1 Kings 14

Hausa Arabic 2020 (أَتَّوْرَتْ دَ أَنَّبَاوَا)

← Chapter 13 Jump to: Chapter 15 →

1أَ لُواْكَثِنَّنْ، ثِيوُاْ يَݣُونْتَرْدَ أَبِيَ طَنْ يٜىٰرُواْبُواْوَمْ؞

2سَيْ يٜىٰرُواْبُواْوَمْ يَثٜىٰ وَمَاتَرْسَ «كِتَاشِ كِسَا كَايَ يَدَّ مُتَنٜىٰ بَذَاسُ غَانٜىٰ كٜىٰثٜىٰ مَاتَتَبَ؞ سَعَنً كِتَڢِے شِلُواْ، غَمَا أَنَّبِے أَهِيَ يَنَ وُرِنْ، وَنْدَ يَثٜىٰمِنِ ذَنْ ذَمَ سَرْكِنْ جَمَعَرْ إِسْرَٰٓءِيلَ؞

3كِطَوْكِ دُنْڧُلٜىٰنْ غُرَاسَ غُواْمَ دَ وَيْنَ دَ تُلُنْ ظُمَ دُواْمِنْسَ، كِجٜىٰ كِسَامٜىٰشِ؞ شِے ذَيْ ڢَطَا مِكِ أَبِنْدَ ذَيْ ڢَرُ دَ يَرُوانْ؞»

4مَاتَرْ يٜىٰرُواْبُواْوَمْ كُوَ تَيِ حَكَ؞ تَا تَاشِ، تَتَڢِے شِلُواْ غِدَنْ أَهِيَ؞ أَهِيَ كُوَ بَايَ غَنِ سَبُواْدَ ڟُوڢَ؞

5يَهْوٜىٰهْ يَڢَطَا مَسَ ثٜىٰوَ «غَا مَاتَرْ يٜىٰرُواْبُواْوَمْ تَنَ ذُوَا وُرِنْكَ دُوانْ تَيِ تَمْبَيَ عَكَنْ طَنْتَ، غَمَا يَنَ ثِيوُاْ؞ كَڢَطَا مَتَ أَبِنْدَ نَثٜىٰ كَڢَطَا؞» سَعَدَّ تَ إِسُواْ سَيْ تَنُونَ كَمَرْ عِتَ وَتَ مَثٜىٰثٜىٰ دَبَمْ؞

6عَمَّا دَ أَهِيَ يَجِ مُواْڟِنْ تَاكَاوَرْتَ يَايِنْ دَتَكٜىٰ شِغَ ڧُواْڢَ، سَيْيَثٜىٰ «كِشِغُواْ، مَاتَرْ يٜىٰرُواْبُواْوَمْ؞ مٜىٰيَسَا كِكٜىٰيِ كَمَرْ كٜىٰ وَتَ ثٜىٰ دَبَمْ؟ غَمَا أَنْبَانِ سَڧُواْ مَيْ نَوْيِ إِنْ بَاكِ؞

7تَڢِے كِڢَطَا وَ يٜىٰرُواْبُواْوَمْ ثٜىٰوَ ‹إِنْجِ يَهْوٜىٰهْ اللَّهْ نَ إِسْرَٰٓءِيلَ «نِے نَا طَوْكَكَاكَ دَغَ ثِكِنْ مُتَنٜىٰ، نَا مَيْدَكَيْ شُوغَبَنْ جَمَعَتَ إِسْرَٰٓءِيلَ،

8نَا كُمَ ثِرٜىٰ رَبِنْ مُلْكٍ دَغَ غِدَنْ دَاوُدَ نَبَاكَ؞ عَمَّا دُكْدَهَكَ، بَكَيِ تَڢِيَ كَمَرْ دَاوُدَ بَاوَنَبَ؞ دَاوُدَ يَيِ بِيَيَّ دَ عُمَرْنَيْنَ، يَكُمَ بِينِ دَ دُكَنْ ذُوثِيَارْسَ، يَنَ عَيْكَتَ أَبِنْدَ يَيِ دَيْدَيْ أَعِدُواْنَ كَطَيْ؞

9عَمَّا كَيْ يٜىٰرُواْبُواْوَمْ كَا عَيْكَتَ مُغُنْتَا ڢِيٜىٰدَ دُكَنْ وَطَنْدَ سُكَارِغَاكَ؞ كَيِ وَكَنْكَ أَلُّواْلِ، كَيِ صِڢُّواْڢِنْ ظُبِے، وَطَنْدَ سُكَسَا نِے اللَّهْ نَيِ ڢُشِے، كَكُمَ جُويَا مِنِ بَايَ؞

10سَبُواْدَ حَكَ، غَاشِ، ذَنْ كَٰوُاْ مَسِيڢَ عَكَنْ غِدَنْكَ؞ ذَنْ كَوَرْدَ دُكَنْ یَیَنْكَ مَظَا، كُواْ سُو بَايِ نٜىٰ، كُواْ سُو بَ بَايِ بَنٜىٰ عَ إِسْرَٰٓءِيلَ؞ ذَنْ كُمَ ثِنْيٜىٰ ذُرِيَرْكَ كَمَرْ يَدَّ مُتُمْ يَكَنْ ڧُواْنٜىٰ تَاكِنْ دَبُّواْبِے حَرْ سَيْ يَڧَارٜىٰ ڧُرْمُسْ؞

