bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Corinthians 10
1 Corinthians 10
Kamba (Mbivilia) 1956
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 11 →
1
Nũndũ ndikwenda, ana‐a‐asa, mũlee ũmanya, ũndũ aasa maitũ onthe maĩ ungu wa ũla mũumbĩ, na onthe mavĩtĩle ũkanganĩ;
2
na onthe mavatĩswa mũumbĩnĩ na ũkanganĩ methĩwe ma Mose;
3
na onthe maya kya ũya kya veva o kĩmwe;
4
na onthe manyw’a kya ũnyw’a kya veva o kĩmwe: nũndũ nĩmanywie kya ĩvia ya veva yĩla yamavikĩlile; na ĩvia yĩu yaĩ Klĩsto.
5
Ĩndĩ aingĩ moo, Ngai ndaaendeew’a nĩo: nũndũ nĩmavalũkangilw’e weũnĩ.
6
Na yu maũndũ asu maĩ ngelekan’yo kwitũ, nĩ kana ithyĩ tũikasyende syĩndũ nthũku, o tondũ asu nao mendie.
7
O na mũikethĩwe athaithĩ ma mĩvw’anano, o ta amwe moo; o tondũ kũandĩkĩtwe, Andũ mekalile nthĩ kũya na kũnyw’a, na mookĩla mathaũke.
8
O na tũikalaalae, tondũ amwe moo malaalaile, na mavalũka mũthenya ũmwe andũ ngili mĩongo ĩlĩ na itatũ.
9
O na tũikamũtate Mwĩaĩi, tondũ amwe moo mamũtatie, na moawa nĩ ila nzoka.
10
O na mũikanyungunyĩsye, tondũ amwe moo manyungunyĩisye, na moawa nĩ ũla mũai.
11
Maũndũ asu mamakĩtĩkĩe methĩwe ngelekan’yo; na maandĩkiwe kwondũ wa ũtũtaa ithyĩ, ala tũvikĩwe nĩ mũminũkĩlyo wa mavĩnda.
12
Kwondũ wa ũu ũla ũnũkwona e mũũngamu, nĩesũvĩe ndakavalũke.
13
Mũtyaakwatwa inyw’ĩ nĩ matatwa ate o ala mũndũ ũtonya kũmomĩĩsya: ĩndĩ Ngai e kĩthito, na ndakamũeka mũtatwe kũvĩtũka vinya wenyu; ĩndĩ vamwe na kũtatwa akamantha nzĩa ya kũthonoka, nĩ kana mũtonye kũmomĩĩsya.
14
Kwondũ wa ũu, endwa makwa, kĩai kũthaitha mĩvw’anano.
15
Nĩneena ta ngũneena na andũ oĩ; osyai maũndũ asu ngwasya.
16
Kĩkombe kya ũathimo kĩla tũathimaa, ti mũamba wa nthakame ya Klĩsto? Kĩmũtũ kĩla tũtilaa, nakyo, ti mũamba wa mwĩĩ wa Klĩsto?
17
Nĩkwĩthĩwa ithyĩ ala twĩ aingĩ, twĩ kĩmũtũ kĩmwe, mwĩĩ ũmwe; nũndũ ithyonthe twĩ osi ma kĩmũtũ o kĩmwe.
18
Sisyai Isilaeli ũndũ mailyĩ kwa kũsyawa: asu maĩsaa nthembo mati na mũamba na kĩthembeo?
19
Nĩasya ata ĩndĩ? Kĩndũ kĩthembeawa mĩvw’anano nĩ kĩndũ, o na mũw’anano nĩ kĩndũ?
20
Ĩndĩ nĩasya, kana syĩndũ ila Andũ‐ma‐mbaĩ‐ingĩ mathembaa, mathembeaa ndaimoni, matĩthembeaa Ngai: nakwa ndikwenda mwĩthĩwe na mũamba na ndaimoni.
21
Mũtitonya kũnyw’a kĩkombe kya Mwĩaĩi, na kĩkombe kya ndaimoni: mũtitonya kũĩsanĩa mesanĩ ya Mwĩaĩi, na mesanĩ ya ndaimoni.
22
Kana twĩmwĩw’ĩthya Mwĩaĩi kĩwĩu? Twĩ na vĩnya kwĩ we?
23
Maũndũ onthe nĩmatonyeka; ĩndĩ ti onthe maĩlaa. Maũndũ onthe nĩmatonyeka; ĩndĩ ti onthe makaa.
24
Mũndũ o na wĩva ndakamanthe kwĩuna mwene, ĩndĩ kĩla mũndũ namanthe kũuna ũngĩ.
25
Kĩla kĩthooaw’a kĩthĩnzĩonĩ, yai, mũteũkũlya ũkũlyo kwondũ wa wasya wa ngoo;
26
nũndũ nthĩ nĩ ya Mwĩaĩi, na syĩndũ syonthe ila imyusĩe.
27
Ethĩwa ũmwe wa ala matetĩkĩlĩte emwĩta mbokanĩ, na mwĩenda ũthi; yai o kĩla kĩiwa mbee wenyu, mũteũkũlya ũkũlyo kwondũ wa wasya wa ngoo.
28
Ĩndĩ ethĩwa mũndũ akamũtavya, Kĩĩ nĩkĩthembewe mũvw’anano, mũikaye, kwondũ wa ũsu watavan’ya, na kwondũ wa wasya wa ngoo:
29
nĩasya wasya wa ngoo, ti wasya wa ngoo waku, ĩndĩ wa ũsu ũngĩ; nũndũ kũthaw’a kwakwa kũsilĩĩlwa kĩ nĩ wasya wa ngoo wa ũngĩ?
30
Ethĩwa nyie ngĩtũnga mũvea, nĩkĩ ngũwetwa naĩ nũndũ wa kĩla natũngĩa mũvea?
31
Ethĩwa ĩndĩ nĩmũũya, kana kũnyw’a, kana o ũndũ mũkwĩka o na wĩva w’onthe, ĩkai maũndũ onthe kwa kũtaĩa Ngai.
32
Mũikaete molulutĩkyo kwa Ayuti, o na kwa Akiliki, o na kwa ĩkanisa ya Ngai:
33
o tondũ nyie nakwa nendeeasya andũ onthe maũndũnĩ onthe, ndeũmantha kwĩuna mwene, ĩndĩ nĩmanthaa kũuna aingĩ, nĩ kana matangĩĩwe.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 11 →
All chapters:
1
2
3
4
5
6
7
8
9
10
11
12
13
14
15
16