1 Kings 12

Hausa Arabic 2020 (أَتَّوْرَتْ دَ أَنَّبَاوَا)

← Chapter 11 Jump to: Chapter 13 →

1رٜىٰهُواْبُواْوَمْ يَتَڢِے شٜىٰكٜىٰمْ، غَمَا دُكَنْ جَمَعَرْ إِسْرَٰٓءِيلَ سُنْ تَارُ أَوُرِنْ دُواْمِنْ سُنَطَشِ سَرْكِے؞

2سَعَدَّ يٜىٰرُواْبُواْوَمْ طَنْ نٜىٰبَتْ يَجِ لَابَرِ ذَاعَ نَطَ رٜىٰهُواْبُواْوَمْ سَرْكِے، يٜىٰرُواْبُواْوَمْ يَنَدَ ذَمَ عَڧَسَرْ مَصَرْ، عِنْدَ يَغُجٜىٰ وَ سُلَيْمَٰنُ؞

3مُتَنٜىٰ سُكَ عَيْكَ عَكِرَا يٜىٰرُواْبُواْوَمْ يَذُواْ؞ سَيْ شِے دَ دُكَنْ تَارُوانْ جَمَعَرْ إِسْرَٰٓءِيلَ سُكَ تَڢِے وُرِنْ رٜىٰهُواْبُواْوَمْ سُكَثٜىٰ،

4«بَابَنْكَ يَسَامُ غُنْ‌غُمٜىٰنْدَ يَدَنّٜىٰمُ سُواْسَيْ؞ يَنْذُ عِدَنْ كَسَوْڧَڧَ مَنَ أَيُّكَنَّنْ دَ سُكَ دَنّٜىٰمُ، كَكُمَ ضَغٜىٰ أَبُبُوَ مَاسُ نَوْيِنْدَ يَسَا عَكَنْمُ، تُواْ، ذَامُيِ مَكَ حِدِمَ؞»

5سَيْ سَرْكِے رٜىٰهُواْبُواْوَمْ يَثٜىٰمُسُ «كُتَڢِے، بَايَنْ ݣُونَ عُكُ كُدَاوُاْ كُكَرْٻِ أَمْسَ؞» سَيْ مُتَنٜىٰنْ سُكَ تَڢِے؞

6سَعَنً رٜىٰهُواْبُواْوَمْ يَنٜىٰمِ شَوَرَرْ ڟُواْڢَڢِّنْ مَذَنْ دَ سُكَيِ وَبَابَنْسَ سُلَيْمَٰنُ حِدِمَ لُواْكَثِنْ دَ يَكٜىٰدَ رَيْ؞ يَثٜىٰ مُسُ «وَثٜىٰ شَوَرَا ذَاكُ بَانِ دُوانْ إِنَمْسَ وَمُتَنٜىٰنَّنْ؟»

7سُكَثٜىٰ مَسَ «عِدَنْ يَوْ كَنَ سُواْ كَيِ وَمُتَنٜىٰنَّنْ حِدِمَ، كَكُمَيِ مُسُ عَيْكِ، سَيْ كَأَمْسَ مُسُ دَ مَغَنَ مَيْݣَوْ، سُو كُوَ ذَاسُ ذَمَ بَايِنْكَ مَاسُ أَمِنْثِ حَرْ أَبَدَا؞»

8عَمَّا رٜىٰهُواْبُواْوَمْ يَڧِ شَوَرَرْ دَ ڟُواْڢَڢِّنْ مَذَنَّنْ سُكَ بَاشِ، سَيْ يَبِے شَوَرَرْ سَمَارِنْ دَ سُكَيِ غِرْمَ تَرٜىٰ دَشِ، وَطَنْدَ يَنْذُ سُونٜىٰ سُكٜىٰ بَاشِ شَوَرَا؞

9يَثٜىٰ مُسُ «وَثٜىٰ شَوَرَا ذَاكُ بَانِ دُوانْ مُأَمْسَا وَمُتَنٜىٰنَّنْ وَطَنْدَ سُكَثٜىٰ مِنِ، ‹كَسَوْڧَڧَ مَنَ نَوْيِنْ غُنْ‌غُمٜىٰنْ بَابَنْكَ وَنْدَ يَدَنّٜىٰمُ›؟»

