1 Kings 22

Hausa Arabic 2020 (أَتَّوْرَتْ دَ أَنَّبَاوَا)

← Chapter 21 Jump to:

1أَنْيِ شٜىٰكَرَا عُكُ بَابُ يَاڧِ ڟَكَانِنْ سُورِيَ دَ إِسْرَٰٓءِيلَ؞

2أَ شٜىٰكَرَا تَ عُكُ سَيْ سَرْكِے يٜىٰهُواْشَڢَتْ نَ يَهُودَ يَغَنْ‌غَرُواْ دُواْمِنْ يَظِيَرْثِ سَرْكِنْ إِسْرَٰٓءِيلَ؞

3سَرْكِے أَهَبْ يَثٜىٰ وَدَتَّاوَنْسَ «مٜىٰيَسَا بَمُ طَوْكِ مَتَاكَنْ مَيْدَ غَرِنْ رَمُواتْ غِلٜىٰيَدْ عَڧَرْڧَشِنْ مُلْكِنْمُبَ؟ كُنْ سَنْ ثٜىٰوَ تَنَ عَيَنْكِنْ ڧَسَرْمُ كُوَ؟ غَاشِ، بَمُيِ كُواْمٜىٰ دُواْمِنْ عَڨُوثٜىٰتَ دَغَ حَنُّنْ سَرْكِنْ سُورِيَ بَ!»

4سَيْ أَهَبْ يَتَمْبَيِ يٜىٰهُواْشَڢَتْ يَثٜىٰ «كُواْ ذَاكَ تَڢِے دَنِے مُيَاڧِ رَمُواتْ غِلٜىٰيَدْ؟» سَرْكِے يٜىٰهُواْشَڢَتْ يَأَمْسَ يَثٜىٰ «إِنَ أَشِرْيٜىٰ مُتَڢِے؞ أَيْ، سُواْجُواْجِنَ سُواْجُواْجِنْكَ نٜىٰ دَوَكِنَ دَوَكِنْكَ نٜىٰ؞»

5عَمَّا يٜىٰهُواْشَڢَتْ يَثٜىٰ وَسَرْكِنْ إِسْرَٰٓءِيلَ «مُنٜىٰمِ نُڢِنْ يَهْوٜىٰهْ تُكُنَ؞»

6سَيْ أَهَبْ يَكِرَا دُكَنْ أَنَّبَاوَا وَجٜىٰنْ طَرِے حُطُ يَثٜىٰ مُسُ «إِنْكَيْوَ رَمُواتْ غِلٜىٰيَدْ يَاڧِ كُواْ إِنْبَرِ؟» سَعَنً دُكَنْسُ سُكَ أَمْسَ سُكَثٜىٰ «كَتَڢِے غَمَا يَهْوٜىٰهْ ذَيْبَادَ عِتَ أَ حَنُّنْكَ؞»

7عَمَّا يٜىٰهُواْشَڢَتْ يَيِ تَمْبَيَ يَثٜىٰ «بَابُوَنِ أَنَّبِنْ يَهْوٜىٰهْ وَنْدَ ذَيْ نٜىٰمُواْ مَنَ نُڢِنْ يَهْوٜىٰهْ ؟»

8سَرْكِے أَهَبْ نَ إِسْرَٰٓءِيلَ يَأَمْسَ مَسَ يَثٜىٰ «عِ، أَݣَويْ وَنِنْ دَ ذَامُ عِيَ نٜىٰمَنْ نُڢِنْ يَهْوٜىٰهْ تَوُرِنْسَ، سُونَنْسَ مِكَيَ طَنْ إِمْلَ؞ عَمَّا بَانَ سُوانْسَ، سَبُواْدَ بَايَ أَنَّبْثِ مَيْݣَوْ عَكَيْنَ، سَيْدَيْ مَسِيڢَ؞» سَرْكِے يٜىٰهُواْشَڢَتْ نَ يَهُودَ يَثٜىٰ «سَرْكِے، كَدَ كَيِ مَغَنَ حَكَ؞»

