bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
2 Kings 25
2 Kings 25
Lugbara (E’yo Siza Alatararu Munguniri BIBLIA)
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
1
Te Zedekia mbu opi Babuloniari ma ruaarisi amve. Eli oromi ma mba mudri ma o’du mudrisi erini opi nyazurisi, Nebukadineza opi Babuloniari emu asikari ongulumuru erini be dria a’di ’dizu Yerusalemua, yi ace eri kuru; yi ede pari okporu ombaniri ageinia dria.
2
’Dini yi ace aku nde agei cazu eli mudri drini alu Zedekiani opi nyazurisi.
3
Mba su ma o’du oromisi liki ’de ambo aku nderia, ’dini nyaka ’ba angu ndea ’diyi dri yo.
4
Te yi anyo geri abi ruaa, te inisi ’ba dria ombani ’diyi yi apa geri kalitile abi iri eselia ovupi amvu opiniri ageiarisi, te ’ba Kalideyaa ’diyi ace aku agei kuru. Te yi mu geri Arabaarisi.
5
Te asikari ongulumuru ’ba Kalideyani ’diyi nga opi ma vuti dro ra, yi nga eri isu angu senderu Yerikoaria; te asikari ongulumuru erini ’diyi dria ere yi eri vusi.
6
Yi bi opini, ji eri uru Ribilaa opi Babuloniari vu; li e’yo eri ma dria.
7
Yi ofu agupianzi Zedekiani eri milia ayii, yi oso mile Zedekiani ra, ’i eri anzirikusi, ji eri Babulonia.
8
Mba towi ma o’du azirisi-’di eli mudri drini oromi Nebukadineza opi Babuloniarini opi nyazurisiambo asikari opi agei tepi ’diyi ma driliari, Nebuzaradani ati’bo opi Babuloniarini, eca Yerusalemua.
9
Eri eve jo Yehovani pi jo opini pie, jo dria Yerusalemua ’diyi pie; eri eve jo ambo ambo ’diyi dria acisi.
10
Asikari ongulumuru ’ba Kalideyani dria ovupi ambo asikari opi age tepi ’diyi driliari be ’diyi, yi onyo abi kaliru Yerusalemuari kala vusi kala vusi.
11
Te ’ba joloko acepi aku nde alia ’diyi, azini ’ba apapi yi ojapi opi Babuloniari vu ’diyi pie, ’ba ongulumuru ma joloko ’diyi pie, Nebuzaradani ambo asikari opi agei tepi ’diyi ma driliari ’du yi ji ovuzu ati’baru.
12
Te ambo asikari opi ’agei tepi ’diyi ma driliari ku ’ba alioemveru angu ndea ’diyi ma azi pati zabibuni ma agei tezu azini nga ’yazu.
13
Te afa i’dile pa sopi piriru molaru ovupi jo Yehovani ma alia ’diyi pi afa etini ’bazu ’diyi pie, otaka molaru miriniri pie, ovupi jo Yehovani ma alia ’diyi, ’ba Kalideyani ’diyi onyo yi nyingiriki, omvu mola afa ndeni ji Babulonia.
14
Yi onze vini imvu pi, pau pie, akpaa pie, kabile pie, afazu molaru azi ngazu dria ’diyi pie.
15
Ambo asikari opi agei tepi ’diyi ma driliari ji vini imvu ajikoru acioluni ’diyi pie, awala ’diyi pie. Eri ’du afa ovupi meleru ’diyi ma meleni, eri ’du vini afa ovupi dahaburu ’diyi ma dahabuni.
16
Mola ovupi afa iri i’dile pa sopi piriru ’diyi pi ma ruaari, miri alu nderi pie, afa etini ’bazu ’diyi pie, Sulemanini edele jo Yehovani dri ’diyi, econi nziza yini o’bizaru ku.
17
Afa piriru ’diyi ma alu ma zoza ovu wuale mudri drini aro, dri molaru ovu drinia; dri nde ma zoza uruleru ovu wuale na; emba onyiafaruri pi ovu dri nde ageia kuru pomegranateni be, yi dria molaru. Afa piriru iriri ovu afa onyiafaru be trotro ’diyile, emba be indi.
18
Te ambo asikari opi agei tepi ’diyi ma driliari bi kuhani ambo agapiri Seraya pi, Zefania kuhani eri vutiari pie, ’ba na pari ’bani fizuri agei tepi ’diyi pie;
19
azini aku amboa eri bi ambo alu ovupi ’ba ombaa ’diyi ma driliari pie, ’ba towi ovupi opi vu ogogo ovupi aku nde alia ’diyi pie; ’ba e’yo sipi ambo adripi ’ba okupi angu nderiari vileri pie; azini ’ba kali azia yini isule aku nde alia ’diyi pie.
20
Te Nebuzaradani ambo asikari opi agei tepi ’diyi ma driliari ’du yi, ji yi Ribilaa opi Babuloniari vu.
21
Te opi Babuloniari co yi, ofu yi Ribila angu Hamatiaria. ’Dini yi ’du Yudani ati’baru angu yiniasi. ’Ba acepi ’diyini apasu Misiriari
22
Te eri ’ba Gedalia, Ahikamu Safani mvi ma mvini ovuzu ambo ’ba acepi angu Yudania Nebukadineza opi Babuloniarini kule ’diyi drilia.
23
Ambo asikari drilia ’diyi dria ka eri, ’ba yini be, kini opi Babuloniari ’ba Gedaliani ovuzu ambo, yi nga ca ’ba yini be Gedalia vu Mizipaa, ’ba nde ’diyi ’di: Isimaeli Netania mvi pi, Yohanani Karea mvi pie, Seraya Tanihumeti Netofaari ma mvi pie, Yaazania Maakaari ma mvi pie.
24
Te Gedalia so oyo yi vu, ’ba yini vu indi, ’yo yi tia kini, Emi ru ati’ba ’ba Kalideyani ’diyi ku; emi ovu angu alia, emi nga azi opi Babuloniari dri, ka’dini e’yo eminini nga ovu onyiru.
25
Te eri eca ’dini mba azirisi, Isimaeli, Netania Elisama mvi ma mvini, eri suru opiniri, eri nga eca tualu ’ba mudri ’diyi be, eri adi Gedalia pi dria Mizipaa, ’ba Yahudini azini ’ba Kalideyani ovupi eri be i ’diyi pie, yi odra ra.
26
Te ’ba dria, ’ba toko ’diyi pi, ’ba ambo ’diyi pie, ambo asikari ongulumuru drilia ’diyi pie, yi nga enga, yi nga eca Misiria, a’disiku yini ’ba Kalideyani ’diyi rulerisi.
27
Eri eca ’dini, eli kali na drini aziri ma mba mudri drini iri ma o’du kali iri drini aziri Yehoyakinini ovuzu ati’boru angu aziniarisi, o’du ndesi Evili-merodaki opi Babulaniari, eli erini e’dozu opi nyazuri si, eri tru Yehoyakini opi Yudaari jo aruniasi;
28
te eri ’yo eri tia asi ndrizasi, eri ’ba oguna erini opiniri uru aga oguna opi ovupi eri be Babulonia ’diyini ra.
29
’Dini Yehoyakini tru bongo aruniri ruaasi ra. Eri nya nyaka etuzu opi drilia ewu erinisi dria;
30
te nyaka awaza erini ma e’yo ovu ’dini, awa nyaka eriniri ’dani, fe nyaka esele eriniri eri dri angu owu vusi, ewu erini ovuzu idrirurisi dria.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25