10سَيْ سَمَارِنْ دَ سُكَيِ غِرْمَ تَرٜىٰدَ رٜىٰهُواْبُواْوَمْ سُكَثٜىٰ مَسَ «غَا أَمْسَرْ دَ ذَاكَبَا وَطَنْدَ سُكَثٜىٰ، ‹بَابَنْكَ يَسَا مَنَ غُنْ‌غُمٜىٰ وَنْدَ يَدَنّٜىٰمُ سُواْسَيْ، بَرِ كَيْ كَسَوْڧَڧَ مَنَ؞› كَأَمْسَ مُسُ كَثٜىٰ، ‹ڧَرَمَرْ يَڟَاتَ تَاڢِ ݣُونْݣُوسُوانْ بَابَنَ كَوْرِ؞

11بَابَنَ يَسَا مُكُ غُنْ‌غُمٜىٰنْدَ يَدَنّٜىٰكُ سُواْسَيْ، عَمَّا ذَنْ ڧَارَ دَنّٜىٰكُ؞ بَابَنَ يَدُوكٜىٰكُ دَ بُلَلَ، عَمَّا نِے ذَنْ هُواْرٜىٰكُ دَ كُنَمَيْ!› »

12بَايَنْ ݣُونَ عُكُ سَيْ يٜىٰرُواْبُواْوَمْ دَ دُكَنْ جَمَعَ سُكَ دَاوُاْ وُرِنْ رٜىٰهُواْبُواْوَمْ بِسَغَ يَدَّ يَڢَطَا مُسُ؞

13سَرْكِے يَڧِ شَوَرَرْ دَ ڟُواْڢَڢِّنْ مَذَنْ سُكَ بَاشِ، سَيْ يَيِ وَمُتَنٜىٰنْ مَغَنَ مَيْ ذَاڢِ؞

14يَيِ مَغَنَ بِسَغَ شَوَرَرْ دَ سَمَارِنْ سُكَ بَاشِ ثٜىٰوَ «بَابَنَ يَسَا مُكُ غُنْ‌غُمٜىٰنْدَ يَدَنّٜىٰكُ سُواْسَيْ، عَمَّا ذَنْ ڧَارَ دَنّٜىٰكُ؞ بَابَنَ يَدُوكٜىٰكُ دَ بُلَلَ، عَمَّا نِے ذَنْ هُواْرٜىٰكُ دَ كُنَمَيْ؞»

15سَرْكِے بَيْ سَوْرَرِ جَمَعَرْبَ؞ غَمَا نُڢِنْ يَهْوٜىٰهْ نٜىٰ دُواْمِنْ يَكَٰوُاْ ثِكَرْ مَغَنَرْسَ دَ يَيِ غَ يٜىٰرُواْبُواْوَمْ طَنْ نٜىٰبَتْ تَبَاكِنْ أَنَّبِے أَهِيَ مُتُمِنْ شِلُواْ؞

16عَمَّا سَعَدَّ إِسْرَٰٓءِيلَ دُكَ سُكَغَ ثٜىٰوَ سَرْكِے بَيْ سَوْرَرٜىٰسُبَ، سَيْ مُتَنٜىٰنْ سُكَ أَمْسَوَ سَرْكِے سُكَثٜىٰ، «إِنَا ضُوَنْمُ دَ دَاوُدَ! أَيْ! بَامُ دَ غَادُواْ أَوُرِنْ طَنْ يٜىٰسّٜىٰ؞ يَا إِسْرَٰٓءِيلَ، كُواْوَ يَكُواْمَ تٜىٰنْتِنْسَ! يَا دَاوُدَ، سَيْكَلُورَ دَ غِدَنْكَ؞» دُواْمِنْ حَكَ مُتَنٜىٰنْ إِسْرَٰٓءِيلَ سُكَ وَڟٜىٰ، كُواْوَ يَكُواْمَ غِدَنْسَ؞

17عَمَّا رٜىٰهُواْبُواْوَمْ يَثِيغَبَدَ يِنْ مُلْكٍ مُتَنٜىٰنْ إِسْرَٰٓءِيلَ وَطَنْدَ سُكٜىٰ أَغَرُضُوً يَنْكِنْ يَهُودَ؞

