Revelation 2

Mien Bible (Thai Script) © Thailand Bible Society, 2007

← Chapter 1 Jump to: Chapter 3 →

1“เม่ย อ๋อย หฒุ เฟี้ย เฝียน ปุน เอเฟโซ จิว-ปาง เญย ฟิน-เมี่ยน บั๋ว นิ่น, ‘น้าย เซ บย่าว เจี๊ยะ ปั์ว นั้น เจี๊ยน เสี่ย นอม เหฮลย หย่า เยียม เสี่ย นอม ตน ตัง เญย เจียม-จ๋า บุด๋ง ยั่ง มี่ง ยั่ง ต้าย วั้ว เต้า ฮนั้ง น้าย นอ ก๊อง.

2เยีย ฮิ้ว ตุ๊ เม่ย โหฒว เญย สี่. ฮิ้ว ตุ๊ เม่ย โหฒว กง โค้ว ไห่ หย่า หล่ง หน่อย เตี๊ย. เยีย หย่า ฮิ้ว ตุ๊ เม่ย หญ่าง ไม้ เหฌี่ย เมี่ยน เอ๊าะ เมี่ยน. เม่ย ฒู้ง เสย เจี๋ย ต้ง เธง กั้น โหฒว กง-โฒ่ มป่า ไม้ เฒ์ย. เม่ย หย่า เสย ตุ๊ ธ้วด นิ่น บัว เซ จ๊า เญย.

3เยีย ฮิ้ว ตุ๊ เม่ย ม่าย หน่อย เตี๊ย หย่า เหว่ย เยีย เญย บั๋ว เสี่ยว โค้ว, เม่ย หย่า ไม้ เซวย.

4‘มป่า เยีย ม่าย เหยียด ติ่ว อ๋อย ก๊อง เม่ย. เซ เม่ย อี้ หฒั่น ไม้ ฮนั้ม เยีย ฮนั้ง ต้าว ตั้ง วั้ว นอ ฮนั้ม.

5ฮนั้ม หมั่ง ก๋า, ต้าว ตั้ง เม่ย ฮนั้ม เยีย มป่า อี้ หฒั่น ด๊อด ด่ง หาย โก! อ๋อย หฒุ ก๊อย เฮญี้ยว หฑวน โหฒว ฮนั้ง ต้าว ตั้ง วั้ว นอ. สี ก๊อง เม่ย ไม้ ก๊อย เฮญี้ยว, เยีย อ๋อย มี่ง เม่ย หน่าย แอ๋ง เฒาะ ฆอย เม่ย เญย ตัง-จ๋า.

6มป่า เม่ย ม่าย ติ่ว หลง เญย. เม่ย ฑอง นีโคเลา วั้ว เจ๊า เมี่ยน โหฒว เญย สี่ ฮนั้ง เยีย ฑอง วั้ว นอ.

7‘หาย เต้า ม่าย มน่อม อ๋อย หฒุ แปง มน่อม หมวัง หลง สีง ลี่ง ฮนั้ง หาย นอ บั๋ว หฒวัง จิว-ปาง. หาย เต้า ตุ๊ ฮี่ง เจี๋ย นอ, เยีย อ๋อย ปุน ม่าย เล์ย หญั่น เยียม ทิน-ฮู่ง เญย หฮวีง กะญั์ว วั้ว ฒู่ง เฒี่ยง แหม่ง เดี๋ยง เญย เปี๊ยว.’

8“เม่ย อ๋อย หฒุ เฟี้ย เฝียน ปุน สะเมนา จิว-ปาง เญย ฟิน-เมี่ยน, บั๋ว นิ่น, ‘โหฒว กอน เหธา เซ้ด เมว์ย, ไต่ มี่ง แอ๋ง นั่ง ต้าย วั้ว เต้า ฮนั้ง น้าย นอ ก๊อง,

9เยีย ฮิ้ว ตุ๊ เม่ย เญย โค้ว หน่าน หย่า ฮิ้ว ตุ๊ เม่ย จ่ม ไห่ มป่า เม่ย หฒะเก้ง ปุ๊ด ฒ่อย. เยีย ฮิ้ว ตุ๊ เม่ย หฒุ เสี่ยว เมี่ยน ก๊อง โตะ. ก๊อง เม่ย วั้ว เต๋ย เซ เธง กั้น โหฒว ยิวไท เมี่ยน มป่า ไม้ เฒ์ย. นิ่น บัว โหฒว ซาตาน เญย หวุ่ย ฮนั้ง.

