bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
2 Kings 14
2 Kings 14
Lugbara (E’yo Siza Alatararu Munguniri BIBLIA)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 15 →
1
Te Amazia Yoasi mvi, opi Yudaari, e’do opi nyazu eli iri Yoasi Yehoahazi mvi opi Israelini opi nyazurisi.
2
Eli erini ovu kali iri ’drini towi erini e’dozu opi nyazurisi, eri nya opi eli kali iri drini oromi Yerusalemua. Andri erini ma ru Yehoadini Yerusalemuari’i.
3
Eri ’ye e’yo ovupi onyiru Yehova ma miliari, te trotro i a’bi Daudini ’yelerile ku; eri ’ye dria i ati Yoasini ’yelerile.
4
Te nzeni pari uruleru ’diyi ku; ’be yi ede edeta azini yi ve obiese pari uruleru ’diyia nga ’dani.
5
Eri eca ’dini, eri ka ne i isu okpo opiniri i dria ’bo, mbele eri ofu ati’ba ini i atini fupi ’diyi.
6
Te eri ofuni anzi ’ba nde ’diyini ku; ekile ovupi sizaru buku azitani Musaniri ma aliarile, ekile Yehovani azilerile kini, Ata ma ovu fuzaru anzi ma e’yosi ku, indi vini anzi ma ovu fuzaru ata ma e’yosi ku, te ’ba dria alu alu ma dra e’yo onzi yi ngulupinisi.
7
Eri ofu ’ba Edomua ’diyi alifu mudri e’bu A’inia, eri ’du Selani ombasi, ’da runi Yokiteli’i ecazu andru.
8
Vutinia Amazia nga ojio ma ti pe Yehoasi, Yehoahazi Yehu mvi ma mvi opi Israeliari vu ’yozu kini, Mi emu, ama one ama milia milia.
9
Te Yehoasi opi Israeliari pe ’ba ti Amazia opi Yudaari vu ’yozu kini, Ocakayi Lebanoniari pe ’ba ti mario Lebanoniari vu, ’yozu kini, Mi fe mi zini ma mvi dri okuru; te nguru Lebanoniari aga ’dale, otu ocakayi nderi pasi.
10
Adaru mi co Edomuni ’bo, asi mini ovu afusi ani. Mi enya mi e’yo nderisi, mi te angu minia; te mi le fi e’yo ’diri ma alia aka apadriru, candi isuzu, mini ngazu e’dezu Yuda be tualu a’disi ya?
11
Te Amazia leni e’yo eri ku. ’Dini Yehoasi opi Israeliniri tu uru, yi one yi milia milia Amazia opi Yudaari be Beti-semesi aku Yudaaria.
12
Te Israeli aga Yuda ra, yi dria alu alu nzu hema yinia ani.
13
Te Yehoasi opi Israeliniri bi opi Yudaari Amazia, Yehoasi Ahazia mvi ma mvini, Beti-semesia, eri ca vini Yerusalemua, asu abi kaliru ’Yerusalemuari va engazu kalitile Efiraimuniria cazu kalitile kalaaria, ekile wuale turu sule.
14
Eri wu mele pi, dahabu pie, afazu dria jo Yehovaniri ma alia ’diyi pi, azini ovupi lonyi aje be ambo opi ma jo aliari ma eselia ’diyi pie, ’ba obile aruru ’diyi pie, yi mvi Samariaa.
15
’Yeta azini dria Yehoasini ’yele ’diyi, okpo erini pie, e’yo erini a’di ’dizu Amazia opi Yudaari beri pie, yi sini yi buku opi Israelini ’diyi ma e’yo ecezuri ma alia ku ya?
16
Te Yehoasi la i a’bipi be, yi sa eri Samariaa opi Israelini ’diyi be; te Yeroboamu mvi erini nya opi eri ma pariani.
17
Amazia Yoasimvi,opi Yudaari, ovu idriru eli mudri drini towi Yehoasi Yehoahazi mvini drazuri ma vutia.
18
’Yeta azini dria Amaziani ’yele ’diyi, yi sini yi buku opi Yudaa ’diyi ma e’yo ecezuri ma alia ku ya?
19
’Ba yi otu e’yo eri ruaa Yerusalemua, eri apa Lakisia ani. Te yi pe ’ba ti eri ma vutisi Lakisia, fu eri ’dale.
20
Te yi eji eri ma avu akanya dria; sa eri Yerusalemua i a’bipi be tualu aku Daudiniria.
21
’Ba Yudaa ’diyi dria nga Azaria ovupi eli be mudri drini aziari ’du, ’ba eri opiru ati Amazia ma paria.
22
Opini lazu i a’bipi beri ma vutia, eri nga Elatini si, omvi eri Yuda vu.
23
Yeroboamu Yoasi mvi opi Israeliniri e’do opi nyazu Samariaa eli mudri drini towi Amazia Yoasi mvi opi Yudaarini opi nyazurisi, eri nya opi eli kali su drini alu.
24
Eri ’ye e’yo ovupi onzi Yehova ma miliari; kuni e’yo onzi Yeroboamu Nebati mvini ’yele, fele Israelini ’yele ’diyi ku.
25
Eri omvi lokiri Israelini engazu pari ’bani fizu Hamatiaria cazu miri Arabaaria, ekile e’yo Yehova Mungu Israelinirini ’yole ndra ati’bo ini nabiru Yona Amitai mvi ovupi Gati-heferiari ma tisirile.
26
Te Yehova ne inzata Israelini onzi turi, toko ku ’ba obile ati’baru aceni aluni ku ’ba kari’baru ’diyi be, indi vini ’ba Israeli ma aza kopiri yo.
27
Te Yehova ’yoni ndra ku i nga ru Israelini ini ’bu etiasi; te eri pa yi Yeroboamu Yoasi mvi ma drisi.
28
’Yeta azini dria Yeroboamuni, e’yo erini ’yele ’diyi pie dria, okpo erini pie, e’yo erini a’di ’dizuri pie, e’yo erini Damasiki pi o’duzu Yudaasi Hamati be yi omvizu Israeli driri pie, yi sini yi buku opi Israeliniri ’diyi ma e’yo ecezuri ma alia ku ya?
29
Te Yeroboamu la i a’bipi be tualu, adaru opi Israelini ’diyi be, te mvi erini Zekaria nya opi eri ma pariani.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25