1 Kings 15

Hausa Arabic 2020 (أَتَّوْرَتْ دَ أَنَّبَاوَا)

← Chapter 14 Jump to: Chapter 16 →

1عَثِكِنْ شٜىٰكَرَا تَغُواْمَشَا تَݣُوسْ تَمُلْكٍ سَرْكِے يٜىٰرُواْبُواْوَمْ طَنْ نٜىٰبَتْ، أَبِيَ يَڢَارَ مُلْكِ أَ يَهُودَ؞

2يَيِ مُلْكِ شٜىٰكَرَا عُكُ أَ عُرُوشَلِيمَ؞ سُونَنْ مَامَرْسَ مَعَكَ، یَرْ أَبِشَلُوامْ؞

3يَعَيْكَتَ دُكَنْ ذُنُبَنْدَ بَابَنْسَ يَيِ؞ بَيْ كُوَ مِيڧَا وَ يَهْوٜىٰهْ اللَّهْ نْسَ ذُوثِيَارْسَ غَبَاطَيَ كَمَرْ يَدَّ كَكَنْسَ دَاوُدَ يَيِبَ؞

4دُكْدَهَكَ، سَبُواْدَ دَاوُدَ، يَهْوٜىٰهْ اللَّهْ نْسَ يَبَا شِ طَا يَذَمَ ڢِتِلَرْ مُلْكٍ دَاوُدَ أَ عُرُوشَلِيمَ كُمَ يَتَبَّتَرْ دَ كَسَنْثٜىٰوَرْ عُرُوشَلِيمَ؞

5يَهْوٜىٰهْ يَا يِهَكَ غَمَا دَاوُدَ يَيِ أَبِنْدَ يَكٜىٰ دَيْدَيْ أَعِدُوانْ يَهْوٜىٰهْ ، كُمَ بَيْ كَوْثٜىٰ دَغَ دُكَنْ أَبِنْدَ يَهْوٜىٰهْ يَعُمَرْثٜىٰشِ بَ دُكَنْ ݣُونَكِنْ رَنْسَ، سَيْدَيْ أَ ذَنْثٜىٰنْسَ دَ مَاتَرْ عُرِيَ مُتُمِنْ هِتِّ؞

6يَاڧِنْ دَ عَكَ ڢَارَ ڟَكَانِنْ رٜىٰهُواْبُواْوَمْ دَ يٜىٰرُواْبُواْوَمْ يَثِيغَبَ أَدُكَنْ ݣُونَكِنْ أَبِيَ؞

7سَوْرَنْ أَيُّكَنْ أَبِيَ دَ دُكَنْ أَبِنْدَ يَيِ سُونَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ يَهُودَ؞ أَنْيِ تَيَاڧِ ڟَكَانِنْ أَبِيَ دَ يٜىٰرُواْبُواْوَمْ؞

8أَبِيَ يَكُواْمَ غَ كَاكَنِّنْسَ عَكَ بِنّٜىٰشِ عَبِرْنِنْ دَاوُدَ؞ سَيْ طَنْسَ أَسَ يَغَاجٜىٰشِ، يَذَمَ سَرْكِے؞ ﴿شٜىٰكَرَا 911-870 كَاڢِنْ حَيْڢُوَرْ عِيسَىٰ ﴾

9أَ شٜىٰكَرَا تَعَشِرِنْ تَمُلْكٍ سَرْكِے يٜىٰرُواْبُواْوَمْ نَ إِسْرَٰٓءِيلَ، أَسَ يَڢَارَ مُلْكِ أَ يَهُودَ؞

10يَيِ مُلْكِ شٜىٰكَرَا أَرْبَعِنْ دَ طَيَ؞ سُونَنْ كَكَرْسَ مَعَكَ نٜىٰ یَرْ أَبِشَلُوامْ؞

11أَسَ كُوَ يَيِ أَبِنْدَ يَكٜىٰ دَيْدَيْ أَعِدُوانْ يَهْوٜىٰهْ ، كَمَرْ يَدَّ كَكَنْسَ دَاوُدَ يَيِ؞

12يَكُواْرِ دَغَ ڧَسَرْ دُكَنْ مَظَا دَ مَاتَادَسُكٜىٰ كَارُوَنْثِ أَوُرَارٜىٰنْ سُجَّدَ دَ بَسُ دَاثٜىٰبَ، يَكُمَ كَوَرْدَ دُكَنْ غُمَكَنْ دَ كَاكَنِّنْسَ سُكَيِ؞

13يَكُمَ سَوْكَرْ دَ كَكَرْسَ مَعَكَ دَغَ ذَمَنْ سَرَوْنِيَ، سَبُواْدَ تَيِ غُنْكِنْ بَنْ ڨَمَرْ نَنْ نَ أَشٜىٰرَ؞ أَسَ يَسَسَّرٜىٰ غُنْكِنَّنْ نَاتَ يَڧُواْنٜىٰشِ أَ ݣُورِنْ كِدْرُوانْ؞