9سَرْكِنْ إِسْرَٰٓءِيلَ يَكِرَا وَنِ دَغَ ثِكِنْ دَتَّاوَنْسَ يَثٜىٰ «يِمَظَا، كَكَٰوُاْ مِكَيَ طَنْ إِمْلَ أَنَنْ؞»

10سَرْكِے أَهَبْ نَ إِسْرَٰٓءِيلَ دَ سَرْكِے يٜىٰهُواْشَڢَتْ نَ يَهُودَ كُوَ سُكَسَا رِيغُنَنْ مُلْكِنْسُ، سُكَ ذَوْنَ عَكَنْ كُجٜىٰرُنْ مُلْكِ كُسَدَ وُرِنْ بُغُنْ حَڟِ نَبَاكِنْ ڧُواْڢَرْ بِرْنِنْ سَمَرِيَ؞ دُكَنْ أَنَّبَاوَنْ ڧَسَرْ سُكَيِ تَ أَنَّبْثِ أَغَبَنْسُ؞

11سَعَنً طَيَ عَثِكِنْسُ مَيْ سُونَ صَدِڧِيَ طَنْ كٜىٰنَعَنَ يَيِ وَكَنْسَ ڧَهُواْنِنْ بَڧِنْ ڧَرْڢٜىٰ يَثٜىٰ «إِنْجِ يَهْوٜىٰهْ ، ‹دَ وَطَنَّنْ ڧَهُواْنِ ذَاكَ تُورَ سُرِيَاوَا حَرْ سُهَلَّكَ؞› »

12دُكَنْ أَنَّبَاوَنْ سُكَيِ أَنَّبْثِ إِرِ طَيَ سُنَ ثٜىٰوَ «كَتَڢِے كَڢَاطَوَ رَمُواتْ غِلٜىٰيَدْ دَ يَاڧِ، ذَاكَيِ نَصَرَا؞ يَهْوٜىٰهْ ذَيْبَادَ عِتَ أَ حَنُّنْكَ؞»

13طَنْ عَيْكَنْدَ يَتَڢِے كِرَنْ مِكَيَ يَثٜىٰ مَسَ «دُكَنْ سَوْرَنْ أَنَّبَاوَا سُنْيِ وَسَرْكِے أَنَّبْثِنْ نَصَرَا، سَيْ كَيْ مَا كَيِ حَكَ؞»

14عَمَّا مِكَيَ يَأَمْسَ يَثٜىٰ «نَا ضَنْڟٜىٰ دَ سُونَنْ يَهْوٜىٰهْ مَيْ رَيْ، أَبِنْدَ يَهْوٜىٰهْ يَثٜىٰ إِنْڢَطَا شِينٜىٰ كَطَيْ ذَنْ ڢَطَا؞»

15سَعَدَّ يَذُواْ غَبَنْ سَرْكِے أَهَبْ، سَيْ سَرْكِے يَثٜىٰ مَسَ «مِكَيَ، مُڢِتَ مُڢَاطَوَ رَمُواتْ غِلٜىٰيَدْ دَ يَاڧِ كُواْ مُبَرِ؟» مِكَيَ يَأَمْسَ يَثٜىٰ «كَڢَاطَ مُسُ دَ يَاڧِ، أَيْ، ذَاكَثِ نَصَرَا؞ يَهْوٜىٰهْ ذَيْبَادَ عِتَ أَ حَنُّنْكَ؞»

16سَيْ سَرْكِے أَهَبْ يَأَمْسَ مَسَ يَثٜىٰ «سَوْ نَوَ ذَنْسَا كَرَنْڟٜىٰ مِنِ دَ سُونَنْ يَهْوٜىٰهْ ثٜىٰوَ غَسْكِيَ كَطَيْ ذَاكَ ڢَطَا مِنِ؟»

