bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Exodus 12
Exodus 12
Kamba (Mbivilia) 1956
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 13 →
1
Na Yeova aneena na Mose na Aluni nthĩ ya Misili, akĩmea,
2
Mwei ũũ ũkeethĩwa mwei wa mbee wa mwaka kwenyu.
3
Neenai na ũmbano w’onthe wa Isilaeli, mũkĩwĩa, Mũthenya wa ĩkũmi wa mwei ũũ nĩmeĩyosea kĩla mũndũ katena ka ĩlondu, kwĩanana na nyũmba sya aaĩthe moo, o kĩla nyũmba katena:
4
ne ethĩwa andũ ma nyũmba nĩ anini matamina katena, nĩvo ĩndĩ we na mũtũi wake ũla ũthengeanĩa na nyũmba yake meosa kamwe kwĩanana na ũtalo wa andũ; o kwĩanana na ũndũ kĩla mũndũ ũĩsaa mwĩtala ũndũ wa katena,
5
Katena kenyu kakethĩwe kate kĩema. Kaũme ka mwaka ũmwe: mwĩkaumya malondunĩ, kana mbũinĩ:
6
na mwĩkaia kũvika mũthenya wa ĩkũmi na ĩna wa mwei o ũsu: na ũmbano w’onthe wa ĩkomano ya Isilaeli wĩkoaa wĩoo.
7
Na meosa nthakame ĩmwe yako, na makĩmĩvaka mĩtĩnĩ ĩlĩ yĩ ndee sya mũomo, o na kĩthaku, nyũmbanĩ ila meũkaĩĩa.
8
Na meya nyama syako ũtukũ o ũsu, syĩ mbĩvye na mwaki, vamwe na kĩmũtu kĩte ĩlawa; maiĩsanĩsya na nyũnyi syĩ ũũ.
9
Mũtikaiye syĩ mbĩthĩ, o na syĩ ndue na manzĩ ĩndĩ syĩ mbĩvye na mwaki; mũtwe wako vamwe na maũũ mako na mavu.
10
Na mũtikatialye kendũ kamwe kako kũvika kĩoko; ĩndĩ kĩla kĩtiala kyako kũvika kĩoko mwĩvĩvya na mwaki.
11
Na mwĩkaya ũũ: mwĩĩthĩwa mwĩvotoete kĩnyunyunĩ kyenyu; mwĩ na iatũ syenyu maũũnĩ, na ndata syenyu mokonĩ: na mwĩkaya mwĩkalaatĩte: nĩ vasaka wa Yeova.
12
Nĩkwĩthĩwa ngavĩtĩla ũtukũ ũsu nthĩ ya Misili, na ngakũna makithathi onthe nthĩ ya Misili, ya mũndũ o na ya nyamũ; na ngasilĩla ngai syonthe sya Misili: ninyie Yeova.
13
Na nthakame ĩkeethĩwa ũvano kwenyu nyũmbanĩ ila mũĩ: na yĩla nĩona nthakame, ngavĩtĩla ĩũlũ wenyu, na kũtikethĩwa ũthĩn’yo kwenyu wa kũmwananga, yĩla nĩkũna nthĩ ya Misili.
14
Na mũthenya ũũ ũkeethĩwa ũlilikan’yo kwenyu, na mũkoovatha wĩthĩwe wa mboka kwondũ wa Yeova: mosyaanĩonĩ menyu onthe mũkoovatha wĩthĩwe wa mboka kwĩanana na ũtw’ĩo wa tene na tene.
15
Mũkaye kĩmũtũ kĩte ĩlawa mĩthenya mũonza; o mũthenya wa mbee mũkaumye ĩlawa myũmbanĩ syenyu: nĩkwĩthĩwa o ũla ũkaya kĩmũtũ kĩ ĩlawa kuma mũthenya wa mbee kũvika mũthenya wa mũonza, mũndũ ũsu akavetwa kuma kwa Isilaeli.
16
Na mũthenya wa mbee kũkethĩwe ũmbano mũtheu kwenyu, na ũmbano mũtheu mũthenya wa mũonza naw’o; kũtikethĩwe wĩa o na wĩva ũkatethw’a nthĩnĩ wayo, keka ũsu wa kwĩanĩsya vata wa kĩla mũndũ wa kũya, no ũsu mwĩ na ũthei wa kũtethya.
