bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Leviticus 26
Leviticus 26
Kalenjin Bible (BUKUIT NE TILIL)
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 27 →
1
Amat koyachigei tuguk che matilei kiy, amat olumdochige kanamwet ne kigiwai, anan toloita, amat onde koita ne kigiwai eng’ emeng’wong’, ogutung’ji; amu a Jehovah Kamuktaindeng’wong’.
2
Orib sabatosiekyuk, ak ogonyit gonnyu ne tilil. A Jehovah.
3
Ngobendate konetisiosiekyuk, ak orib ng’atutikyuk, ak oyai,
4
agonok anyun ropta eng’ betusiekyik, ak koii emet, ak koii ketikab mbar logoekwak.
5
Ak yamei kesutik che obore, agoi koit ruratetab ketikab logoek, ak itei ruratetab logoek kolset; ak oam amitwogikwok kot obiye, ak omeny emeng’wong’ eng’ kalyet.
6
Ak agonu kalyet eng’ emet, ak oruiye, ama biitu ne imuok; ak abeet tiong’ik eng’ emeng’wong’, ama bunei emeng’wong’ rotwetab chok.
7
Ak oon bunikwok, ak kobutyo eng’ taing’wong’ eng’ rotwetab chok.
8
Ak koon bikwok mutu bik bogol, ak koon bikwok bogolu elfusiek taman: ak kobutyo eng’ rotwetab chok eng’ taing’wong’ bunikwok.
9
Ak atokyinok agane togennyu, ak agonok iyotet, ak atesak; ak agimit kayomisennyu kobotok.
10
Ak oam tuguk che konorotin che bo keny, ak omoong’u che bo keny si kobiit ole ondoi che ogese.
11
Ak ande gonnyu kwenung’wong’; ama wechok sobondanyu.
12
Ak awendote kwenung’wong’, ak aegu Kamuktaindeng’wong’ ak oegu bikyuk.
13
A Jehovah Kamuktaindeng’wong’, ne kiamutwak omong’u eng’ emetab Misri, si mata oegu otwogikwak; ak kiairi ketikab choging’wong’, ak ang’eetak obe komie.
14
Ago ngo mogasa it, amoyai ng’atutichoto tugul;
15
ak ngot oesie konetisiosiekyuk, ak ngo wech sobonwekwok kiruogutikyuk, kot ko moyai ng’atutikyuk tugul, ago ngot obut kayomisennyu;
16
ayaiywok ni agane: ang’ate kamuiset konyonjok, ak chebuonit ak eset, che ng’emei konyek, ak kogochi sobondo kosagit; ak ogol keswekwok buch, amu amei bunikwok.
17
Ak aboruok neregekyuk, ak kebarak eng’ taitab bunikwok; ak koboiywok che wechok; ak omwei ko maonok chi.
18
Ak ngo mogasa it eng’ tuguchuto, abirok anyun konyil tisab kosiir, amu tengekwogikwok.
19
Ak airi menotetab kimnateng’ung’; ak ayai kipsengwet neng’wong’ koigei karnet, ak koigei emeng’wong’ sugunwet;
20
ak oboisie buch kimnateng’wong’; amu magonu emeng’wong’ ruratet, ak maiitos ketikab emet logoekwak.
21
Ak ngotila let, amogasa it, aibwok korotwek konyil tisab kosiir, ko u tengekwogikwok.
22
Ak ayogu tiong’ik che bo timin kobwa kwenung’wong’, che bwanei korebenok lagokwok, ak kobar tukwok, ak koyaak ong’ering’itu; ak koek kipkuberet ortinwekwok.
23
Ak ngo mocham anetak eng’ tuguchu, ago ngot otila let,
24
atilok let anyun ak okwek; ak abirok anyun anendet konyil tisab amu tengekwogikwok.
25
Ak aibwok rotwetab chok, ne yaakwok mugetut ne bo kayomiset; ak oyumjige nganasokwok: ak ayokwok koroito konyo kweng’wong’, ak kindeak eunekab bunikwok.