17دُواْمِنْ حَكَ مِكَيَ يَثٜىٰ «عَثِكِنْ رُعُيَ، نَغَ دُكَنْ جَمَعَرْ إِسْرَٰٓءِيلَ أَوَرْوَڟٜىٰ عَكَنْ تُدَّيْ كَمَرْ تُمَكِنْدَ بَاسُ دَ مَكِيَايِ؞ نَكُمَجِ يَهْوٜىٰهْ يَثٜىٰ، ‹وَطَنَّنْ بَاسُ دَ شُوغَبَا، بَرِ كُواْوَ يَكُواْمَ غِدَنْسَ لَاڢِيَ؞› »

18سَرْكِنْ إِسْرَٰٓءِيلَ يَثٜىٰ وَ يٜىٰهُواْشَڢَتْ «بَنْ ڢَطَا مَكَبَ، بَذَيْ يِ أَنَّبْثِ مَيْݣَوْ عَكَيْنَبَ، سَيْدَيْ مَسِيڢَ؟»

19مِكَيَ يَثِيغَبَ يَثٜىٰ «سَبُواْدَ حَكَ كُجِ مَغَنَرْ يَهْوٜىٰهْ ، غَمَا نَا غَا يَهْوٜىٰهْ يَنَ ظَوْنٜىٰ عَكُجٜىٰرَرْ مُلْكِنْسَ دَ دُكَنْ تَارُوانْ حَلِتُّو نَسَمَ سُنَ ڟَيْڟَيٜىٰ كُسَدَشِ أَ حَنُّنْ هَغُنْسَ دَ حَنُّنْ دَامَنْسَ؞

20سَيْ يَهْوٜىٰهْ يَثٜىٰ، ‹وَنٜىٰنٜىٰ ذَيْ لَلَّشِ أَهَبْ يَهَوْرَ يِنْ يَاڧِ دُواْمِنْ يَڢَاطِ أَ رَمُواتْ غِلٜىٰيَدْ؟› عَكَيِ تَكَٰوُاْ شَوَرَا إِرِ إِرِ؞

21«عَڧَرْشٜىٰ وَنِ رُوحُ يَا بَيَّنَ أَغَبَنْ يَهْوٜىٰهْ يَثٜىٰ، ‹ذَنْ لَلَّشٜىٰشِ!›

22« يَهْوٜىٰهْ يَثٜىٰ مَسَ، ‹تَيَيَا ذَاكَيِ وَنَّنْ؟› «سَيْ رُوحٌ يَثٜىٰ، ‹ذَنْ تَڢِے إِنْذَمَ رُوحٌ ڧَضْيَا عَبَاكِنْ دُكَنْ أَنَّبَاوَنْسَ؞› « يَهْوٜىٰهْ يَثٜىٰ مَسَ، ‹تَڢِے، كَلَلَّشٜىٰشِ؞ ذَاكَيِ نَصَرَا؞› »

23مِكَيَ يَثٜىٰ «تُواْ، كَا غَنِ، يَهْوٜىٰهْ يَا سَا رُوحٌ ڧَضْيَا عَبَاكِنْ دُكَنْ أَنَّبَاوَنْكَ؞ غَمَا يَا رِغَا يَا ڢَطَا شِرِنْسَ نَمَسِيڢَ دُواْمِنْكَ!»

24سَيْ أَنَّبِے صَدِڧِيَ طَنْ كٜىٰنَعَنَ يَتَڢِے وُرِنْ مِكَيَ يَبَا شِ مَرِ عَكُمَتُ سَيْ يَتَمْبَيٜىٰشِ يَثٜىٰ «تُنْ يَوْشٜىٰ نٜىٰ رُوحٌ يَهْوٜىٰهْ يَبَرْنِ يَذُواْ يَيِ مَغَنَ دَكَيْ؟»

25مِكَيَ يَأَمْسَ يَثٜىٰ «ذَاكَ سَنِ أَ رَانَرْ دَ ذَاكَ غُدُ كَٻُيَ ثِكِ ثِكِنْ وَنِ طَاكِ!»

