bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Exodus 4
Exodus 4
Kamba (Mbivilia) 1956
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 5 →
1
Na Mose asũngĩa na amwĩa, Ĩndĩ, sisya, matikambĩtĩkĩla, kana kwĩthukĩĩsya wasya wakwa: nũndũ makasya, Yeova ndaakumĩlĩla.
2
Na Yeova amũkũlya, Kĩla kĩ kw’okonĩ kwaku nĩ kyaũ? Na asũngĩa, Nĩ ndata.
3
Na amwĩa, Mĩkye nthĩ. Na amĩkya nthĩ, na yatw’ĩka nzoka; na Mose amĩkĩa.
4
Na Yeova amwĩa Mose, Tambũũkya kw’oko kwaku ũmĩkwate mwĩthe (na atambũũkya kw’oko amĩkwata, na yatw’ĩka ndata ĩ kw’okonĩ kwake);
5
nĩ kana metĩkĩle atĩ Yeova, Ngaĩ wa aaĩthe moo, Ngai wa Avalaamu, na Ngai wa Isaka, na Ngai wa Yakovo, nũkumĩlĩle.
6
Na ĩngĩ Yeova amwĩa, Yu likya kw’oko kwaku kĩthũinĩ kyaku. Na alikya kw’oko kwake kĩthũinĩ kyake: na yĩla wakumisye, sisya, kw’oko kwake kweethĩwa na mangũ, kwĩ kweũ ta ĩa.
7
Na amwĩa, Likya kw’oko kwaku kĩthũinĩ kyaku ĩngĩ. (Na alikya kw’oko kwake kĩthũinĩ kyake ĩngĩ; na yĩla wakumĩsye kĩthũinĩ kyake, sisya, kwaĩ kũalyũku ĩngĩ kũilyĩ mwĩĩ wake ũla ũngĩ.)
8
Na kũkeethĩwa, ethĩwa matikakwĩtĩkĩla, o na kwĩthukĩĩsya wasya wa kyama kya mbee, makeetĩkĩla wasya wa kyama kya kelĩ.
9
Na kũkeethĩwa, ethĩwa matiketĩkĩla o na syama isu ilĩ, o na kwĩthukĩĩsya wasya waku, nĩvo wĩtava manzĩ ma ũsĩnĩ ũmatulũle nthĩ nyũmũ: na manzĩ ala wĩtava ũsĩnĩ makatw’ĩka nthakame ĩũlũ wa nthĩ nyũmũ.
10
Na Mose amwĩa Yeova, Ame Mwĩaĩi, ndi mũneeni, kuma tene, o na yu waneena na mũthũkũmi waku; nũndũ nĩ mũndũ ũneenaa mbola, na ũĩmĩ wakwa nĩ mũito.
11
Na Yeova amwĩa, Ũla wombie kanyw’a wa mũndũ nũũ? O na nũũ ũtumaa mũndũ ũtaneena, kana kwĩw’a, kana nũũ ũtumaa ona, kana kũlea kwona? Ti nyie, Yeova?
12
Yu ĩndĩ, enda, nakwa ngeethĩwa nĩ vamwe na kanyw’a waku, na ngĩkũmanyĩsya ũndũ ũkaneena.
13
Na amwĩa, Ame Mwĩaĩi, nĩngũkũvoya, tũma na kanyw’a wa ũla wĩtũma.
14
Na ũthatu wa Yeova wamwakanĩa Mose, na amwĩa, Mwana‐a‐mwenyu Alunĩ, Mũlivai, nde vo? Nĩnĩsĩ atĩ nũtonya kũneena nesa. Na ĩngĩ, sisya, nĩwũkĩte akũthaũe: na akwona, akeew’a mũyo ngoonĩ yake.
15
Na ũkaneene nake, na kwĩkĩa i ndeto kanyw’anĩ wake: nakwa ngeethĩwa na kanyw’a waku, na kanyw’a wake, na ngĩmũmanyĩsya ũla mwaĩle kwĩka.
16
Nake akeethĩwa e mũneeni waku andũnĩ: na kũkeethĩwa, atĩ akeethĩwa ta kanyw’a kwaku, naku ũkeethĩwa ta Ngai kwake.
17
Na ũkakue ndata ĩno kw’okonĩ kwaku ĩla wĩkaa syama isu nayo.
18
Na Mose athi asyokea mũthoni Yethilo, na amwĩa, Nĩngũkwĩsũva, nenga ũthei nĩthi, nĩsyokee ana‐a‐ia makwa ala me Misili, nĩmanye ethĩwa me o thaũ. Na Yethilo amwĩa Mose, Enda na mũuo.
19
Na Yeova amwĩĩa Mose ku Mitiani, Thi, ũsyoke Misili; nũndũ andũ onthe ala mamanthaa thayũ waku nĩ akw’ũ.
20
Na Mose oosa mũka na ana make, na amatũlya ĩng’oinĩ, na asyoka nthĩ ya Misili: na Mose akua ndata ya Ngai kw’okonĩ kwake.
21
Na Yeova amwĩa Mose, Yĩla wĩsyoka Misili, ndũkatĩe kwĩka syama syonthe ila neekĩa kw’okonĩ kwaku, Valao ene: ĩndĩ ngoomya ngoo yake, na ndakalekya andũ mathĩ.
22
Naku ũkamwĩe Valao, Ũũ nĩw’o Yeova ũnũkwasya, Isilaeli nĩ mwana wakwa, ĩkithathi yakwa:
23
na nĩkũtavĩtye, Lekya mwana wakwa athi, anthũkũme; na nũleete kũmũlekya athi: sisya, ngooaa mwana waku, ĩkithathi yaku.
24
Na kweethĩwa, me nzĩanĩ vandũ va ũkoma, Yeova akomana nake, akyenda kũmũaa.
25
Nĩvo ĩndĩ Nzivola wosie ĩvia yũmũ yũĩ, na atila kĩkonde kya mbinũ ya mwana wake, na ekya maũũnĩ ma Mose; na amwĩa, Nĩ w’o, wĩ mũtwaani wa nthakame kwakwa.
26
Na kwondũ wa ũu Ngai amũeka. Nĩvo ĩndĩ Nzivola wamwĩie, Wĩ mũtwaani wa nthakame we, nũndũ wa nzaĩko.
27
Na Yeova amwĩa Aluni, Enda weũnĩ ũmũthaũe Mose. Na athi, na amũthaũĩa kĩĩmanĩ kya Ngai, na amũmumunya.
28
Na Mose atavya Alunĩ ndeto syonthe sya Yeova ila ũnamũtũmie nasyo, na syama syonthe ila ũnamwĩaĩe.
29
Na Mose na Aluni maenda na mamomban’ya atumĩa onthe ma ana ma Isilaeli:
30
na Aluni aneena ndeto syonthe ila Yeova ũnamũtavisye Mose, na eeka syama andũ mene.
31
Na andũ meetĩkĩla: na yĩla meewie kana Yeova nĩwũkĩte kũsisya ana ma Isilaeli, na kana nĩwonete monyamao moo, nĩvo ĩndĩ makunamisye mĩtwe yoo na mathaitha.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40