bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Corinthians 9
1 Corinthians 9
Kamba (Mbivilia) 1956
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 10 →
1
Nyie, ndi mũthaw’a? Ndi mũtũmwa nyie? Ndimwonete Yesũ Mwĩaĩi waitũ? Inyw’ĩ mũi wĩa wakwa nthĩnĩ wa Mwĩaĩi?
2
Ethĩwa ndi mũtũmwa kwa angĩ, nĩ mũtũmwa kwenyu: nũndũ inyw’ĩ mwĩ ũsiĩlo wa ũtũmwa wakwa nthĩnĩ wa Mwĩaĩi.
3
Ũsũngĩo wakwa nĩ ũũ, kwa ala mandoasya.
4
Ithyĩ tũtitonya kũya na kũnyw’a?
5
Ithyĩ tũtitonya kĩla mũndũ kũendan’ya na mũka wake wĩtĩkĩlĩte, o ta atũmwa ala angĩ na ana‐a‐inyia ma Mwĩaĩi, na Keva?
6
Kana no nyie na Valanava tũtatonya kũeka kũtethya wĩa?
7
Nĩ mũsikalĩ wĩva ũla ũthũkũmaa na syĩndũ syake mwene, o na ĩndĩĩ? Nũũ ũla ũvandaa mũũnda wa mĩsavivũ, na ndaĩsaa ũsyao waw’o? Kana nũũ ũla ũĩthasya ndĩthya ya indo, na ndanyusaa ĩia yasyo?
8
Nĩneena maũndũ aa o tondũ andũ maneenaa? Kana ĩla mĩao ndĩneenete ũu, nayo?
9
Nũndũ nĩkũandĩkĩtwe mĩaonĩ ya Mose, Ndũkamyove ng’ombe kanyw’a ĩkĩvũa isyo. No ng’ombe Ngai ũlilikanaa?
10
Kana eneena ũu kwondũ witũ ki? Ĩĩ, nĩkũandĩkĩtwe kwondũ witũ: nũndũ we ũla wĩnzaa, nĩwaĩlwe nĩ kwĩnza na wĩkwatyo, na ũla ũvũaa, avũe na wĩkwatyo wa kwosa kĩlungu.
11
Ethĩwa ithyĩ twamũvandie inyw’ĩ syĩndũ sya veva, nĩ ũndũ ũnene ethĩwa tũkaketha syĩndũ syenyu sya mwĩĩ?
12
Ethĩwa angĩ me na ũkũmũ ĩũlũ wenyu, ithyĩ ti mbee? Ĩndĩ tũtyaaiyosea ũkũmũ ũsu; ĩndĩ nĩtũmĩĩasya maũndũ onthe, nĩ kana tũikasiĩĩe ũvoo mũseo wa Klĩsto na ũndũ o na wĩva.
13
Mũtyĩsĩ kana ala mathũkũmaa maũndũnĩ ma ĩkalũ nĩmaĩsaa syĩndũ sya ĩkalũ, kana ala mathũkũmaa kĩthembeonĩ me na kĩanda kyoo vamwe nakyo?
14
No ta ũu Mwĩaĩi eaie kana ala matavanasya ũla ũvoo mũseo makoona sya kwĩtethasya kwondũ wa ũvoo mũseo.
15
Ĩndĩ nyie ndyaaosa syĩndũ isu o na kĩmwe: na ndiũandĩka maũndũ aa kana mekwe kwakwa; nũndũ kwakwa nĩ kavaa kũkw’a, kwĩ mũndũ o na wĩva kũekethya kwĩkathĩĩa kwakwa.
16
Nũndũ, o na kau, nĩtavan’ya ũla ũvoo mũseo, ndi na ũndũ wa kwĩkathĩĩa; nĩkwĩthĩwa nĩnthingaatĩtwe; na woo nĩ wakwa, ethĩwa ndiũtavany’a ũvoo mũseo.
17
Nũndũ neeka ũu ũndũ wa kwenda kwakwa mwene, nĩ na ĩtuvi: ĩndĩ ethĩwa ti ũndũ wa kwenda kwakwa mwene, nĩnĩĩkĩĩwe kũsyaĩĩsyanĩ.
18
Ĩndĩ ĩtuvĩ yakwa nĩ kyaũ? Nĩ yĩĩ, kana ngĩtavan’ya ũvoo mũseo, ũvoo ũsu wĩthĩwe ũte wa thooa, ndekwĩanĩsya ũkũmũ wakwa ũvoonĩ mũseo.
19
Nũndũ o na kau ndyaĩ ngombo ya mũndũ ona wĩva, nĩyiĩte mwene nĩthĩwe ũkombonĩ kwa onthe, nĩ kana ndonye kwona aingĩ mbee.
20
Na kwa Ayuti neethĩwa ta Mũyuti, nĩ kana nĩmone Ayuti; na kwa ala me mĩaonĩ, neethĩwa ta nĩ mĩaonĩ, nde mĩaoni nyie, nĩ kana nĩmone ala me mĩaonĩ;
21
na kwa ala mate na mĩao, neethĩwa ta nde na mĩao, tĩ atĩndyaĩ na mĩao kwa Ngai, ĩndĩ naĩ mĩaonĩ kwa Klĩsto, nĩ kana nĩmone asu mate na mĩao.
22
Na kwa syonze neethĩwa ta kyonze, nĩ kana nĩsyone syonze: nĩtw’ĩkĩte maũndũ onthe kwa andũ onthe, nĩ kana kwa nzĩa syonthe nĩtonye kũmatangĩĩa amwe.
23
Nakwa nĩkaa maũndũ aa onthe kwondũ wa ũla ũvoo mũseo, nĩ kana nĩthĩwe nĩ mwosi ũmwe waw’o vamwe na angĩ.
24
Mũtyĩsĩ kana ala masembaa makĩlan’yonĩ ma maũũ, masembaa onthe, ĩndĩ no ũmwe wosaa kĩndũ? O ta ũu sembai, nĩ kana mwose.
25
Na kĩla mũndũ ũkĩlanasya mathaũnĩ, esiĩĩaa maũndũnĩ onthe. Ĩndĩ asu mekaa ũu nĩ kana manengwe ngovia ya ũsumbĩ yanangĩkaa; ĩndĩ ithyĩ nĩ kana tũnengwe ĩla ĩtanangĩkaa.
26
Kwondũ wa ũu, nyie nĩsembaa, nde na nzika; nĩkasya ngundi, ndeũkũna vathei:
27
ĩndĩ nĩkanyangaa mwĩĩ wakwa na kũete ũkombonĩ: nĩ kana kũikethĩwe ũndũ o na wĩva w’onthe, ĩtĩna wa kũtavya angĩ, nyie mwene nĩkw’e ũtee.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 10 →
All chapters:
1
2
3
4
5
6
7
8
9
10
11
12
13
14
15
16