17
Na mũkalilikanae mboka ya kĩmũtũ kĩte ĩlawa: nĩkwĩthĩwa mũthenya o ũsu nĩnumĩtye nguthu syenyu nthĩ ya Misili: kwondũ wa ũu mũkalilikanae mũthenya ũsu mosyaanĩonĩ menyu kwĩanana na ũtw’ĩo wa tene na tene.
18
Mũthenya wa ĩkũmi na ĩna wĩoo, mwei wa mbee, mũkaye kĩmũtũ kĩte ĩlawa, kũvika mũthenya wa mĩongo ĩlĩ na ũmwe wĩoo.
19
Mĩthenya mũonza kũtikooneke ĩlawa nyũmbanĩ syenyu: nũndũ o ũla ũkaya kyu kĩ na ĩlawa, mũndũ ũsu akavetwa kuma ũmbanonĩ wa Ĩsilaeli, ethĩwa nĩ mwĩkali wa ũeninĩ, kana o ũmwe ũsyaĩtwe nthĩ ĩsu.
20
Mũtikaye kĩla kĩ na ĩlawa o na kĩmwe; mũkaye kĩmũtũ kĩte ĩlawa mawĩkalonĩ menyu onthe.
21
Nĩvo ĩndĩ Mose wametie atumĩa onthe ma Isilaeli, na amea, Thii mwose tũtena twa malondu kwĩanana na mĩvĩa yenyu, mũae vasaka.
22
Na osai ĩseve ya ĩsovo, na mũkĩinda nthakamenĩ ĩla ĩ ĩsaaninĩ ĩnene, na mũikũnanga kĩthaku na mĩtĩ ĩlĩ yĩ ndee sya mũomo na nthakame ĩla ĩ ĩsaaninĩ ĩnene; na kũtikethĩwe ũmwe wenyu wĩumaala mũomonĩ wa nyũmba kwake kũvika kĩoko.
23
Nũndũ Yeova akavĩtĩla nthĩ akũne Amisili; na yĩla wĩona nthakame kĩthakunĩ, na mĩtĩnĩ ĩlĩ yĩ ndee sya mũomo, Yeova akavĩtĩla ĩũlũ wa mũomo ũsu, na ndakanenga mwanangi ũthei alike nyũmbanĩ syenyu amũkũne.
24
Na mũkalilikana ũndũ ũũ ũtw’ĩke ũtw’ĩo kwaku na kwa ana maku kũvika tene na tene.
25
Na kũkeethĩwa, yĩla mũkavika nthĩ ĩla Yeova ũkamũnenga, kwĩanana na ũndũ wathĩte, mũkalilikanae ũthũkũmi ũũ.
26
Na kũkeethĩwa, yĩla syana syenyu ikamũkũlya, Ũthũkũmi ũũ nĩ ũndũ wa kĩ kwenyu?
27
Nĩvo ĩndĩ mũkasyĩa, Nĩ nthembo ya vasaka wa Yeova, ũla wavĩtĩle ĩũlũ wa nyũmba sya ana ma Isilaeli Misili, yĩla woaie Amisili, na avonokya nyũmba sitũ. Na andũ makunamya mĩtwe na kũthaitha.
28
Na ana ma Isilaeli maenda, na meeka ũu; o tondũ Yeova wameaĩe Mose na Aluni, now’o meekie.
29
Na kweethĩwa ũtukũ katĩ, kana Yeova akũna makithathi onthe me nthĩ ya Misili, kuma ĩkithathi ya Valao ũla wekalĩte kĩvĩlanĩ kya ũsumbĩ kũvika ĩkithathi ya ũla mwove wĩ kasũmbanĩ ke nthĩnĩ wa nthĩ; o na makithathi onthe ma ĩndo.
30
Na Valao ookĩla ũtukũ, we, na athũkũmi make onthe, na Amisili onthe; na kwaĩ kĩĩo kĩnene Misili; nũndũ kũtyaĩ nyũmba ĩtakw’ĩte mũndũ.
