1 Kings 9

Hausa Arabic 2020 (أَتَّوْرَتْ دَ أَنَّبَاوَا)

← Chapter 8 Jump to: Chapter 10 →

1سُلَيْمَٰنُ يَغَمَ غِنِنْ غِدَنْ يَهْوٜىٰهْ دَ غِدَنْ سَرْكِے دَ كُمَ دُكَنْ أَبِنْدَ يَيِ نِيَّرْيِ؞

2سَعَنً يَهْوٜىٰهْ يَا سَاكٜىٰ بَيَّنَ مَسَ كَمَرْ يَدَّ يَيِ أَ غِبٜىٰيُوانْ؞

3يَهْوٜىٰهْ يَثٜىٰ مَسَ، «نَاجِ أَدُّعَ دَ ضُواْڧُواْ وَنْدَ كَيِ مِنِ؞ نَا كُوَ ڟَرْكَكٜىٰ وَنَّنْ غِدَنْدَ كَغِنَ، نَا كُمَ تَبَّتَرْ دَ سُونَنَ أَوُرِنْ حَرْ أَبَدَا؞ عِدَنُونَ دَ ذُوثِيَاتَ بَذَاسُ تَٻَ رَبُوَ دَ غِدَنْ بَ؞

4«كَيْ كُوَ، عِدَنْ ذَاكَيِ تَڢِيَ تَرٜىٰدَنِ دَ غَسْكِيَ أَ ظُوثِ دَ أَمِنْثِ كَمَرْ يَدَّ بَابَنْكَ دَاوُدَ يَيِ تَڢِيَ تَرٜىٰدَنِ، كُمَ إِنْ كَيِ بِيَيَّ دَ دُواْكُواْكِنَ دَ ڧَٰعِدُواْدِنَ دَ عُمَرْنَيْنَ،

5تُواْ، ذَنْ كَڢَ ذُرِيَرْكَ تَدِنْ‌غَ كَسَنْثٜىٰ عَكَنْ كُجٜىٰرَرْ مُلْكٍ إِسْرَٰٓءِيلَ، بِسَغَ يَرْجٜىٰجٜىٰنِيَرْدَ نَيِ دَ بَابَنْكَ؞ غَمَا نَا ثٜىٰ مَسَ، ‹بَذَاعَ رَسَ مُتُمْ دَغَ ذُرِيَرْكَ دَ ذَيْ يِمُلْكٍ إِسْرَٰٓءِيلَ بَ؞›

6«عَمَّا عِدَنْ كَيْ كُواْ ذُرِيَرْكَ كُنْ جُويَا مِنِ بَايَ، كُكَڧِ بِنْ عُمَرْنَيْنَ دَ ڧَٰعِدُواْدِنَ وَطَنْدَ نَشِمْڢِطَا أَغَبَنْكُ، حَرْ كُكَ كُواْمَ كُكَ بَوْتَاوَ وَطَنْسُ أَلُّواْلِ، كُكَيِ مُسُ سُجَّدَ،

7تُواْ، ذَنْ كَوَرْدَ مُتَنٜىٰنْ إِسْرَٰٓءِيلَ دَغَ ڧَسَرْ نَنْدَ نَبَاسُ؞ ذَنْ كُمَڧِ وَنَّنْ غِدَنْدَ نَكٜىٰٻٜىٰ دُواْمِنْ أَغِرْمَمَ سُونَنَ؞ إِسْرَٰٓءِيلَ كُوَ ذَاتَ ذَمَ أَبِنْ مِصَالِ دَ أَبِنْ غُواْرِ أَ ڢُسْكَرْ دُكَنْ أَلْعُمَّيْ؞

8كُواْدَيَكٜىٰ وَنَّنْ غِدَا يَذَمَ أَبِنْ أَ ذُواْ أَغَنِ يَنْذُ، نَنْ غَبَ دُكَنْ وَنْدَ يَوُثٜىٰ يَغَنِ ذَيْ رَسَ أَبِنْ ڢَطَا؞ ذَيْ يِڟَكِ يَنَ ثٜىٰوَ ‹مٜىٰيَسَا يَهْوٜىٰهْ يَيِ حَكَ دَ غِدَنَّنْ دَ ڧَسَرْ نَنْ؟›

