1 Kings 6

Hausa Arabic 2020 (أَتَّوْرَتْ دَ أَنَّبَاوَا)

← Chapter 5 Jump to: Chapter 7 →

1عَثِكِنْ شٜىٰكَرَا تَطَرِے حُطُ دَ تَمَٰنِنْ بَايَنْ ڢِتُواْوَرْ جَمَعَرْ إِسْرَٰٓءِيلَ دَغَ ڧَسَرْ مَصَرْ، أَ شٜىٰكَرَا تَهُطُ تَمُلْكٍ سُلَيْمَٰنُ عَ إِسْرَٰٓءِيلَ، أَوَتَنْ ظِڢْ وَنْدَ شِينٜىٰ وَتَنْ بِيُ، سُلَيْمَٰنُ يَڢَارَ غِنِنْ غِدَنْ يَهْوٜىٰهْ ؞

2ڟَوُانْ غِدَنْ دَ سَرْكِے سُلَيْمَٰنُ يَغِنَ دُواْمِنْ يَهْوٜىٰهْ ڧَڢَا ثَسَعِنْ نٜىٰ، ڢَاطِنْسَ كُمَ ڧَڢَا تَلَاتِنْ نٜىٰ، سَعَنً ڟَيِنْسَ ڧَڢَا أَرْبَعِنْ دَ بِيَرْ نٜىٰ؞

3ذَوْرٜىٰ نَغَبَنْ بَبَّنْ طَاكِنْ غِدَنْ ظُرْڢِنْسَ ڧَڢَا غُواْمَشَا بِيَرْ نٜىٰ، ڢَاطِنْسَ كُمَ ڧَڢَا تَلَاتِنْ نٜىٰ؞ ڢَاطِنْ وَنَّنْ ذَوْرٜىٰنْ يَكَيْ دَيْدَيْ دَ نَغِدَنْ؞

4يَيِ وَغِدَنْ تَغُواْغِ، ڢَاطِنْسُ نَثِكِ يَڢِ نَوَجٜىٰ؞

5تَوَجٜىٰنْ بَنْ‌غُوانْدَ يَكٜىٰوَيٜىٰ غِدَنْ، يَغِنَ طَكُنَ هَوَ عُكُ مَنّٜىٰ دَ بَنْ‌غُوانْ؞ طَكُنَنْ كُوَ سُنْ كٜىٰوَيٜىٰ غٜىٰڢٜىٰ عُكُ نَبَنْ‌غُوانْ غِدَنْ؞

6غِنِنْ يَنَدَ هَوَ عُكُ؞ ڢَاطِنْ طَكُنَنْ ڧَسَا ڧَڢَا بَݣَويْ دَ رَبِے نٜىٰ، ڢَاطِنْ طَكُنَنْ هَوَ نَبِيُ ڧَڢَا تَرَ نٜىٰ، سَعَنً ڢَاطِنْ طَكُنَنْ هَوَ نَعُكُ ڧَڢَا غُواْمَ دَ رَبِے نٜىٰ؞ بَنْ‌غُوانْ دَسُكٜىٰ أَ سَمَ بَسُ كَيْ نَڧَسَرْ كَوْرِ بَ دُواْمِنْ طَكُنَنْ سُذَوْنَ دَݣَوْ، بَاتَرٜىٰدَ أَنْكَڢَ كَتَكَيْ أَجِكِنْ بَنْ‌غُوانْ غِدَنْ بَ؞

7أَغِنِنْ غِدَنْ أَنْيِ أَمْڢَانِ دَ دُووَڟُنْ دَ عَكَ رِغَا عَكَ ڠَرَ تُنْدَغَ عِنْدَ عَكَ سَسَّڧُواْسُ؞ سُنْيِ حَكَ دُواْمِنْ كَدَ أَجِ ڧَارَرْ غُدُمَ، كُواْ غَاتَرِ، كُواْ وَنِ كَايَنْ عَيْكِ نَبَڧِنْ ڧَرْڢٜىٰ أَوُرِنْ غِنِنْ غِدَنْ؞

