bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Corinthians 12
1 Corinthians 12
Kamba (Mbivilia) 1956
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 13 →
1
Na yu, ana‐a‐asa, ndikwenda mũlee ũmanya ũndũ wa mĩthĩnzĩo ya veva.
2
Nĩmwĩsĩ kana yĩla mwaĩ Andũ‐mambaĩ‐ingĩ nĩmwaaĩtw’e na kũvikĩla mĩvw’anano ĩla ĩtaneenaa, o ũndũ mwatongoew’e.
3
Kwondũ wa ũu nĩmũmanyĩthya, kana vai mũndũ ũneenaa nthĩnĩ wa Veva wa Ngai waasya, Yesũ nĩ anathema (ũalyũlo wayo nĩ, nũumanĩwe); na vai mũndũ ũtonya kwasya, Yesũ nĩ Mwĩaĩi, ate o nthĩnĩ wa Veva Mũtheu.
4
Na ĩndĩ kwĩ ivathũkan’yo sya mĩthĩnzĩo, ĩndĩ Veva no ũmwe.
5
Na kwĩ ivathũkan’yo sya mothũkũmi, na Mwĩaĩi no ũmwe.
6
Na kwĩ ivathũkan’yo sya kwĩka, ĩndĩ nĩ Ngai o ũmwe, ũla wĩkaa maũndũ onthe nthĩnĩ wa onthe.
7
Ĩndĩ kĩla mũndũ anengawe wonan’yo wa Veva kwondũ wa kwaĩlan’ya.
8
Nũndũ ũmwe anengawe ndeto ya ũĩ nĩ Veva; na ũngĩ anengawe ndeto ya ũmanyĩ, nĩ Veva o ũsu ũmwe;
9
na ũngĩ anengawe mũĩkĩĩo, nĩ Veva o ũsu ũmwe; na ũngĩ anengawe mĩthĩnzĩo ya ũvosya mowau, nĩ Veva o ũsu ũmwe;
10
na ũngĩ anengawe kwĩka mavinya; na ũngĩ anengawe kwathana; na ũngĩ kũvathũkan’ya maveva; na ũngĩ mĩthemba ya ithyomo; na ũngĩ kũalyũla ĩthyomo:
11
ĩndĩ Veva o ũsu ũmwe nĩwĩkaa maũndũ aa onthe na kũmũaĩa kĩla mũndũ, ũndũ Veva ũnũkwenda.
12
Nũndũ o tondũ mwĩĩ nĩ ũmwe, na wĩ na mamutha maingĩ, na mamutha onthe ma mwĩĩ, me maingĩ, nĩ mwĩĩ ũmwe; Klĩsto nake ailyĩ o ta ũu.
13
Nũndũ nthĩnĩ wa Veva ũmwe nĩtwavatisiwe ithyonthe kũlikwa mwĩĩnĩ ũmwe, o na ethĩwa twĩ Ayuti kana twĩ Akiliki, kana ethĩwa twĩ ngombo, kana tũti ngombo; naitũ ithyonthe twanyw’ĩthw’e Veva o ũmwe.
14
Nũndũ mwĩĩ ti mutha ũmwe, ĩndĩ nĩ mamutha maingĩ.
15
Ethĩwa kũũ kũkasya, Nũndũ tii nyie kw’oko, nyie ndi wa mwĩĩ; tiw’o ũtuma kũtethĩwa kwa mwĩĩ.
16
Na ethĩwa kũtũ kũkasya, Nĩkwĩthĩwa tii nyie itho, nyie ndi wa mwĩĩ; ti ũu ũtuma kũtethĩwa mwĩĩ.
17
Ethĩwa mwĩĩ w’onthe nĩ itho, kũĩva kwĩw’a? Ethĩwa mwĩĩ w’onthe nĩ kwĩw’a, kũĩva kũnyungĩa?
18
Ĩndĩ yu Ngai eekĩie kĩla mutha mwĩĩnĩ, o ũndũ wendie.
19
Na ethĩwa mamutha onthe nĩ mutha ũmwe, mwĩĩ ũĩva?
20
Ĩndĩ yu nĩ mamutha maingĩ, ĩndĩ mwĩĩ no ũmwe.
21
Na itho yĩtitonya kũtavya kw’oko, Ndi vata naku we: o na mũtwe ndũtonya kũtavya maũũ, Ndi vata nenyu.
22
Ĩndĩ mbee mũno, mamutha asu ma mwĩĩ ala matalawa ta monzu mbee, me na vata mũno:
23
na mamutha ma mwĩĩ, ala tũmatalĩlasya nĩ manyivu ndaĩa, nĩtũmataĩaa asu mũno mbee; na mamutha maitũ mate na ũseo, me na ũseo mbee mũno;
24
nĩkwĩthĩwa mamutha maitũ me na ndaĩa mati na vata; ĩndĩ Ngai nĩwathalanilye mwĩĩ, na kũũnenga ndaĩa mbee mutha ũla ũnyivĩw’e;
25
nĩ kana kũikethĩwe ũtilĩkangano mwĩĩnĩ; ĩndĩ nĩ kana mamutha onthe masũvĩanae.
26
Na ethĩwa mutha ũmwe nũũkwatwa nĩ woo, aa angĩ onthe mathĩnaa vamwe naw’o; kana mutha ũmwe nũũtaĩwa, aa angĩ onthe nĩmatanaa vamwe naw’o.
27
Na ĩndĩ inyw’ĩ mwĩ mwĩĩ wa Klĩsto, na ũmwe na ũmwe mwĩ mamutha maw’o.
28
Na Ngai aiĩte amwe ĩkanisanĩ, mbee nĩ atũmwa, kelĩ athanĩ, katatũ amanyĩsya, na ĩtina mavinya, na ĩndĩ mĩthĩnzĩo ya kũvosya mowau, na motethan’yo, na motao moĩ, na mĩthemba ya ithyomo,
29
Onthe nĩ atũmwa? Kana onthe nĩ athani? Kana onthe nĩ amanyĩsya? Kana onthe nĩ eki ma mavinya?
30
Kana onthe me na mĩthĩnzĩo ya kũvosya mowau? Kana onthe nĩmaneena na ithyomo ingĩ? Kana onthe nĩmaalyũlaa ithyomo?
31
Ĩndĩ endai mũno mĩthĩnzĩo ĩla mĩseo. Na ĩngĩ nĩmwon’ya nzĩa nzeo mbee.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 13 →
All chapters:
1
2
3
4
5
6
7
8
9
10
11
12
13
14
15
16