُوغَبَنِّنْ سُواْجُواْجِنْ إِسْرَٰٓءِيلَ غُدَا بِيُ، وَتُواْ أَبْنٜىٰرْ طَنْ نٜىٰرْ دَ أَمَسَ طَنْ يٜىٰتٜىٰرْ؞ يُواْوَبْ يَظُبَرْدَ جِنِنْسُ أَ لُواْكَثِنْ سَلَمَ كَمَرْ أَنَ ثِكِنْ يَاڧِ؞ شَيْدَرْ جِنِنْ يَاڧِ كُوَ تَنَ عَكَنْ طَمَرَرْ دَتَكٜىٰ أَغِنْدِنْسَ دَ كُمَ تَاكَلْمَنْ دَسُكٜىٰ عَڧَڢَاڢُنْسَ؞

6كَيِمَسَ بِسَغَ حِكِمَرْكَ، عَمَّا كَدَ كَبَرْ شِ يَغَنْ‌غَرَ ذُوَا وُرِنْ ذَمَنْ مَتَتُّو أَڟُوڢَرْسَ لَاڢِيَ؞

7«عَمَّا كَيِ أَلْحٜىٰرِ غَ یَیَ مَظَا نَ بَرْظِلَّيْ مُتُمِنْ غِلٜىٰيَدْ؞ بَرِ سُثِ تَرٜىٰدَ مَاسُثِ عَتٜىٰبُرِنْكَ، غَمَا سُنْيِ مِنِ أَلْحٜىٰرِ لُواْكَثِنْ دَ نَكٜىٰ غُدُ دَغَ طَنْعُوَنْكَ أَبْسَلُوامْ؞

8«أَݣَويْ كُمَ شِمٜىٰيِ طَنْ غٜىٰرَ مُتُمِنْ بِلِيَامِنُ دَغَ بَهُرِمْ؞ يَظَظْذَغٜىٰنِ سُواْسَيْ رَانَرْدَ نَتَڢِے مَهَنَيِمْ؞ عَمَّا دَ يَڢِتُواْ دُواْمِنْ يَتَرْيٜىٰنِ عَبَاكِنْ كُواْغِنْ يُواْدَنْ، نَا ضَنْڟٜىٰ مَسَ دَ سُونَنْ يَهْوٜىٰهْ ثٜىٰوَ بَذَنْ كَشٜىٰشِيبَ؞

9يَنْذُ كَدَ كَكَاسَ حُكُنْتَشِ؞ تُنْدَيَكٜىٰ كَيْ مُتُمْ مَيْ حِكِمَ نٜىٰ، ذَاكَسَنْ أَبِنْدَ يَكَمَاتَ كَيِ دَشِ، كَيْ دَيْ كَتَبَّتَرْ أَنْكَشٜىٰشِ أَڟُوڢَرْسَ؞»

10سَعَنً دَاوُدَ يَكُواْمَ غَ كَاكَنِّنْسَ، عَكَ بِنّٜىٰشِ أَ عُرُوشَلِيمَ، بِرْنِنْ دَاوُدَ؞

11دَاوُدَ يَيِ مُلْكٍ إِسْرَٰٓءِيلَ شٜىٰكَرَا أَرْبَعِنْ؞ يَيِ مُلْكِ شٜىٰكَرُ بَݣَويْ أَ هٜىٰبْرُوانْ دَ كُمَ شٜىٰكَرُ تَلَاتِنْ دَ عُكُ أَ عُرُوشَلِيمَ؞

12سُلَيْمَٰنُ يَهَوْ كُجٜىٰرَرْ مُلْكٍ بَابَنْسَ دَاوُدَ، مُلْكِنْسَ كُوَ يَكَڢُ سُواْسَيْ؞