8وُرِنْ شِغَ نَطَكُنَنْ ڧَسَا يَنَ تَغٜىٰڢٜىٰنْ كُدُ نَغِدَنْ نٜىٰ؞ أَݣَويْ مَتَاكَلُنْ دَ سُكَ حَطَ طَكُنَنْ ڧَسَا دَ طَكُنَنْ هَوَ نَبِيُ، أَݣَويْ كُمَ وَطَنْسُ مَتَاكَلُنْ دَ سُكَ حَطَ طَكُنَنْ هَوَ نَبِيُ دَ نَعُكُنْ؞

9سُلَيْمَٰنُ كُوَ يَغَمَ غِنِنْ غِدَنْ؞ سَيْ يَيِ سِلِنْ نَبِمْ دَكَتَكَنْ سٜىٰدَ؞

10يَغِنَ طَكُنَنْ سَمَنَّنْ كٜىٰوَيٜىٰ دَ غٜىٰڢٜىٰ عُكُ نَبَنْ‌غُوانْ غِدَنْ، كُواْوَنٜىٰ هَوَ ڧَڢَا بَݣَويْ دَ رَبِے نٜىٰ؞ كَتَكَنْ بِمْ نَسٜىٰدَ نٜىٰ سُكَ حَطَ طَكُنَنْ دَ بَنْ‌غُوانْ غِدَنْ؞

11سَيْ يَهْوٜىٰهْ يَيِ مَغَنَ دَ سُلَيْمَٰنُ ثٜىٰوَ

12«غَمٜىٰ دَ غِدَنْ دَ كَكٜىٰ غِنَا مِنِ، عِدَنْ كَبِے ڧَٰعِدُواْدِنَ، كَيِ بِيَيَّ دَ دُواْكُواْكِنَ، كَكُمَ كِيَايٜىٰ عُمَرْنَيْنَ، تُواْ، ذَنْ ثِكَ دُكَنْ أَلْڧَوَرِنْدَ نَيِ وَبَابَنْكَ دَاوُدَ؞

13ذَنْ كَسَنْثٜىٰ عَثِكِنْ مُتَنٜىٰنَ إِسْرَٰٓءِيلَ أَوَنَّنْ غِدَنْ دَ كَكٜىٰ غِنَاوَا، كُمَ بَذَنْ تَٻَ بَرِنْسُبَ؞»

14سَيْ سُلَيْمَٰنُ يَغَمَ غِنِنْ غِدَنْ؞

15سَيْ يَرُڢٜىٰ بَنْ‌غُوانْ دَ كَتَكَنْ سٜىٰدَ تُنْدَغَ ڧَسَا حَرْ ذُوَا سِلِنْ؞ دَٻٜىٰنْ غِدَنْ كُمَ أَنْيِشِ دَ كَتَكَنْ ڢِرْ؞

16تَثَنْ ڧَرْشٜىٰنْ ثِكِنْ غِدَنْ يَيِ وَنِ طَاكِنْ دَ عَكَثٜىٰ دَشِ وُرِے مَڢِے ڟَرْكِے؞ ڟَوُانْ طَاكِنْ ڧَڢَا تَلَاتِنْ نٜىٰ؞ أَنْيِ بَنْ‌غُوانْ طَاكِنْ دَ كَتَكَنْ سٜىٰدَ دَغَ ڧَسَا حَرْ ذُوَا سِلِنْ؞

17بَبَّنْ طَاكِنْ دَيَكٜىٰ غَبَنْ وُرِے مَڢِے ڟَرْكِے ڟَوُانْسَ ڧَڢَا سِتِّنْ نٜىٰ؞

18دُكَنْ بَنْ‌غُوانْ ثِكِنْ غِدَنْ أَنْرُڢٜىٰسُ دَ كَتَكَنْ إِتَاثٜىٰنْ سٜىٰدَ حَرْ بَعَ عِيَ غَنِنْ دُووَڟُنْ بَنْ‌غُوانْ؞ كَتَكَنْ كُوَ سُنَدَ أَدُواْ نَظَانٜىٰ ذَانِنْ ڢُلَوَ دَ نَغُواْرَ أَجِكِنْسُ؞

