bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Exodus 16
Exodus 16
Kamba (Mbivilia) 1956
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 17 →
1
Na maenda kyalo kuma Elimu, na ũmbano w’onthe wa ana ma Isilaeli wavika weũnĩ wa Sini, ũla wĩ katĩ wa Elimu na Sinai, mũthenya wa ĩkũmi na ĩtano wa mwei wa kelĩ ĩtina wa mauma nthĩ ya Misili.
2
Na ũmbano w’onthe wa ana ma Isilaeli wamanyungunyĩĩsya Mose na Aluni weũnĩ:
3
na ana ma Isilaeli mamea, Twenda kethĩwa tũnakwie nĩ kw’oko kwa Yeova twĩ nthĩ ya Misili, yĩla twekalaa vakuvĩ na mbisũ sya nyama yĩla twaĩsaa imũtũ tũkavũna; nũndũ nĩmũtũetete weũnĩ ũũ, mũae ũmbano ũũ w’onthe na nzaa.
4
Nĩvo ĩndĩ Yeova wamwĩie Mose, Sisya, ngamuĩsya mbua ya imũtũ kuma ĩtunĩ; na andũ makaumaalaa kĩla mũthenya makolan’ye sya kũmeanĩa mũthenya o ũsu, nĩ kana nĩmatate, ethĩwa makakinya mwĩaonĩ wakwa, kana ti w’o.
5
Na kũkeethĩwa mũthenya wa thanthatũ, makaseũvye ila mekũete, nasyo ikeethĩwa kũndũ kwĩlĩ sya ila makolanasya mũthenya na mũthenya.
6
Na Mose na Aluni mamea ana ma Isilaeli atĩĩ, Wĩoo, nĩvo mwĩmanya atĩ Yeova nũmumĩtye nthĩ ya Misili;
7
na kĩoko, nĩvo ĩndĩ mwĩona ũnene wa Yeova; nĩkwĩthĩwa nĩwĩw’aa monyungunyĩsyo menyu ĩũlũ wa Yeova: na ithyĩ twĩ aaũ, ũndũ mũũtũnyungunyĩĩsya ithyĩ?
8
Na Mose amea, Ũũ ũkeethĩwa, yĩla Yeova wĩmũnenga wĩoo nyama ya kũya, na kĩoko imũtũ sya kũmũvũn’ya; nĩkwĩthĩwa Yeova nĩwĩw’aa monyungunyĩsyo menyu ala mũmũnyungunyĩĩasya: na ithyĩ twĩ aaũ? Monyungunyĩsyo menyu mati ĩũlũ waitũ, ĩndĩ nĩ ĩũlũ wa Yeova.
9
Na Mose amwĩa Aluni, Tavya ũmbano w’onthe wa ana ma Isilaeli atĩĩ, Thengeeai Yeova; nũndũ nĩwĩw’ĩte monyungunyĩsyo menyu.
10
Na kweethĩwa, Aluni akĩneena na ũmbano w’onthe wa ana ma Isilaeli, masisya kwelekela weũnĩ, na sisya, ũtheu mũtisu wa Yeova waumĩla ũla mũumbĩnĩ.
11
Na Yeova aneena na Mose, akĩmwĩa,
12
Nĩnĩw’ĩte monyungunyĩsyo ma ana ma Isilaeli: neena namo, ũkĩmea, Wĩoo mũkaya nyama, na kĩoko mũkavũnw’a na imũtũ; na mũkamanya ninyie Yeova Ngai wenyu.
13
Na kweethĩwa wĩoo, ngwae syaumĩla syavw’ĩka mwako wa maeema: na kĩoko ĩmwe yathyũlũlũka mwako wa maeema.
14
Na ĩmwe yĩla yaĩ nthĩ yatw’ĩka, sisya, kw’onthe weũnĩ kwaĩ kĩndũ kĩnini kĩlinge kĩ nthĩ, kĩnini ta ĩmwe yĩkamĩtw’e nĩ mbevo.
15
Na yĩla ana ma Isilaeli makyonie, makũlan’ya ene kwa ene, Nĩ kyaũ? Nũndũ matyaamanya nĩ kyaũ. Na Mose amea, Nĩ imũtũ ila Yeova ũmũnengete mũye.
16
Ũũ nĩ ũla Yeova wĩaĩte, Kolan’yai kwĩanana na ũndũ kĩla mũndũ ũĩsaa; mũkose kya ĩmisi kĩla mũndũ, kwĩanana na ũtalo wa andũ menyu, kĩla mũndũ kwondũ wa asu me ĩeemanĩ kwake.