31
Na eeta Mose na Aluni ũtukũ, na amea, Ũkĩlai, mume andũnĩ makwa, inyw’ĩ o na ana ma Isilaeli; na mũithi, mũthũkũme Yeova, o tondũ mwaisye.
32
Osai ndĩthya syenyu sya mbũi na malondu na ndĩthya syenyu sya ng’ombe, o tondũ mwaisye, na mũithi; na mũingathima nakwa.
33
Na Amisili mamathing’ĩĩsya andũ mũno, mamaumye nthĩ na mĩtũkĩ; nũndũ maisye, Ithyonthe twĩ andũ akw’ũ.
34
Na andũ moosa ngũmbwa sya mũtu itaamba kwĩkĩwa ĩlawa, na syĩndũ syoo ila iluĩlawa mũtu syoveewe ngũanĩ syoo maikũa na ituo.
35
Na ana ma Isilaeli meeka kwĩanana na ndeto ya Mose; na meetya Amisili mĩio ya wanake ya vetha, na mĩio ya wanake ya thaavu, na ngũa:
36
na Yeova atuma andũ mona ũseo methonĩ ma Amisili, kũvika mamanenga o kĩla meetisye. Na mamavuta Amisili.
37
Na ana ma Isilaeli maenda kyalo kuma Lamesesi kũvika Sukothi, aũme ta ngili maana thanthatũ ala maendete na maũũ, eka syana.
38
Na nguthu ya elikya yambata vamwe namo; na ndĩthya sya mbũi na malondu, na sya ng’ombe, indo nyingĩ mũno.
39
Na maua tũmũtũ tũte ĩlawa kuma ngũmbwanĩ sya mũtu ila maumie nasyo Misili; nũndũ ityaĩ na ĩlawa, nũndũ nĩmalũngilw’e Misili na vinya, na matyaatonya kwĩkalanga, o na matyaaĩseũvĩsya lĩu o na wĩva.
40
Na ĩndĩ, ĩvinda yĩla ana ma Isilaeli mekalĩte Misili yaĩ myaka maana ana na mĩongo ĩtatũ.
41
Na kweethĩwa, myaka ĩsu maana ana na mĩongo ĩtatũ yathela, mũthenya o ũsu kweethĩwa atĩ nguthu syonthe sya Yeova syauma nthĩ ya Misili.
42
Nĩ ũtukũ wa ũlilikanĩlwa Yeova mũno nũndũ wa kũmaumya nthĩ ya Misili: ũũ nĩw’o ũtukũ ũsu wa Yeova, wa ũlilikanawa mũno nĩ ana onthe ma Isilaeli mosyaanĩonĩ moo.
43
Na Yeova amea Mose na Aluni, Ũũ nĩ ũtw’ĩo wa vasaka; mũndũ wa nthĩ ĩngĩ o na wĩva ndakaye w’o;
44
ĩndĩ mũthũkũmi wa kĩla mũndũ ũla ũthooetwe na mbesa, yĩla wĩmwaĩka, nĩvo wĩya w’o.
45
Mwĩkali wa ũeninĩ, na mũthũkũmi ũtuvawa matikaye w’o.
46
Ũkaĩĩwe nyũmbanĩ o ĩmwe; mũtĩkaumaalye kasama o na kamwe nza kuma nyũmbanĩ; o na mũtikatũle ĩvĩndĩ yao.
47
Ũmbano w’onthe wa Isilaeli ũkoolilikanae.
48
Na yĩla mũeni ũkekala ũeni kwaku, na akyenda kũlilikana vasaka kwondũ wa Yeova, aũme make onthe nĩmaĩkwe, na ĩndĩ nathengeee oolilikane; na akeethĩwa ta ũmwe ũsyaĩwe nthĩ ĩsu: ĩndĩ mũndũ o na wĩva ũte mwaĩke ndakaye w’o.
49
Kũkeethĩwa mwĩao ũmwe wa ũla ũsyaawa kwenyu, na wa mũeni ũla wĩkalaa ũeni kwenyu.
50
Now’o ana onthe ma Isilaeli meekie; o tondũ Yeova wameaĩe Mose na Aluni, now’o meekie.
51
Na kweethĩwa mũthenya o ũsu, Yeova nĩwaumisye ana ma Isilaeli nthĩ ya Misili nguthu na nguthu.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40