Revelation 22

Mien Bible (Thai Script) © Thailand Bible Society, 2007

← Chapter 21 Jump to:

1ฟิน- เมี่ยน แอ๋ง ปุน เยีย หมั่ง ยู์ง แหม่ง วั้ว ติ้ว ด้าย, ปวัด ฑัง ไห่ ฮนั้ง กี๋ง-ฒ้าน นอ, เยียม ทิน-ฮู่ง เหธา ปะกี ยู่ง ตอน เญย เหว่ย ธ้วด ต้าย,

2หย่า เหลี่ยว เหฌี่ย กัน ฒี่ง เญย ต้ม เจ๊า บุด๋ง มี่ง. อี ปูง ด้าย เฮลน เหยียด ปูง ม่าย ฒู่ง ยู์ง แหม่ง เปี๊ยว เญย เดี๋ยง. เหยียด หฮญัง เฒี่ยง เหฒียบ เหญ่ย ถอง เปี๊ยว, เหยียด หฮลา เหยียด ถอง. เดี๋ยง เญย น่อม หย่า เหว่ย หฒ่อ หลง หม่าน กั๊วะ เมี่ยน.

3เยียม วั้ว นอม ฒี่ง ไม้ ม่าย หฒุ ทิน-ฮู่ง เหฒียว เญย หาย หญู่ง. ทิน-ฮู่ง เหธา ปะกี ยู่ง ตอน เญย เหว่ย อ๋อย เยียม ฒี่ง กะญั์ว. ทิน-ฮู่ง เญย โปว บัว หย่า อ๋อย ป๋าย นิ่น.

4นิ่น บัว ฯฒฯ ตุ๊ ปวัด นิ่น เญย เฮมียน, หย่า ม่าย นิ่น เญย บั๋ว เฟี้ย เจี๊ยน เยียม นิ่น บัว เญย ปย้อง.

5ยั่ง น้าย เจี๋ย ไม้ ม่าย ลู่ง ม์วน หฒั่น. นิ่น บัว หย่า ไม้ เฉียม หฒุ หล่ง ตัง ไฟ บะฮนอย หฒิว ฌัง, เหว่ย หฒุ เฒี้ยว ทิน-ฮู่ง อ๋อย โหฒว นิ่น บัว เญย ฌัง. นิ่น บัว เหยียด ลิ์ว ตุ๊ โหฒว ฮู่ง กุ๊น เถา หม่าน โก๊ว หม่าน ต่อย.

6วั้ว เต้า ฟิน-เมี่ยน แอ๋ง ก๊อง บั๋ว เยีย, “น้าย เต๋ย หว่า เฒียน เญย, เขา ตุ๊ ว้วน เญย. เฒี้ยว ทิน-ฮู่ง, ต้ง เหธย นิ่น เญย สีง ลี่ง ปุน หฒวัง โต่ว หว่า เมี่ยน วั้ว เต้า, พ้าย นิ่น เญย ฟิน-เมี่ยน มี่ง ปุน นิ่น เญย โปว บัว ฮิ้ว ตุ๊ ไม้ เล่า อ๋อย ธ้วด ต้าย เญย สี่.”

7เยซู ก๊อง, “หมั่ง ม่าะ! เยีย อ๋อย ต้าย เซี้ยบ อ๊ะ.” หาย เต้า หมวัง หลง เยียม น้าย ป๊วน โซว โต่ว ต้าย เญย หว่า, วั้ว เต้า ตุ๊ ออน-เหลาะ.

8เยีย, โยฮัน, ตุ๊ ไฮ์ หย่า ตุ๊ ปวัด น้าย เต๋ย เหยียด ฒู้ง สี่. เยีย ไฮ์ ลิ์ว ปวัด ลิ์ว เยีย ฯฒฯ พัวะ เหฌี่ย ปุน เยีย หมั่ง น้าย เต๋ย สี่ วั้ว เต้า ฟิน-เมี่ยน เญย เหฒา-เฮลน อ๋อย ป๋าย นิ่น.

9มป่า นิ่น บั๋ว เยีย, “ธิน-หม่าน ไม้ ตู๋ง ฮนั้ง หน่าย ม่าะ! เยีย เหธา เม่ย แอ๋ง เหธา เม่ย เญย ก๋อ-โย์ว วั้ว เต๋ย โต่ว หว่า เมี่ยน, แอ๋ง เหธา เหยียด ฒู้ง เอย เจี๊ยน น้าย ป๊วน โซว เญย หว่า เญย เมี่ยน, ล่ม ฑ่อย โหฒว โปว. เม่ย อ๋อย หฒุ ป๋าย ทิน-ฮู่ง.”

10ฟิน-เมี่ยน แอ๋ง บั๋ว เยีย, “ไม้ ตู๋ง ฆ้าบ เหยียน กวน น้าย หฌุ่น โซว ก๊อง เญย ฒิ่น โฮ์ หว่า, เหว่ย หฒุ น้าย เต๋ย เหยียด ฒู้ง สี่ อ๊า ลั่ม เถา เฒี่ยง โห่ ธ้วด อ๊ะ.