26سَرْكِے أَهَبْ يَثٜىٰ «عَكَمَ مِكَيَ عَكَيْ شِ وُرِنْ أَمُوانْ ڠُومْنَنْ بِرْنِنْ دَ كُمَ وُرِنْ طَانَ يُواْوَشْ؞

27كَثٜىٰمُسُ نِے سَرْكِے نَبَادَ عُمَرْنِ أَ سَا مِكَيَ عَكُرْكُكُ؞ كَدَ عَبَاشِ كُواْمٜىٰ سَيْدَيْ طَنْ غُرَاسَ كَطَنْ دَ طَنْ ضُوَ حَرْ سَيْ نَدَاوُاْ لَاڢِيَ؞»

28مِكَيَ يَأَمْسَ يَثٜىٰ «عِدَنْ كَدَاوُاْ لَاڢِيَ، تُواْ، بَ يَهْوٜىٰهْ نٜىٰ يَيِ مَغَنَ دَنِے بَ؞» مِكَيَ يَسَاكٜىٰ ثٜىٰوَ «كُواْوَ ڢَا يَجِ أَبِنْدَ نَڢَطَا!»

29دُواْمِنْ حَكَ سَرْكِے يٜىٰهُواْشَڢَتْ نَ يَهُودَ دَ سَرْكِے أَهَبْ نَ إِسْرَٰٓءِيلَ سُكَ تَڢِے دُواْمِنْ سُڢَاطَوَ رَمُواتْ غِلٜىٰيَدْ دَ يَاڧِ؞

30سَيْ سَرْكِے أَهَبْ يَثٜىٰ وَ سَرْكِے يٜىٰهُواْشَڢَتْ «ذَنْ ثَنْجَ كَمَنِّنَ إِنْشِغَ يَاڧِنْ، عَمَّا كَيْ كَسَا رِيغُنَنْ مُلْكِنْكَ؞»

31سَرْكِنْ سُورِيَ كُوَ يَبَا شُوغَبَنِّنْ كٜىٰكُنَنْ دُواْكِنْ يَاڧِنْسَ تَلَاتِنْ دَ بِيُ عُمَرْنِ ثٜىٰوَ كَدَ سُيِ يَاڧِ دَ كُواْ ڧَرَمِ كُواْ بَبَّنْ سُواْجَ، سَيْدَيْ سَرْكِنْ إِسْرَٰٓءِيلَ كَطَيْ؞

32سَعَدَّ سُكَغَ سَرْكِے يٜىٰهُواْشَڢَتْ، سَيْ سُكَثٜىٰ «بَاشَكَّ غَ سَرْكِنْ إِسْرَٰٓءِيلَ؞» سَيْ سُكَ جُويَا دُواْمِنْ سُيِ يَاڧِ دَشِ؞ عَمَّا دَ سَرْكِے يٜىٰهُواْشَڢَتْ يَيِ إِيهُ،

33سَيْ سُكَ غَانٜىٰ بَشِينٜىٰ سَرْكِنْ إِسْرَٰٓءِيلَ بَ، سَيْ سُكَ دَيْنَ بِنْسَ؞

34وَنِ سُواْجَنْ سُورِيَ يَهَرْبَ كِبِيَرْسَ أَ حَكَ كَوَيْ، سَيْ كِبِيَرْ تَشِغَ جِكِنْ سَرْكِنْ إِسْرَٰٓءِيلَ دَيْدَيْ عِنْدَ سَاشٜىٰ بِيُ نَرِغَرْ ڧَرْڢٜىٰنْسَ سُكَ حَطُ؞ سَيْ يَثٜىٰ وَمَيْ تُوڧِنْ كٜىٰكٜىٰنْ دُواْكِنْسَ «كَجُويَا كَڢِتَرْ دَنِے دَغَ يَاڧِنْ، غَمَا أَنْيِ مِنِ رَوْنِ سُواْسَيْ؞»