10ไม้ ตู๋ง กั้ม เหฑีย เม่ย ไม้ เล่า อ๋อย หฒุ เสี่ยว เญย โค้ว หน่าน. เมี้ยน เญย ฮู่ง อ๋อย เฒาะ เต๋ย เม่ย บัว เญย เมี่ยน หววน เจี๊ยน โล่ เสย เม่ย บัว. เม่ย บัว ฯฒฯ เสี่ยว เหฒียบ ฮนอย เญย โค้ว หน่าน. มป่า อ๋อย หฒุ เสียน ว้วน เถา ไต่, เยีย ฯฒฯ เหธย เฒี่ยง แหม่ง เญย นี้ง ปุน เม่ย.

11‘หาย เต้า ม่าย มน่อม อ๋อย หฒุ แปง มน่อม หมวัง หลง สีง ลี่ง ฮนั้ง หาย นอ บั๋ว หฒวัง จิว-ปาง. หาย เต้า ตุ๊ ฮี่ง, วั้ว เต้า ฯฒฯ ไม้ หฒุ เสี่ยว ตะเหญ่ย หฑุ่น ไต่ เญย โค้ว หน่าน.’

12“เม่ย อ๋อย หฒุ เฟี้ย เฝียน ปุน เปกามัม จิว-ปาง เญย ฟิน-เมี่ยน, บั๋ว นิ่น, ‘ม่าย ฒูง อี แหมง ไหล่ เญย หฑุ ด๊าว วั้ว เต้า, ฮนั้ง น้าย นอ ก๊อง,

13เยีย ฮิ้ว ตุ๊ เม่ย เยียม เญย ต๋อง, เซ ซาตาน เญย เหว่ย เยียม วั้ว นอม ต๋อง. มป่า เม่ย เขา ว้วน เยีย เญย เม่ง หย่า ไม้ กวั่ง เยีย, หธ่อ เสียน เยีย, ไม้ กุ๊น เยีย เญย เหฒียบ ฒัวะ เญย ฒอง-เหฒง เมี่ยน, อันทิปาด, เยียม เม่ย บัว บุด๋ง, ต้ง ซาตาน เยียม เญย ต๋อง, หฒุ ไต๋ ไต่.

14‘มป่า ม่าย เหฒีย ติ่ว เยีย อ๋อย ก๊อง เม่ย. เยียม หน่าย ม่าย เต๋ย เมี่ยน กัน บาลาอัม หฌาว เญย เล์ย. โล์-ฮนอย บาลาอัม หฌาว บาล้าก ต้อ อิสะลาเอน เมี่ยน ป์าม ฒุ์ย, ดั๊ว นิ่น บัว หญั่น เหฒี่ย เจี๋ย ปุน หมิ่ว-ฝัง เญย กะน้าย หย่า โหฒว ปวั้ง เลี่ยว เญย สี่.

15เยียม เม่ย หน่าย หย่า ม่าย เต๋ย กัน นีโคเลา วั้ว เจ๊า เมี่ยน หฌาว เญย เล์ย.

16ฮนั้ง หน่าย, อ๋อย หฒุ ก๊อย เฮญี้ยว กวั่ง ฒุ์ย. ไม้ เฒย แอ๊ะ, เยีย อ๋อย เซี้ยบๆ เญย มี่ง เม่ย หน่าย หล่ง เยียม เยีย เญย ฑุ่ย ธ้วด วั้ว ฒูง หฑุ ด๊าว เหธา วั้ว เต๋ย เมี่ยน เบ๊าะ จ๋า.

17‘หาย เต้า ม่าย มน่อม อ๋อย หฒุ แปง มน่อม หมวัง หลง สีง ลี่ง ฮนั้ง หาย นอ บั๋ว หฒวัง จิว-ปาง. หาย เต้า ตุ๊ ฮี่ง นอ, เยีย อ๋อย เฒาะ เต๋ย ปี๋ง เจี๊ยน เญย มานา ปุน นิ่น. หย่า อ๋อย ปุน นอม หละเปย๊ย-แปะ. น้าย นอม หละเปย๊ย เฟี้ย เจี๊ยน เซียง-บั๋ว. ธ้วด ลิ์ว ตุ๊ ฒิบ หละเปย๊ย วั้ว เต้า, ไม้ ม่าย หาย เต้า ฮิ้ว ตุ๊ วั้ว นอม บั๋ว.’

18“เม่ย อ๋อย หฒุ เฟี้ย ปุน ทิยาทิลา จิว-ปาง เญย ฟิน-เมี่ยน, บั๋ว นิ่น, ‘ทิน-ฮู่ง เญย ตอน, ต้ง ม่าย มฒีง ฮนั้ง โต์ว-เบียด, เหฒา หย่า โหย่ว! โหย่ว ฮนั้ง สิน ต้าย เญย ต้ง ซิ วั้ว เต้า, ฮนั้ง น้าย นอ ก๊อง.

