bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Corinthians 14
1 Corinthians 14
Kamba (Mbivilia) 1956
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 15 →
1
Atĩĩai wendo; na endai mũno mĩthĩnzĩo ya veva, ĩndĩ mbee nĩ kana mũtonye kwathana.
2
Nũndũ ũla ũneenaa na kĩthyomo ndeũneena na andũ, ĩndĩ aneenaa na Ngai; nũndũ vai mũndũ ũnũkwĩw’a; ĩndĩ nthĩnĩ wa veva wake aneenaa nzama.
3
Ĩndĩ ũla wathanaa aneenaa na andũ maũndũ ma kũmakaa, na kũmataa, na kũmakiakisya.
4
Ũla ũneenaa na kĩthyomo eyakaa mwene; ĩndĩ ũsu wathanaa akaa ĩkanisa.
5
Na nĩenda inyw’onthe mũneene na ithyomo, ĩndĩ mbee, nĩ kavaa mwathane: na ũsu wathanaa nĩ mũnene kwĩ ũla ũneenaa na ithyomo, ate o akĩalyũla, nĩ kana ĩkanisa yĩtonye kwakwa.
6
Ĩndĩ, ana‐a‐asa, ethĩwa nĩũka kwenyu ngĩneena na ithyomo, ngamũuna na kyaũ, ndeũneena nenyu na ũvuan’yo, kana na ũmanyi, kana na wathani, kana na kũmanyĩsya?
7
O na syĩndũ ite na thayũ ila syĩ wasya, ethĩwa nĩ mũtũlilũ kana mbeve, ite mawasya me kĩvathũkan’yo, ũkamanyĩka ata wasya ũla ũkũvuvwa kana ũla ũkũingwa?
8
Nũndũ ethĩwa soo ũkavuvwa wasya ũtesĩkĩe, nũũ ũla wĩyũmban’ya kũkita?
9
Nenyu no ta ũu, mũteũneena na ũĩmĩ ndeto itonya ũmanyĩka na mĩtũkĩ, ũkamanyĩka ata ũndũ ũla ũũneenwa? Kũndũ mũkeethĩwa mũineena mana.
10
Nĩkũtonya kwĩthĩwa ithyomo nyingĩ kũũ nthĩ, na kũi kĩmwe kĩte na ũvoo wakyo.
11
Ĩndĩ ethĩwa ndyĩsĩ ũalyũlo wa wasya wa ũla ũnũũneena, ngeethĩwa nĩ ta mũndũ wa kĩthyomo kĩngĩ vala ũĩ, na ngĩneena nyie akeethĩwa ta mũndũ wa kĩthyomo kĩngĩ vala nĩĩ.
12
O ta ũu inyw’ĩ, kwa kwĩthĩwa nĩmũkwenda mũno kwĩthĩwa na mĩthĩnzĩo ya veva, manthai nĩ kana mũtonye kwingĩvĩw’a kwondũ wa kwaka ĩkanisa.
13
Kwondũ wa ũu ũla ũneenaa na kĩthyomo, navoye nĩ kana atonye kũkĩalyũla.
14
Nũndũ ethĩwa nĩvoya na kĩthyomo, veva wakwa nũũvoya, ĩndĩ kũmanya kwakwa kũti ũsyao.
15
Nĩ kyaũ ĩndĩ? Ngavoya na veva, na ngavoya na ũmanyi naw’o: ngaina na veva, na ngaina na ũmanyi naw’o.
16
Na ĩngĩ ethĩwa wĩtaĩa na veva, ũsu ũtwĩe ataamanyĩw’a, akasya Amenĩ ata, kwondũ wa kũtũnga mũvea kwaku, nĩkwĩthiwa ndesi ũndũ ũkwasya?
17
Nũndũ nĩ w’o nũtũngaa mũvea nesa, ĩndĩ ũsu ũngĩ ndekwakwa.
18
Nĩmũtungĩa Ngai mũvea, nũndũ nĩneenaa na ithyomo kwĩ inyw’onthe:
19
ĩndĩ ĩkanisanĩ nĩenda kũneena ndeto itano na ũmanyi wakwa, nĩ kana ndonye ũmanyĩsya angĩ nao, kwĩ kũneena ndeto ngili ĩkũmi na kĩthyomo.
20
Ana‐a‐asa, mũikethĩwe syana ilĩkonĩ syenyu: ĩndĩ kũla kwĩ ũthũkũ ĩthĩwaĩ tũũkenge, ĩndĩ kĩlĩkonĩ ĩthĩwai mwĩ aima.