35يَاڧِنْ يَثِيغَبَدَ ڟَنَنِ سُواْسَيْ أَ رَانَرْ؞ عَكَ ذَوْنَرْ دَ سَرْكِے أَهَبْ دَ بَايَنْسَ أَجِنْ‌غِنٜىٰ ثِكِنْ كٜىٰكٜىٰنْ دُواْكِنْسَ دُواْمِنْ يَڢُسْكَنْثِ سُورِيَاوَنْ؞ جِنِنْ رَوْنِنْ دَ عَكَيِ مَسَ يَيِ تَظُبَ عَثِكِنْ كٜىٰكٜىٰنْ دُواْكِنْسَ؞ سَيْ ثَنْ دَ يَمَّ يَمُتُ؞

36دَڢَاطُوَرْ رَانَ سَيْ شٜىٰلَ تَبِے ثِكِنْ دُكَنْ سُواْجُواْجِنْ ثٜىٰوَ «كُواْوَنٜىٰ مُتُمْ يَكُواْمَ غَرِنْسَ دَ ڧَسَرْسَ!»

37تَهَكَ أَهَبْ يَمُتُ، عَكَ كَٰوُاْ شِ سَمَرِيَ عَكَ بِنّٜىٰشِ؞

38عَتَڢْكِنْ سَمَرِيَ عَكَ وَنْكٜىٰ جِنِنْسَ دَ يَظُبَ عَكٜىٰكٜىٰنْ دُواْكِنْ؞ كَرْنُكَ كُوَ سُكَ لَشٜىٰ جِنِنْ، كَارُوَيْ كُمَ سُكَيِ وَنْكَ دَ ضُوً جِنِنْ، بِسَغَ مَغَنَرْ يَهْوٜىٰهْ ؞

39سَوْرَنْ أَيُّكَنْ أَهَبْ دَ كُمَ دُكَنْ أَبِنْدَ يَيِ دَ غِدَنْ هَڧُواْرَنْ غِيوَ وَنْدَ يَغِنَ دَ دُكَنْ بِرَنٜىٰنْدَ يَڠَغْڠَرَ، سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞

40أَهَبْ يَكُواْمَ غَ كَاكَنِّنْسَ عَكَ بِنّٜىٰشِ؞ سَيْ طَنْسَ أَهَظِيَ يَغَاجٜىٰشِ يَذَمَ سَرْكِے؞ ﴿شٜىٰكَرَا 870-848 كَاڢِنْ حَيْڢُوَرْ عِيسَىٰ ﴾

41أَ شٜىٰكَرَا تَهُطُ تَمُلْكٍ سَرْكِے أَهَبْ نَ إِسْرَٰٓءِيلَ، سَرْكِے يٜىٰهُواْشَڢَتْ طَنْ أَسَ يَڢَارَ مُلْكٍ يَهُودَ؞

42يٜىٰهُواْشَڢَتْ يَنَدَ شٜىٰكَرَا تَلَاتِنْ دَ بِيَرْ سَعَدَّ يَڢَارَ مُلْكِ، يَكُمَيِ مُلْكِ حَرْ شٜىٰكَرَا عَشِرِنْ دَ بِيَرْ أَ عُرُوشَلِيمَ؞ سُونَنْ مَامَرْسَ أَظُبَ، یَرْ شِلْهِ؞

43يَيِ تَڢِيَ أَ حَنْيَ مَيْݣَوْ كَمَرْ بَابَنْسَ أَسَ، بَيْ كُمَ كَوْثٜىٰبَ؞ يَيِ أَبِنْدَ يَكٜىٰ دَيْدَيْ أَعِدُوانْ يَهْوٜىٰهْ ؞ عَمَّا دَيْ بَيْ كَوَرْدَ وَطَنْسُ وُرَارٜىٰنْ سُجَّدَ بَ، مُتَنٜىٰ سُكَ ثِيغَبَدَ مِيڧَ هَدَايُ سُنَ ڧُواْنَ تُرَارٜىٰ أَوُرَارٜىٰنْ سُجَّدَ؞

44يٜىٰهُواْشَڢَتْ يَكُمَيِ يَرْجٜىٰجٜىٰنِيَرْ ذَمَنْ لَاڢِيَ دَ سَرْكِنْ إِسْرَٰٓءِيلَ؞

