bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Exodus 29
Exodus 29
Kamba (Mbivilia) 1956
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 30 →
1
Na ũũ nĩ ũndũ ũla wĩmeka nĩ kana ũmavathan’ye methĩwe atheu, manthũkũmae wĩanĩ wa ũthembi: osa kasalũ kamwe na ndũũme ilĩ ĩte kĩema,
2
na kĩmũtũ kĩte ĩlawa, na tũmũtũ tũte ĩlawa tũvulanĩtw’e na mauta, na tũmĩkate tũvũthũ tũte ĩlawa tũvakĩtwe mauta: natw’o ũkatũseũvye twa mũtu wa nganũ mũvinyu mũno.
3
Na ũkatwikĩe kĩkavũnĩ kĩmwe, na ũkĩtũete twĩ kĩkavũnĩ, twĩ vamwe na kala kasalũ na ila ndũũme ilĩ.
4
Na ũkaete Aluni na ana make mũomonĩ wa yĩla ĩeema ya kũmbanĩa, na ũimathambya na manzĩ.
5
Na ũkose ila ngũa, na ũkĩkĩa Aluni ũla kanzũ, na ĩla ngũa ndasa ya evoti, na yĩla evoti, na kala kakalo ka kĩthũi, na ũimũvotoa na ũla mũsivi wa evoti ũtumĩtwe na ũĩ;
6
na ũkamwĩkĩe ĩla ngutw’a mũtwenĩ wake, na ũkĩkĩa ĩla ngovia ntheu ya ũsumbĩ iũlũ wa ĩ ngutw’a.
7
Nĩvo ĩndĩ wĩosa mauta ma kwĩtĩkĩsya, na ũitulũĩla mũtwe wake, na kũmwĩtĩkĩsya mauta.
8
Na ũkaete ana make, na kũmekĩa makanzũ.
9
Na ũkamavotoe na ĩla mĩsivi Aluni na ana make, na kũmekĩa tũkovila mĩtwe: na makeethĩwa na wĩa wa ũthembi kwĩanana na mwamũlo wa tene na tene: na ũkamavathan’ye Aluni na ana make methĩwe atheu.
10
Na ũkaete kala kasalũ ngalĩ ya mbee ya ĩeema ya kũmbanĩa: na Aluni na ana make makailĩĩle moko moo mũtwenĩ wa kala kasalũ.
11
Na ũkoaĩe kala kasalũ vu mbee wa Yeova, mũomonĩ wa yĩla ĩeema ya kũmbanĩa.
12
Na ũkose nthakame ĩmwe ya kala kasalũ, na ũkĩvaka mbyanĩ sya kĩthembeo na kyaa kyaku; na ũkatulũĩle nthakame yonthe ĩtinanĩ ya kĩthembeo.
13
Na ũkose mathunya onthe ala me ĩũlũ wa mavu, na koa mũvũthũ ũla ũvw’ĩkĩte ĩtema, na ila mbio ilĩ, na mathunya ala me ĩũlũ wasyo, na ũivĩvĩsya ĩũlũ wa kĩthembeo.
14
Ĩndĩ nyama ya kala kasalũ, na kĩthuma kyako, na mũyoo wako, ũkavĩvĩsye na mwaki ũtee wa mwako wa maeema: nĩ nthembo kwondũ wa naĩ.
15
Na ĩngĩ ũkose ĩla ndũũme ĩmwe; na Aluni na ana make makailĩĩle moko moo mũtwenĩ wa ĩla ndũũme.
16
Na ũkoae ĩla ndũũme, na ũkyosa nthakame yayo, na ũkĩmĩminzangĩsya ĩũlũ wa kĩthembeo kw’onthe.
17
Na ũkatilange ndũũme ilungu syayo, na ũithambya mavu mayo, na maũũ mayo, na kwia vamwe na ilungu syayo, na vamwe na mũtwe wayo.
18
Na ũkavĩvĩsye ndũũme yonthe ĩũlũ wa kĩthembeo: nĩ nthembo ĩvĩvĩaw’a Yeova; nĩ mũuke mũseo, nthembo ĩvĩvĩaw’a Yeova na mwaki.