11دُكْ وَنِ دَغَ ثِكِنْ عِيَلِنْكَ وَنْدَ يَمُتُ عَثِكِنْ بِرْنِ، كَرْنُكَ ذَاسُ ثِنْيٜىٰشِ؞ كُمَ دُكْ وَنْدَ يَمُتُ أَدَاجِ، ڟُنْڟَيٜىٰنْ سَرَرِنْ سَمَ ذَاسُ ثِنْيٜىٰشِ؞ غَمَا نِے يَهْوٜىٰهْ نَا ڢَطَا؞» › »

12أَهِيَ يَثٜىٰ وَمَاتَرْ يٜىٰرُواْبُواْوَمْ «كِتَاشِ كِتَڢِے غِدَا؞ سَعَدَّ كِكٜىٰ شِغَ غَرِنْ، يَرُوانْ ذَيْ مُتُ؞

13دُكَنْ جَمَعَرْ إِسْرَٰٓءِيلَ ذَاسُيِ كُوكَنْسَ، سُكُمَ بِنّٜىٰشِ؞ غَمَا شِينٜىٰ كَطَيْ دَغَ ثِكِنْ عِيَلِنْ يٜىٰرُواْبُواْوَمْ دَ ذَاعَ بِنّٜىٰ عَكَبَرِ، سَبُواْدَ أَغَرٜىٰشِ كَطَيْ ثِكِنْ عِيَلِنْسَ نِے يَهْوٜىٰهْ اللَّهْ نَ إِسْرَٰٓءِيلَ نَسَامِ طَنْ أَبُ مَيْݣَوْ؞

14بَنْدَ حَكَ، نِے يَهْوٜىٰهْ ذَنْ تَادَ وَنِ يَذَمَ سَرْكِنْ إِسْرَٰٓءِيلَ، وَنْدَ بَدَ دَطٜىٰوَبَ ذَيْهَلَّكَ غِدَنْ يٜىٰرُواْبُواْوَمْ؞

15نِے يَهْوٜىٰهْ ذَنْ بُغِ إِسْرَٰٓءِيلَ، ذَاتَيِ ضَوَ كَمَرْ ثِيَوَ عَبَاكِنْ ضُوً رَاڢِ؞ ذَنْ تُمْٻُكٜىٰ مُتَنٜىٰنْ إِسْرَٰٓءِيلَ دَغَ ڧَسَا مَيْݣَوْ طِنَّنْ دَ نَبَا كَاكَنِّنْسُ، ذَنْ كُمَ وَرْوَاڟَرْ دَسُو عَيَنْكِنْ ڧٜىٰتَرٜىٰنْ كُواْغِنْ يُڢِرٜىٰتِسْ، سَبُواْدَ سُنْ سَا نَيِ ڢُشِے تَوُرِنْ يِنْ غُنْكِنَّنْ مَيْ سُونَ أَشٜىٰرَ؞

16ذَنْ ڢِدَّ ذُوثِيَا عَكَنْ إِسْرَٰٓءِيلَ سَبُواْدَ ذُنُوبِنْ دَشِے يٜىٰرُواْبُواْوَمْ يَسَا جَمَعَرْ إِسْرَٰٓءِيلَ سُكَ شِغَ ثِكِ؞»

17مَاتَرْ يٜىٰرُواْبُواْوَمْ كُوَ تَكُواْمَ غَرِنْ تِرْظَ؞ دَتَتَاكَ بَاكِنْ ڧُواْڢَرْ شِغَ غِدَنْتَ، سَيْ يَرُوانْ يَمُتُ؞

18دُكَنْ جَمَعَرْ إِسْرَٰٓءِيلَ سُكَ بِنّٜىٰشِ سُكَيِ كُوكَا سَبُواْدَ شِ، بِسَغَ مَغَنَرْ يَهْوٜىٰهْ وَدَّ تَڢِتُواْ تَبَاكِنْ بَاوَنْسَ أَنَّبِے أَهِيَ؞

19سَوْرَنْ أَيُّكَنْ يٜىٰرُواْبُواْوَمْ دَ يَاڧٜىٰ يَاڧٜىٰنْسَ دَ يَدَّ يَيِ مُلْكِ، سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞

20يٜىٰرُواْبُواْوَمْ يَيِ مُلْكِ شٜىٰكَرَا عَشِرِنْ دَ بِيُ، سَيْ يَكُواْمَ غَ كَاكَنِّنْسَ عَكَ بِنّٜىٰشِ؞ نَدَبْ طَنْسَ كُوَ يَغَاجٜىٰشِ يَذَمَ سَرْكِے؞ ﴿شٜىٰكَرَا 931-913 كَاڢِنْ حَيْڢُوَرْ عِيسَىٰ ﴾