26
Ye atil amitwogikwok kong’ering’itu, kobeel anyun kobogorisiek tamanu amitwogikwok eng’ kapkoimaut agenge, ak kebimanwak amitwogikwok eng’ ratilit; ak oamisiei amobiyonyi.
27
Ak ngo mogasa it eng’ tuguchu tugul, ago otila let;
28
atilok let anyun eng’ bandanyu eng’ neregek che bichien, ak abirok agane konyil tisab amu tengekwogikwok.
29
Ak oam banyekab borwekab werikwok, ak che bo tibikwok.
30
Ak ang’eme awong’u komoswekwok che tororen, ak aluul kanamonikwok che bo asista, ak awirji muswekwok ole mi muswekab kanamonikwok; ak kowechok sobondanyu.
31
Ak ayai nganasokwok koek karotwek, ak ayai oldinwekwok che tililen koek kipkuberet; ma achame kong’ucha anyinyindab nyamdutikwok.
32
Ak ayai emet koek surkwen: ak kokwong’io bunikwok che menyei oloto.
33
Ak aiyestochok bororiosiek alak, ak ang’usu rotwetab chok kosubok: ak koguber emeng’wong’, ak koek karotwek nganasokwok.
34
Yeityo kobaibaitune anyun emet sabatosiekyik, eng’ betusiechoto ko kuberot, omi emetab bunikwok; komuuny anyun emet, ak kobaibait eng’ sabatosiekyik.
35
Imuunyi emet kota ko kuberot, eng’ kamuung’onoto kimanyor eng’ sabatosiekwok, ye kiomenye oloto.
36
Ak eng’ icheget che ng’etu eng’ okwek, ayokyini mugulelwekwak kaiyweisiet eng’ emotinwekab bunikwak; ak koon ichek cheetab sogot ne ibei usonet; ak komwei ichek, ko u chi ne mwee rotwetab chok, ak kobutyoti ye maonei chi.
37
Ak koriichgei ichegei eng’ ichegei, ko u eng’ taitab rotwetab chok, ye mami ne onei: ak monyoru kimnatet ne otononie eng’ taitab bunikwok.
38
Ak olusyi bororiosiek, ak koluguak emetab bunikwok.
39
Ak ichuchui che ng’etu eng’ okwek eng’ tengekwogikwak eng’ emotinwekab bunikwok; ak kogeny amu tengekwogikab kwanisiekwak kochuchui ko u ichek.
40
Yeityo kong’any tengekwogikwak, ak che bo kwanisiekwak eng’ kachiliilutikwak che kiyaiywa ichek, ak kogeny amu kitila let,
41
ak kiatil let agane ichek, ak amutu ichek kobwa emetab bunikwak: ngoming’ingei anyun mugulelwekwak che ma imuratanotin, ak kotaach biretab tengekwogikwak;
42
abwat anyun kayomisennyu ne kiayomisyi Jakobo; ak kayomisennyu agine ne kayomisyi Isak, ak abwat agine kayomisennyu ne kiayomisyi Abraham; ak abwat emet.
43
Ak kometo ichek emet, ak kobaibait eng’ sabatosiekyik, ye tebyei emonoto ko kuberot, ko mami ichek; ak kotaach biretab tengekwogikwak: amu kiesio kiruogutikyuk, ak kiwech sobonwekwak konetisiosiekyuk.
44
Agot nganda u choto tugul, ye mi emetab bunikwak, ko maesioi ichek, amaweche, amang’eme awong’u, ak mabute kayomisennyu koboto ichek: amu a Jehovah Kamuktaindenywa:
45
ago abwati amu ichek, kayomiset ne kiayomisyi boisiekwak, che kiamoong’u eng’ emetab Misri kogeeronu bororiosiek, si aek Kamuktaindenywa: a Jehovah.
46
Chu anyun konetisiosiek ak kiruogutik ak ng’atutik che kiyai Jehovah ak lagokab Israel eng’ tulwetab Sinai eng’ Musa.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27