11หาย เต้า โหฒว หว่าย สี่, ปุน นิ่น โหฒว เจี๊ยน หว่าย สี่ มี่ง. หาย เต้า โหฒว ไล่ ฮลบ เญย สี่, ปุน นิ่น โหฒว เจี๊ยน ไล่ ฮลบ เญย สี่ มี่ง. หาย เต้า โหฒว หอบ, ปุน นิ่น โหฒว เจี๊ยน หอบ เญย สี่ มี่ง. หาย เต้า ธีง-เหฑ่ง, ปุน นิ่น หธ่อ ธีง-เหฑ่ง.”

12เยซู ก๊อง, “หมั่ง ม่าะ! เยีย อ๋อย ต้าย เซี้ยบ อ๊ะ. เยีย อ๋อย ต้อ เจี๊ยน เยีย เญย ฒี่ง เหญ่ย ต้าย เอย เก๊าะ-เมี่ยน โหฒว เญย สี่ วิ่น ปุน นิ่น บัว.

13เยีย โหฒว อันฟา หย่า โหฒว โอเมกา, ต้าว เต้า เหธา ฆะฮ้า ลาย วั้ว เต้า, โหฒว กอน หย่า โหฒว เซ้ด เมว์ย.

14“โหฑ กั้น เญย ลุย-โหว ธีง-เหฑ่ง เญย เมี่ยน ม่าย ออน-เหลาะ. นิ่น บัว ม่าย เล์ย หญั่น ยู์ง แหม่ง เดี๋ยง เญย เปี๊ยว หย่า ตุ๊ ยั่ง หลาด แก้ง เปียะ วั้ว นอม ฒี่ง กะญั์ว.

15มป่า เยียม กะเหญี่ย หฒิ ฒี่ง ม่าย โหฒว ไม้ เป๋น เญย สี่ ฮนั้ง จู๊ นอ วั้ว เต๋ย, เหธา โหฒว ฟ้าด เญย เมี่ยน, หฑย่าว เซียะ หฑย่าว ตอน, ไต๋ เมี่ยน วั้ว เต๋ย, ป๋าย หมิ่ว-ฝัง เญย, แอ๋ง เหธา เหยียด ฒู้ง อะเฮน้ย ก๊อง-แปะ เหธา โหฒว ก๊อง-แปะ เญย สี่ วั้ว เต๋ย.

16“เยีย, เยซู, พ้าย เยีย เญย ฟิน-เมี่ยน ต้อ น้าย เต๋ย ฒอง-เหฒง หว่า มี่ง บั๋ว เม่ย เหว่ย บั๋ว หฒวัง จิว-ปาง. เยีย โหฒว ดาวิด เญย โต้ว ฒง เหธา เฒ้ย-ฟุน, หย่า โหฒว ฌัง ไห่ เญย ถาย-แปะ ฟีง.”

17สีง ลี่ง เหธา เซียง-บวั์ง ล่ม ฑ่อย ก๊อง, “ต้าย ม่าะ!” หาย เต้า ไฮ์ น้าย เต๋ย หว่า หย่า อ๋อย หฒุ ก๊อง, “ต้าย ม่าะ!” หาย เต้า จาง ฆ้าด, กุ๊น ปุน นิ่น ต้าย. หาย เต้า อ๋อย ฮบ, กุ๊น ปุน นิ่น ต้าย แปะๆ ฮบ น้าย ยู์ง แหม่ง เญย ววม.

18เยีย, โยฮัน, หลงๆ เญย ขวิน เม่ย บัว เต้าๆ ไฮ์ ลิ์ว น้าย หฌุ่น โซว เญย ฒิ่น โฮ์ หว่า เญย เมี่ยน. สี ก๊อง หาย เต้า ทิบ เต๋ย หว่า เปียะ น้าย หฌุ่น โซว, ทิน-ฮู่ง อ๋อย ทิบ เฟี้ย เจี๊ยน น้าย หฌุ่น โซว วั้ว เต๋ย เหฒะ หน่าน ปุน วั้ว เต้า.

19สี ก๊อง หาย เต้า เฒาะ เต๋ย น้าย หฌุ่น โซว ฒิ่น โฮ์ เญย หว่า ธ้วด, ทิน-ฮู่ง อ๋อย เฒาะ ธ้วด วั้ว เต้า เญย ยู์ง แหม่ง เปี๊ยว เญย ป่วน, เหธา เยียม วั้ว นอม ธีง-เหฑ่ง ฒี่ง เญย ป่วน, ต้ง น้าย หฌุ่น โซว ก๊อง เม่ง เญย ป่วน.

20เหว่ย น้าย เต๋ย เหยียด ฒู้ง สี่ โหฒว ฒอง-เหฒง วั้ว เต้า ก๊อง, “เฒ์ย เญย, เยีย หฒะเก้ง ต้าย เซี้ยบ อ๊ะ.” อาเมน. เฒี้ยว เยซู อ้า! โท้ เม่ย ต้าย อ๊ะ ม่าะ!

21โท้ เฒี้ยว เยซู เหธย เอน ปุน ทิน-ฮู่ง เญย หฒวัง แปะ ฝีง. อาเมน.

← Chapter 21 Jump to: