Revelation 21

Mien Bible (Thai Script) © Thailand Bible Society, 2007

← Chapter 20 Jump to: Chapter 22 →

1เยีย แอ๋ง ปวัด เซียง-ลู่ง เซียง-เดา เหว่ย หฒุ โล์-ลู่ง โล์-เดา เจี๋ย เหฑ่ง หมี่ อ๊ะ. ค้อย หย่า ไม้ ม่าย อ๊ะ.

2เยีย หย่า ปวัด วั้ว นอม ธีง-เหฑ่ง ฒี่ง, ต้ง เซียง-เยลูซาเลม ฒี่ง, เยียม ทิน-ต้อง, ทิน-ฮู่ง วั้ว, เหฌี่ย ต้าย. วั้ว นอม ฒี่ง หลิ่ว เล์ย เหฒียง ฮนั้ง เซียง-บวั์ง ฒอง เหฒียง เหฑว่ย เญย เหว่ย เซียง-ล่าง นอ.

3เยีย แอ๋ง ไฮ์ เฉีย โฮล เญย เยียม ฮู่ง เหว่ย ต้าย ก๊อง, “อี้ หฒั่น ทิน-ฮู่ง เยียม เญย ต๋อง เซ เยียม ป้าม เมี่ยน บุด๋ง. นิ่น อ๋อย เหธา นิ่น บัว เยียม. นิ่น บัว ฯฒฯ โหฒว นิ่น เญย แปะ ฝีง. ทิน-ฮู่ง กั้น อ๋อย เหธา นิ่น บัว เยียม หย่า โหฒว นิ่น บัว เญย ทิน-ฮู่ง.

4นิ่น อ๋อย ซ้อด นิ่น บัว เญย มฒีง เตี๊ยมๆ ววม-เหมว่ย. ยั่ง น้าย เจี๋ย ไม้ ม่าย หาย เต้า ไต่, ไม้ ม่าย หาย เต้า เฑ่า, ไม้ ม่าย หาย เต้า เญี้ยม, หย่า ไม้ ม่าย หาย เต้า มุน, เหว่ย หฒุ โล์ เญย เหยียด ฒู้ง เจี๋ย เหฑ่ง.”

5เฒว์ย เจี๊ยน ฮู่ง เหว่ย วั้ว เต้า ก๊อง, “หมั่ง ม่าะ! อี้ หฒั่น เยีย โหฒว ปุน หญู่งๆ เซียง เหฑ่ง.” นิ่น หย่า ก๊อง บั๋ว เยีย, “น้าย เม่ย อ๋อย หฒุ เฟี้ย เจี๊ยน โอ่. เหว่ย หฒุ น้าย เต๋ย หว่า เฒียน เญย, เขา ตุ๊ ว้วน เญย.”

6นิ่น แอ๋ง บั๋ว เยีย, “โหฒว เหฒียง อ๊ะ! เยีย โหฒว อันฟา หย่า โหฒว โอเมกา, โหฒว กอน หย่า โหฒว เซ้ด เมว์ย วั้ว เต้า. หาย เต้า จาง ฆ้าด, เยีย อ๋อย แปะๆ ปุน ยู์ง แหม่ง เญย ววม-ฒี้ง เญย ววม นิ่น ฮบ.

7หาย เต้า ตุ๊ ฮี่ง ฯฒฯ ตุ๊ น้าย เต๋ย เป๋น นิ่น หฑิบ เญย ป่วน. เยีย หย่า อ๋อย โหฒว นิ่น เญย ทิน-ฮู่ง, นิ่น หย่า อ๋อย โหฒว เยีย เญย ตอน.

8มป่า ต๊าม ไฝ วั้ว เต๋ย, ไม้ เสียน เญย วั้ว เต๋ย, โหฒว กั้ม เฑี้ย เญย สี่, ไต๋ เมี่ยน, หฑย่าว เซียะ หฑยาว ตอน, โหฒว ฟ้าด, ป๋าย หมิ่ว-ฝัง เหธา เหยียด ฒู้ง ก๊อง-แปะ เญย เมี่ยน, นิ่น บัว เญย ป่วน เซ เยียม เหฒียะ เจี๊ยน ฮู่ง เญย โต์ว-ค้อย กะญั์ว. น้าย เซ หฒุ ไต่ เญย ตะเหญ่ย หฑุ่น.”

