1 Kings 18

Hausa Arabic 2020 (أَتَّوْرَتْ دَ أَنَّبَاوَا)

1بَايَنْ ݣُونَكِے مَاسُيَوَ، يَهْوٜىٰهْ يَيِ مَغَنَ دَ إِلْيَاسُ أَ شٜىٰكَرَا تَ عُكُ تَرَشِنْ ضُوً سَمَ ثٜىٰوَ «تَڢِے كَنُونَ كَنْكَ غَ أَهَبْ، نِے كُوَ ذَنْ عَيْكَ دَ ضُوً سَمَ عَڧَسَرْ؞»

2سَيْ إِلْيَاسُ يَتَڢِے وُرِنْ أَهَبْ دُواْمِنْ يَنُونَ كَنْسَ؞ أَوَنَّنْ لُواْكَثِ كُوَ يُنْوَ تَايِ ڟَنَنِ أَ سَمَرِيَ؞

3سَيْ أَهَبْ يَكِرَا عُواْبَدِيَ وَنْدَ يَكٜىٰ شُوغَبَنْ غِدَنْ سَرْكِے؞ عُواْبَدِيَ كُوَ مَيْ ڟُواْرُوانْ يَهْوٜىٰهْ نٜىٰ سُواْسَيْ؞

4أَ لُواْكَثِنْ دَ يٜىٰظٜىٰبٜىٰلْ تَكٜىٰ كَشٜىٰ أَنَّبَاوَنْ يَهْوٜىٰهْ كُوَ، سَيْ عُواْبَدِيَ يَٻُواْيٜىٰ أَنَّبَاوَا طَرِے عَكُواْغُواْ بِيُ، حَمْسِنْ عَكُواْوَنٜىٰ كُواْغُواْ؞ يَنَ كُمَبَاسُ عَبِنْثِ دَ ضُوً شَا؞

5أَهَبْ يَثٜىٰ وَ عُواْبَدِيَ «تَڢِے كُواْعِنَ ثِكِنْ ڧَسَرْ، كَبِے تَدُكَنْ مَٻُٻُّغَرْ ضُوَ دَ رَاڢُڢُّكَ؞ وَتَڧِيلَ ذَامُ سَامِ ثِيَوَ دُواْمِنْ مُثٜىٰثِ دَوَكِ دَ جَاكُنَنْ دُواْكِ دَغَ مُتُوَ، كَدَ مُرَسَ دَبُّواْبِنْمُ؞»

6سُكَ رَبَ كَنْسُ كُواْوَ دَ سَاشٜىٰنْ ڧَسَرْدَ ذَيْبِے؞ أَهَبْ دَ كَنْسَ يَبِے سَاشٜىٰ غُدَا، سَيْ عُواْبَدِيَ يَبِے سَاشٜىٰ طَيَ؞

7دَ عُواْبَدِيَ يَنَ عَكَنْ تَڢِيَ سَيْ إِلْيَاسُ يَسَامٜىٰشِ؞ دَ عُواْبَدِيَ يَغَانٜىٰ إِلْيَاسُ نٜىٰ، سَيْ يَرُسُنَ دَ ڢُسْكَرْسَ يَثٜىٰ «يَا شُوغَبَنَ إِلْيَاسُ، كَيْنٜىٰ؟»

8إِلْيَاسُ يَثٜىٰ «نِنٜىٰ؞ تَڢِے كَڢَطَا وَشُوغَبَنْكَ ثٜىٰوَ نِے إِلْيَاسُ إِنَ أَنَنْ؞»

9عُواْبَدِيَ يَثٜىٰ مَسَ «لَيْڢِنْ مٜىٰنَيِدَ كَكٜىٰسُواْ كَسَانِ أَ حَڟَرِنْ مُتُوَ أَ حَنُّنْ سَرْكِے حَكَ؟

10نَا ضَنْڟٜىٰ دَ يَهْوٜىٰهْ اللَّهْ نْكَ مَيْ رَيْ، بَابُ أَلْعُمَّ كُواْ ڧَسَرْدَ سَرْكِے بَيْ عَيْكَ أَ نٜىٰمٜىٰكَبَ؞ عِدَنْ كُوَ سُكَثٜىٰ بَاكَ أَوُرِنْ، يَكَنْسَا سُيِ ضَنْڟُوَا ثٜىٰوَ لَلَّيْ بَسُ سَامٜىٰكَبَ؞