13وَتَرَانَ أَدُواْنِيَ وَنْدَ مَامَرْسَ ثٜىٰ هَغِّتْ، يَذُواْ وُرِنْ بَتْشٜىٰبَةُ، مَامَرْ سُلَيْمَٰنُ؞ سَيْ تَتَمْبَيٜىٰشِ تَثٜىٰ «لَاڢِيَ دَيْ كَا ذُواْ؟» يَأَمْسَ «لَاڢِيَ لَوْ؞»

14يَكُمَثٜىٰ «نَاذُواْ نٜىٰ إِنْيِمَغَنَ دَكٜىٰ؞» سَيْ تَثٜىٰ «يِمَغَنَرْكَ؞»

15أَدُواْنِيَ يَأَمْسَ يَثٜىٰ «كِنْ سَنِ ثٜىٰوَ دَا مَا مُلْكٍ نَوَنٜىٰ، كُمَ دُكَنْ جَمَعَرْ إِسْرَٰٓءِيلَ سُنْسَا رَيْ ثٜىٰوَ نِے ذَنْيِ مُلْكِ؞ عَمَّا أَبُبُوَ سُكَ ثَنْجَ، سَيْ مُلْكٍ يَكُواْمَ غَ ڧَنٜىٰنَ غَمَا نَاسَ نٜىٰ بِسَغَ نُڢِنْ يَهْوٜىٰهْ ؞

16يَنْذُ دَيْ إِنَدَ ضُواْڧُواْ غُدَا ذُوَا غَرٜىٰكِ، كَدَ كِحَنَ مِنِ؞» بَتْشٜىٰبَةُ تَأَمْسَ تَثٜىٰ «يِمَغَنَرْكَ؞»

17سَيْ يَثٜىٰ «كِضُواْڧِ سَرْكِے سُلَيْمَٰنُ يَبَا نِے أَبِشَغْ یَرْ غَرِنْ شُنٜىٰمْ تَذَمَ مَاتَتَ، نَسَنِ بَذَيْڧِ جِنْكِبَ؞»

18بَتْشٜىٰبَةُ تَثٜىٰمَسَ «دَ ݣَوْ، ذَنْيِ وَسَرْكِے مَغَنَ دُواْمِنْكَ؞»

19سَيْ بَتْشٜىٰبَةُ تَتَڢِے وُرِنْ سَرْكِے سُلَيْمَٰنُ دُواْمِنْ تَيِ مَغَنَ دَشِ أَمَدَدِنْ أَدُواْنِيَ؞ سَرْكِے كُوَ يَتَاشِ دَغَ كَنْ كُجٜىٰرَرْ مُلْكِنْسَ دُواْمِنْ يَمَرَبْثٜىٰتَ، يَرُسُنَ أَغَبَنْتَ؞ دَ يَذَوْنَ، سَيْ يَسَا عَكَ كَٰوُاْ مَتَ وَتَ كُجٜىٰرَرْ مُلْكِ، تَا كُوَ ذَوْنَ تَهَنُّنْ دَامَنْسَ؞

20سَيْتَثٜىٰ وَسَرْكِے سُلَيْمَٰنُ «إِنَدَ طَنْ ضُواْڧُواْ دَ ذَنْيِمَكَ؞ إِنَ ڢَاتَا بَذَاكَ هَنَنِبَ؞» سَرْكِے يَثٜىٰ مَتَ «مَامَاتَ، سَيْ كِڢَطَا إِنْجِ، أَيْ، بَذَنْ هَنَكِبَ؞»

21سَيْ تَثٜىٰ «تُواْ، كَسَا عَبَا طَنْعُوَنْكَ أَدُواْنِيَ أَبِشَغْ یَرْ غَرِنْ شُنٜىٰمْ تَذَمَ مَاتَرْسَ؞»

22سُلَيْمَٰنُ يَأَمْسَ يَثٜىٰ «دُوانْمٜىٰ ذَاكِ ضُواْڧَاوَ أَدُواْنِيَ أَبِشَغْ؟ بَڠُومَّ كَوَيْ كِضُواْڧَا مَسَ مُلْكٍ بَ؟ دَيَكٜىٰ مَا شِ یَیَنَ نٜىٰ، كُمَ أَبِيَتَرْ ڢِرِسْتِ دَ يُواْوَبْ طَنْ ظٜىٰرُوِيَ سُنَ غُواْيُوانْ بَايَنْسَ؞»