9ต้ง โป้ว เจี๊ยน เสี่ย นอม ปุ้น ตั๊บ ปวั๊ง ฆะฮ้า ลาย เญย เสี่ย หญู่ง เหฒะ หน่าน วั้ว เต๋ย เสี่ย เต้า ฟิน-เมี่ยน, ม่าย เต้า ต้าย บั๋ว เยีย, “ต้าย ม่าะ! เยีย อ๋อย ปุน เม่ย หมั่ง เซียง-บวั์ง, เซ ปะกี ยู่ง ตอน เญย เอ๊า วั้ว เต้า.”

10สีง ลี่ง ฯฒฯ กุ๊น เจี๊ยน เยีย, ฟิน-เมี่ยน ต้อ เยีย มี่ง เถา นอม โฮล ไห่, ฮลัง ไห่ เญย บง, ปุน เยีย หมั่ง วั้ว นอม ธีง-เหฑ่ง ฒี่ง, เยลูซาเลม, ต้ง เยียม ทิน-ต้อง, ทิน-ฮู่ง วั้ว, เหฌี่ย ต้าย.

11น้าย นอม ฒี่ง ม่าย ทิน-ฮู่ง เญย ฌัง-หล่าง ปวั๊ง เหฑ่ง, แอ๊ง ธ้วด เฌ้ยๆ เญย, ฮนั้ง นอม จ๋าย ไห่ เญย หละเปย๊ย, เซ้ด แมง-หลัวะ หย่า ฮนั้ง กี๋ง-ฒ้าน นอ ฑัง เญย.

12ฒี่ง เญย ฒี่ง หลาด โฮล ไห่, ฮลัง ไห่, หย่า ม่าย เหฒียบ เหญ่ย เต้า หลาด แก้ง. แอ๋ง ม่าย เหฒียบ เหญ่ย เต้า ฟิน-เมี่ยน ฒั้ว เจี๊ยน หลาด แก้ง. เหฒียบ เหญ่ย ฝีง อิสะลาเอน เมี่ยน เญย บั๋ว หย่า เฟี้ย เจี๊ยน วั้ว แก้ง.

13เปยย ปูง ฒี่ง เหยียด ปูง ม่าย ปัว เต้า หลาด แก้ง, ตง ปูง ม่าย ปัว เต้า, น่าม ปูง ม่าย ปัว เต้า, ป๊ะ ปูง ม่าย ปัว เต้า, ไฟ ปูง ม่าย ปัว เต้า.

14ฒี่ง หลาด ปั่ง เหฒียบ เหญ่ย คว้าย หละเปย๊ย โหฒว กอน-โด๊ะ เหธย เจี์ย, หย่า ม่าย ปะกี ยู่ง ตอน เญย เหฒียบ เหญ่ย เต้า กง-โฒ่ เญย บั๋ว เฟี้ย เจี๊ยน วั้ว เต๋ย หละเปย๊ย.

15เหธา เยีย ก๊อง หว่า วั้ว เต้า ฟิน-เมี่ยน นั้น เจี๊ยน เจียม-ปย๊า-เดาะ อ๋อย เดาะ น้าย นอม ฒี่ง, หย่า เดาะ ฒี่ง แก้ง เหธา ฒี่ง หลาด.

16ฒี่ง เญย เปยย ปูง ฟี่ เฌี้ยด ฟี่ ดาว. ฟิน-เมี่ยน หล่ง นิ่น เญย ปย๊า-เดาะ เดาะ ฒี่ง. เหยียด ฒู้ง ม่าย อี ธิน เฝย แป๊ะ กีโล ด๊าว, จั๊ง, ฮลัง ฟี่ เฌี้ยด เญย.

17ฟิน-เมี่ยน หย่า เดาะ ฒี่ง หลาด, ม่าย เหยียด แป๊ะ เฝย เหฒียบ เฝย เดาะ ฮลัง. น้าย เซ เอย ป้าม เมี่ยน เญย ธิ-หธุน, ต้ง น้าย เต้า ฟิน-เมี่ยน หล่ง เญย ธิ-หธุน.