18سَعَنً سَرْكِے رٜىٰهُواْبُواْوَمْ يَعَيْكِ أَدُواْنِرَمْ شُوغَبَنْ عَيْكِنْ دُواْلٜىٰ ذُوَاغَ مُتَنٜىٰنْ إِسْرَٰٓءِيلَ، سَيْ دُكَنْ مُتَنٜىٰنْ إِسْرَٰٓءِيلَ سُكَ جٜىٰجّٜىٰڢٜىٰشِ دَ دُوَڟُو سُكَ كَشٜىٰشِ؞ غَنِنْ حَكَ، رٜىٰهُواْبُواْوَمْ يَيِ سَوْرِ يَشِغَ كٜىٰكٜىٰنْ دُواْكِنْسَ يَغُدُ ذُوَا عُرُوشَلِيمَ؞

19تُنْدَغَ وَنَّنْ لُواْكَثِ، مُتَنٜىٰنْ أَرٜىٰوَثِنْ إِسْرَٰٓءِيلَ سُكَ شِغَ غَابَادَ غِدَنْ دَاوُدَ هَرْوَيَوْ؞

20سَعَدَّ كُمَ دُكَنْ إِسْرَٰٓءِيلَ سُكَجِ ثٜىٰوَ يٜىٰرُواْبُواْوَمْ يَدَاوُاْ، سُكَ عَيْكَ مَسَ يَذُواْ وُرِنْ تَارُوانْ جَمَعَرْ إِسْرَٰٓءِيلَ سُكَ نَطَشِ سَرْكِنْ إِسْرَٰٓءِيلَ؞ بَابُوَنْدَ يَبِے غِدَنْ دَاوُدَ، سَيْ ذُرِيَرْ يَهُودَ كَطَيْ؞

21دَ رٜىٰهُواْبُواْوَمْ يَ إِسُواْ عُرُوشَلِيمَ، سَيْ يَتَارَ سُواْجُواْجِ مَڢِيَ عِيَ يَاڧِ دُبُو طَرِے دَ دُبُو تَمَٰنِنْ دَغَ غِدَنْ يَهُودَ دَ نَ بِلِيَامِنُ؞ عَكَ شِرْيَ كَيْ وَ غِدَنْ إِسْرَٰٓءِيلَ يَاڧِ، دُواْمِنْ أَ مَيْدَسُو ڧَرْڧَشِنْ مُلْكٍ رٜىٰهُواْبُواْوَمْ طَنْ سُلَيْمَٰنُ؞

22عَمَّا اللَّهْ يَيِ مَغَنَ دَ شٜىٰمَيَ مُتُمِنْ اللَّهْ ثٜىٰوَ

23«كَثٜىٰ وَ رٜىٰهُواْبُواْوَمْ طَنْ سُلَيْمَٰنُ سَرْكِنْ يَهُودَ دَ دُكَنْ غِدَنْ يَهُودَ دَ نَ بِلِيَامِنُ دَ كُمَ سَوْرَنْ مُتَنٜىٰنْ،

24‹إِنْجِ يَهْوٜىٰهْ «كَدَ كُڢَاطَ وَیَنْعُوَنْكُ إِسْرَٰٓءِيلَاوَا دَ يَاڧِ؞ بَرِ كُواْوَنٜىٰ مُتُمْ يَكُواْمَ غِدَنْسَ، غَمَا وَنَّنْ أَبُ دَغَ وُرِينَ نٜىٰ؞» › » سَيْ سُكَيِ بِيَيَّ دَ مَغَنَرْ يَهْوٜىٰهْ ، سُكَ كُواْمَ غِدَاجٜىٰنْسُ بِسَغَ عُمَرْنِنْ يَهْوٜىٰهْ ؞

25سَيْ يٜىٰرُواْبُواْوَمْ سَرْكِنْ إِسْرَٰٓءِيلَ يَڠَغْڠَرَ شٜىٰكٜىٰمْ وَنْدَ يَكٜىٰ عَيَنْكِنْ تُدَّيْ نَ إِڢْرَيِمْ، يَيِ ذَمَ أَوُرِنْ؞ دَغَ وُرِنْ يَتَڢِے يَڧَارَ غِنَا غَرِنْ ڢٜىٰنُوٜىٰلْ؞

