bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Leviticus 15
Leviticus 15
Kalenjin Bible (BUKUIT NE TILIL)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 16 →
1
Ak king’alalji Jehovah Musa ak Aron, kolenji,
2
Omwachi lagokab Israel, olenji, Ye tinyei chi kuseret eng’ bortanyi, komuruonit anyun amu kuseronoto.
3
Ak ni muruonindanyi ne bo kuseronoto: agot ngo mandoi tuguchoto eng’ bortanyi anan ngo kerak, ko muruonindanyi noto.
4
Ng’wanitu itogut age tugul ne rue inendet ne tinyei kuseret: ak ng’wanitu kiy age tugul ne tebe.
5
Ak mwetei chi age tugul ngoriennyi ne twaei itogunnyi, ak koungei eng’ beek, ak komuruonit agoi koimen.
6
Ak mwetei ngoroikyik, ak koungei eng’ beek inendet ne tebe kiy age tugul ne katebe chichoto tinyei kuseret, ak komuruonit agoi koimen.
7
Ak mwetei ngoroikyik inendet ne twaei bortab chichoto tinyei kuseret, ak koungei eng’ beek, ak komuruonit agoi koimen.
8
Ak ngo ng’utyi ne tinyei kuseronoto chito ne tilil; komwetei anyun ngoroikyik, ak koungei eng’ beek, ak komuruonit agoi koimen.
9
Ak ng’wanitu kiy age tugul ne kiitoi, si kotebe chichoto tinyei kuseronoto.
10
Ak muruonitu agoi koimen chi age tugul ne twaei kiy age tugul ne mi ole tebe: ak mwetei ngoroikyik inendet ne ibei tuguchoto, ak koungei eng’ beek, ak komuruonit agoi koimen.
11
Ak mwetei ngoroikyik chi age tugul ne katwa noto ne tinyei kuseronoto, ago katomo koun eunekyik, ak koungei, ak komuruonit agoi koimen.
12
Ak kituei teret ne kigiyai eng’ ng’ung’unyek ne katwa chichoto tinyei kuseret, ak kiuni eng’ beek kit age tugul ne kigiyae ketit.
13
Ak ye sob chichoto eng’ mianoto bo kuseret, koiityigei betusiek tisab che bo kaanyinyennyi, ak komwet ngoroikyik, ak koun bortanyi eng’ beek che rootei, ak kotililit.
14
Ak kocheng’jigei eng’ betut ne bo sisiit cheptugenik aeng’, anan arek aeng’ che bo taritik, ak konyo taitab Jehovah agoi kurgetab emait ne kituiyechin, kwo kogochi tisiindet:
15
ak kogoito tisiindet choto kobunji age kagochinetab tengekto, ak kobunji age kagochinet ne kibeelei; ak koyai tisiindet kagaigaet eng’ taitab Jehovah agobo inendet amu kuserennyi.
16
Ak ngoruotito chi age tugul, ak komanda keswekab iyotet eng’ bortanyi, koungei anyun borto tugul eng’ beek, ak komuruonit agoi koimen.
17
Ak kemwet ngoriet age tugul, ak muito age tugul, ne katiiny keswechoto, ak komuruonit agoi koimen.
18
Ak kwondo agine ne kaituiyogei ak muren, konyolu koungei ichek tuwai, ak komuruonitu tuwai agoi koimen.
19
Ak ngo tyech ng’ony kobogoriondo, ak konai kole, kaga betunnyi ne bo arawet, kotebe muruonindanyi betusiek tisab: ak komuruonit agoi koimen age tugul ne twaei inendet.
20
Ak ng’wanitu kiy age tugul ne siebei eng’ muruonindanyi: ak komuruonit kiy age tugul ne tebe.
21
Ak mwetei ngoroikyik chi age tugul ne twaei itogunnyi, ak koungei, ak komuruonit agoi koimen.
22
Ak mwetei ngoroikyik chi age tugul ne twaei kiy age tugul ne katebe kobogoriondonoto, ak koungei ak komuruonit agoi koimen.
23
Ak ngo mi tuguchoto itogut, anan ko eng’ kiy age tugul ne katebe kobogoriondonoto, ye katwa inendet kioto, komuruonitu agoi koimen.
24
Ak ngo ruiyo chi age tugul ak kobogoriondonoto, ak kotiiny inendet simwekab kobogoriondonoto, komuruonitu betusiek tisab chichoto; ak kong’wanit itogut age tugul ne karue.
25
Ak ngo bwanei korotik eng’ kobogoriot eng’ betusiek che chang’ che ma eng’ betusiek che kitabane, anan ngo siir betusiek che bo katabanennyi kobwanei; betusiechoto tugul che bwanei korotik che bo simwo eng’ inendet kogergeitu ak betusiek che kitabani: muruon inendet.
26
Kergeitu itogut age tugul ne rue eng’ betusiek che mong’une korotik ak itogutab betusiekab katabanennyi: ak muruonitu kiy age tugul ne tebe ko u muruonindab katabanennyi.
27
Ak muruonitu age tugul ne twaei tuguchoto, ak mwetei ngoroikyik, ak koungei, ak muruonitu agoi koimen.
28
Ago ngo kagogesgei mandaetab simwekyik, koiityigei anyun betusiek tisab, ak kotililit ye kagobata choto.
29
Ak eng’ betut ne bo sisiit konamjigei cheptugenik aeng’, anan arek aeng’ che bo cheptugenik, ak koipchi tisiindet, agoi kurgetab emait ne kituiyechin.
30
Ak kogoito tisiindet age kobunji kagochinetab tengekto, ak age kobunji kagochinet ne kibeelei; ak koyai tisiindet kagaigaet agobo inendet eng’ taitab Jehovah amu mandaetab simwekyik.
31
Otabani lagokab Israel ko u noto agobo simwekwak; si mabek kotinyei simwo, ye imuruon gonnyu ne mitei kwenunywa.
32
Bo ng’atutioni inendet ne tinyei kuseret, ak inendet ne mandoe keswekab iyotet, ak muruonitu amu noto;
33
bo kobogoriot ne kitabani amu simwekyik, ak muren ne tinyei kuseret, bo muren, ak ko bo kobogorio, ak ko bo inendet ne ruitos ak kobogorio ne ma tilil.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27