11تُواْ، شِينٜىٰ يَنْذُ كَكٜىٰسُواْ إِنْجٜىٰ إِنْڢَطَا وَشُوغَبَنَ ثٜىٰوَ كَنَ أَنَنْ؟

12غَاشِ دَظَرَرْ نَبَرْكَ رُوحٌ يَهْوٜىٰهْ ذَيْ طَوْكٜىٰكَ ذُوَا وَنِ وُرِنْ دَ بَنْ سَنِبَ؞ أَيْ، عِدَنْ نَا ڢَطَا وَ أَهَبْ كَنَ أَنَنْ، بَيْ كُمَذُواْ يَسَامٜىٰكَبَ، ذَيْسَا عَكَشٜىٰنِ؞ تُنَ ڢَا، نِے مَيْ ڟُواْرُوانْ يَهْوٜىٰهْ نٜىٰ تُنْ إِنَ يَرُواْ؞

13يَا شُوغَبَنَ، بَعَڢَطَا مَكَ أَبِنْدَ نَيِ لُواْكَثِنْ دَ يٜىٰظٜىٰبٜىٰلْ تَكَكَّشٜىٰ أَنَّبَاوَنْ يَهْوٜىٰهْ بَ؟ يَدَّ نِے نَا ٻُواْيٜىٰ أَنَّبَاوَا طَرِے، نَسَاسُ حَمْسِنْ حَمْسِنْ عَكُواْغُواْ بِيُ، نَيِ تَبَاسُ عَبِنْثِ دَ ضُوَ؞

14شِينٜىٰ يَنْذُ ذَاكَثٜىٰ مِنِ إِنْتَڢِے إِنْڢَطَا وَشُوغَبَنَ ثٜىٰوَ كَنَ أَنَنْ؟ أَيْ، ذَيْ كَشٜىٰنِ!»

15إِلْيَاسُ يَثٜىٰ «نَا ضَنْڟٜىٰ دَ يَهْوٜىٰهْ مَيْ ضُنْدُنَا كُمَ مَيْ رَيْ، وَنْدَ نَكٜىٰ بَوْتَا مَسَ، لَلَّيْ ذَنْ نُونَ كَيْنَ غَرٜىٰشِ يَوْ؞»

16سَيْ عُواْبَدِيَ يَتَڢِے يَڢَطَا وَ أَهَبْ؞ أَهَبْ كُوَ يَتَڢِے يَسَامِ إِلْيَاسُ؞

17دَ أَهَبْ يَغَ إِلْيَاسُ يَثٜىٰ مَسَ «كَيْ نٜىٰ وَنَّنْ، كَيْ مَيْ بَا إِسْرَٰٓءِيلَ وَهَلَ؟»

18إِلْيَاسُ يَأَمْسَ يَثٜىٰ «بَ نِے نَكٜىٰ بَا إِسْرَٰٓءِيلَ وَهَلَبَ؞ عَمَّا كَيْ دَ غِدَنْ بَابَنْكَنٜىٰ، دُواْمِنْ كُنْڧِ بِيَيَّ دَ عُمَرْنَنْ يَهْوٜىٰهْ كُكَ كُمَبِے غُنْكِنَّنْ بَعَلْ؞

19سَبُواْدَ حَكَ، كَعَيْكَ عَتَتَّارَ دُكَنْ إِسْرَٰٓءِيلَ ذُوَا بَبَّنْ تُدُنْ كَرْمٜىٰلْ، تَرٜىٰدَ أَنَّبَاوَا طَرِے حُطُ دَ حَمْسِنْ نَ بَعَلْ دَ أَنَّبَاوَا طَرِے حُطُ نَ أَشٜىٰرَ، وَطَنْدَ سُكٜىٰ ثِنْ عَبِنْثِ أَ حَنُّنْ يٜىٰظٜىٰبٜىٰلْ؞»

20سَيْ أَهَبْ يَتَتَّارَ دُكَنْ مُتَنٜىٰنْ إِسْرَٰٓءِيلَ دَ أَنَّبَاوَا عَبَبَّنْ تُدُنْ كَرْمٜىٰلْ؞