23سَعَنً سُلَيْمَٰنُ يَرَنْڟٜىٰ دَ سُونَنْ يَهْوٜىٰهْ يَثٜىٰ «بَرِ اللَّهْ يَطَوْكِ رَيْنَ، عِدَنْ وَنَّنْ ضُواْڧُوانْ أَدُواْنِيَ بَيْ جَٰوُاْ مَسَ مُتُوَبَ؞

24يَهْوٜىٰهْ يَا تَبَّتَرْ دَنِے يَاكُمَ سَا نِے عَكَنْ كُجٜىٰرَرْ مُلْكٍ بَابَنَ دَاوُدَ، يَكُمَ كَڢَ ظُرِيَاتَ تَذَمَ غِدَنْ مُلْكِ؞ نَا ضَنْڟٜىٰ دَ سُونَنْ يَهْوٜىٰهْ مَيْ رَيْ، سَيْ أَدُواْنِيَ يَمُتُ يَوْ!»

25سَيْ سَرْكِے سُلَيْمَٰنُ يَعُمَرْثِ بٜىٰنَيَ طَنْ يٜىٰهُواْيِدَ يَكَشٜىٰ أَدُواْنِيَ؞ تَهَكَ أَدُواْنِيَ يَمُتُ؞

26عَمَّا سَرْكِے يَثٜىٰ وَ أَبِيَتَرْ ڢِرِسْتِ «كَكُواْمَ غِدَنْكَ عَثَنْ غَرِنْ أَنَتُواتْ؞ كَا ثَنْثَنْثِ مُتُوَ، عَمَّا بَذَنْ كَشٜىٰكَ يَنْذُ بَ، سَبُواْدَ كَكَنْ طَوْكِ عَݣُوتِنْ يَرْجٜىٰجٜىٰنِيَ نَ عُبَنْ‌غِجِ يَهْوٜىٰهْ أَغَبَنْ بَابَنَ دَاوُدَ، كُمَ دُكَنْ وَهَلُواْلِنْ دَ سُكَ ڢُسْكَنْثِ بَابَنَ، كَجِمْرٜىٰ تَرٜىٰدَشِ؞»

27سَبُواْدَ حَكَ سُلَيْمَٰنُ يَكُواْرِ أَبِيَتَرْ دَغَ ذَمَنْ ڢِرِسْتِ نَ يَهْوٜىٰهْ ؞ وَنَّنْ كُوَ يَثِكَ مَغَنَرْ دَ يَهْوٜىٰهْ يَيِ أَ شِلُواْ غَمٜىٰدَ غِدَنْ عٜىٰلِ؞

28لُواْكَثِنْ دَ يُواْوَبْ يَجِ لَابَرِنَّنْ، سَيْ يَغُدُ ذُوَا تٜىٰنْتِنْ يَهْوٜىٰهْ يَكَامَ ڧَهُواْنِنْ بَغَدٜىٰنْ يَرِڧٜىٰ؞ غَمَا يُواْوَبْ يَا يِغُواْيُوانْ بَايَنْ أَدُواْنِيَ عَمَّا أَدَا ثَنْ بَيْيِ غُواْيُوانْ بَايَنْ أَبْسَلُوامْ بَ؞

29عَكَ ڢَطَا وَ سَرْكِے سُلَيْمَٰنُ ثٜىٰوَ يُواْوَبْ يَغُدُ ذُوَا ثِكِنْ تٜىٰنْتِنْ يَهْوٜىٰهْ كُمَ يأَنَانً وَجٜىٰنْ بَغَدٜىٰنْ؞ سَيْ سُلَيْمَٰنُ يَعَيْكِ بٜىٰنَيَ ثٜىٰوَ يَتَڢِے يَكَشٜىٰ يُواْوَبْ؞