18ฒี่ง หลาด หล่ง แมง-โก๋ เญย หละเปย๊ย-จ๋าย โหฒว ต้าย. ฒี่ง กะญั์ว หล่ง เฒียน เจียม โหฒว ต้าย ฮนั้ง กี๋ง นอ ฑัง เญย.

19ฒี่ง เญย กอน-โด๊ะ วั้ว เต๋ย หละเปย๊ย หล่ง หญู่งๆ หละเปย๊ย-จ๋าย ฒอง. ตะเยี้ยด นอม กอน-โด๊ะ เญย หละเปย๊ย เซ แมง-โก๋ เญย หละเปย๊ย-จ๋าย. ตะเหญ่ย นอม เซ บั๊น บั๊ว, ฑัง เญย, ตะฟาม นอม เซ แปะ เจี๊ยะ, เปน เญย, ตะเฝย นอม เซ เดี้ยม แมง, ฑัง เญย,

20ตะฮม์ นอม เจี๊ยะ-แปะ, เปน เญย, ตะหลัวะ นอม ยั่ง ซิ เญย, ตะเธี้ยด นอม เซ แมง-บยาน, ตะเป๊ด นอม แมง-บั๊ว, ตะจั๊ว นอม ยั่ง อู๊ง, ตะเหฒียบ นอม แมง-หลุน, เหฒียบ เยี้ยด วั้ว นอม เซ บั๊ว-แมง, เหฒียบ เหญ่ย วั้ว นอม หลัวะ, ฑัง เญย หละเปย๊ย-จ๋าย.

21เหฒียบ เหญ่ย เต้า หลาด แก้ง หล่ง เหฒียบ เหญ่ย นอม จ๋าย เญย หละเปย๊ย-โฒว, เหยียด นอม เฒียน-โฒว โหฒว เหยียด เต้า แก้ง. ฒี่ง กะญั์ว เญย เจ๊า เซ เฒียน เจียม, ฮนั้ง กี๋ง นอ ฑัง.

22เยีย ไม้ ปวัด ฒี่ง กะญั์ว ม่าย หฒั่ง ทิน-ฮู่ง เญย เปย๊า, เหว่ย หฒุ เน่น เจี๋ย เญย เฒี้ยว ทิน-ฮู่ง เหธา วั้ว เต้า ปะกี ยู่ง ตอน โหฒว น้าย นอม ฒี่ง เญย สีง ติ่น.

23ฒี่ง ไม้ เฉียม หฒุ บะฮนอย เหธา หฮลา หฒิว ฌัง, เหว่ย หฒุ ทิน-ฮู่ง เญย ฌัง-หล่าง หฒิว ฌัง, ปะกี ยู่ง ตอน หย่า โหฒว ฒี่ง เญย ตัง.

24หม่าน กั๊วะ เญย เมี่ยน อ๋อย ปั่ง น้าย นอม ฒี่ง เญย ฌัง ยั่ง เจ๊า. ลู่ง เดี๊ย หม่าน ฮู่ง หย่า อ๋อย ต้อ นิ่น บัว ม่าย เญย ฌัง-หล่าง เปียะ ฒี่ง.

25ฒี่ง แก้ง เฒี่ยง ฮนอย คอย ฆอย, เหยียด ลิ์ว ไม้ กวน, เหว่ย หฒุ เยียม วั้ว ไม้ ม่าย ลู่ง ม์วน หฒั่น.

26หม่าน กั๊วะ เญย เมี่ยน อ๋อย ต้อ นิ่น บัว เญย ฌัง-หล่าง เหธา เม่ง โห่ เปียะ น้าย นอม ฒี่ง.

27มป่า หาย หญู่ง ไม้ ธีง-เหฑ่ง, ไฟ หาย เต้า โหฒว ไล่ ฮลบ ไฟ กั้ม เฑี้ย เญย สี่, ไฟ ก๊อง-แปะ ดั๊ว เมี่ยน เญย สี่, ฒู้ง ไม้ ตุ๊ เปียะ วั้ว นอม ฒี่ง. ขูง ม่าย บั๋ว เฟี้ย เจี๊ยน ปะกี ยู่ง ตอน เญย เฒี่ยง แหม่ง ตาน วั้ว เต๋ย ตุ๊ เปียะ ฮนั้ง.

← Chapter 20 Jump to: Chapter 22 →