21سَيْ إِلْيَاسُ يَمَڟُواْ كُسَدَ دُكَنْ مُتَنٜىٰنْ يَثٜىٰمُسُ «دُوانْمٜىٰ كُكٜىٰ رَبَ حَنْكَلِنْكُ بِيُ؟ عِدَنْ يَهْوٜىٰهْ شِينٜىٰ اللَّهْ ، كُبِے شِ؞ عَمَّا عِدَنْ بَعَلْ شِينٜىٰ اللَّهْ ، سَيْ كُبِے شِ؞ عَمَّا مُتَنٜىٰنْ بَسُ ثٜىٰ مَسَ كُواْمٜىٰبَ؞»

22سَيْ إِلْيَاسُ يَثٜىٰ «نِنٜىٰ كَطَيْ أَنَّبِنْ يَهْوٜىٰهْ وَنْدَ يَرَغُ، عَمَّا أَݣَويْ أَنَّبَاوَنْ بَعَلْ طَرِے حُطُ دَ حَمْسِنْ؞

23«عَبَامُ بِجِمَيْ بِيُ؞ بَرِ سُذَاٻَا وَكَنْسُ بِجِمِ طَيَ، سُيَيَّنْكَ شِ، سُشِمْڢِطَا عَكَنْ إِتَاثٜىٰ، عَمَّا كَدَ سُكُنَّ وُتَا عَكَنْسَ؞ نِے كُمَ ذَنْ طَوْكِ بِجِمِ طَيَ إِنْشِرْيَ شِ عَكَنْ إِتَاثٜىٰنْ، بَذَنْ كُمَسَا مَسَ وُتَا بَ؞

24ذَاكُ كِرَا غَ سُونَنْ اللَّهْ‌نْكُ، نِمَا ذَنْكِرَا غَ سُونَنْ يَهْوٜىٰهْ ؞ اللَّهْ وَنْدَ يَأَمْسَ تَوُرِنْ عَيْكُواْ دَ وُتَا، لَلَّيْ شِينٜىٰ اللَّهْ ؞» دُكَنْ مُتَنٜىٰنْ سُكَ أَمْسَ سُكَثٜىٰ «عِ، مَغَنَرْ تَيِݣَوْ؞»

25إِلْيَاسُ يَثٜىٰ وَ أَنَّبَاوَنْ بَعَلْ «دَيَكٜىٰ كُنَنَنْ دَيَوَ سَيْ كُڢَارَ، كُذَاٻَا وَكَنْكُ بِجِمِ كُشِرْيَ؞ كُيِ أَدُّعَ غَ اللَّهْ‌نْكُ، عَمَّا كَدَ كُكُنَّوَ إِتَاثٜىٰنْ وُتَا؞»

26سُكَ طَوْكِ بِجِمِنْ دَ عَكَ كَٰوُاْ مُسُ، سُكَ شِرْيَشِ، سُكَيِ تَأَدُّعَ غَ بَعَلْ حَرْ ڟَكَرْ رَانَ؞ سُكَيِ تَ إِيهُ سُنَ ثٜىٰوَ «يَا بَعَلْ، أَمْسَ مَنَ!» سُكَيِ تَرَوَ سُنَ كٜىٰوَيَ بَغَدٜىٰنْ؞ عَمَّا بَابُ مُرْيَ، كُمَ بَابُ أَمْسَ؞

27دَ ڟَكَرْ رَانَ تَيِ، سَيْ إِلْيَاسُ يَيِمُسُ غُواْرِ يَثٜىٰ «كُيِ كِرَا دَ بَبَّرْ مُرْيَ، أَيْ، شِے اللَّهْ نٜىٰ! وَتَڧِيلَ يَنَ تُنَانِ، كُواْ كُوَ يَڢِتَ يَٰوُاْ نٜىٰ، كُواْ كُوَ يَيِ تَڢِيَ؞ وَتَڧِيلَ كُمَ يَنَ بَرْثِ نٜىٰ، سَيْ عَتَاشٜىٰشِ؞»

28سُكَيِ تَكِرَا دَ ڧَرْڢِے، سُنَ كُمَ ڟَڟَّٰغَ جِكُنَنْسُ دَ وُڧَڧٜىٰ بِسَغَ أَلْعَادَرْسُ، جِنِ يَنَ تَظُبَ؞

