bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Javanese
/
Javanese KJS17 (Kitab Jawa Suriname)
/
Exodus 30
Exodus 30
Javanese KJS17 (Kitab Jawa Suriname)
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 31 →
1
“Kowé ya nggawéa mesbèh kanggo ngobong dupa, kayu akasia sing kok gawé;
2
dawané sak éluh, ambané ya sak éluh, dadi pesagi nanging duwuré rong éluh; sunguné dadi siji karo mesbèhé.
3
Kuwi dilapis karo emas murni, ya pernahé ing nduwur, ya sisih-sisihé mubeng uga sunguné, wènèhana lés emas mubeng.
4
Uga mesbèh kuwi ya pasangen gelangan emas pernahé ing sak ngisoré lés; kok pasang ing sisihé mesbèh ing kiwa lan tengen, kanggo slobokané pikulan yèn diusung.
5
Nanging pikulan sing kok gawé kuwi kayu akasia sing dilapis emas.
6
Mesbèh pedupan kuwi sèlèhna ing ngarepé geber sing kanggo ngaling-alingi peti pernatan, ing ngarepé tutupé pangrukunan ing sak nduwuré panggonan pernatan, ya ing kono enggon-Ku bakal nemoni kowé.
7
Harun ngobonga dupa sing wangi ing mesbèh mau saben ésuk, yèn ngresiki dimar-dimar.
8
Lan yèn Harun nyumet dimar ing wantyi soré, Harun ya ngobonga menèh, dadi ngobongé dupa kuwi ajek ing ngarepé GUSTI, ing sak tengahmu turun-temurun.
9
Ing mesbèh kuwi kowé aja ngobong dupa liyané, utawa kurban obongan uga kurban panganan, lan kowé ya aja masrahaké kurban ombèn.
10
Setaun sepisan Harun nindakké tebusan ing sungu-sunguné mesbèh kuwi, nganggo getihé kurban ngluwari dosa, enggoné nindakké tebusan kanggo mesbèh kuwi saben setaun sepisan ing tengah-tengahmu nganti turun-temurun, kuwi perkara sing Mahasutyi kanggo GUSTI.”
11
Tembungé GUSTI marang Moses, mengkéné:
12
“Yèn kowé ngitung tyatyahé wong Israèl, waktu pada didaftar, siji-sijiné masrahaké pisungsung kanggo tebusan nyawané marang GUSTI, supaya sak njeruhné dityatyahké aja nganti pada kena ing bebendu.
13
Saben wong sing didaftar masrahaké duwit setengah sèkel, ditimbang manut sikelan panggonan sutyi, sak sèkel kuwi boboté ana rong puluh géra; setengah sèkel kuwi kanggo pisungsung marang GUSTI.
14
Wong sing bisa mlebu ing pendaftaran kuwi umuré rong puluh taun munggah, kuwi kudu masrahaké pisungsung spésial marang GUSTI.
15
Wong sugih enggoné mbayar aja luwih lan wong mlarat aja kurang sangka setengah sèkel, yèn kowé pada masrahaké pisungsung marang GUSTI kanggo tebusan nyawa kuwi.
16
Nanging duwit tebusan sing kok jikuk sangka wong Israèl kuwi kanggokna ngragati pangabekti ing Tarup Kumpulan; pernatan kuwi dadia pengéling-éling marang wong Israèl ing ngarepé GUSTI, lan kanggo tebusan nyawamu kabèh.”
17
GUSTI ngetokké tembung marang Moses, mengkéné:
18
“Kowé nggawéa wadah banyu tembaga dasarané ya tembaga, kanggo wisuhan, kuwi kok sèlèhké ing antarané Tarup Kumpulan lan mesbèh lan isènana banyu.
19
Harun lan anak-anaké pada wisuha tangan lan sikil nganggo banyu ing wisuhan mau.
20
Yèn arep mlebu ing Tarup Kumpulan, kudu ngisuhi tangan lan sikil, supaya aja nganti nemoni pati. Mengkono uga yèn arep menyang ing mesbèh perlu ngladèni pangabekti lan ngobong kurban sing dipasrahké marang GUSTI,
21
ya pada wisuha tangan lan sikil ndisik, supaya aja nganti nemoni pati. Kuwi dadia pernatan kanggo selawasé, kanggo Harun sak-anaké turun-temurun.”
22
Tembungé GUSTI marang Moses, mengkéné:
23
“Kowé njupuka bumbu-bumbu pilihan, blendok mur èntyèr 500 sèkel, lan kayu legi sing wangi boboté separoné kuwi, dadi rong atus sèket sèkel, dringu wangi rong atus sèket sèkel,
24
kayu teja 500 sèkel, ditimbang manut sèkel sutyi, lan lenga saitun sak hin.
25
Kuwi mau kabèh digawé lenga jebatan sing sutyi, tyampuran wangi sing digawé karo ngati-ati kaya gawéané tukang masak lenga, kuwi dadia lenga jebatan sing sutyi.
26
Lenga kuwi digawé nglengani Tarup Kumpulan lan petiné pernatan,
27
méja pirantiné kabèh, kandelar sak pirantiné lan mesbèh pedupan;
28
uga mesbèh kurban obongan kabèh sak pirantiné kabèh lan wadah banyu sak dasarané.
29
Kuwi kabèh kudu kok sutyèkké, supaya dadia Mahasutyi, saben wong sing nggepok kuwi bakal dadi sutyi,
30
Harun lan para anaké ya pada jebatana lan sutyèkna supaya pada dadi imam ngladèni marang Aku.
31
Uga wong Israèl pada omongana bab tembung-Ku mengkéné: Iki Tak tetepké dadi lenga jebatan sing sutyi kanggo Aku ing tengah-tengahmu turun-temurun.
32
Aja nganti disiramké ing awaké wong lumrah, lan kowé aja gawé lenga sing kaya mengkono kuwi lan nganggo tyampuran pada kaya kuwi; awit kuwi lenga sing sutyi, ya kok anggep sutyi.
33
Sapa sing gawé lenga tyampuran pada kaya kuwi, lan ngusapké ing awaké wong lumrah, kuwi dientèkké sangka tengah-tengahé bangsané.”
34
Lan menèh tembungé GUSTI marang Moses: “Kowé njupuka wangi-wangian, ya kuwi: tlutuh wit, tlutuh tanduran tyistus lan blendok galbanum, wangi-wangian kuwi tyampuren karo menyan tulèn, siji-sijiné pada akèhé.
35
Kabèh mau kok dadèkké dupa, dadi tyampuran bumbu-bumbu kaya gawéané tukang nyampur bumbu-bumbu, dityampuri uyah, tanpa tyampuran liyané, dadia sutyi.
36
Sak bagéan tyampuran kuwi dijukuk, terus gilingen sing lembut, kuwi sak bagéan dèkèken ing ngarepé petiné pernatan ing Tarup Kumpulan, ya ing kono enggon-Ku nemoni kowé, kuwi kok anggep perkara sing Mahasutyi.
37
Nanging dupa sing pada kok gawé miturut tyampuran mengkono kuwi aja pada kok gawé kanggo awakmu déwé, kuwi kanggo GUSTI, sing sutyi kanggo kowé.
38
Wong sing gawé lenga sing kaya mengkono dienggo ambon-ambon, kuwi kudu dientèkké sangka tengah-tengahé bangsané.”
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40