bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Exodus 34
Exodus 34
Kamba (Mbivilia) 1956
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 35 →
1
Na Yeova amwĩa Mose, Asũvya masengea elĩ ma ĩvia mailyĩ ala ma mbee: nakwa ngaandĩka masengeanĩ ndeto ila syaĩ masengeanĩ ma mbee, ala ũnooaie.
2
Na wĩthĩwe wĩyũmbanĩtye kĩoko, nokyambata kĩĩmanĩ kya Sinai o kĩoko, na kumĩla vala nĩĩ ku mũtumbĩnĩ wa kĩĩma.
3
Na mũndũ o na wĩva ndakoke naku; o na mũndũ ndakoneke kĩĩmanĩ kyonthe; o na ndĩthya sya mbũi na malondu kana sya ng’ombe itikaĩthw’e vakuvĩ na kĩĩma kyu.
4
Nake asũvya masengea elĩ ma ĩvia mailyĩ ala ma mbee; na Mose ookĩla kĩoko tene, na ambata kĩĩmanĩ kya Sinai, o tondũ Yeova wamwĩaĩĩte, na atwaa masengea elĩ ma ĩvia kw’okonĩ kwake.
5
Na Yeova atheea mũumbĩnĩ, na aũngama e nake vo, na atavan’ya syĩtwa ya Yeova.
6
Na Yeova avĩtĩla mbee wake, na atavan’ya, Yeova, Yeova, Ngai wĩ tei na mũseo, ũtathataa mĩtũkĩ, na wĩ na wingĩ wa ũseo wĩ wendo na w’o;
7
ũla ũmaiĩaa ngili ngili ũseo wĩ wendo, na akĩekea ũthũku na ĩvĩtyo na naĩ; na ũla ũtakatw’a mũvĩtan’ya kwĩthĩwa ti mũvĩtan’ya o na ata, na akĩĩvanĩsya kwa syana ũthũku wa aaĩthe, o na kũvika nzũkũlũ, kũvika nzyawa ya katatũ na ya kana.
8
Na Mose eekalaata, na akunamya mũtwe, nthĩ, na athaitha.
9
Na asya, Ethĩwa yu nĩnonete ũseo methonĩ maku, ame Mwĩaĩi, nĩngũkũvoya, Mwĩaĩi naende katĩ waitũ; nũndũ nĩ andũ me na ngingo nyũmũ; naku tũekee ũthũku witũ na naĩ yaitũ, na ũitwosa twĩthĩwe ũtiĩwa waku.
10
Nake amwĩa, Sisya, nĩngũtianĩa ũtianĩo: ngeeka maũndũ ma ũseng’ya andũ maku onthe mene, o ala mataaĩkĩka nthĩ yonthe, kana mbaĩnĩ o na yĩkũ; na andũ onthe ala ũtwĩe katĩ woo makoona wĩa wa Yeova; nĩkwĩthĩwa nĩ ũndũ wa ũtĩsya ũla nĩĩka naku.
11
Sũvĩa ũla ngũkwĩaĩa mũnthĩ ũũ: sisya, nĩngũmalũngya maume mbee waku Mũamoli, na Mũkanaani, na Mũititi, na Mũvelisi, na Mũivi, na Mũyevusi.
12
Ĩsũvĩe mwene, ndũkatianĩe ũtianĩo na andũ ala matũaa nthĩ ĩla ũendete, ndũkese ũkũtw’ĩkĩa kĩtei:
13
ĩndĩ mũkanange ithembeo syoo, na kũtũlanga ilungu ituĩ syoo, na mũkateme Aselimu yoo ĩvalũke
14
(nĩkwĩthĩwa, we, ndũkaathaithe ngai ĩngĩ o na yĩva: nũndũ Yeova, ũla wĩtawa Wĩ‐kĩwĩu, nĩ Ngai wĩ kĩwĩu);
15
nĩ kana ndũkese kũtianĩa ũtianĩo na andũ ala matũaa ĩ nthĩ, na makeeka ũmalwaya makĩatĩĩa ngai syoo, na kũthembea ngai syoo, na ũmwe akakwĩta naku ũkaya nthembo yake;
16
na kũmevaĩsya ana maku eĩtu moo, na eĩtu moo makeeka ũmalwaya makĩatĩĩa ngai syoo, na kũtuma ana maku meka ũmalwaya makĩatĩĩa ngai syoo.