21رٜىٰهُواْبُواْوَمْ طَنْ سُلَيْمَٰنُ يَيِ مُلْكِ أَ يَهُودَ؞ يَڢَارَ مُلْكِ يَنَدَ شٜىٰكَرَا أَرْبَعِنْ دَ طَيَ، يَكُوَ يِمُلْكِ شٜىٰكَرَا غُواْمَشَا بَݣَويْ أَ عُرُوشَلِيمَ؞ عُرُوشَلِيمَ نٜىٰ بِرْنِنْ دَ يَهْوٜىٰهْ يَذَاٻَا دَغَ ثِكِنْ دُكَنْ ذُرِيَرْ إِسْرَٰٓءِيلَ دُواْمِنْ أَغِرْمَمَ سُونَنْسَ أَوُرِنْ؞ سُونَنْ مَامَرْسَ نَعَمَ دَغَ أَمُّوانْ؞

22مُتَنٜىٰنْ يَهُودَ كُوَ سُكَ عَيْكَتَ مُغُنْتَا أَعِدُوانْ يَهْوٜىٰهْ ڢِيٜىٰدَ يَدَّ كَاكَنِّنْسُ سُكَيِ؞ يَوَنْ ذُنُبَنْسُ يَڟُواْكَنٜىٰ يَهْوٜىٰهْ يَيِ ڢُشِے سُواْسَيْ؞

23غَمَا سُنْ غِنَاوَا كَنْسُ وَطَنْسُ وُرَارٜىٰنْ سُجَّدَ، سُكَ كَڢَ دُووَڟُنْ سُجَّدَ دَ غُمَكَنْ أَشٜىٰرَ عَكَنْ كُواْوَنٜىٰ تُدُ دَ كُمَ ڧَرْڧَشِنْ كُواْوَنٜىٰ إِتَاثٜىٰ مَيْ بَادَ إِنُوَ؞

24أَݣَويْ كُمَ مَظَا دَ مَاتَا عَڧَسَرْ يَهُودَ وَطَنْدَ سُكٜىٰيِنْ كَارُوَنْثِ أَوُرَارٜىٰنْ سُجَّدَ دَ بَسُ دَاثٜىٰبَ؞ سُكَ عَيْكَتَ أَبُبُوَنْ بَنْ ڨَمَ إِرِنْ نَأَلْعُمَّنْ دَ يَهْوٜىٰهْ يَكُواْرَ دَغَ ڧَسَرْ دُواْمِنْ مُتَنٜىٰنْ إِسْرَٰٓءِيلَ سُذَوْنَ أَوُرِنْ؞

25أَنَانً أَ شٜىٰكَرَا تَبِيَرْ تَمُلْكٍ سَرْكِے رٜىٰهُواْبُواْوَمْ، سَرْكِے شِشَكْ نَ مَصَرْ يَڢَاطَوَ عُرُوشَلِيمَ دَ يَاڧِ؞

26يَݣُوشِ دُكَنْ كَايَ مَاسُ دَرَجَ نَغِدَنْ يَهْوٜىٰهْ دَ نَغِدَنْ سَرْكِے يَتَڢِے؞ يَكُمَ ݣُوشٜىٰ غَرْكُوُاْيِنْ ظِينَارِيَ وَطَنْدَ سُلَيْمَٰنُ يَيِ؞

27أَ مَيْمَكُوانْسُ سَرْكِے رٜىٰهُواْبُواْوَمْ يَسَاكٜىٰيِنْ وَطَنْسُ غَرْكُوُاْيِ نَڧَرْڢٜىٰنْ تَغُلَّ، سَيْ يَدَنْڧَ أَ حَنُّنْ سُواْجُواْجِنْ دَسُكٜىٰ غَادِنْ ڧُواْڢُواْڢِنْ غِدَنْ سَرْكِے؞

28دُكْ لُواْكَثِنْ دَ سَرْكِے ذَاشِ غِدَنْ يَهْوٜىٰهْ ، سَيْ سُواْجُواْجِ مَاسُ غَادِ سُطَوْكِ غَرْكُوُاْيِنْ سُبِيشِ دَسُو، بَايَنْ حَكَكُمَ سَيْ سُكُواْمَرْ دَسُو أَطَاكِنْ أَجِيَ؞

29سَوْرَنْ أَيُّكَنْ رٜىٰهُواْبُواْوَمْ دَ دُكَنْ أَبِنْدَ يَيِ سُونَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ يَهُودَ؞

30يَاڧِ كُوَ يَكَسَنْثٜىٰ كُلُّمْ ڟَكَانِنْ رٜىٰهُواْبُواْوَمْ دَ يٜىٰرُواْبُواْوَمْ؞

31رٜىٰهُواْبُواْوَمْ يَكُواْمَ غَ كَاكَنِّنْسَ، عَكَ بِنّٜىٰشِ تَرٜىٰدَ كَاكَنِّنْسَ عَبِرْنِنْ دَاوُدَ؞ سُونَنْ مَامَرْسَ نَعَمَ دَغَ أَمُّوانْ؞ طَنْسَ أَبِيَ كُوَ يَغَاجٜىٰشِ يَذَمَ سَرْكِے؞

← Chapter 13 Jump to: Chapter 15 →