19يَشِرْيَ وُرِے مَڢِے ڟَرْكِے نَثَنْ ثِكِنْ غِدَنْ دُواْمِنْ عَ أَجِيٜىٰ عَݣُوتِنْ يَرْجٜىٰجٜىٰنِيَ نَ يَهْوٜىٰهْ عَثِكِ؞

20وَنَّنْ وُرِے مَڢِے ڟَرْكِے ڟَوُانْسَ ڧَڢَا تَلَاتِنْ نٜىٰ، ڢَاطِنْسَ كُمَ ڧَڢَا تَلَاتِنْ نٜىٰ، ڟَيِنْسَ شِے مَا ڧَڢَا تَلَاتِنْ نٜىٰ؞ أَنْ شَاڢٜىٰ ثِكِنْ دُكَ دَ ظِينَارِيَ ظَلَّ؞ عَكَ كُمَ رُڢٜىٰ بَغَدٜىٰنْ دَ كَتَكَنْ سٜىٰدَ؞

21سُلَيْمَٰنُ يَشَاڢٜىٰ ثِكِنْ غِدَنْ دُكَ دَ ظِينَارِيَ ظَلَّ، يَكُمَ رَاتَيَ سَرْڧَرْ ظِينَارِيَ عَبَاكِنْ طَاكِ نَثِكِ؞

22وَتُواْ، سُلَيْمَٰنُ يَشَاڢٜىٰ ثِكِنْ غِدَنْ دُكَ دَ ظِينَارِيَ، يَكُمَ شَاڢٜىٰ بَغَدٜىٰ نَوُرِ مَڢِے ڟَرْكِے دُكَ دَ ظِينَارِيَ؞

23سُلَيْمَٰنُ يَيِ صِڢُّواْڢِنْ حَلِتُّو مَاسُ رَيْ غُدَا بِيُ دَ كَتَكُوانْ إِتَاثٜىٰنْ ظَيْتُنْ، كُواْوَنّٜىٰنْسُ ڟَيِنْسَ ڧَڢَا غُواْمَشَا بِيَرْ نٜىٰ؞ يَأَجِيٜىٰسُ عَثِكِنْ وُرِے مَڢِے ڟَرْكِے؞

24ڟَوُانْ كُواْوَنٜىٰ ڢِڢِّكٜىٰ نَحَلِتَّ طَيَ ڧَڢَا بَݣَويْ دَ رَبِنٜىٰ؞ ڟَوُانْ دَغَ ڧَرْشٜىٰنْ وَنَّنْ ڢِڢِّكٜىٰ ذُوَا ڧَرْشٜىٰنْ وَنْثَنْ ڢِڢِّكٜىٰ نَحَلِتَّ طَيَ ڧَڢَا غُواْمَشَا بِيَرْ نٜىٰ؞

25حَلِتُّو مَاسُ ڢِكَڢِكَيْ سُنْيِ كَمَ دَ جُونَ وَجٜىٰنْ ڟَيِ دَ صِڢَّ،

26كُواْوَنّٜىٰنْسُ ڟَيِنْسَ ڧَڢَا غُواْمَشَا بِيَرْ نٜىٰ؞

27سُلَيْمَٰنُ يَ أَجِيٜىٰ حَلِتُّو مَاسُ ڢِكَڢِكَيْ ثِكِنْ وُرِے مَڢِے ڟَرْكِے؞ ڢِكَڢِكَنْسُ كُوَ عَبُوطٜىٰ سُكٜىٰ؞ طَيَنْ ڢِڢِّكٜىٰ نَحَلِتَّ غُدَا يَتَٻَ طَيَنْ بَنْ‌غُوانْ، سَيْ ڢِڢِّكٜىٰ نَطَيَنْ حَلِتَّ ثَنْ يَتَٻَ وَنْثَنْ بَنْ‌غُوانْ، سَيْ سَوْرَنْ ڢِكَڢِكَنْ حَلِتُّنْ سُكَ تَٻَ جُونَ أَڟَكِيَ؞

28أَنْ كُوَ شَاڢٜىٰ حَلِتُّنَّنْ بِيُ دَ ظِينَارِيَ؞

29دُكَنْ بَنْ‌غُوانْ طَاكِنْ ثِكِ دَ كُمَ نَبَبَّنْ طَاكِنْ غِدَنْ، أَنْيِ مُسُ أَدُواْ نَظَانٜىٰ ذَانِنْ صِڢُّواْڢِنْ حَلِتُّو مَاسُ ڢِكَڢِكَيْ دَ نَ إِتَاثٜىٰنْ دَبِينُواْ دَ نَڢُلَوَ؞