21
Mĩaonĩ nĩkũandĩkĩtwe, Nganeena na andũ aa na andũ me na ithyomo ĩtesĩkĩwe, na ilomo sya aenĩ; ĩndĩ o na neeka ũu, maikambĩw’a, eneena ũu Ngai.
22
Kwondũ wa ũu ithyomo nĩ kwondũ wa wonan’yo, na ti kwondũ wa ala metĩkĩlĩte, ĩndĩ nĩ kwondũ wa ala matetĩkĩlĩte; ĩndĩ kwathana ti kwondũ wa ala matetĩkĩlĩte, ĩndĩ nĩ kwondũ wa ala metĩkĩlĩte.
23
Ĩndĩ ethĩwa ĩkanisa yonthe nĩyũmbanĩte vamwe, na onthe maĩneena na ithyomo, na vaiũka vo andũ mataamanyĩw’a kana ala matetĩkĩlĩte, matiasya kana mwĩ na ndũũka?
24
Ĩndĩ ethĩwa onthe nĩmekwathana, na vailika mũndũ ũtetĩkĩlĩte kana ũtaamanyĩw’a, nũnũũkanw’a nĩ onthe, na kũsilĩlwa nĩ onthe;
25
maũndũ mavithe ma ngoo yake nĩmonanĩtw’e; na kwondũ wa ũu akavalũka na ũthyũ na kũmũthaitha Ngai na kũtavan’ya kana nĩ w’o Ngai e katĩ wenyu.
26
Nĩ kyaũ ĩndĩ, ana‐a‐asa? Mwoombana vamwe, kĩla mũndũ e na wathi wa savuli, e na ũmanyĩsyo, e na ũvuan’yo, e na kĩthyomo, e na ũalyũli. Maũndũ onthe nĩmekwe kwondũ wa kwaka.
27
Ethĩwa mũndũ o na wĩva eneena na kĩthyomo, nĩkwĩthĩwe elĩ, kũikathonoke atatũ, na asu nao makĩatĩanĩa; na ũmwe naalyũle:
28
ĩndĩ ethĩwa kũi mũalyũli, navindye ĩkanisanĩ; naneena na ngoo yake mwene, na Ngai.
29
Na athani nĩmaneene elĩ kana atatũ, na ala angĩ nĩmavathũkan’ye.
30
Ĩndĩ ethĩwa ũngĩ ũilyĩ nthĩ nũnũũvuanĩw’a ũndũ, ũsu wa mbee navindye.
31
Nũndũ nĩmũtonya kwathana inyw’onthe, na ũmwe, nĩ kana onthe memanyĩsye, na ĩngĩ kana onthe matawe;
32
na maveva ma athani nĩmew’aa athani;
33
nũndũ Ngai ti Ngai wa kĩthokoan’yo, ĩndĩ nĩ wa mũuo. O ũndũ kũilyĩ makanisanĩ onthe ma atheu,
34
aka nĩmekale mavindĩtye ĩkanisanĩ: nũndũ mati na ũthei wa kũneena; ĩndĩ nĩmenyivye, o ũndũ mĩao ĩnĩkwasya nayo.
35
Na ethĩwa nĩmekwenda ũmanya ũndũ o na wĩva, nĩmakũlye aũme moo ene nyũmbanĩ kwoo: nũndũ nĩ nthoni mũndũ mũka kũneena ĩkanisanĩ.
36
Nĩ kyaũ? Ndeto ya Ngai yaumie kwenyu? Kana yamũvikĩe inyw’oka?
37
Ethĩwa mũndũ o na wĩva eĩtalĩlya mwene kwĩthĩwa nĩ mwathanĩ, kana nĩ wa vevanĩ, namanye nesa maũndũ asu ngũmũandĩkĩa, kana nĩ mwĩao wa Mwĩaĩi.
38
Ĩndĩ ethĩwa mũndũ o na wĩva nde na ũmanyi, nĩethĩwe ate na ũmanyi.
39
Kwondũ wa ũu, ana‐a‐asa, endai mũno kwathana, na mũikavatane kũneena na ithyomo.
40
Ĩndĩ maũndũ onthe nĩmekwe ũndũ kwaĩle, maatĩanĩe.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 15 →
All chapters:
1
2
3
4
5
6
7
8
9
10
11
12
13
14
15
16