bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Exodus 10
Exodus 10
Kamba (Mbivilia) 1956
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 11 →
1
Na Yeova amwĩa Mose, Lika kwa Valao: nũndũ nĩnũmĩtye ngoo yake, na ngoo sya athũkũmi make, nĩ kana nonan’ye syama ii syakwa katĩ woo,
2
na nĩ kana ũtonye kũneena mwana waku akĩw’a, o na mwĩsũkũũu, maũndũ ala nĩkĩte Misili, na syama syakwa ila nĩkĩte katĩ woo: nĩ kana mũmanye ninyie Yeova.
3
Na Mose na Aluni malika kwa Valao, na mamwĩa, Ũũ nĩw’o Yeova, Ngaĩ wa Aevelania, ũnũkwasya, Wĩlea kwĩnyivya mbee wakwa kũvika ĩndĩĩ? Lekya andũ makwa mathi, manthũkũme.
4
Kana, ethĩwa nũũlea kũlekya andũ makwa mathĩ, sĩsya, ũnĩ ngaete ngie ilike mĩvakanĩ yaku:
5
na ikavw’ĩka ĩũlũ wa nthĩ, o ũndũ mũndũ ũtatonya kũmyona nthĩ: na ikaya kĩla kĩtiele kya kĩla kĩthonokete, kĩla kyamũtialĩle mbuanĩ ya mavia, na ikaya kĩla mũtĩ ũla ũmeaa kwondũ wenyu kĩsesinĩ:
6
na nyũmba syaku, na nyũmba sya athũkũmi maku onthe, na nyũmba sya Amisili onthe ĩkausũwa nĩsyo; o tondũ aaĩthe maku, o na aũmae maku mataaona, kuma mũthenya mambĩlĩlya kũsyawa kũũ nthĩ kũvika ũmũnthĩ. Na eethyũũa, na auma kwa Valao.
7
Na athũkũmi ma Valao mamũkũlya, Mũndũ ũũ akekala e mũtei kwitũ kũvika ĩndĩĩ? Lekya andũ mathi, mathũkũme Yeova Ngai woo: ndũnamba kũmanya kana Misili nĩ mbanangĩku?
8
Na Mose na Aluni matũngwa kwa Valao ĩngĩ: na amea, Endai, mũthũkũme Yeova Ngai wenyu: ĩndĩ ala methĩ naaũ?
9
Na Mose amwĩa, Tũkaenda na syana sitũ na akũũ maitũ; na tũkaenda na ana maitũ na eĩtu maitũ, na ndĩthya sitũ sya mbũi na malondu na ndĩthya sitũ sya ng’ombe; nĩkwĩthĩwa no mũvaka twĩthĩwe na mboka kwondũ wa Yeova.
10
Na amea, Yeova ethĩwe nenyu ĩndĩ, o tondũ ngũmũlekya mũthi na syana nini syenyu: sisyai; nũndũ kwĩ ũthũku mũsũanĩĩte.
11
Tiw’o: endai yu, inyw’ĩ andũ aima, mũthũkũme Yeova; nũndũ ũu nĩ ũla mũkwenda. Na malũngw’a kuma kwa Valao.
12
Na Yeova amwĩa Mose, Tambũũkya kw’oko kwaku ĩũlũ wa nthĩ ya Misili, nĩ kana ngie syũke syambate nthĩ ya Misili, na kũya nyũnyi syonthe sya nthĩ, o syonthe ila itialĩtw’e nĩ mbua ya mavia.
13
Na Mose atambũũkya ndata yake ĩũlũ wa nthĩ ya Misili, na Yeova aete kĩuutani kyumĩte wumĩlonĩ wa syũa ĩũlũ wa nthĩ mũthenya ũsu w’onthe, na ũtukũ w’onthe; na kwakya, kĩuutani kĩla kyumite wumiloni wa syũa kyaete ngie.