26يٜىٰرُواْبُواْوَمْ يَيِ تُنَانِ أَ ذُوثِيَارْسَ يَثٜىٰ «لَلَّيْ مُلْكٍ ذَيْ كُواْمَ وُرِنْ غِدَنْ دَاوُدَ

27عِدَنْ نَا بَرْ مُتَنٜىٰنَّنْ سُهَوْرَ ذُوَا عُرُوشَلِيمَ سُمِيڧَ هَدَايُنْسُ غَ يَهْوٜىٰهْ ؞ عِدَنْ سُنْيِ حَكَ، ذُوثِيَارْسُ ذَاتَ كُواْمَ غَ رٜىٰهُواْبُواْوَمْ سَرْكِنْ يَهُودَ، ذَاسُ كُوَ كَشٜىٰنِ سُكُواْمَ غَرٜىٰشِ؞»

28سَبُواْدَ حَكَ سَرْكِے يَنٜىٰمِ شَوَرَا، يَيِ صِڢُّواْڢِنْ یَنْ بِجِمَيْ بِيُ نَظِينَارِيَ؞ سَعَنً يَثٜىٰ وَمُتَنٜىٰنْ «كُنْ دَطٜىٰ كُنَ تَڢِيَ ثَنْ عُرُوشَلِيمَ دُواْمِنْ سُجَّدَ؞ تُواْ، غَا أَلُّواْلِنْكُ، يَا إِسْرَٰٓءِيلَ، وَطَنْدَ سُكَ ڢِتَرْ دَكُو دَغَ ڧَسَرْ مَصَرْ؞»

29يَكَڢَ طَيَ أَغَرِنْ بٜىٰتٜىٰلْ، سَعَنً طَيَنْ كُمَ أَغَرِنْ دَنْ؞

30وَنَّنْ يَذَمَ ذُنُوبِ، غَمَا مُتَنٜىٰ سُنَ تَڢِيَ يِوَصِڢُّواْڢِنْ یَنْ بِجِمَيْ سُجَّدَ أَ بٜىٰتٜىٰلْ دَ دَنْ؞

31يٜىٰرُواْبُواْوَمْ يَغِنَ وَطَنْسُ وُرَارٜىٰنْ سُجَّدَ، يَكُمَ نَطَ ڢِرِسْتُواْثِے بَرْكَتَيْ دَغَ ثِكِنْ مُتَنٜىٰنْدَ بَ نَظُرِيَرْ لَوِ بَ؞

32يٜىٰرُواْبُواْوَمْ يَكُمَ كَڢَ بِكٍ أَدِّينِ أَ رَانَ تَغُواْمَشَا بِيَرْ نَوَتَنْ تَݣُوسْ دَيْدَيْ كَمَرْ بِكٍ أَدِّينِنْ دَ عَكٜىٰيِ أَ يَهُودَ؞ عَكَنْ بَغَدٜىٰنْ دَيَكٜىٰ أَ بٜىٰتٜىٰلْ، يٜىٰرُواْبُواْوَمْ يَمِيڧَ هَدَايُ غَ صِڢُّواْڢِنْ یَنْ بِجِمَيْ نَظِينَارِيَرْ نَنْ دَ يَيِ؞ أَ بٜىٰتٜىٰلْ كُمَ يَنَطَ ڢِرِسْتُواْثِے نَوَطَنْسُ وُرَارٜىٰنْ سُجَّدَ، وَطَنْدَ يَغِغِّنَ؞

33أَ رَانَ تَغُواْمَشَا بِيَرْ غَ وَتَنْ تَݣُوسْ، وَدَّ تَكٜىٰ رَانَرْدَ شِے كَنْسَ يَشِرْيَ، يَكَڢَ بِكٍ أَدِّينِ دُواْمِنْ مُتَنٜىٰنْ إِسْرَٰٓءِيلَ؞ أَ رَانَرْ يَتَڢِے بٜىٰتٜىٰلْ يَهَوْ بَغَدٜىٰنْ دُواْمِنْ يَڧُواْنَ تُرَارٜىٰ عَكَيْ؞

← Chapter 11 Jump to: Chapter 13 →