29سُكَيِ تَ إِيهُ دَ سُورُوتَيْ دُكَنْ رَانَ حَرْ ذُوَا لُواْكَثِنْ هَدَايَ تَيَمَّ، عَمَّا دُكْدَهَكَ بَابُ مُرْيَ، بَابُ أَمْسَ، بَابُوَنْدَ يَكُلَ؞

30سَعَنً إِلْيَاسُ يَثٜىٰ وَدُكَنْ مُتَنٜىٰنْ «كُذُواْ كُسَدَنِے؞» سُكَ مَڟُواْ كُسَدَشِ؞ دَ ڢَرْكُواْ يَشِرْيَ بَغَدٜىٰنْ يَهْوٜىٰهْ وَنْدَ عَكَ رُشٜىٰ؞

31يَݣُوسُواْ دُوَڟُو غُواْمَشَا بِيُ، بِسَغَ يَوَنْ ذُرِيَرْ یَیَنْ يَعْڧُوبَ، شِے وَنْدَ يَهْوٜىٰهْ يَيِ مَسَ مَغَنَ ثٜىٰوَ ذَاعَ كِرَشِ دَ سُونَ إِسْرَٰٓءِيلَ؞

32دَ دُووَڟُنَّنْ يَغِنَ بَغَدٜىٰنْ هَدَايَ ثِكِنْ سُونَنْ يَهْوٜىٰهْ ؞ يَكُمَ حَڧَ طَنْ لَمْبَتُ مَيْ رِڧٜىٰ ضُوَ كَمَرْ لِتَ غُواْمَشَا حُطُ كٜىٰوَيٜىٰ دَ بَغَدٜىٰنْ؞

33إِلْيَاسُ يَشِرْيَ إِتَاثٜىٰنْ دَيْدَيْ عَكَنْ بَغَدٜىٰ، يَيَيَّنْكَ بِجِمِنْ، سَيْ يَشِمْڢِطَا عَكَنْ إِتَاثٜىٰنْ؞ سَعَنً يَعُمَرْتَ عَثِكَ تُلُنَ حُطُ دَ ضُوَ أَ ظُبَ عَكَنْ نَامَنْ بِجِمِنْ هَدَايَرْدَ كُمَ عَكَنْ إِتَاثٜىٰنْ؞ عَكَ كُوَ ظُبَ؞

34يَثٜىٰ «أَ سَاكٜىٰ ظُبَاوَ سَوْ بِيُ؞» عَكَ سَاكٜىٰ ظُبَاوَ؞ يَثٜىٰ «عَڧَارَ ظُبَ نَعُكُ؞» عَكَ ظُبَ نَعُكُنْ؞

35ضُوً يَجِڧَ بَغَدٜىٰنْ، يَوُثٜىٰ يَثِكَ طَنْ لَمْبَتُنْ دَ عَكَ حَڧَ كٜىٰوَيٜىٰ دَ بَغَدٜىٰنْ؞

36دَ لُواْكَثِنْ يِنْ هَدَايَ تَيَمَّ يَيِ، سَيْ أَنَّبِے إِلْيَاسُ يَمَڟُواْ كُسَ يَثٜىٰ «يَا يَهْوٜىٰهْ اللَّهْ نَ إِبْرَٰهِيمْ دَ نَ إِسْحَٰڧَ دَ نَ يَعْڧُوبَ، كَسَا أَ سَنِ يَوْ ثٜىٰوَ كَيْنٜىٰ اللَّهْ نَ إِسْرَٰٓءِيلَ، نِنٜىٰ كُمَ بَاوَنْكَ، نَاكُوَيِ وَنَّنْ دُكَ بِسَغَ مَغَنَرْكَ نٜىٰ؞

37يَا يَهْوٜىٰهْ ، بَرِ كَأَمْسَ مِنِ؞ كَأَمْسَ مِنِ دُوانْ مُتَنٜىٰنَّنْ سُسَنِ ثٜىٰوَ يَا يَهْوٜىٰهْ ، كَيْنٜىٰ اللَّهْ ؞ بَرِ كَكُمَ جُويُواْ دَ ذُوثِيَارْسُ ذُوَا غَرٜىٰكَ؞»

