Revelation 18

Mien Bible (Thai Script) © Thailand Bible Society, 2007

← Chapter 17 Jump to: Chapter 19 →

1ฆะฮ้า เยีย แอ๋ง ปวัด กั้น เต้า ฟิน-เมี่ยน เยียม ทิน-ต้อง เหฌี่ย ต้าย. นิ่น ม่าย หัด ม์า โฮล ไห่. นิ่น เญย ฌัง-หล่าง หย่า หฒิว ป้าม เกน ฌัง.

2นิ่น หล่ง เฉีย โฮล เญย เห่ว เจี๊ยน ก๊อง, “บาง หมี่ อ๊ะ! บาบีโลน ต้ม ฒี่ง บาง หมี่ อ๊ะ โล่ะ! อี้ หฒั่น เป๋น เมี้ยน เยียม เญย ต๋อง, ม่าย หญู่งๆ เฮยี่ย ไกว๊ เมี้ยน เหธา หญู่งๆ ไล่ ฮลบ ไห่, กั้ม เฑี้ย ไห่ เญย เหนาะ เยียม.

3เหว่ย หฒุ หม่าน กั๊วะ ฮบ นิ่น เญย ติ๊ว, เซ นิ่น แซง เหฮยียน โหฆ เญย ติ๊ว-คู้. ป้าม เกน เญย หฒวัง ฮู่ง เหฮยียน นิ่น, ลู่ง เดี๊ย เญย แซง-เอ๋ย เมี่ยน ปุ๊ด ฒ่อย, เหว่ย หฒุ นิ่น เฮญี้ยว หั่น หล่ง เญย กะน้าย ไม้ ไฮ่ ปวั๊ง เอ๋ย.”

4เยีย แอ๋ง ไฮ์ กั้น ม่าย ซีง-เฉีย เยียม วั้ว ทิน-ต้อง ก๊อง, “เยีย เญย เมี่ยน อ้า! ธ้วด ต้าย ม่าะ! ธ้วด หน่าย นอม ฒี่ง ต้าย ม่าะ! เหว่ย ปุน เม่ย บัว ไม้ เหธา นิ่น ม่าย ป่วน โหฒว ฒุ์ย, หย่า เหว่ย ปุน เม่ย บัว ไม้ หฒุ เหธา นิ่น หฒุ เหฒะ หน่าน,

5เหว่ย หฒุ นิ่น เญย ฒุ์ย ดุย เจี๊ยน แบ่ง กู้ หงว่าย ทิน-ต้อง อ๊ะ. ทิน-ฮู่ง หย่า จั๋ง ตุ๊ น้าย นอม ฒี่ง โหฒว เญย หว่าย สี่.

6นิ่น ฮนั้ง หาย นอ โหฒว ปุน เม่ย บัว, เม่ย บัว อ๋อย หฒุ ฮนั้ง วั้ว นอ โหฒว ปุน นิ่น. หฒิว นิ่น โหฒว เญย ฒู้ง อ๋อย หฒุ ปุ้ย อี โก๊ว วิ่น ปุน นิ่น. นิ่น เผว หาย หญู่ง ติ๊ว โต๋ ปุน เม่ย บัว, เม่ย บัว อ๋อย หฒุ หล่ง นิ่น กั้น เญย ฒ้าน เผว อี โก๊ว วิ่น ปุน นิ่น ฮบ.

7นิ่น เธง กั้น ด่ง หาย โฮล, หย่า เซว่ย กั้น เญย เฮญี้ยว หั่น โหฒว เญย หญู่งๆ, อ๋อย หฒุ วิ่น ปุน นิ่น เสี่ยว โค้ว หย่า หฒุ เฑ่า ด่ง วั้ว ธั้ม. เหว่ย หฒุ นิ่น เยียม เฮญี้ยว ฮนั้ม, ‘เยีย โหฒว ฮู่ง หม่า เฒว์ย เจี๊ยน เหว่ย, เยีย ไม้ เฒ์ย เอ๊า-กว๊า, เหยียด ลิ์ว ไม้ หฒุ เฑ่า เญี้ยม.’

8เหว่ย น้าย, เหยียด ฮนอย ฮนั้ง นิ่น ฯฒฯ หฒุ ธั้ม-หญู่ง เหฒะ หน่าน, ปุ๊ด ต้ม ววน-แป่ง ไต่, หฒุ เฑ่า หฒุ เญี้ยม, หฒุ หง่อ หฮนาง, หย่า หฒุ โต์ว ปั๊ว ชุย เหฑ่ง, เหว่ย หฒุ เฒี้ยว ทิน-ฮู่ง, ต้ง ตี่ง นิ่น เญย ฒุ์ย วั้ว เต้า, เซ เฮ้น ไห่.”

