Revelation 12

Mien Bible (Thai Script) © Thailand Bible Society, 2007

← Chapter 11 Jump to: Chapter 13 →

1แอ๋ง ม่าย หญู่ง บัวะ ฮ่อง เญย ต้ม จั๋ง-โห่ เยียม วั้ว ลู่ง หิ่น ธ้วด ต้าย. ม่าย เต้า มเซียะ ตอน, นิ่น เญย ฒอง-ฒุ เซ บะฮนอย, หฮลา เยียม นิ่น เญย เหฒา-เดี๊ย, มฆ้อง หย่า ด๋ง เจี๊ยน เหฒียบ เหญ่ย นอม เหฮลย โหฒว นี้ง.

2วั้ว เต้า มเซียะ ตอน ม่าย เจี๊ยน ซิน. ดุ๊ด ซิน เญย เฒี่ยง โห่ เถา, นิ่น มุน ตุ๊ โค้ว ไห่ ฯฒฯ เห่ว.

3เยียม วั้ว ลู่ง แอ๋ง ม่าย หญู่ง จั๋ง-โห่ ธ้วด. ม่าย ติ้ว ต้ม จูง-ฮู่ง ซิ, ม่าย เสี่ย นอม มฆ้อง, เหฒียบ นอม จอง. นอมๆ มฆ้อง ด๋ง เจี๊ยน นี้ง.

4จูง-ฮู่ง เญย เตว๊ย พ้วด เยียม ลู่ง เญย เหฮลย ปัว โก๊ว เญย เหยียด โก๊ว ด๊อด เหฌี่ย เดา. นิ่น โซ้ว เจี๊ยน วั้ว เต้า มเซียะ ตอน เญย หฑะเฮมียน ฒั้ว กู้งว์า เยี้ยด ด๊อด เดา ฯฒฯ อ๋อย หญั่น กู้งว์า.

5วั้ว เต้า มเซียะ ตอน ฯฒฯ ยู์ง ตุ๊ เต้า ตอน, ต้ง อ๋อย หล่ง เฮลียะ-ปย๊า กุ๊น หม่าน กั๊วะ วั้ว เต้า. มป่า ม่าย เต้า ต้าย ธ้าง น้าย เต้า ตอน ต้อ มี่ง เถา ทิน-ฮู่ง หย่า เถา ทิน-ฮู่ง เญย เหว่ย หมี่ อ๊ะ.

6วั้ว เต้า มเซียะ ตอน ฯฒฯ เปย๋า มี่ง วั้ว เต่ย-ปูง-ฮวาง, เถา ทิน-ฮู่ง หลิ่ว เล์ย เหฒียง ปุน นิ่น เยียม เญย ต๋อง. ทิน-ฮู่ง ฯฒฯ โก๋ว นิ่น เหยียด ธิน หญี่ แป๊ะ หลัวะ เหฒียบ ฮนอย.

7วั้ว หฒั่น เยียม วั้ว ทิน-ต้อง ม่าย เบ๊าะ จ๋า เญย สี่ ธ้วด. มีคาเอน เหธา นิ่น เญย ฟิน-เมี่ยน เหธา วั้ว ติ้ว จูง-ฮู่ง เบ๊าะ จ๋า. จูง-ฮู่ง เหธา นิ่น เญย ฟิน-เมี่ยน เบ๊าะ จ๋า

8มป่า หฒุ เซวย หมี่ อ๊ะ. ทิน-ต้อง ฯฒฯ ไม้ ม่าย นิ่น บัว เยียม เญย ต๋อง อ๊ะ.

9น้าย ติ้ว ต้ม จูง-ฮู่ง หฒุ ฒอย เหฌี่ย. นิ่น เซ ต้ง โล์-ฮนอย วั้ว ติ้ว นาง, บั๋ว เห่ว เมี้ยน เญย ฮู่ง หย่า เห่ว ซาตาน, ต้ง ดั๊ว ลู่ง เดี๊ย หม่าน เมี่ยน วั้ว ติ้ว นาง. นิ่น เหธา นิ่น เญย หฒวัง ฟิน-เมี่ยน หฒุ ฒอย เหฌี่ย เถา เดา.