38سَيْ وُتَرْ يَهْوٜىٰهْ تَسَوْكُواْ، تَثِنْيٜىٰ هَدَايَ تَڧُواْنَاوَرْ دَ إِتَاثٜىٰنْ دَ دُووَڟُنْ دَ ڧُورَرْ ڧَسَرْ ڧُرْمُسْ، تَكُمَ لَشٜىٰ ضُوً دَيَكٜىٰ أَطَنْ لَمْبَتُنْ؞

39سَعَدَّ مُتَنٜىٰ سُكَ غَنِ، سَيْ سُكَ رُسُنَ حَرْ ڧَسَا سُكَتَادَ مُرْيُواْيِ سُنَ ثٜىٰوَ «لَلَّيْ يَهْوٜىٰهْ شِينٜىٰ اللَّهْ ، يَهْوٜىٰهْ شِينٜىٰ اللَّهْ!»

40إِلْيَاسُ يَبَادَ عُمَرْنِ يَثٜىٰ «كُكَامَ أَنَّبَاوَنْ بَعَلْ، كَدَ كُبَرْ طَيَ يَغُدُ!» سَيْ مُتَنٜىٰنْ سُكَ كَكَّامَسُ، إِلْيَاسُ كُوَ يَجَغُواْرَنْثٜىٰسُ ذُوَا رَاڢِنْ كِشُوانْ، عَكَ كَكَّشٜىٰسُ أَوُرِنْ؞

41سَعَنً إِلْيَاسُ يَثٜىٰ وَ أَهَبْ «كَهَوْرَ غِدَا كَثِ كَشَا، غَمَا إِنَ جِنْ مُواْڟِنْ ضُوً سَمَ مَيْ يَوَ؞»

42دَ أَهَبْ يَهَوْرَ غِدَا دُواْمِنْ يَثِ يَشَا، سَيْ إِلْيَاسُ يَهَوْرَ ذُوَا كَنْ بَبَّنْ تُدُنْ كَرْمٜىٰلْ، يَرُسُنَ ڧَسَا، يَسَا كَنْسَ ڟَكَانِنْ ڠُوِوُاْيِنْسَ بِيُ؞

43يَثٜىٰ وَمَيْيِ مَسَ حِدِمَ «كَهَوْرَ كَدُوبَ تَوُرِنْ تٜىٰكُ؞» سَيْ يَهَوْرَ يَدُوبَ، يَكُواْمَ يَثٜىٰ «بَنْ‌غَا كُواْمٜىٰبَ؞» سَوْ بَݣَويْ إِلْيَاسُ يَنَاثٜىٰ مَسَ يَجٜىٰ يَدُوبَ؞

44أَ سَوْ نَبَݣَويْ طِنْ، سَيْ مَيْيِ وَ إِلْيَاسُ حِدِمَ يَثٜىٰ «نَاغَ طَنْ غِرْغِجٜىٰ ڧَرَمِ كَمَرْ تَڢِنْ حَنُّنْ مُتُمْ يَنَ تَاسُواْوَ سَمَ دَغَ تٜىٰكُ؞» إِلْيَاسُ يَثٜىٰ وَمَيْ حِدِمَرْسَ «تَڢِے وُرِنْ أَهَبْ، كَڢَطَا مَسَ يَهَوْ كٜىٰكٜىٰنْ دُواْكِنْسَ يَكُواْمَ غِدَا كَاڢِنْ ضُوً سَمَ يَهَنَشِ؞»

45أَ طَنْ لُواْكَثِ سَيْ سَرَرِنْ سَمَ يَجُويَ بَڧِ دَ غِذَغِظَيْ دَ إِسْكَ، عَكَيِ ضُوَ مَيْ يَوَ؞ أَهَبْ يَهَوْ كٜىٰكٜىٰنْ دُواْكِنْسَ يَغُدُ ذُوَا يٜىٰظِرٜىٰيٜىٰلْ؞

46سَيْ حَنُّنْ يَهْوٜىٰهْ يَبَا إِلْيَاسُ وَنِ سَابُوانْ ڧَرْڢِے؞ سَعَنً إِلْيَاسُ يَكَامَ رِغَرْسَ يَطَوْرَا، يَيِ غُدُ حَرْ يَرِغَا أَهَبْ ذُوَا يٜىٰظِرٜىٰيٜىٰلْ؞

← Chapter 17 Jump to: Chapter 19 →