9“ป้าม เกน เญย หฒวัง ฮู่ง, ต้ง เหฮยียน เจี๋ย นิ่น หย่า เหธา นิ่น หั่น โหฒว หว่าย สี่ วั้ว เต๋ย ฮู่ง, ปวัด ปั๊ว นิ่น วั้ว เต๋ย โต์ว-เสียว ธ้วด, นิ่น บัว ฯฒฯ ปู๋ง-ซีง ปู๋ง-เฉีย เญย เญี้ยม.

10น้าย เต๋ย ฮู่ง ฯฒฯ โซ้ว เจี๊ยน โก เญย หมั่ง เหว่ย หฒุ เก้ง! กั้ม เหฑีย ไห่ นิ่น เสี่ยว เญย โค้ว หน่าน. นิ่น บัว ก๊อง, “‘เฑ่า อ๊ะ! หฒะเก้ง เฑ่า ไห่ อ๊ะ! ว้วน ไห่ เญย ต้ม บาบีโลน ฒี่ง อ้า! เหยียด ซี่ เกน ฮนั้ง เม่ย หฒุ ตี่ง ฒุ์ย อ๊ะ.’

11“ลู่ง เดี๊ย เญย แซง-เอ๋ย เมี่ยน ฯฒฯ เฑ่า ไห่, เญี้ยม น้าย นอม ฒี่ง, เหว่ย หฒุ เยียม น้าย มี่ง ไม้ ม่าย หาย เต้า ม์าย นิ่น บัว เญย หัว.

12นิ่น บัว เญย หัว เซ เจียม, ญ่าน, จ๋าย ไห่ เญย หละเปย๊ย, เฒียน-โฒว, ล่าม่า เดีย-หม่วน, เดีย-หลัวะ, เฟย-เดีย, เดีย-ซิ-ห่ง, หญู่งๆ เดี๋ยง-ดาง, เหธา หล่ง ฒ์าง-ญ่า, หล่ง จ๋าย ไห่ เญย เดี๋ยง, หล่ง ต้ง ซิ, หล่ง เฮลียะ, หล่ง หละเปย๊ย-เมา โหฒว ต้าย เญย หญู่งๆ กะน้าย.

13ม่าย เจี๋ย-โล่ว ด๊บ, หลาบ หลิ่ว, ฮูง, มูหย่อ, ฟานเกนเซน, อะหงุ่น ติ๊ว, กะลั้น โย่ว, โหฒว ฌั้ว เญย บ๊วน, เบย้า วิด, ง่ง, ปะกี ยู่ง, ม์า, ม์า-เธีย, โน่ว เก๊า โน่ว เป์ย เหธา เมี่ยน.

14“น้าย เต๋ย แซง-เอ๋ย เมี่ยน อ๋อย ก๊อง บั๋ว วั้ว นอม ฒี่ง, ‘เม่ย เญย เฮญี้ยว เม้า หล่ง เญย กะน้าย เหยียด ฒู้ง เจี๋ย เหฑ่ง หมี่ อ๊ะ. เม่ย จ๋าย ไห่ เญย จา-ตี้ง เหธา ฌัง-หล่าง หฒิด เหฑ่ง หมี่ อ๊ะ, เหยียด ลิ์ว ไม้ ไฮ่ ตุ๊ หฑวน อ๊ะ.’

15หม่าย น้าย เต๋ย หัว เญย แซง-เอ๋ย เมี่ยน, ต้ง เขา บาบีโลน ฒี่ง ตุ๊ ปุ๊ด ฒ่อย วั้ว เต๋ย, กั้ม เหฑีย ไห่ วั้ว นอม ฒี่ง เสี่ยว เญย โค้ว หน่าน ฯฒฯ โซ้ว เจี๊ยน โก เญย. นิ่น บัว ปู๋ง-ซีง ปู๋ง-เฉีย เญย เญี้ยม

16หย่า ก๊อง, “‘เฑ่า ไห่ อ๊ะ. หฒะเก้ง! เฑ่า ไห่ น้าย นอม ต้ม ฒี่ง อ๊ะ. ฒิ่น ด่าง นิ่น ฒุ เจี๊ยน ล่าม่า เดีย-หม่วน เหธา เดีย-หลัวะ, เดีย-ซิ-ห่ง, หย่า หล่ง เจียม, หล่ง หละเปย๊ย-จ๋าย เหธา เฒียน-โฒว ฒอง.

