Revelation 11

Mien Bible (Thai Script) © Thailand Bible Society, 2007

← Chapter 10 Jump to: Chapter 12 →

1เยีย แอ๋ง ตุ๊ ฒิบ ติ้ว หลัวะ ติ แกว๊ง, ปวัด ฮนั้ง ปย๊า-เดาะ นอ. แอ๋ง ม่าย หว่า บั๋ว เยีย, “มี่ง เดาะ หฒั่ง ทิน-ฮู่ง เญย เปย๊า เหธา เหฒี่ย-ต้อง, แอ๋ง ซ้าว เยียม หฒั่ง ทิน-ฮู่ง เญย เปย๊า กะญั์ว ป๋าย ทิน-ฮู่ง เญย เมี่ยน.

2มป่า เยียม หฒั่ง ทิน-ฮู่ง เญย เปย๊า กะเหญี่ย, หลาด กะญั์ว วั้ว เต๋ย ต๋อง, ไม้ ตู๋ง เดาะ, เหว่ย หฒุ น้าย เต๋ย ต๋อง จิว ปุน ไม้ เสียน ทิน-ฮู่ง เญย จั๋น หมี่ อ๊ะ. นิ่น บัว อ๋อย ธ้าย เจี๊ยน ธีง-เหฑ่ง ฒี่ง เฝย เหฒียบ เหญ่ย หฮลา เหญียะ.

3เยีย อ๋อย พ้าย อี เต้า เยีย เญย ฒอง-เหฒง เมี่ยน ฒุ เจี๊ยน ล่าม่า เดีย-โธว โต่ว ทิน-ฮู่ง เญย หว่า วั้ว เต๋ย เหยียด ธิน หญี่ แป๊ะ หลัวะ เหฒียบ ฮนอย กะญั์ว.”

4น้าย เต๋ย อี เต้า ฒอง-เหฒง เมี่ยน เซ โหฒว โซ้ว เจี๊ยน ป้าม เกน เญย เฒี้ยว หฑะเฮมียน วั้ว เต๋ย อี ติ้ว กะลั้น เดี๋ยง เหธา อี นอม ตน ตัง เญย จ๋า.

5สี ก๊อง ม่าย หาย เต้า อ๋อย ห่อย นิ่น บัว, นิ่น บัว เญย ฑุ่ย แป๋ง ฯฒฯ ธ้วด โต์ว เหมียด นิ่น บัว เญย วิน-วั้ง. หาย เต้า อ๋อย ห่อย นิ่น บัว ฯฒฯ ฮนั้ง วั้ว นอ หฒุ ไต๋.

6น้าย เต๋ย ฒอง-เหฒง เมี่ยน ม่าย หลี่ง หัด เจี๊ยน ลู่ง เยียม นิ่น บัว โต่ว ทิน-ฮู่ง เญย หว่า เญย ฮนอย-เหญียะ ไม้ ปุน ลู่ง ตุ้ย บยู่ง. นิ่น บัว หย่า ม่าย หลี่ง โหฒว ปุน ววม เป๋น ฑย้าม, หย่า ม่าย หลี่ง เซว่ย เอ๋ย หาย หฒั่น อ๋อย ปุน ป้าม เกน ปวั้ง หฒุ หญู่งๆ เหฒะ หน่าน ฯฒฯ โหฒว อ๊ะ.

7นิ่น บัว โหฒว ลิ์ว ฒอง-เหฒง, เยียม วั้ว นอม โด ไห่ เญย ค้วด ธ้วด ต้าย วั้ว เต้า เฮยี่ย กะน้าย ฯฒฯ เหธา นิ่น บัว เบ๊าะ จ๋า. วั้ว เต้า เฮยี่ย กะน้าย ฯฒฯ เบ๊าะ ฮี่ง นิ่น บัว, หย่า ไต๋ นิ่น บัว.

8นิ่น บัว เญย เซย ฯฒฯ หฒุ กวั่ง เยียม ต้ม ฒี่ง เญย จาย-ห่อง, ต้ง นิ่น บัว เญย เฒี้ยว หฒุ ตีง เหฒียบ หฑั่ง จ๋า ไต่ วั้ว นอม ต้ม ฒี่ง. วั้ว นอม ฒี่ง หย่า ตุ๊ บั๋ว เป๊ย โสโดม ฒี่ง หย่า เป๊ย อียิบ เต่ย-ปูง.

9ม่าย เมี่ยน เยียม หม่าน กั๊วะ, หม่าน ฝีง, หม่าน หญู่ง เมี่ยน, หม่าน หญู่ง หว่า ต้าย หมั่ง น้าย เต๋ย อี เต้า เญย เซย ปัว ฮนอย อ๋าน กะญั์ว หย่า ไม้ ปุน ปย๊บ.

10ลู่ง เดี๊ย หม่าน เมี่ยน เฌียน-โย่ว ออน-เหลาะ เหว่ย หฒุ น้าย เต๋ย อี เต้า ไต่ หมี่ อ๊ะ. นิ่น บัว ฯฒฯ โหฒว จอม, ล่าน ฝูง ฒี่ง เหญ่ย ปุน ล่าน, เหว่ย หฒุ น้าย เต๋ย อี เต้า โต่ว หว่า เมี่ยน เหฒย ตุ๊ หม่าน เมี่ยน โค้ว ไห่.

11เจี๋ย ลิ์ว วั้ว เต๋ย ปัว ฮนอย อ๋าน, ม่าย เฒี่ยง แหม่ง เญย เฉีย เยียม ทิน-ฮู่ง ต้าย เปียะ นิ่น บัว อี เต้า เญย เซย. นิ่น บัว ฯฒฯ เจี์ย ซิน ต้าย โซ้ว เจี๊ยน อ๊ะ. ปวัด เญย เมี่ยน หฒะเก้ง! กั้ม เหฑีย ไห่.

12วั้ว เต๋ย อี เต้า โต่ว หว่า เมี่ยน ฯฒฯ ไฮ์ เฉีย บุย เญย เยียม วั้ว ทิน-ต้อง บั๋ว นิ่น บัว, “ฝาว น้าย ต้าย ม่าะ!” นิ่น บัว เญย วิน-วั้ง หมั่ง เจี๊ยน วั้ว หฒั่น, นิ่น บัว อี เต้า ฯฒฯ เยียม ต๊อ บ๋วน ฝาว ทิน-ต้อง หมี่ อ๊ะ.

13ต้ง วั้ว นอม เฒี่ยง โห่ เดา ต์ง ตุ๊ เสย ไห่. วั้ว นอม ฒี่ง เหฒียบ โก๊ว เญย เหยียด โก๊ว ฯฒฯ บาง, หย่า ม่าย เสี่ย ธิน เต้า เมี่ยน หลาย เดา ต์ง หฒุ ไต่. เหฒ่ง เหฌี่ย วั้ว เต๋ย หฒะเก้ง! กั้ม เหฑีย ไห่, ฯฒฯ เธง เยียม ทิน-ต้อง เญย ทิน-ฮู่ง.

14ตะเหญ่ย หญู่ง หฒุ โค้ว เญย สี่ เจี๋ย ลิ์ว อ๊ะ. ตะฟาม หญู่ง อ๋อย เถา เซี้ยบ อ๊ะ.

15ตะเธี้ยด เต้า ฟิน-เมี่ยน ปย๊ม นิ่น เญย หฑัด, ฯฒฯ ม่าย เฉีย ธั้ม เญย เยียม วั้ว ทิน-ต้อง ก๊อง บุย เญย, “อี้ หฒั่น ป้าม เกน เป๋น บัว เญย เฒี้ยว, หย่า เป๋น นิ่น เญย กีตู่ เญย กั๊วะ. นิ่น อ๋อย เหยียด ลิ์ว กุ๊น เถา หม่าน โก๊ว หม่าน ต่อย.”

16เยียม ทิน-ฮู่ง เญย หฑะเฮมียน เฒว์ย เจี๊ยน นิ่น บัว เญย เหว่ย วั้ว เต๋ย หญี่ เหฒียบ เฝย เต้า เมี่ยน โก๋ ฯฒฯ พัวะ เหฌี่ย เดา ป๋าย ทิน-ฮู่ง.

17นิ่น บัว ก๊อง, “ฒิ่น ด่าง เยียม, อี้ หฒั่น เยียม, เน่น เจี๋ย เญย เฒี้ยว ทิน-ฮู่ง อ้า! เยีย บัว แล์ง ฒี่ง เฒี้ยว เหว่ย หฒุ อี้ หฒั่น เม่ย หล่ง เม่ย เญย ต้ม ชะ เจี์ย กอน กุ๊น ป้าม เกน.

18หม่าน กั๊วะ เมี่ยน เฉีย เจี์ย ไห่, มป่า เม่ย โน์ว เมี่ยน เญย เฒี่ยง โห่ เถา อ๊ะ, หย่า เถา เฒี่ยง โห่ เซี้ยม ไต่ มี่ง วั้ว เต๋ย เมี่ยน เญย ฒุ์ย, แอ๋ง เหธย ฒี่ง เหญ่ย ปุน เม่ย เญย โปว วั้ว เต๋ย โต่ว หว่า เมี่ยน, เหธา เม่ย เญย แปะ ฝีง, ต้ง ท่าย เม่ย เญย บั๋ว เญย เมี่ยน, ไม้ กุ๊น โหฒว โฮล ไฟ โหฒว ไฝ. อี้ หฒั่น หย่า เถา เฒี่ยง โห่ เหมียด เหฑ่ง ต้ง เหมียด ป้าม เกน วั้ว เต๋ย.”

19วั้ว หฒั่น เยียม วั้ว ทิน-ต้อง หฒั่ง ทิน-ฮู่ง เญย เปย๊า ฯฒฯ คอย ฆอย หมี่ อ๊ะ. หย่า หมั่ง ตุ๊ ปวัด ทิน-ฮู่ง เญย แล์ง แหง่ง หว่า ฟาง เยียม หฒั่ง ทิน-ฮู่ง เญย เปย๊า กะญั์ว. วั้ว หฒั่น ป์อง บะหลี่ง หฌับๆ เญย, ม่าย เหฒีย หญู่ง เฉีย บุย, ป์อง บะอง แพ์งๆ เญย, เดา ต์ง, หย่า ตุ้ย ต้ม เปาะ เหฌี่ย.

← Chapter 10 Jump to: Chapter 12 →