30بٜىٰنَيَ يَتَڢِے وُرِنْ تٜىٰنْتِنْ يَهْوٜىٰهْ يَثٜىٰ «سَرْكِے يَثٜىٰ كَڢِتُواْ؞» يُواْوَبْ يَأَمْسَ يَثٜىٰ «أَعَ، نَنْ ذَنْ مُتُ؞» سَيْ بٜىٰنَيَ يَكُواْمَ وُرِنْ سَرْكِے يَڢَطَا مَسَ أَبِنْدَ يُواْوَبْ يَثٜىٰ؞

31سَرْكِے سُلَيْمَٰنُ يَثٜىٰ «كَيِ أَبِنْدَ يُواْوَبْ يَثٜىٰ؞ كَكَشٜىٰشِ كَبِنّٜىٰ، دُواْمِنْ كَرَبَنِ دَ كُمَ ذُرِيَرْ بَابَنَ دَغَ أَلْحَكِنْ جِنِنْ مَرَسَ لَيْڢِنْدَ يُواْوَبْ يَكَشٜىٰ؞

32تَهَكَ يَهْوٜىٰهْ ذَيْ رَامَ عَكَنْسَ أَلْحَكِنْ جِنِنْ وَطَنْدَ يَكَشٜىٰ بَاتَرٜىٰدَ سَنِنْ بَابَنَ دَاوُدَ بَ؞ يَكَشٜىٰ مُتَنٜىٰ بِيُ دَ تَكُواْبِے، وَتُواْ أَبْنٜىٰرْ طَنْ نٜىٰرْ، شُوغَبَنْ سُواْجُواْجِنْ إِسْرَٰٓءِيلَ دَ أَمَسَ طَنْ يٜىٰتٜىٰرْ، شُوغَبَنْ سُواْجُواْجِنْ يَهُودَ، وَطَنْدَ سُكَ ڢِيشِ أَدَلْثِے دَ أَلْحٜىٰرِ؞

33بَرِ أَلْحَكِنْ جِنِنْسُ يَكُواْمَ عَكَنْ يُواْوَبْ دَ كُمَ ذُرِيَرْسَ حَرْ أَبَدَا؞ عَمَّا غَ دَاوُدَ دَ ذُرِيَرْسَ دَ غِدَنْسَ دَ كُمَ مُلْكِنْسَ، بَرِ سَلَمَرْ يَهْوٜىٰهْ تَكَسَنْثٜىٰ حَرْ أَبَدَا؞»

34سَيْ بٜىٰنَيَ طَنْ يٜىٰهُواْيِدَ يَهَوْ يَسَارٜىٰشِ يَكَشٜىٰ؞ عَكَ بِنّٜىٰشِ أَغِدَنْسَ أَدَاجِ؞

35سَرْكِے يَمَيْدَ بٜىٰنَيَ طَنْ يٜىٰهُواْيِدَ شُوغَبَنْ سُواْجُواْجِ أَمَيْمَكُوانْ يُواْوَبْ، سَيْ يَمَيْدَ ظَدُواكْ ڢِرِسْتِ أَمَيْمَكُوانْ أَبِيَتَرْ؞

36سَرْكِے يَعَيْكَ عَكَ كِرَا شِمٜىٰيِ يَثٜىٰ مَسَ «كَغِنَ وَكَنْكَ غِدَا أَنَنْ عُرُوشَلِيمَ، كَذَوْنَ عَثِكِ؞ كَدَ كَڢِتَ دَغَ بِرْنِنْ ذُوَا وَنِ وُرِے؞

37رَانَرْدَ كَڢِتَ كَڧٜىٰتَرٜىٰ رَاڢِنْ كِدْرُوانْ، كَسَنِ لَلَّيْ ذَاكَ مُتُ، كُمَ أَلْحَكِنْ جِنِنْكَ ذَيْ كَسَنْثٜىٰ عَكَنْكَ؞»