10เยีย แอ๋ง ไฮ์ เฉีย บุย เยียม วั้ว ทิน-ต้อง ก๊อง, “อี้ หฒั่น ทิน-ฮู่ง เหฌียว นิ่น เญย เมี่ยน หมี่ อ๊ะ. อี้ หฒั่น ทิน-ฮู่ง หล่ง นิ่น เญย หลี่ง โหฒว ฮู่ง กุ๊น ป้าม เกน. นิ่น เญย กีตู่ หย่า ตุ๊ หล่ง นิ่น เญย หลี่ง กุ๊น ลู่ง เดี๊ย. เหว่ย หฒุ เยียม ทิน-ฮู่ง เญย หฑะเฮมียน เฒี่ยง ฮนอย เฒี่ยง ม์วน โก๋ บัว เญย ก๋อ-โย์ว วั้ว เต้า, หฒุ ฒอย เหฌี่ย หมี่ อ๊ะ.

11บัว เญย ก๋อ-โย์ว หล่ง วั้ว เต้า ปะกี ยู่ง ตอน เญย ฑย้าม หย่า หล่ง นิ่น บัว โหฒว ฒอง-เหฒง เญย หว่า ฮี่ง เจี๋ย โก๋ นิ่น บัว วั้ว เต้า. นิ่น บัว ไม้ ค้อ-ฟิ นิ่น บัว เญย แหม่ง, ฒู้ง หญุ่น เซี้ย นิ่น บัว เญย แหม่ง ไต่.

12ลู่ง เหธา เม่ย บัว เยียม ลู่ง เญย เหยียด ฒู้ง อ๋อย หฒุ เฌียน-โย่ว ออน-เหลาะ. มป่า เดา เหธา ค้อย อ๋อย หฒุ โค้ว อ๊ะ, เหว่ย หฒุ เมี้ยน เญย ฮู่ง เหฌี่ย เถา เม่ย บัว หน่าย. นิ่น เก้ง! เฉีย เจี์ย เจี๊ยน เหว่ย หฒุ ฮิ้ว ตุ๊ นิ่น เญย เฒี่ยง โห่ ไม้ ด๊าว อ๊ะ.”

13จูง-ฮู่ง ปวัด นิ่น หฒุ ฒอย เหฌี่ย เถา ป้าม เกน หมี่ อ๊ะ. นิ่น ฯฒฯ หฒุ่น ยู์ง กู้งว์า-ตอน วั้ว เต้า มเซียะ ตอน.

14มป่า วั้ว เต้า มเซียะ ตอน ตุ๊ ฒิบ อี คว้าย โฮล ไห่ เญย ต้ม จ๊าง เญย ด๊าด เหว่ย ได๋ มี่ง เต่ย-ปูง-ฮวาง, เถา นิ่น เญย ต๋อง. เยียม วั้ว ทิน-ฮู่ง อ๋อย โก๋ว เจี๊ยน ปัว หฮญัง-เปี๋ยน, ไม้ ปุน วั้ว ติ้ว นาง ห่อย นิ่น.

15นาง ฯฒฯ พยู้ ววม ธ้วด นิ่น เญย ฑุ่ย แป๋ง, ฮนั้ง ติ้ว ด้าย นอ, หฒุ่น เจี๊ยน วั้ว เต้า มเซียะ ตอน, อ๋อย กว๊าด นิ่น มี่ง หมี่ อ๊ะ.

16มป่า เดา เถง วั้ว เต้า มเซียะ ตอน. เดา ฯฒฯ หมอง ฆอย ฑุ่ย นะ เหฑ่ง เยียม จูง-ฮู่ง เญย ฑุ่ย แป๋ง ธ้วด เญย ววม.

17จูง-ฮู่ง เฉีย เจี์ย! ไห่ วั้ว เต้า มเซียะ ตอน, ฯฒฯ มี่ง เหธา มเซียะ ตอน เหฒ่ง เหฌี่ย เญย เฒ้ย-ฟุน เบ๊าะ จ๋า. น้าย เต๋ย เฒ้ย-ฟุน เซ เอย เจี๊ยน ทิน-ฮู่ง เญย หลี่ง โหฒว, หย่า เสียน ว้วน เยซู โหฒว เญย ฒอง-เหฒง.

18น้าย ติ้ว จูง-ฮู่ง ฯฒฯ โซ้ว เจี๊ยน ค้อย-เฮลน เญย ซา-เฒียว เดา.

← Chapter 11 Jump to: Chapter 13 →