19เยีย ฮิ้ว ตุ๊ เม่ย โหฒว เญย เจ๊า. เยีย ฮิ้ว ตุ๊ เม่ย ฮนั้ม เยีย, เสียน เยีย, เม่ย ฟู-สู เมี่ยน หย่า ม่าย หน่อย เตี๊ย. เยีย หย่า ฮิ้ว ตุ๊ เม่ย อี้ หฒั่น โหฒว เญย กง เซ เก้า ธั้ม ต้าว ตั้ง โหฒว เญย.

20‘มป่า ม่าย เหยียด ติ่ว เยีย อ๋อย ก๊อง เม่ย. เม่ย เซว่ย เธง กั้น โหฒว โต่ว หว่า เมี่ยน วั้ว เต้า มเซียะ ตอน, เยเซเบน, หฌาว เยีย เญย โปว, ดั๊ว นิ่น บัว โหฒว ปวั้ง เลี่ยว เญย สี่ หย่า หญั่น เหฒี่ย เจี๋ย หมิ่ว-ฝัง เญย กะน้าย.

21เยีย ปุน เฒี่ยง โห่ เยเซเบน ม่าย ฉัง ก๊อย เฮญี้ยว กวั่ง ฒุ์ย มป่า นิ่น ไม้ คั้ง กวั่ง นิ่น เหฮยียน เญย เจ๊า.

22หมั่ง ม่าะ! เยีย อ๋อย เฒาะ นิ่น ฒง เหฌี่ย โหธว ปุ๊ด แป่ง โค้ว. สี ก๊อง เหฮยียน นิ่น วั้ว เต๋ย หย่า ไม้ ก๊อย เฮญี้ยว กวั่ง นิ่น บัว เหฮยียน นิ่น เญย สี่, เยีย อ๋อย ปุน นิ่น บัว เสี่ยว เฮนี้ย ไห่ เญย โค้ว หน่าน.

23เยีย หย่า อ๋อย ไต๋ เหฑ่ง เยเซเบน เญย ฝุเจว๊ย. ฮนั้ง หน่าย หฒวัง จิว-ปาง ฯฒฯ ฮิ้ว ตุ๊ เยีย โหฒว ฒ่า เมี่ยน เญย เฮญี้ยว เหธา เมี่ยน ฮนั้ม เญย สี่ วั้ว เต้า. เอย เม่ย บัว เก๊าะ-เมี่ยน โหฒว เญย, เยีย หย่า อ๋อย วิ่น ปุน เม่ย บัว.

24มป่า เยียม ทิยาทิลา เหฒ่ง เหฌี่ย วั้ว เต๋ย, ต้ง ไม้ กัน น้าย หญู่ง หฌาว เญย เอ๊าะ เล์ย, หย่า ไม้ โหะ ต้ง เมี่ยน เห่ว “ซาตาน ปี๋ง เจี๊ยน โด ไห่ เญย สี่,” เยีย บั๋ว เม่ย บัว, เยีย ไม้ จา หาย หญู่ง ปุน เม่ย บัว ดาม.

25มป่า เม่ย ม่าย เญย อ๋อย หฒุ โก๋ว หลง ฒั้ว เถา เยีย แอ๋ง ต้าย.

26‘หาย เต้า ตุ๊ ฮี่ง, หย่า เอย เจี๊ยน เยีย เญย เอ๋ย โหฒว เถา เซ้ด เมว์ย, เยีย ฯฒฯ ปุน วั้ว เต้า ม่าย หลี่ง กุ๊น หม่าน ฝีง, ฮนั้ง เยีย เญย เตีย ปุน หลี่ง เยีย กุ๊น หม่าน ฝีง. “นิ่น อ๋อย หล่ง เฮลียะ-ปย๊า กุ๊น หม่าน ฝีง. นิ่น อ๋อย เบ๊าะ นิ่น บัว หม่วน เหฑ่ง ฮนั้ง เบ๊าะ เนีย-มอ หม่วน เหฑ่ง วั้ว นอ.”

28เยีย หย่า อ๋อย เฒาะ ถาย-แปะ ฟีง ปุน นิ่น.

29‘หาย เต้า ม่าย มน่อม อ๋อย หฒุ แปง มน่อม หมวัง หลง สีง ลี่ง ฮนั้ง หาย นอ บั๋ว หฒวัง จิว-ปาง.’

← Chapter 1 Jump to: Chapter 3 →