bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Exodus 14
Exodus 14
Kamba (Mbivilia) 1956
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 15 →
1
Na Yeova aneena na Mose, akĩmwĩa,
2
Mee ana ma Isilaeli mealyũle mambe maeema kwelekela Vi‐ailothi, katĩ wa Mikitoli na ũkanga, kwelekela Mbaali‐nzevoni: mũkambe maeema vakuvĩ na ũkanga mũmyelekele.
3
Na Valao akaneena ũndũ wa ana ma Isilaeli atĩĩ, Nĩmalingisanĩlw’e nĩ nthĩ, weũ nũmavingĩĩte nzĩa.
4
Na ngoomya ngoo ya Valao, na akamaatĩĩa; nakwa ngeethĩwa na ndaĩa kũla kwĩ Valao, na kũla kwĩ nguthu yake yonthe; na Amisili makamanya ninyie Yeova. Na meeka ũu.
5
Na mũsumbĩ wa Misili atavw’a kana andũ nĩmakĩie: na ngoo ya Valao na sya athũkũmi make syaalyũka ũndũ wa ala andũ, na masya, Ũũ twĩkĩte nata, kũmalekya Isilaeli mathĩ maeka kũtũthũkũmaa?
6
Na oomban’ya ĩkasya yake ya kaũ, na athi na andũ make:
7
na athi na makasya manyuve ma kaũ maana thanthatũ, na makasya onthe ma kaũ ma Misili, na makavuteni masyo syonthe.
8
Na Yeova oomya ngoo ya Valao mũsumbĩ wa Misili, na aatĩĩa ana ma Isilaeli; nũndũ ana ma Isilaeli maumie na kw’oko kwĩ vinya.
9
Na Amisili mamaatĩĩa, mbalasi na makasya onthe ma kaũ ma Valao, na andũ make onthe ala matũlĩte mbalasi, na ĩta syake, na mamawĩla mambĩte maeema vakuvĩ na ũkanga, ũtee wa Vi‐ailothi, kwelekela Mbaali‐nzevoni.
10
Na Valao athengeea, ana ma Isilaeli mookĩlya metho moo, na sisya, Amisili maĩ mamaatĩĩe; na makĩa mũno: na ana ma Isilaeli mamwĩkaĩla Yeova.
11
Na mamũkũlya Mose, Nĩkwĩthĩwa kũtyaĩ mbũa Misili, nĩwatumĩsye tũkw’ĩe weũnĩ? Ũtwĩkĩte ũu nĩkĩ, kũtumya Misili?
12
Ĩsu ti ĩla ndeto twakũtavĩsye Misili, tũkĩkwĩa, Tũeke, tũmathũkũmae Amisili? Nũndũ kwĩ kavaa tũmathũkũmae Amisili, kwĩ tũikw’ĩa weũnĩ.
13
Na Mose amea andũ, Mũtikakĩe, ũngamai, na nĩmũkwona ũtangĩĩo wa Yeova, ũla wĩĩka kwondũ wenyu ũmũnthĩ, nũndũ Amisili ala mũmene ũmũnthĩ, mũtikamona ĩngĩ nongi.
14
Yeova akamũkitĩa, nenyu mũkavindya ki.
15
Na Yeova amwĩa Mose, Wĩmbĩkaĩla nĩkĩ? Mee ana ma Isilaeli maendeee na mbee.
16
Naku ũkĩlya ndata yaku, noitambũũkya kw’oko kwaku ĩũlũ wa ũkanga, ũaan’ye: na ana ma Isilaeli makalika ũkanganĩ katĩ makinyĩle nthĩ nyũmũ.
17
Nakwa, sisya, ngoomya ngoo sya Amisili, na makalika makĩmaatĩĩa: na ngeethĩwa na ndaĩa kũla kwĩ Valao, na kũla kwĩ nguthu yake yonthe, na makasya make ma kaũ, na andũ make matũlĩte mbalasi.
18
Na Amisili makamanya ninyie Yeova, yĩla nĩtaĩwa kũla kwĩ Valao, na makasya make ma kaũ, na andũ make ala matũlĩte mbalasi.
19
Na mũlaĩka wa Ngai, ũla watongoeasya nguthu ya Isilaeli, auma vo na asyoka ĩtina woo; na kĩla kĩtuĩ kya mũumbĩ kyauma mbee woo na kyaũngama ĩtina woo:
20
na kyooka katĩ wa nguthu ya Misili na nguthu ya Isilaeli; na kwaĩ mũumbĩ na kĩvindu, ĩndĩ kyakenaa ũtukũ: na nguthu ĩmwe ndĩaathengeea ĩla ĩngĩ ũtukũ w’onthe.
21
Na Mose atambũũkya kw’oko kwake ĩũlũ wa ũkanga; na Yeova atuma ũkanga ũtaanĩsya na kĩuutani kĩ vinya kyumĩte wumĩlonĩ wa syũa ũtukũ w’onthe, na atw’ĩkĩthya ũkanga nthĩ nyũmũ, na ĩw’ũ syaanw’a.
22
Na ana ma Isilaeli malika ũkanganĩ katĩ makinyĩle nthĩ nyũmũ: na iw’ũ syatw’ĩka ũvai kwoo kw’okonĩ kwoo kwa aũme na kwa aka.
23
Na Amisili mamaatĩĩa, na malika ũkanganĩ katĩ ĩtina woo, mbalasi syonthe sya Valao, na makasya make ma kaũ, na andũ make ala matũlĩte mbalasi.
24
Na kweethĩwa ũsyaĩĩsyonĩ wa kĩoko, Yeova asisya nguthu ya Amisili e kĩtuĩnĩ kya mwaki na mũumbĩ, na athĩn’ya nguthu ya Amisili.
25
Na aumya ndĩa sya makasya moo, na matwawa na vinya; na ĩndĩ Amisili masya, Tũkĩe tume ũthyũnĩ wa Isilaeli; nũndũ Yeova nũnũũmokitĩa kwa Amisili.
26
Na Yeova amwĩa Mose, Tambũũkya kw’oko kwaku ĩũlũ wa ũkanga, nĩ kana iw’ũ isyokeanĩe ĩngĩ ĩũlũ wa Amisili, na ĩũlũ wa makasya moo ma kaũ, na ĩũlũ wa andũ moo matũlĩte mbalasi.
27
Na Mose atambũũkya kw’oko kwake ĩũlũ wa ũkanga, na kwakya ũkanga wasyoka waenda na vinya o ũndũ waendaa; na Amisili mookĩa; na Yeova anangĩa Amisili ũkanganĩ katĩ.
28
Na iw’ũ syasyokeanĩa, syavw’ĩka makasya ma kaũ, na andũ ala matũlĩte mbalasi, o na nguthu yonthe ya Valao ĩla yamavikĩlĩle ũkanganĩ; kũtyaatialw’a o na ũmwe woo.
29
Ĩndĩ ana ma Isilaeli makinyĩla nthĩ nyũmũ ũkanganĩ katĩ; na ila iw’ũ syatw’ĩka ũvai kwoo kw’okonĩ kwoo kwa aũme na kwa aka.
30
Ũũ nĩw’o Yeova watangĩĩe Isilaeli mũthenya ũsu kũmaumya kw’okonĩ kwa Amisili; na Isilaeli moona Amisili me akw’ũ ũtee wa ũkanga.
31
Na Isilaeli moona ũndũ ũsu ũnene ũla Yeova wekie Amisili, na andũ makĩa Yeova: na meetĩkĩla Yeova, na mũthũkũmi wake Mose.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40