17เหยียด ซี่ เกน ฮนั้ง, นิ่น เญย เหยียด ฒู้ง ฒิ่น ฒ่อย ป่าย เหฑ่ง หมี่ อ๊ะ.’ “หฒวัง ฑั้ง-เจียน ฑั้ง-โน่ว เหธา เปียะ ฑั้ง เญย เมี่ยน เหธา เหยียด ฒู้ง เขา ค้อย ล์อ หญั่น เญย เมี่ยน, ฯฒฯ โซ้ว เจี๊ยน โก เญย หมั่ง.

18นิ่น บัว ปวัด โต์ว เหฒียะ บาบีโลน ฒี่ง เญย โต์ว-เสียว ฝาว ฯฒฯ เห่ว เจี๊ยน ก๊อง, ‘ม่าย เจี๋ย หาย นอม ฒี่ง ด่ง น้าย นอม ต้ม ฒี่ง?’

19นิ่น บัว ฯฒฯ เญา เนีย-บูง ฮ์า กั้น เญย มฆ้อง, ปุน ธีง นิ่น บัว เฑ่า ไห่, ฯฒฯ เญี้ยม เจี๊ยน ก๊อง, “‘เฑ่า ไห่ อ๊ะ. หฒะเก้ง! เฑ่า ไห่ น้าย นอม ต้ม ฒี่ง อ๊ะ. ตะฟ่าน ม่าย ฑั้ง ยั่ง ค้อย เญย เมี่ยน เขา น้าย นอม ฒี่ง จ๋าย ไห่ เญย หัว ปุ๊ด ฒ่อย. เหยียด ซี่ เกน ฮนั้ง, นิ่น เป๋น เดา-ฮวาง หมี่ อ๊ะ.

20ทิน-ต้อง อ้า! อ๋อย หฒุ เฌียน-โย่ว อ๊ะ, เหว่ย หฒุ วั้ว นอม ฒี่ง หฒุ เหมียด เหฑ่ง หมี่ อ๊ะ. ทิน-ฮู่ง เญย เมี่ยน เหธา กง-โฒ่ เหธา โต่ว หว่า เมี่ยน อ้า! อ๋อย หฒุ เฌียน-โย่ว อ๊ะ, เหว่ย หฒุ ทิน-ฮู่ง ตี่ง น้าย นอม ฒี่ง เญย ฒุ์ย เถง เม่ย บัว จ๊าว วิน.’”

21ม่าย เต้า เฮ้น ไห่ เญย ฟิน-เมี่ยน ฯฒฯ โป้ว นอม ต้ม หละเปย๊ย ล่ม ต้ม หม่อ ฒง เหฌี่ย ค้อย, หย่า ก๊อง, “บาบีโลน ต้ม ฒี่ง อ๋อย ฮนั้ง น้าย นอ หฒุ หล่ง ชะ ฒง เหฌี่ย. เหยียด ลิ์ว ไม้ ม่าย หาย เต้า แอ๋ง ตุ๊ ปวัด.

22บาบีโลน ฒี่ง อ้า! ยั่ง น้าย เจี๋ย, เยียม เม่ย หน่าย กะญั์ว ไม้ ม่าย หาย เต้า ตุ๊ ไฮ์ พัด ต้าน ป้า เญย เฉีย ไฟ เมี่ยน ป๋าว ฑูง, ไฟ ปย๊ม เฮล้า-ด้ง หนู ไฟ ปย๊ม หฑัด. ยั่ง น้าย เจี๋ย เยียม เม่ย หน่าย หย่า ไม้ ม่าย หฒั่ง เมี่ยน โหฒว หาย หญู่ง กง. เหยียด ลิ์ว หย่า ไม้ ไฮ์ หม่อ เญย เฉีย บุย.

23ยั่ง น้าย เจี๋ย เยียม เม่ย กะญั์ว เหยียด ลิ์ว หย่า ไม้ ม่าย ตัง หฒิว ฌัง, หย่า ไม้ ม่าย เซียง-ล่าง เซียง-บวั์ง เญย เฉีย บุย. ฒิ่น ด่าง เม่ย เญย แซง-เอ๋ย เมี่ยน โหฒว ป้าม เกน เก้า โฮล เจี๋ย เญย แซง-เอ๋ย เมี่ยน. เม่ย หย่า โหฒว ฟ้าด ดั๊ว หม่าน กั๊วะ เญย เมี่ยน.

24บาบีโลน ฒี่ง หฒุ ตี่ง ฒุ์ย เหว่ย หฒุ เยียม ฒี่ง กะญั์ว ปวัด ม่าย ฑย้าม, เซ โต่ว หว่า เมี่ยน, เหธา ทิน-ฮู่ง เญย เมี่ยน, เหธา เหยียด ฒู้ง เยียม ป้าม เกน หฒุ ไต๋ ไต่ วั้ว เต๋ย เมี่ยน เญย ฑย้าม.”

← Chapter 17 Jump to: Chapter 19 →