bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Leviticus 19
Leviticus 19
Kalenjin Bible (BUKUIT NE TILIL)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 20 →
1
Ak king’alalji Jehovah Musa kolenji,
2
Mwachi tuiyet komugul ne bo lagokab Israel, ilenji, Oegu che tililen: amu a tilil ane, Jehovah Kamuktaindeng’wong’.
3
Ingoiywei chi age tugul kamet, ak kwandanyi, ak orib sabatosiekyuk: a Jehovah Kamuktaindeng’wong’.
4
Amat omaste osub tuguk che matilei kiy, amoyachigei kanamonik che bo karik che kitanyi: a Jehovah Kamuktaindeng’wong’.
5
Ak ye ogochini Jehovah tiseiywot ne bo kagochinoik che bo kalyet, ogoite anyun si kobiit ketaachak.
6
Kiamei eng’ betunoto ogoitoi, ak eng’ betut ne bo aeng’: ak ngo ng’et kiy agoi betut ne bo somok, kebeel anyun choto eng’ ma.
7
Egu kit ne kiwechei ngot keam agot kitigin eng’ betut ne bo somok; magitaachei:
8
ak ibei tengektanyi chi age tugul ne amei, amu kareny kioto tilil ne b o Jehovah: king’etoi chichoto eng’ bikyik.
9
Ak ye ogesisie eng’ emeng’wong’, ko mat iges igesu luukwekab mbareng’ung’, amat iyumate turonik.
10
Ak ameturote mbareng’ung’ ne bo sabibuk, amat ikwei logoek che kagobutyi ng’ony; bagakyi choto kibananok ak toek: a Jehovah Kamuktaindeng’wong’.
11
Amochorse; amoberberisie, amomwachige lembech.
12
Amoyosiechige eng’ kainennyu eng’ lembech, agoi ireny kainetab Kamuktaindeng’ung’; a Jehovah.
13
Amesastae chitab kokweng’ung’, anan irebe kiy: amat inamdege melektab otwogindet kot koeech.
14
Amat isas chi ne ming’at, amende kiy ne riichei bich taitab ne korat, ak iywei Kamuktaindeng’ung’; a Jehovah.
15
Amat oyai ne ma bo iman eng’ kiruoget: ametiytii kibananok, anan igonyit che eechen: ago iruokyi chitab kokweng’ung’ eng’ imanda.
16
Amewe komosi ak komosi ichaamate biguk: ameuny ne kabar chitab kokweng’ung’: a Jehovah.
17
Amewech ne otupche eng’ muguleldang’ung’: ker kong’ iman chitab kokweng’ung’, si manamin tengekto amu inendet.
18
Ameyaakyi mugetut, anan isus ng’al agobo lagokab biguk, ago cham chitab kokweng’ung’ ko u ye ichamegei: a Jehovah.
19
Orib ng’atutikyuk. Amengorie tuga cheguk alage che ma tuga: ameyamechi mbareng’ung’ keswek aeng’ che terotin: amelaach ngoriet ne kigiyae usisiek che terotin.
20
Ak age tugul ne ruitos ak chepto ne otwogindet, ne kigiamji koito, ne tom kitiach, anan kechamji kwo; kiruokyin tuwai; magibarei, amu kitomo kitiach cheboto.
21
Ak ketu chichoto kagochinennyi ne bo chalwokto konyo ole mi Jehovah, agoi kurgetab emait ne kituiyechin, egu mengit noto, ne kagochinetab chalwokto.
22
Ak koyai tisiindet kagaigaet agobo inendet, koboto mengoto bo kagochinetab chalwokto eng’ taitab Jehovah, amu tengektanyi ne kogoyai: ak kenyochi kaat amu tengektanyi ne kogoyai.
23
Ak ye oit emonoto, ak ye kaomin ketik alak tugul che kiamei, oiit anyun logoekwak ole tomo kimuratan: egu eng’ okwek che tom kimuratan eng’ kenyisiek somok; magiamei.
24
Ago kianyinyi logoekwak tugul eng’ kenyit ne bo ang’wan, si kobiit kilosune Jehovah.
25
Ak oam logoekwak eng’ kenyit ne bo mut, si kobiit koiiywok logoek alak: a Jehovah Kamuktaindeng’wong’.
26
Amat oam kiy age tugul koboto korotikyik: amoboisie bonisiet, anan ong’orse.
27
Amobior metowekwok, ameng’em tabanwekab tamneng’ung’.
28
Amotil borwekwok agobo bik che begu, amobeel soremik alak tugul: a Jehovah.
29
Amegoite cheptang’ung’, koyait, koek chepkugonio; si maisub emet kugoinatet, ak konyi emet tengekto.
30
Orib sabatosiekyuk, ak ogonyit gonnyu ne tilil: a Jehovah.
31
Amobe oldab che boisie oik, anan bonik: amocheng’ate, si maing’wanitak: a Jehovah Kamuktaindeng’wong’.
32
Tononji ne tinyei kalwalek, ak igonyit boiyo, ak iywei Kamuktaindeng’ung’: a Jehovah.
33
Ameyachi ne ya toondet ne mi koboten eng’ emeng’wong’.
34
Igeitu toondet ne meng’isiei kobotok ak ne kisikyin ga, cham inendet ko u ye ichamege; amu kio toek eng’ emetab Misri: a Jehovah Kamuktaindeng’wong’.
35
Amoyai ne ma bo iman eng’ kiruoget anan ye okwai eng’ koindo, anan ye ogere eng’ nyigisindo, anan eng’ karogutik che bo tuguk che bei.
36
Oboisie kerutik che aechin che bo iman, ak kamanutik che bo iman eng’ nyigisindo, ak epah ne bo iman; ak hin ne bo iman; a Jehovah Kamuktaindeng’wong’ ne kiamutwak omong’une emetab Misri.
37
Ak osub ng’atutikyuk tugul, ak kiruogutikyuk tugul, ak oyai: a Jehovah.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27