17
Ndũkeseũvĩsye ngai na syĩndũ ila ũtwekethetye.
18
Ũkalilikanae mboka ya kĩmũtũ kĩte ĩlawa. Ũkaĩsae kĩmũtũ kĩte ĩlawa mĩthenya mũonza, o tondũ nĩkwĩaĩĩte, ĩvinda yĩtw’ĩtwe mwei wa Avivu; nũndũ mwei wa Avivu nĩwaumie Misili.
19
Onthe ala mambaa kuma ĩvunĩ ya nyinyia nĩ makwa; o na ĩndo syaku ila nũme, o yĩla yĩsyawa mbee ya ng’ombe kana ĩlondu.
20
Na yĩla yĩsyawa mbee nĩ ĩng’oi ũkovosye na katena ka ĩlondu: na ethĩwa ndũkwenda kũyovosya ũkayĩtũle ngingo ĩndĩ. Makithathi onthe ma ana maku ũkamovosye. Na vati ũmwe o na wĩva ũkoka vala nĩĩ e na moko mathei.
21
Ũkatethasye wĩa mĩthenya thanthatũ, ĩndĩ mũthenya wa mũonza ũkathũmũae: ũkathũmũa ĩvinda ya kũĩma na ya kũketha.
22
Na ũkalilikanae mboka ya syumwa, o ya ũsyao wa mbee wa ngetha ya nganũ, na mboka ya ngetha mũminũkĩlyo wa mwaka.
23
Mavinda atatũ kĩla mwaka aũme maku onthe makonekae vala ve Mwĩaĩi Yeova, Ngai wa Isilaeli.
24
Nũndũ ngakũlũngĩlya mbaĩ syume mbee waku, na ngyongela mĩvaka yaku: o na vatikethĩwa mũndũ o na wĩva ũkew’ĩa nthĩ yaku ĩtomo, yĩla ũkambataa kwoneka vala ve Yeova Ngai waku mavinda atatũ mwaka.
25
Ndũkathembanĩsye nthakame ya nthembo yakwa na kĩmũtũ kĩ ĩlawa; o na nthembo ya mboka ya vasaka ndĩkatialw’e kũvika kĩoko.
26
Wa mbee wa ũsyao wa mbee wa nthĩ yaku ũkaete nyũmbanĩ ya Yeova Ngai waku. Ndũkaue katena ka mbũi na ĩia ya nyinyia wako.
27
Na Yeova amwĩa Mose, Andĩka ndeto ii: nũndũ kwĩanana na ndeto ii nĩnatianĩa ũtianĩo naku vamwe na Isilaeli.
28
Na aĩ vo vamwe na Yeova mĩthenya mĩongo ĩna na matukũ mĩongo ĩna; ndaaya kĩmũtũ, o na kũnyw’a manzĩ. Na aandĩka ala masengeanĩ ila ndeto sya ũtianĩo, o ĩla mĩao ĩlũmi.
29
Na kweethĩwa, yĩla Mose watheeie kuma kĩĩmanĩ kya Sinai e na ala masengea elĩ ma ũla ũkũsĩ kw’okonĩ kwa Mose, yĩla watheeie kuma kĩĩmanĩ, Mose ndaamanya kana kĩkonde kya ũthyũ wake nĩkyatisatisaa kwondũ wa kũneena nake.
30
Na yĩla Aluni na ana onthe ma Isilaeli moonie Mose, sisya, kĩkonde kya ũthyũ wake kyatisatisaa; na makĩaa kũmũthengeea.
31
Na Mose ameta; na Aluni na asumbĩki onthe ma ũmbano mamũsykea: na Mose aneena nao.
32
Na ĩtina ana onthe ma Isilaeli mathengeea: na ameaĩa onthe ala Yeova ũnaneenete nake kĩĩmanĩ kya Sinai.
33
Na yĩla Mose waminie kũneena nao, eevw’ĩka ũthyũ wake suka mũvũthũ.
34
Ĩndĩ yĩla Mose walikaa kwa Yeova aneene nake, aumya ũla suka, kũvika aumaala; na aumaala, na atavya ana ma Isilaeli o ũndũ wiaĩĩtwe.
35
Na ana ma Isilaeli moona ũthyũ wa Mose, atĩ kĩkonde kya ũthyũ wa Mose kyatisatisaa; na Mose eevw’ĩka ũthyũ wake ũla suka ĩngĩ, kũvika yĩla walika aneene nake.
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 35 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40