45سَوْرَنْ أَيُّكَنْ يٜىٰهُواْشَڢَتْ دَ إِيكُوانْ مُلْكِنْسَ دَ يَنُونَ دَ يَاڧٜىٰ يَاڧٜىٰنْ دَ يَيِ، سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ يَهُودَ؞

46سَوْرَنْ مَظَا دَ مَاتَانْدَ سُكٜىٰيِنْ كَارُوَنْثِ أَوُرَارٜىٰنْ سُجَّدَ وَطَنْدَ سُكَ رَغُ دَغَ زَامَانِنْ بَابَنْسَ أَسَ، يَكَوَرْ دَسُو دَغَ ڧَسَرْ؞

47ڧَسَرْ عٜىٰدُوامْ كُوَ بَاتَدَ سَرْكِے أَ لُواْكَثِنْ، سَبُواْدَ حَكَ سَرْكِنْ يَهُودَ يَنَطَ مَتَيْمَكِ يَيِ مُلْكِنْسُ؞

48سَرْكِے يٜىٰهُواْشَڢَتْ يَيِ جِضَاغٜىٰنْ ضُوَ مَاسُبِنْ بَبَّرْ تٜىٰكُ دُواْمِنْ سُتَڢِے ڧَسَرْ عُواْڢِرْ سُكَٰوُاْ ظِينَارِيَ؞ عَمَّا بَسُيِ تَڢِيَرْ بَ، سَبُواْدَ سُنْ هَلَّكَ أَ عٜىٰظِيُوانْ‌غٜىٰبٜىٰرْ؞

49سَرْكِے أَهَظِيَ طَنْ أَهَبْ يَسُواْ مُتَنٜىٰنْسَ سُيِ تَڢِيَ دَ جِضَاغٜىٰنْ ضُوَ تَرٜىٰدَ مُتَنٜىٰنْ يٜىٰهُواْشَڢَتْ، عَمَّا يٜىٰهُواْشَڢَتْ يَڧِ؞

50يٜىٰهُواْشَڢَتْ يَكُواْمَ غَ كَاكَنِّنْسَ، عَكَ بِنّٜىٰشِ تَرٜىٰدَسُو عَبِرْنِنْ دَاوُدَ؞ سَيْ طَنْسَ يٜىٰهُواْرَمْ يَغَاجٜىٰشِ يَذَمَ سَرْكِے؞ ﴿شٜىٰكَرَا 853-852 كَاڢِنْ حَيْڢُوَرْ عِيسَىٰ ﴾

51أَ شٜىٰكَرَا تَغُواْمَشَا بَݣَويْ تَمُلْكٍ سَرْكِے يٜىٰهُواْشَڢَتْ نَ يَهُودَ، سَرْكِے أَهَظِيَ طَنْ أَهَبْ يَڢَارَ مُلْكٍ إِسْرَٰٓءِيلَ أَ سَمَرِيَ؞ أَهَظِيَ يَيِ شٜىٰكَرَا بِيُ يَنَ مُلْكٍ إِسْرَٰٓءِيلَ؞

52يَعَيْكَتَ مُغُنْتَا أَعِدُوانْ يَهْوٜىٰهْ ، يَكُمَيِ تَڢِيَ ثِكِنْ حَنْيَرْ بَابَنْسَ دَ تَمَامَرْسَ، كُمَ أَ مُوغُوَرْ حَنْيَرْ يٜىٰرُواْبُواْوَمْ طَنْ نٜىٰبَتْ، وَنْدَ يَسَا مُتَنٜىٰنْ إِسْرَٰٓءِيلَ سُكَيِ ذُنُوبِ؞

53يَيِ وَغُنْكِنَّنْ بَعَلْ سُجَّدَ دَ حِدِمَ، يَا سَا يَهْوٜىٰهْ اللَّهْ نَ إِسْرَٰٓءِيلَ يَيِ ڢُشِے دَيْدَيْ كَمَرْ يَدَّ بَابَنْسَ يَسَا يَهْوٜىٰهْ يَيِ ڢُشِے؞

← Chapter 21 Jump to: