Revelation 14

Mien Bible (Thai Script) © Thailand Bible Society, 2007

← Chapter 13 Jump to: Chapter 15 →

1เยีย แอ๋ง หมั่ง, ฯฒฯ ปวัด วั้ว เต้า ปะกี ยู่ง ตอน โซ้ว เจี๊ยน สิโอน บง. เหธา นิ่น เยียม วั้ว ม่าย เหยียด สิน เปยย หว่าน เปยย ธิน เต้า เมี่ยน, ต้ง ม่าย นิ่น เญย บั๋ว เหธา นิ่น เญย เตีย เญย บั๋ว เฟี้ย วั้ว ปย้อง เญย เมี่ยน.

2เยีย หย่า ไฮ์ ม่าย เฉีย บุย เยียม วั้ว ลู่ง ต้าย ฮนั้ง ววม ปวั๊ง โม่ว บุย, หย่า ฮนั้ง ป์อง บะอง บุย นอ. เยีย หย่า ไฮ์ วั้ว หญู่ง เฉีย บุย ฮนั้ง พัด ต้าน ป้า เญย เมี่ยน พัด นิ่น บัว เญย ต้าน ป้า บุย นอ.

3นิ่น บัว เยียม ฮู่ง เหว่ย เญย หฑะเฮมียน, เยียม วั้ว เต๋ย เปยย เต้า นั่ง เญย กะน้าย เหธา วั้ว เต๋ย หฒวัง เมี่ยน โก๋ เญย หฑะเฮมียน, ป๋าว ติ้ว เซียง-ฑูง. ธ้วด ลิ์ว เยียม ป้าม เกน ตุ๊ หฒัวะ หฑวน วั้ว เต๋ย เหยียด สิน เปยย หว่าน เปยย ธิน เต้า, ไม้ ม่าย หาย เต้า ไฮ่ โหะ ตุ๊ น้าย ติ้ว ฑูง.

4น้าย เต๋ย มจั่ง ตอน ไม้ นิด เจี๋ย มเซียะ ตอน, นิ่น บัว ธีง-เหฑ่ง เญย. ปะกี ยู่ง ตอน มี่ง หาย, นิ่น บัว หย่า กัน เจี๊ยน นิ่น มี่ง. นิ่น บัว เยียม หม่าน เมี่ยน บุด๋ง หฒัวะ ธ้วด ต้าย เหว่ย โหฒว ฝูง ปุน ทิน-ฮู่ง เหธา ปะกี ยู่ง ตอน เญย ต้าว ปาน เมี่ยน.

5นิ่น บัว เญย ฑุ่ย ไม้ ก๊อง-แปะ. นิ่น บัว หย่า ไม้ ม่าย ต่อง เญย ต๋อง.

6เยีย แอ๋ง ปวัด กั้น ม่าย เต้า ฟิน-เมี่ยน เยียม ด๊าม-ลู่ง ได๋ เจี๊ยน มี่ง. นิ่น หย่า ม่าย เหยียด ลิ์ว เยียม เญย คู้ เฝียน ฒุ่น ปุน ลู่ง เดี๊ย หม่าน เมี่ยน, ฒุ่น ปุน หม่าน กั๊วะ, หม่าน ฝีง, หม่าน หญู่ง หว่า เหธา หม่าน หญู่ง เมี่ยน.

7น้าย เต้า ฟิน-เมี่ยน เฉีย โฮล เญย ฒุ่น เจี๊ยน ก๊อง, “อ๋อย หฒุ กั้ม เหฑีย ทิน-ฮู่ง หย่า เธง นิ่น เหว่ย หฒุ นิ่น เซี้ยม หม่าน เมี่ยน เญย เฒี่ยง โห่ เถา อ๊ะ. อ๋อย หฒุ หฒั่ง เหฒย ลู่ง เหฒย เดา เหฒย ค้อย เหฒย ววม-ฒี้ง วั้ว เต้า.”

8แอ๋ง กั้น ม่าย ตะเหญ่ย เต้า ฟิน-เมี่ยน กัน เจี๊ยน ตะเยี้ยด เต้า มี่ง หย่า ก๊อง, “บาง หมี่ อ๊ะ. บาบีโลน ต้ม ฒี่ง บาง หมี่ อ๊ะ. น้าย นอม ต้ม ฒี่ง อ๊าบ หม่าน กั๊วะ เญย เมี่ยน ฮบ นิ่น เญย ติ๊ว. น้าย ติ๊ว เซ แซง เหฮยียน โหฆ เญย ติ๊ว-คู้.”

9แอ๋ง กั้น ม่าย ตะฟาม เต้า ฟิน-เมี่ยน กัน เจี๊ยน วั้ว เต๋ย อี เต้า ฟิน-เมี่ยน มี่ง, เฉีย โฮล เญย ก๊อง, “หาย เต้า หฒั่ง วั้ว เต้า เฮยี่ย กะน้าย เหธา เฮยี่ย กะน้าย เญย ฝัง หย่า ฆ้าบ เจี๊ยน เฮยี่ย กะน้าย เญย เหยียน นิ่น เญย ปย้อง ไฟ ปั์ว นอ,

10วั้ว เต้า ฒู้ง อ๋อย หฒุ ฮบ ทิน-ฮู่ง โน์ว ฒุ์ย เญย ติ๊ว. น้าย ติ๊ว ทิน-ฮู่ง โต๋ เหฌี่ย โน์ว ฒุ์ย เญย ฒ้าน หย่า ไม้ เผว หาย หญู่ง. หาย เต้า ฮนั้ง น้าย นอ โหฒว ฒู้ง อ๋อย หฒุ เยียม ธีง-เหฑ่ง เญย ฟิน-เมี่ยน เหธา วั้ว เต้า ปะกี ยู่ง ตอน เญย หฑะเฮมียน หฒุ ฮู่ง เญย โต์ว เหฒย.