30دَٻٜىٰنْ دُكَنْ طَكُنَ بِيُ أَنْشَاڢٜىٰسُ دَ ظِينَارِيَ؞

31عَبَاكِنْ شِغَ ثِكِنْ وُرِے مَڢِے ڟَرْكِے أَنْسَا ڧُواْڢُواْڢِ بِيُنْ دَ عَكٜىٰ بُوطٜىٰوَ غَبَاطَيَ؞ أَنْيِ ڧُواْڢَرْ دَ كَتَكُوانْ إِتَاثٜىٰنْ ظَيْتُنْ؞ كَتَكُوانْ ڢِرَمْ نَڧُواْڢَرْ يَنَدَ ݣُونَ بِيَرْ تَسَمَنْسَ؞

32أَنْيِ وَڧُواْڢُواْڢِنْ أَدُواْ نَظَانٜىٰ ذَانِنْ حَلِتُّو مَاسُ ڢِكَڢِكَيْ دَ نَ إِتَاثٜىٰنْ دَبِينُواْ دَ نَڢُلَوَ؞ عَكَ كُمَ شَاڢٜىٰ ذَانِ ذَانِنْ ڧُواْڢُواْڢِنْ دَ ظِينَارِيَ؞

33عَبَاكِنْ شِغَ بَبَّنْ طَاكِنْ يَنَدَ كَتَكُوانْ ڢِرَمْ نَڧُواْڢَ مَيْ ݣُونَ حُطُ نَكَتَكُوانْ إِتَاثٜىٰنْ ظَيْتُنْ؞

34أَنْ كُمَيِ ڧُواْڢُواْڢِ بِيُ دَ كَتَكُوانْ إِتَاثٜىٰنْ ڢِرْ، وَطَنْدَ عَكٜىٰ بُوطٜىٰوَ، طَيَنْ عَكَنْ نَطٜىٰ تَهَنُّنْ هَغُ، طَيَنْ كُمَ تَهَنُّنْ دَامَ؞

35سُو مَا أَنْيِ مُسُ أَدُواْ نَظَانٜىٰ ذَانِنْ صِڢُّواْڢِنْ حَلِتُّو مَاسُ ڢِكَڢِكَيْ دَ نَ إِتَاثٜىٰنْ دَبِينُواْ دَ نَڢُلَوَ؞ عَكَ كُمَ شَاڢٜىٰسُ دَيْدَيْ دُكَ دَ ظِينَارِيَ؞

36أَنْ غِنَا بَنْ‌غُوانْ ڢِيلِ نَثِكِ يَدَّ أَݣَويْ جٜىٰرِنْ بِمْ نَكَتَكَنْ إِتَاثٜىٰنْ سٜىٰدَ بَايَنْ كُواْوَنٜىٰ جٜىٰرِ عُكُ نَدُووَڟُنْ دَ عَكَ سَسَّڧَ؞

37أَنْ كَڢَ تُوشٜىٰنْ غِدَنْ يَهْوٜىٰهْ أَوَتَنْ ظِڢْ، وَتُواْ وَتَ نَبِيُ، أَ شٜىٰكَرَا تَهُطُ تَمُلْكٍ سُلَيْمَٰنُ؞

38سُلَيْمَٰنُ يَطَوْكِ شٜىٰكَرُ بَݣَويْ يَنَ غِنَا غِدَنْ؞ أَوَتَنْ بُلْ، وَتُواْ وَتَ نَتَݣُوسْ، أَ شٜىٰكَرَا غُواْمَشَا طَيَ تَمُلْكٍ سُلَيْمَٰنُ، عَكَ غَمَ غِنَا غِدَنْ دَ كُمَ كُواْمٜىٰ نَثِكِنْسَ دَلَّ دَلَّ دَيْدَيْ كُوَ بِسَغَ شِرِ؞

← Chapter 5 Jump to: Chapter 7 →