9ذَاعَبَادَ أَمْسَ عَثٜىٰ، ‹سَبُواْدَ مُتَنٜىٰنْ يَهْوٜىٰهْ اللَّهْ سُنْ مَنْتَادَشِ، شِے وَنْدَ يَڢِتَرْدَ كَاكَنِّنْسُ دَغَ ڧَسَرْ مَصَرْ، سُكَبِے وَطَنْسُ أَلُّواْلِ، سُكَيِ مُسُ سُجَّدَ، سُكَ بَوْتَا مُسُ؞ أَبِنْدَ يَسَا يَهْوٜىٰهْ يَكَٰوُاْ دُكَنْ مَسِيڢَرْ نَنْ عَكَنْسُ كٜىٰنَنْ؞› »

10عَڧَرْشٜىٰنْ شٜىٰكَرَا عَشِرِنْ دَ سُلَيْمَٰنُ يَطَوْكَ يَنَ غِنَا غِدَنْ يَهْوٜىٰهْ دَ غِدَنْ سَرْكِے،

11يَبَا سَرْكِے حِرَمْ نَڧَسَرْ تَيَ غَرُرُوَ عَشِرِنْ عَيَنْكِنْ غَلِيلِ؞ غَمَا حِرَمْ يَبَا سُلَيْمَٰنُ كَتَكَنْ سٜىٰدَ دَ نَڢِرْ دَ كُمَ دُكَنْ يَوَنْ ظِينَارِيَرْدَ يَسُواْ دُواْمِنْ عَيْكِنْ؞

12عَمَّا دَ حِرَمْ يَذُواْ دَغَ تَيَ دُواْمِنْ يَدُوبِے غَرُضُوً دَ سُلَيْمَٰنُ يَبَا شِ، بَيْ جِ دَاطِے بَ؞

13سَيْيَثٜىٰ وَ سُلَيْمَٰنُ «طَنْعُوَنَ، وَطَنّٜىٰ إِرِنْ غَرُرُوَنٜىٰ حَكَ كَبَا نِے؟» سَيْ عَكَبَاسُ سُونَنْ كَبُلْ، وَتُواْ مَرَرْ أَمْڢَانِ، هَرْوَيَوْ أَنَ كِرَنْسُ حَكَ؞

14دَا مَا حِرَمْ يَعَيْكَ وَ سُلَيْمَٰنُ دَ ظِينَارِيَ كِلُواْ دُبُو حُطُ؞

15غَا لِسَّڢِنْ عَيْكِنْ دُواْلٜىٰ وَنْدَ سُلَيْمَٰنُ يَسَا مُتَنٜىٰ سُيِ، وَتُواْ عَيْكِنْ غِنِنْ غِدَنْ يَهْوٜىٰهْ دَ نَسَرْكِے دَ نَ مِلُّواْ دَ نَكَتَنْ‌غَرْ بِرْنِنْ عُرُوشَلِيمَ دَ كُمَ عَيْكِنْ دُواْلٜىٰ نَسَاكٜىٰ غِنَا كَتَنْ‌غَرْ بِرْنِنْ حَزُوارْ دَ مٜىٰغِدُّواْ دَ غٜىٰظٜىٰرْ؞

16دَا سَرْكِنْ مَصَرْ يَڢَاطَوَ غٜىٰظٜىٰرْ يَثِسُ دَ يَاڧِ، يَكَكَّشٜىٰ كَنْعَنِيَاوَنْ دَسُكٜىٰ ثِكِنْ بِرْنِنْ، يَكُمَ ڧُواْنٜىٰ بِرْنِنْ؞ سَعَنً يَبَا یَرْسَ بِرْنِنْ يَذَمَ مَتَ ݣَوْتَرْ عَوْرٜىٰ سَعَدَّ تَ عَوْرِ سُلَيْمَٰنُ؞

17تَوُرِنْ عَيْكِنْ دُواْلٜىٰ، سُلَيْمَٰنُ يَسَاكٜىٰ غِنَا بِرْنِنْ غٜىٰظٜىٰرْ دَ بٜىٰتْ حُواْرُوانْ تَݣُورِ،

18دَ بَعَلَتْ دَ كُمَ تَمَرْ عَثِكِنْ دَاجِنْ يَهُودَ؞

19سُلَيْمَٰنُ يَكُمَ غِنَا غَرُضُوً أَجِيَرْ كَايَ دَ نَكِيوُانْ دَوَكِنْسَ دَ كُمَ نَأَجِيَرْ كٜىٰكُنَنْ دُواْكِنْ يَاڧِنْسَ؞ يَغِنَ دُكْ أَبِنْدَ يَسُواْ غِنَاوَا أَ عُرُوشَلِيمَ دَ لٜىٰبَنُوانْ دَ دُكَنْ يَنْكُنَنْ دَيَكٜىٰ مُلْكِنْسُ؞