14
Na ila ngie syambata ĩũlũ wa nthĩ yonthe ya Misili, na syekala mĩvakanĩ yonthe ya Misili; syaĩ mbai mũno; kũtyaaoneka ĩngĩ ngie itilyĩ ta isu, o na kũtikethĩwa ĩngĩ tasyo.
15
Nũndũ syavw’ĩkie ĩũlũ wa nthĩ yonthe, mũvaka nthĩ yaya kĩvindu; nasyo syaya nyũnyi syonthe sya nthĩ, na ũsyao w’onthe wa mĩtĩ ũla mbua ya mavia yatialĩtye: na kũtyaatialwa kĩndũ kĩũ o na kĩmwe, kya mũtĩ kana nyũnyi sya mũũndanĩ, nthĩ yonthe ya Misili.
16
Nĩvo ĩndĩ Valao wetie Mose na Aluni na mĩtũkĩ; na amea, Nĩnĩmũvĩtanĩsye Yeova Ngai wenyu, o nenyu.
17
Na yu ĩndĩ, nĩngũmwĩsũva, ũndekee ĩvĩtyo yakwa ĩvinda o yĩĩ yĩmwe, na ũimwĩsũva Yeova Ngai wenyu, ambetee kĩkw’ũ kĩĩ kyoka.
18
Na auma kwa Valao, na amwĩsũva Yeova.
19
Na Yeova aalyũla kĩuutani kĩ vinya mũno kyumĩte ngalĩ ya ũthũĩlonĩ wa syũa, kĩla kyookĩlilye ila ngie, na kyaitwaa na vinya Ũkanganĩ Mũtune; kũtyaatialwa ngie o na ĩmwe mĩvakanĩ yonthe ya Misili.
20
Ĩndĩ Yeova oomya ngoo ya Valao, nake ndaalekya ana ma Isilaeli mathi.
21
Na Yeova amwĩa Mose, Tambũũkya kw’oko kwaku kwelekela ĩtuni, kwĩthĩwe kĩvindu ĩũlũ wa nthĩ ya Misili, o kĩvindu kĩla kĩtonya kũkwatangwa.
22
Na Mose atambũũkya kw’oko kwake kwelekela ĩtunĩ; na kweethĩwa kĩvindu kya ngokomi nthĩ yonthe ya Misili mĩthenya ĩtatũ;
23
matyoonanaa, o na kũtyaaũkĩla mũndũ ũmwe kwake mĩthenya ĩtatũ: ĩndĩ ana onthe ma Isilaeli maĩ na kyeni kũla matwĩe.
24
Na Valao amwĩta Mose, na amwĩa, Endai inyw’ĩ, mũthũkũme Yeova; ĩndĩ ndĩthya syenyu sya mbũi na malondu na ndĩthya syenyu sya ng’ombe nitiwe: syana syenyu nini nasyo iende nenyu.
25
Na Mose asya, Ndwĩ ndĩi ya kũlea ũtũnenga nthembo sya kũtonywa mokonĩ maitũ, na nthembo sya kũvĩvw’a, tũthembee Yeova Ngai waitũ.
26
Indo sitũ nasyo tũkathi nasyo; kũti ĩvũngũ yĩmwe yĩkatiwa ĩtina; nũndũ kuma nthĩnĩ wasyo mũvaka twose tuthũkũme Yeova Ngai waitũ; na tũtyĩsĩ mũvaka no twavika vo, ila twaĩle kũthũkũma Yeova nasyo.
27
Ĩndĩ Yeova oomya ngoo ya Valao, na alea ũmalekya mathi.
28
Na Valao amwĩa, Uma vaa nĩĩ, wĩsũvĩe, ndũkone ũthyũ wakwa ĩngĩ; nũndũ mũthenya o ũla wĩona ũthyũ wakwa ũkakw’a.
29
Na Mose, amwĩa, Nĩwaneena nesa; ndikona ũthyũ waku ĩngĩ nongi.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40