19
Na ũkose ndũũme ĩla ĩngĩ: na Aluni na ana make makailĩĩle moko moo mũtwenĩ wa ĩla ndũũme.
20
Nĩvo ĩndĩ wĩũaa ĩla ndũũme, nokyosa nthakame ĩmwe yayo, na kwĩkĩa mũthyanĩ wa kũtũ kwa aũme kwa Aluni, na mũthyanĩ wa matũ ma aũme ma ana make, na kyani kĩla kĩnene kya moko moo ma aũme, na kyaanĩ kĩla kĩnene kya maũũ moo ma aũme, na kũminzanĩsya ĩla nthakame ĩũlũ wa kĩthembeo kw’onthe.
21
Na ũkose nthakame ĩmwe ĩla yĩ ĩũlũ wa kĩthembeo, na mauta amwe ma kwĩtĩkĩsya, na ũimĩminzangĩsya Aluni, na ngũanĩ syake, na ĩũlũ wa ana make, na ngũanĩ sya ana make vamwe nake: nake akavathanĩka, na ngũa syake, na ana make, na ngũa sya ana make vamwe nake.
22
Na ĩngĩ ũkose mathunya amwe ma ĩla ndũũme, na mwĩthe wayo, na mathunya ala mavw’ĩkĩte mavu, na koa mũvũthũ ũla ũvw’ĩkĩte ĩtema, na ila mbio ilĩ, na mathunya ala me ĩũlũ wasyo, na kũũ kwa kw’oko kwa aũme (nũndũ nĩ ndũũme ya kũmavathan’ya methĩwe atheu),
23
na kĩmũtũ kĩmwe, na kamũtũ kamwe kala kavulene na mauta, na kamũkate kamwe kavũthũ, kuma kĩkavũnĩ kya imũtũ ite ĩlawa ila syĩ mbee wa Yeova:
24
na ũkaie syonthe ĩũlũ wa moko ma Aluni, na ĩũlũ wa moko ma ana make, na ũivyũlangya syĩthĩwe nthembo ya kũvyũlw’a mbee wa Yeova.
25
Na ũkaumye mokonĩ moo, na ũivĩvĩsya kĩthembeonĩ ĩũlũ wa nthembo ya kũvĩvw’a, yĩthĩwe mũuke mũseo kwa Yeova: nĩ nthembo ĩvĩvĩaw’a Yeova na mwaki.
26
Na ũkose kĩng’eng’eto kya ndũũme ya Aluni ya ũvathan’yo, na ũivyũlangya kĩthĩwe nthembo ya kũvyũlw’a mbee wa Yeova: na kĩkeethĩwa kĩlungu kyaku.
27
Na ũkakĩvathe kĩthĩwe kĩtheu kĩla kĩng’eng’eto kya nthembo ya kũvyũlangw’a, na kũla kũũ kwa nthembo ya kũkĩlw’a, o kũla kũvyũlangaw’a, na kĩla kyũkĩlaw’a, kya ndũũme ya ũvathan’yo, o kyu kĩla kya Aluni, na kĩla kya ana make:
28
na kĩkeethĩwa kya Aluni na ana make, kĩthĩwe kĩlungu kyoo kũvika tene na tene kĩla kyumaw’a kwa ana ma Isilaeli; nũndũ nĩ nthembo ya kũkilw’a: na kĩkeethĩwa nthembo ya kũkĩlw’a kyumaw’a kwa ana ma Isilaeli kya nthembo sya nthembo syoo sya mũuo, o nthembo yoo ya kũkĩlĩlw’a Yeova.
29
Na ngũa ila ntheu sya Aluni ikeethĩwa sya ana make ĩtina wake, nĩ kana metĩkĩw’e mauta masyĩkĩĩte, na mavathanw’e methĩwe atheu masyĩkĩĩte.
30
Mwana ũla wĩtw’ĩka mũthembi vandũ vake akasyĩkĩe mĩthenya mũonza, yĩla wĩũka ĩeemanĩ ya kũmbanĩa athũkũme nthĩnĩ wa vala vandũ vatheu.
