bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Leviticus 8
Leviticus 8
Kalenjin Bible (BUKUIT NE TILIL)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 9 →
1
Ak king’alalji Jehovah Musa kolenji,
2
Imut Aron ak werikyik, ak iib ngoroik, ak mwaita ne kiilse, ak kirgit ne bo kagochinetab tengekto, ak mengichik aeng’, ak aterut ne mi makatinik che ma kinde mermerek;
3
ak iyum tuiyet komugul eng’ kurgetab emait ne kituiyechin.
4
Ak kiyai Musa anyun ko u ye king’at Jehovah; ak kiiyumjigei tuiyet kurgetab emait ne kituiyechin.
5
Ak kilenji Musa tuiyet, Ni ko kit ne kogong’at Jehovah kole keyai.
6
Ak kiimut Musa Aron ak werikyik, ak koun ichek eng’ beek.
7
Ak kiilaakyi inendet ngoriet ne koi, ak kiratyi inendet birenet, ak kolaakyi ngoriet age, ak kolaakyi epod ak koratyi inendet birenetab epod, ne kiginab eng’ ng’omnatet, ak kogiich epod eng’ birenonoto.
8
Ak kiilaakyi inendet ngorietab teget: ak kiinde ngorionoto Urim ak Tumim.
9
Ak kigerji metit eng’ nariet; ak kiinde narianato ole bo togoch eurto ne bo tahabu, narianato tilil; ko u ye king’at Jehovah Musa.
10
Ak kinam Musa mwaita ne kiilse, ak koiil got koboto tuguk tugul che kimitei go, ak kotaban.
11
Ak kiisochinot mwaata kapkorosut konyil tisab, ak koiil kapkorosut ak tugukyik tugul, ak tabet, koboto kelunnyi, si kotaban tuguchoto.
12
Yeityo korong’ji mwaita ne kiilse metitab Aron, ak koiil inendet, si kotaban.
13
Ak kiimut Musa werikab Aron, ak kolaakyi ngoroik che koen, ak koratyi ichek birenoik, ak kigerji metowekwak eng’ chepkuloik che mengechen; ko u ye king’at Jehovah Musa.
14
Ak kiget kirgit ne bo kagochinetab tengekto: ak kiigonoor Aron ak werikyik eunekwak metitab kirgoto bo kagochinetab tengekto.
15
Ak kieny kirgoto; ak kitaach Musa korotik, ak kiile korotichoto kuinoikab kaptisisiet eng’ mornennyi, ak kiianyiny kaptisisiet, ak kitumji korotik kaptisisiet kel, ak kotaban, koyai kagaigaet agobo noto.
16
Ak kibut sunetik tugul che bo mo, ak kwambeleliet ne mitei koet, ak soromok tuwai, ak mwanikwak, ak kibeel Musa choto eng’ kaptisisiet.
17
Ago kibeel kirgit, ak muitanyi, ak banyekyik, ak eiyandennyi, eng’ sang’utab nganaset; ko u ye king’at Jehovah Musa.
18
Ak kikweri mengitab kagochinet ne kibeelei: ak kiigonoor Aron ak werikyik eunekwak metitab mengoto.
19
Ak koeny: ak kiise Musa korotik kaptisisiet komoswek tugul.
20
Ak kitilat mengoto kosach, kobiit kebeberwekyik; ak kobeel Musa metit, ak kebeberwechoto, ak mwanik.
21
Ak kiiun eng’ beek tugukab ke ak kelyek; ak kibeel Musa mengoto komugul eng’ kaptisisiet; ki kagochinet noto ne kibeelei koek nyamdutiet ne anyiny: ki kagochinet ne kigochin Jehovah kobunei mat; ko u ye king’at Jehovah Musa.
22
Ak kikweri mengit nin age, mengit ne bo boisietab katabanet: ak kiigonoor Aron ak werikyik eunekwak metitab mengoto.
23
Ak koeny; ak kitaach Musa korotikab mengoto, ak koiile walitab itit ne bo tai ne bo Aron, ak kiile mornet ne o ne bo eunnyi ne bo tai, ak mornet ne o ne bo keldanyi ne bo tai.
24
Yeityo komut werikab Aron, ak konde Musa korotik walitab itikwak che bo tai, ak eng’ morik che eechen che bo eunekwak che bo tai, ak eng’ morik che eechen che bo kelyekwak che bo tai: ak kiise Musa korotik kaptisisiet komoswek tugul.
25
Ak kibut mwanik, ak konem saruriet, ak sunetik tugul che bo mo, ak kwambelelietab koet, ak soromok tuwai, ak mwanikwak, ak chatit ne bo komostab tai.
26
Ak kiinem eng’ aterut ne bo makatinik che ma kinde mermerek, ne kimitei taitab Jehovah, makatiat agenge ne ming’in ne ma kinde mermerek, ak makatiat ne ming’in ne kogiile mwaita, ak makatiat agnge ne terter, ak kiigonoor choto mwaita barak, ak eng’ chatit barak ne bo tai.
27
Ak kiinde tugul eunekab Aron, ak eng’ eunekab werikyik, ak kiongoi choto eng’ taitab Jehovah koek kagochinet ne kiongoi.
28
Ak kiinem Musa tuguchoto eng’ eunekwak, ak koib kobeel eng’ kaptisisiet eng’ baragutab kagochinet ne kibeelei: kiek che itabanotin, koek nyamdutiet ne anyiny: ki kagochinet ne bunei mat ne kigochin Jehovah.
29
Yeityo koib Musa tagatet, ak kiongoi koek kagochinet ne kiongoi eng’ taitab Jehovah; ki kebebertab Musa noto eng’ mengoto bo boisietab katabanet; ko u ye king’at Jehovah Musa.
30
Kiinem Musa kebebertab mwaata kiilse, ak kebebertab korotik che kimi kaptisisiet, ak kiise Aron ak ngoroikyik, ak werikyik ak ngoroikab werikyik; ak kiianyiny Aron, ak ngoroikyik, ak werikyik, ak ngoroikab werikyik.
31
Ak kilenji Musa Aron ak werikyik, Oyoi banyek eng’ kurgetab emait ne kituiyechin: ak oam eng’ oloto koboto makatinik che mi aterut ne kigitabanji boisietab katabanet, ko u ye kiang’at, ale, Amei Aron ak werikyik choto.
32
Ak obeel eng’ ma banyek ak makatinik che kang’et.
33
Ak momandoi eng’ kurgetab emait ne kituiyechin eng’ betusiek tisab, agoi kosulda betusiekwok che kitabananenok: amu itabanok eng’ betusiek tisab.
34
Ko u ye kageyai rani, ko u noto kagong’at Jehovah keyai, si koyai kagaigaet agobo okwek.
35
Ak otebe kurgetab emait ne kituiyechin betusiek tisab bet ak kemoi, oribe kotigonutikab Jehovah, si mobegu: amu kaging’ata ko u noto.
36
Kiyai anyun Aron ak werikyik tuguk tugul che king’at Jehovah eng’ Musa.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
Recommended Reading
Commentary
Leviticus Commentaries
→
Devotional
Leviticus Devotional Guide
→
Get This Bible
Kalenjin Bible (BUKUIT NE TILIL) Study Bible
→