20دُكَنْ مُتَنٜىٰنْ دَ سُكَ رَغُ دَغَ أَمُواْرِيَاوَا دَ هِتِّيَاوَا دَ ڢٜىٰرِظِّيَاوَا دَ هِوِيَاوَا دَ يٜىٰبُسِيَاوَا، وَطَنْدَ بَ نَمُتَنٜىٰنْ إِسْرَٰٓءِيلَ بَنٜىٰ،

21وَتُواْ، سُو ظُرِيُواْيِنْ ڧَبِيلُنْ دَ مُتَنٜىٰنْ إِسْرَٰٓءِيلَ بَسُ عِيَ سُهَلَّكَ غَبَاطَيَ بَ، وَطَنَّنْ نٜىٰ سُلَيْمَٰنُ يَسَا سُيِ مَسَ عَيْكِنْ دُواْلٜىٰ، حَكَ كُوَ سُكٜىٰ هَرْوَيَوْ؞

22عَمَّا سُلَيْمَٰنُ بَيْسَا مُتُمِنْ إِسْرَٰٓءِيلَ يَيِ عَيْكِنْ دُواْلٜىٰبَ؞ مَيْمَكُوانْ حَكَ يَسَاسُ سُذَمَ مَاسُ يَاڧِ دَ شُوغَبَنِّنْ ڠُومْنَتِ دَ شُوغَبَنِّنْ سُواْجُواْجِ دَ شُوغَبَنِّنْ سُواْجُواْجِ مَاسُ يَاڧِ دَ كٜىٰكُنَنْ يَاڧِ دَ كُمَ مَاسُ هَوَنْ دَوَكِ؞

23يَكُمَ نَطَ مُتَنٜىٰ طَرِے بِيَرْ دَ حَمْسِنْ سُذَمَ شُوغَبَنِّ مَاسُ لُورَ دَ أَيُّكَنْسَ؞

24بَايَنْدَ مَاتَرْ سُلَيْمَٰنُ، یَرْ سَرْكِنْ مَصَرْ، تَتَاشِ دَغَ بِرْنِنْ دَاوُدَ ذُوَا سَابُوانْ غِدَنْ دَ سُلَيْمَٰنُ يَغِنَ مَتَ، سَيْ يَغِنَ مِلُّواْ، وَتُواْ وُرِنْ دَ عَكَ ثِثِّكَ دَ ڧَسَا عَتَوَجٜىٰ؞

25سَوْ عُكُ كُواْوَثٜىٰ شٜىٰكَرَا سُلَيْمَٰنُ يَكَنْ مِيڧَ هَدَايُنْ ڧُواْنَاوَا دَ نَڠَرَنْ زُمُنْثِ دَ نَڧُواْنَ تُرَارٜىٰ عَكَنْ بَغَدٜىٰنْدَ يَغِنَ وَ يَهْوٜىٰهْ ؞ تَهَكَ يَغَمَ غِنِنْ غِدَنْ؞

26سُلَيْمَٰنُ كُمَ يَيِ جِضَاغٜىٰنْ ضُوَ أَ عٜىٰظِيُوانْ‌غٜىٰبٜىٰرْ، وَتُواْ وَتَ تَشَرْ جِضْغِ كُسَدَ عٜىٰلَتْ عَڧَسَرْ عٜىٰدُوامْ، عَبَاكِنْ ضُوً تٜىٰكُنْ ثِيَوَرْ إِوَ؞

27سَرْكِے حِرَمْ يَعَيْكَ مَاسُ عِيَ تُوڧِ سُواْسَيْ سُتَيْمَكِ مُتَنٜىٰنْ سُلَيْمَٰنُ تُوڧَ جِضَاغٜىٰنْ؞

28سُكَيِ تَڢِيَ ذُوَا ڧَسَرْ عُواْڢِرْ سُكَ كَٰوُاْوَ سُلَيْمَٰنُ ظِينَارِيَ كِلُواْ دُبُو غُواْمَشَا حُطُ؞

← Chapter 8 Jump to: Chapter 10 →