31
Na ũkose ĩla ndũũme ya ũvathan’yo, na ũiuĩa nyama syayo vandũ vatheu.
32
Na Aluni na ana make makaye nyama sya ĩla ndũũme, na kĩmũtũ kĩla kĩ kĩkavũnĩ, mũomonĩ wa ĩeema ya kũmbanĩa.
33
Nao makaye syĩndũ isu ila wĩw’anĩthyo woonekie nũndũ wasyo, imavathan’ye methĩwe atheu na kũmathesya: ĩndĩ mũeni ndakaiye, nĩkwĩthĩwa nĩ ntheu.
34
Na ethĩwa nyama o na yĩva ya ĩla ĩvathĩtwe yĩthĩwe ntheu, kana kĩmũtũ o na kĩva, ikatiala kũvika kĩoko, nĩvo ĩndĩ wĩvĩvya ila itialĩte na mwakĩ: itikaĩwe, nĩkwĩthĩwa nĩ ntheu.
35
Na ũkeke Aluni na ana make o ta ũu, kwĩanana na onthe ala nĩkwĩaĩĩte: ũkamavathan’ye mĩthenya mũonza methĩwe atheu.
36
Na ũkathembe kasalũ ka nthembo kwondũ wa naĩ kĩla mũthenya ĩthĩwe ya wĩw’anĩthyo: na ũkathesya kĩla kĩthembeo, yĩla wumasya nthembo ũndũ wa wĩw’anĩthyo kwondũ wakyo; na ũkakĩtĩkĩsye mauta, ũkĩvathan’ye kĩthĩwe kĩtheu.
37
Ũkaumye nthembo ya wĩw’anĩthyo mĩthenya mũonza kwondũ wa kĩthembeo, ũkĩvathan’ye: na kĩthembeo kĩkeethĩwa kĩ kĩtheu mũno vyũ; kĩndũ o na kĩva kĩla kĩkakiita kĩthembeo kĩkeethĩwa kĩ kĩtheu.
38
Na ĩndĩ ii nĩ ila ũkathemba kĩthembeonĩ: tũtena twa ĩlondu twĩlĩ twa mwaka ũmwe kĩla mũthenya ĩndĩ yonthe.
39
Katena ka ĩlondu kamwe ũkathembe kĩoko; na katena ka ĩlondu kala kangĩ ũkathembe wĩoo:
40
na vamwe na kala katena ka ĩlondu kamwe mũtu mũvinyu wa kĩlungu kya ĩkũmi kya eva ũvulanĩtw’e na kĩlungu kya kana kya ini ya mauta makime; na kĩlungu kya kana kya ini ya mbinyu kĩthĩwe nthembo ya kũnyuwa.
41
Na katena ka ĩlondu kala kangĩ ũkathembe wĩoo, na ũkakeke o tondũ wĩkie nthembo ya mũtu ya kĩoko, na ta nthembo ya kũnyuwa ya kũthembanĩsya nayo, ĩthĩwe mũuke mũseo, nthembo ĩvĩvĩaw’a Yeova na mwaki.
42
Ikethĩwe nthembo ya kũvĩvw’a ĩtatw’ĩkanaa mosyaanĩonĩ menyu onthe vu mbee wa Yeova mũomonĩ wa ĩeema ya kũmbanĩa, vala nĩkomanĩaa naku, nĩneeneae naku vo.
43
Na nĩvo nĩkomanĩaa na ana ma Isilaeli; na yĩla Ĩeema yĩkavathwa yĩthĩwe ĩtheu nĩ ũtheu mũtisu wakwa.
44
Na ngavathan’ya ĩeema ya kũmbanĩa yĩthĩwe ĩtheu, o na kĩla kĩthembeo: o na Aluni na ana make ngamavatha, nĩ kana manthũkũmae wĩanĩ wa ũthembi.
45
Nakwa ngekalaa katĩ wa ana ma Isilaeli, na ngeethĩwa nĩ Ngai woo.
46
Namo makamanya ninyie Yeova Ngai woo, ũla wamaumisye nthĩ ya Misili, nĩ kana nĩkalae katĩ woo: ninyie Yeova Ngai woo.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40