38شِمٜىٰيِ يَأَمْسَ «رَنْكَيَدَطٜىٰ، مَغَنَرْدَ كَيِ دَيْدَيْنٜىٰ، بَاوَنْكَ ذَيْ يِهَكَ؞» سَيْ شِمٜىٰيِ يَذَوْنَ أَ عُرُوشَلِيمَ ݣُونَكِے دَيَوَ؞

39عَمَّا بَايَنْ شٜىٰكَرَا عُكُ، سَيْ بِيُ دَغَ ثِكِنْ بَايِنْ شِمٜىٰيِ سُكَ غُدُ ذُوَا وُرِنْ عَكِشْ طَنْ مَعَكَ سَرْكِنْ غَتْ؞ عَكَ ڢَطَا وَ شِمٜىٰيِ ثٜىٰوَ بَايِنْسَ سُنَ أَ غَتْ؞

40سَيْ يَتَاشِ يَطَوْرَا وَ جَاكِنْسَ أَبِنْ ذَمَ، يَتَڢِے غَتْ وُرِنْ عَكِشْ دُواْمِنْ نٜىٰمَنْ بَايِنْسَ؞ شِمٜىٰيِ يَكُوَ دَاوُاْ دَسُو غِدَا دَغَ غَتْ؞

41سَعَدَّ عَكَڢَطَا وَ سُلَيْمَٰنُ ثٜىٰوَ شِمٜىٰيِ يَڢِتَ دَغَ عُرُوشَلِيمَ ذُوَا غَتْ حَرْ يَدَاوُاْ،

42يَعَيْكَ عَكَ كِرَشِ؞ سَيْ يَثٜىٰ مَسَ «بَ نَا سَا كَرَنْڟٜىٰ دَ سُونَنْ يَهْوٜىٰهْ ، نَا كُمَ غَرْغَطٜىٰكَ ثٜىٰوَ دُكْ ضَنْدَا كَبَرْ عُرُوشَلِيمَ كَتَڢِے وَنِ وُرِے ذَاكَ مُتُبَ؟ بَ حَرْ كَثٜىٰ مِنِ مَغَنَرْدَ نَيِ دَيْدَيْنٜىٰ، كُمَ ذَاكَيِ بِيَيَّ دَشِيبَ؟

43تُواْ، دُوانْمٜىٰ كَڧِ كَكِيَايٜىٰ ضَنْڟُوَارْ دَكَيِ وَ يَهْوٜىٰهْ دَ كُمَ دُواْكَرْدَ نَبَاكَ؟

44كَكُمَ سَنِ أَ ذُوثِيَارْكَ دُكَنْ مُغُنْتَارْدَ كَيِ وَبَابَنَ دَاوُدَ؞ يَنْذُ يَهْوٜىٰهْ ذَيْ دَاوُاْ دَ مُغُنْتَارْكَ عَكَنْكَ؞

45عَمَّا نِے سَرْكِے سُلَيْمَٰنُ ذَنْسَامِ أَلْبَرْكَ، كُمَ كُجٜىٰرَرْ مُلْكٍ دَاوُدَ ذَيْ كَڢُ أَغَبَنْ يَهْوٜىٰهْ حَرْ أَبَدَا؞»

46سَعَنً سَرْكِے سُلَيْمَٰنُ يَعُمَرْثِ بٜىٰنَيَ طَنْ يٜىٰهُواْيِدَ يَتَڢِے يَكَشٜىٰ شِمٜىٰيِ؞ سَيْيَتَڢِے يَكَشٜىٰشِ؞ أَوَنَّنْ لُواْكَثِ كُوَ مُلْكٍ يَكَڢُ دَݣَوْ أَ حَنُّنْ سُلَيْمَٰنُ؞

← Chapter 1 Jump to: Chapter 3 →