17
Na ana ma Isilaeli meeka ũu, na amwe makolan’ya nyingĩ na angĩ nini.
18
Na yĩla mathima na ĩmisi, ũsu wakolan’ya nyingĩ ndaatialĩlwa nĩ kĩndũ, na ũsu wakolan’ya nini ndaanyivĩwa; makolanasya kĩla mũndũ kwĩanana na ũndũ ũĩsaa.
19
Na Mose amea, Mũndũ o na wĩva ndakaitialye kũvika kĩoko.
20
Ĩndĩ matyaamwĩthukĩĩsya Mose; ĩndĩ amwe moo maitialya kũvika kĩoko, na syaya iinyu na syanyunga naĩ: na Mose amathilĩkĩa mũno.
21
Na maikolanasya syo kĩoko na kĩoko, kĩla mũndũ kwĩanana na ũndũ ũĩsaa: na syũa yavyũva, syatweka.
22
Na kweethĩwa, mũthenya wa thanthatũ makolan’ya imũtũ isu kũndũ kwĩlĩ, mamisi elĩ kĩla ũmwe: na anene onthe ma ũla ũmbano mooka, matavya Mose.
23
Na amea, Ũũ nĩ ũndũ Yeova ũneenete, Ũnĩ nĩ ũthũmũo mũuu, savato mũtheu kwa Yeova: kaangai ila mwĩkaanga, na uai ila mwĩua; na syonthe ila itialw’a mwie ũndũ wenyu syĩkale kũvika kĩoko.
24
Na maia kũvika kĩoko, o tondũ Mose wameaĩe: na ityaanyunga naĩ, o na ityaĩ kĩinyu o na kĩmwe nthĩnĩ wasyo.
25
Na Mose amea, Yai isu ũmũnthĩ; nũndũ ũmũnthĩ nĩ savato kwondũ wa Yeova: ũmũnthĩ mũtisyona weũnĩ.
26
Mũkaikolanasya mĩthenya thanthatũ; ĩndĩ mũthenya wa mũonza nĩ savato, itikethĩwa mũthenya ũsu.
27
Na kweethĩwa mũthenya wa mũonza, andũ amwe maumaala makolan’ye, na matyaaona o na vanini.
28
Na Yeova amwĩa Mose, Mwĩlea kũsũvĩa motw’ĩo makwa na mĩao yakwa kũvika ĩndĩĩ?
29
Sisya, nĩkwĩthĩwa Yeova nũmũnengete savato, kwondũ wa ũu nũmũnengae mũthenya wa thanthatũ ĩmũtũ sya mĩthenya ĩlĩ; ĩkalai kĩla mũndũ vandũ vake, mũndũ o na wĩva ndakaumaale kwake mũthenya wa mũonza.
30
Na kwondũ wa ũu andũ mathũmũa mũthenya wa mũonza.
31
Na nyũmba ya Isilaeli yeeta kĩndũ kyu Mana: na kyaĩ kyeũ, ta mbeke ya kolianda; na ũsamo wakyo waĩ ta tũmĩkate tũvũthũ tũvulanĩtw’e na ũki wa nzũkĩ.
32
Na Mose asya, Ũũ nĩ ũla Yeova wĩaĩte, Ĩmisi yusĩe kyo yiwe yĩkale ũndũ wa mosyaanĩo menyu, nĩ kana mone lĩu namũathĩasya weũnĩ, yĩla namumisye nthĩ ya Misili.
33
Na Mose amwĩa Aluni, Osa kavisũ, wĩkĩe mana wa ĩmisi yusĩe nthĩnĩ wako, na ũkia mbee wa Yeova, ũsũvĩwe ũndũ wa mosyaanĩo menyu onthe.
34
O tondũ Yeova wamwĩaĩe Mose, Aluni awiie o ta ũu mbee wa Ĩsandũkũ ya Ũkũsĩ, ũsũvĩwe.
35
Na ana ma Isilaeli maĩsaa ũla mana myaka mĩongo ĩna, mũvaka mavika nthĩ yĩ andũ; nĩmaĩsaa ũla mana, mũvaka mavika mĩvakanĩ ya nthĩ ya Kanaani.
36
Na ĩndĩ ĩmisi yĩu nĩ kĩlungu kĩmwe kya ĩkũmi kya eva.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40