11เหฒย นิ่น บัว วั้ว กว๋า โต์ว เญย เสียว เหยียด ลิ์ว ธุดๆ เญย ฝาว เถา หม่าน โก๊ว หม่าน ต่อย. หฒั่ง วั้ว เต้า เฮยี่ย กะน้าย เหธา เฮยี่ย กะน้าย เญย ฝัง, เหธา ฆ้าบ เจี๊ยน เฮยี่ย กะน้าย เญย บั๋ว เญย เหยียน เญย เมี่ยน เฒี่ยง ฮนอย เฒี่ยง ม์วน ไม้ ตุ๊ คู่ เยียม เหยียด ตั้ง.”

12ฮนั้ง หน่าย, ทิน-ฮู่ง เญย เมี่ยน, ต้ง เอย เจี๊ยน ทิน-ฮู่ง เญย หลี่ง หย่า หลงๆ เญย เสียน เยซู วั้ว เต๋ย, อ๋อย หฒุ ม่าย หน่อย เตี๊ย.

13เยีย แอ๋ง ไฮ์ เฉีย เยียม วั้ว ลู่ง ก๊อง, “อ๋อย หฒุ เฟี้ย เจี๊ยน, ‘ยั่ง น้าย เจี๋ย เหว่ย เฒี้ยว ไต่ เญย เมี่ยน ตุ๊ ออน-เหลาะ.’” สีง ลี่ง เตา, “หฒะเก้ง ฮนั้ง หน่าย. นิ่น บัว ตุ๊ ตี้ง นิ่น บัว โหฒว เญย กง ฮิด ขวน เหว่ย หฒุ นิ่น บัว โหฒว เญย สี่ กัน เจี๊ยน นิ่น บัว มี่ง.”

14เยีย แอ๋ง หมั่ง ฯฒฯ ปวัด ต๊อ บ๋วน แปะ เญย. เฒว์ย เจี๊ยน บ๋วน วั้ว เต้า ปวัด ฮนั้ง เต้า ป้าม เมี่ยน. นิ่น ด๋ง เจี๊ยน เจียม-นี้ง, ปั์ว นั้น เจี๊ยน ไหล่ ไห่ เญย ลิ่ม เงา.

15แอ๋ง กั้น ม่าย เต้า ฟิน-เมี่ยน เยียม หฒั่ง ทิน-ฮู่ง เญย เปย๊า ธ้วด ต้าย เห่ว เฉีย โฮล เญย ก๊อง บั๋ว เฒว์ย เจี๊ยน บ๋วน วั้ว เต้า, “หล่ง เม่ย เญย ลิ่ม เงา ก๊าด อ๊ะ, เหว่ย หฒุ เยียม ป้าม เกน เญย กะน้าย หฒัวะ หลง อ๊ะ. ก๊าด เญย เฒี่ยง โห่ เถา อ๊ะ.”

16เฒว์ย เจี๊ยน บ๋วน วั้ว เต้า ฯฒฯ หล่ง นิ่น เญย ลิ่ม เงา ก๊าด. เยียม ป้าม เกน อ๋อย หฒุ เซียว เญย กะน้าย ฯฒฯ ก๊าด เหฑ่ง หมี่ อ๊ะ.

17เยีย แอ๋ง ปวัด กั้น ม่าย เต้า ฟิน-เมี่ยน เยียม ทิน-ต้อง, หฒั่ง ทิน-ฮู่ง เญย เปย๊า, ธ้วด ต้าย. นิ่น หย่า ม่าย ไหล่ ไห่ เญย ลิ่ม เงา.

18แอ๋ง ม่าย เต้า ฟิน-เมี่ยน เยียม เหฒี่ย-ต้อง ต้าย, ต้ง กุ๊น โต์ว วั้ว เต้า ฟิน-เมี่ยน. นิ่น เห่ว เฉีย โฮล เญย บั๋ว นั้น ไหล่ ไห่ เญย ลิ่ม เงา วั้ว เต้า, “หล่ง เม่ย ไหล่ ไห่ เญย ลิ่ม เงา ก๊าด ป้าม เกน เญย อะหงุ่น เปี๊ยว-จ้อย, เหว่ย หฒุ อะหงุ่น เปี๊ยว หฒัวะ เหฑ่ง อ๊ะ.”

19วั้ว เต้า ฟิน-เมี่ยน ฯฒฯ หล่ง นิ่น เญย ลิ่ม เงา ก๊าด ป้าม เกน เญย อะหงุ่น เปี๊ยว ฒอย เปียะ เญว่ย อะหงุ่น เปี๊ยว เญย ต้ม ฒ่อง, ต้ง ปิ๋ว เม่ง ทิน-ฮู่ง โน์ว ไห่ ฒุ์ย วั้ว นอม ฒ่อง.

20อะหงุ่น เปี๊ยว เยียม ฒี่ง กะเหญี่ย เญย ฒ่อง หฒุ เญว่ย, แอ๋ง ม่าย ฑย้าม เยียม ฒ่อง เหลี่ยว ธ้วด มี่ง ฟาม-แป๊ะ กีโล ด๊าว, ปัว เดาะ โด.

← Chapter 13 Jump to: Chapter 15 →