14كُواْدَيَكٜىٰ بَعَكَوَرْدَ دُكَنْ وُرَارٜىٰنْ سُجَّدَ دَ بَسُ دَاثٜىٰبَ، دُكْدَهَكَ أَسَ يَمِيڧَ ذُوثِيَارْسَ غَبَاطَيَ غَ يَهْوٜىٰهْ دُكَنْ ݣُونَكِنْسَ؞

15يَأَجِيٜىٰ دُكَنْ كَايَنْ دَ بَابَنْسَ يَكٜىٰٻٜىٰ دَ وَنْدَ شِے كَنْسَ يَكٜىٰٻٜىٰ عَثِكِنْ غِدَنْ يَهْوٜىٰهْ ، وَتُواْ سُو أَظُرْڢَا دَ ظِينَارِيَ دَ ݣُونُواْنِ؞

16أَنْيِ تَيَاڧِ ڟَكَانِنْ سَرْكِے أَسَ نَ يَهُودَ دَ سَرْكِے بَعَشَ نَ إِسْرَٰٓءِيلَ دُكَنْ ݣُونَكِنْسُ؞

17سَيْ سَرْكِے بَعَشَ نَ إِسْرَٰٓءِيلَ يَكَيْوَ يَهُودَ يَاڧِ؞ يَكُمَ ڠَغْڠَرَ رَمَ دُواْمِنْ يَحَنَ كُواْوَ ڢِتَ دَ شِغَ وُرِنْ سَرْكِے أَسَ نَ يَهُودَ؞

18سَيْ أَسَ يَطَوْكِ دُكَنْ أَظُرْڢَا دَ ظِينَارِيَرْ دَسُكَ رَغُ ثِكِنْ غِدَنْ يَهْوٜىٰهْ دَ ثِكِنْ غِدَنْ سَرْكِے، يَدَنْڧَ أَ حَنُّنْ دَتَّاوَنْسَ سُكَيْ وَ سَرْكِے بٜىٰنْهَدَدْ نَ سُورِيَ وَنْدَ يَكٜىٰ ذَمَ أَ دِمَشْڧُ؞ بٜىٰنْهَدَدْ طَنْ تَبْرِمُّوانْ نٜىٰ، جِيكَنْ هٜىٰظِيُوانْ؞

19أَسَ يَثٜىٰ مَسَ «بَرِ مُسَابُنْتَ يَرْجٜىٰجٜىٰنِيَرْمُ ڟَكَانِنْ بَابَنْكَ دَ بَابَنَ؞ غَا أَظُرْڢَا دَ ظِينَارِيَ نَعَيْكُواْ مَكَ دُواْمِنْ كَكَرْيَ يَرْجٜىٰجٜىٰنِيَ دَ سَرْكِے بَعَشَ نَ إِسْرَٰٓءِيلَ دُواْمِنْ يَجَنْيٜىٰ دَغَ ڧَسَاتَ؞»

20سَرْكِے بٜىٰنْهَدَدْ يَيَرْدَ دَ مَغَنَرْ أَسَ؞ سَيْ يَعَيْكَ دَ شُوغَبَنِّنْ سُواْجُواْجِنْسَ تَرٜىٰدَ سَوْرَنْ سُواْجُواْجِنْ سُكَيْ يَاڧِ عَكَنْ بِرَنٜىٰنْ ڧَسَرْ إِسْرَٰٓءِيلَ؞ سُكَ ڨُوثٜىٰ غَرُضُوً إِيُوانْ دَ دَنْ دَ أَبٜىٰلْ بٜىٰتْ مَعَكَ دَ وُرِنْ دَيَكٜىٰ كُسَدَ تَڢْكِنْ غَلِيلِ دَ دُكَنْ يَنْكِنْ نَڢْتَلِ؞

21سَعَدَّ بَعَشَ يَجِ حَكَ، سَيْ يَدَيْنَ ڠَغْڠَرَ غِنِنْ رَمَ، يَكُواْمَ تِرْظَ؞

22سَيْ سَرْكِے أَسَ يَيِ شٜىٰلَ كُواْعِنَ أَ يَهُودَ ثٜىٰوَ كُواْوَ يَڢِتُواْ، كُمَ بَابُوَنْدَ عَكَ وَارٜىٰ، كُواْوَ يَتَيْمَكَ عَكْوَاشِ دُوَڟُو دَ كَتَكَنْ دَ بَعَشَ يَيِ أَمْڢَانِ دَسُو دُواْمِنْ ڠَرَنْ رَمَ؞ أَسَ يَيِ أَمْڢَانِ دَ كَايَنَّنْ يَڠَغْڠَرَ بِرْنِنْ غٜىٰبَ عَيَنْكِنْ بِلِيَامِنُ دَ كُمَ مِظْڢَ؞

23سَوْرَنْ أَيُّكَنْ أَسَ دَ دُكَنْ إِيكُوانْ مُلْكِنْسَ دَ دُكَنْ أَبِنْدَ يَيِ دَ بِرَنٜىٰنْدَ يَڠَرَ، سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ يَهُودَ؞ عَمَّا أَڟُوڢَرْسَ ثِيوُانْ ڧَڢَا يَكَامَشِ؞

24أَسَ يَكُواْمَ غَ كَاكَنِّنْسَ، عَكَ بِنّٜىٰشِ تَرٜىٰدَ كَاكَنِّنْسَ ثِكِنْ بِرْنِنْ دَاوُدَ؞ سَعَنً طَنْسَ يٜىٰهُواْشَڢَتْ يَغَاجٜىٰشِ يَذَمَ سَرْكِے؞ ﴿شٜىٰكَرَا 910-919 كَاڢِنْ حَيْڢُوَرْ عِيسَىٰ ﴾

25أَ شٜىٰكَرَا تَبِيُ تَمُلْكٍ سَرْكِے أَسَ نَ يَهُودَ، نَدَبْ طَنْ سَرْكِے يٜىٰرُواْبُواْوَمْ يَذَمَ سَرْكِنْ إِسْرَٰٓءِيلَ، يَكُمَيِ مُلْكِ شٜىٰكَرَا بِيُ؞

26يَعَيْكَتَ مُغُنْتَا أَعِدُوانْ يَهْوٜىٰهْ ، يَيِ تَڢِيَ أَ حَنْيَرْ كَكَنْسَ كُمَ ثِكِنْ ذُنُوبِنْ دَ كَكَنْسَ يَسَا إِسْرَٰٓءِيلَ سُكَيِ؞

27بَعَشَ طَنْ أَهِيَ نَظُرِيَرْ إِسَّكَرْ يَيِ ڧُلّٜىٰ ڧُلّٜىٰنْ كَشٜىٰ نَدَبْ، يَكُوَ كَشٜىٰشِ أَ غِبّٜىٰتُوانْ، وَنْدَ يَكٜىٰ عَيَنْكِنْ ڢِلِسْتِيَاوَا؞ يَيِ حَكَ سَعَدَّ نَدَبْ دَ دُكَنْ إِسْرَٰٓءِيلَ سُكَ كٜىٰوَيٜىٰ غِبّٜىٰتُوانْ دُواْمِنْ يَاڧِ؞

28بَعَشَ يَكَشٜىٰ نَدَبْ أَ شٜىٰكَرَا تَ عُكُ تَمُلْكٍ أَسَ أَ يَهُودَ؞ تَهَكَ يَهَوْ كُجٜىٰرَرْ مُلْكِ؞

29دَ يَذَمَ سَرْكِے سَيْ نَنْ دَنَنْ يَكَشٜىٰ دُكَنْ غِدَنْ يٜىٰرُواْبُواْوَمْ؞ بَيْ بَرْ كُواْ مُتُمْ طَيَ دَ رَيْ بَ، يَهَلَكَاسُ كَكَڢْ، بِسَغَ مَغَنَرْ دَ يَهْوٜىٰهْ يَيِ تَبَاكِنْ بَاوَنْسَ أَنَّبِے أَهِيَ مُتُمِنْ شِلُواْ؞

30وَنَّنْ يَكَسَنْثٜىٰ حَكَ سَبُواْدَ ذُنُوبِنْ دَ يٜىٰرُواْبُواْوَمْ يَيِ، وَنْدَ كُمَ يَسَا دُكَنْ إِسْرَٰٓءِيلَ سُكَيِ، كُمَ سَبُواْدَ ڢُشِنْ دَ ذُنُوبِنْ يٜىٰرُواْبُواْوَمْ يَسَا يَهْوٜىٰهْ اللَّهْ نَ إِسْرَٰٓءِيلَ يَيِ؞

31سَوْرَنْ أَيُّكَنْ نَدَبْ دَ كُمَ دُكَنْ أَبِنْدَ يَيِ، سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞

32أَنْيِ تَيَاڧِ ڟَكَانِنْ سَرْكِے أَسَ نَ يَهُودَ دَ سَرْكِے بَعَشَ نَ إِسْرَٰٓءِيلَ دُكَنْ ݣُونَكِنْ رَايُوَرْسُ؞ ﴿شٜىٰكَرَا 909-886 كَاڢِنْ حَيْڢُوَرْ عِيسَىٰ ﴾

33أَ شٜىٰكَرَا تَ عُكُ تَمُلْكٍ سَرْكِے أَسَ نَ يَهُودَ، بَعَشَ طَنْ أَهِيَ يَڢَارَ مُلْكٍ دُكَنْ إِسْرَٰٓءِيلَ أَ تِرْظَ؞ بَعَشَ يَيِ شٜىٰكَرَا عَشِرِنْ دَ حُطُ يَنَ مُلْكِ؞

34عَمَّا يَعَيْكَتَ مُغُنْتَا أَعِدُوانْ يَهْوٜىٰهْ ؞ يَيِ تَڢِيَ أَ حَنْيَرْ يٜىٰرُواْبُواْوَمْ، كُمَ ثِكِنْ ذُنُوبِنْ دَ يٜىٰرُواْبُواْوَمْ يَسَا إِسْرَٰٓءِيلَ سُكَيِ؞

← Chapter 14 Jump to: Chapter 16 →