bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
2 Kings 2
2 Kings 2
Lugbara (E’yo Siza Alatararu Munguniri BIBLIA)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 3 →
1
Te eri eca ’dini, Yehovani ngazu ’yezu Eliyani ’duzu ’bua olirikosiria, isu Eliya pi mu tualu Elisa be Giligalia.
2
Eliya nga ’yo Elisa tia kini, Mi te ’doa, ma zi mi tia; Yehovani ma ti pele muzu kpere Beteliarisi. Te Elisa nga e’yo omvi kini, Ekile Yehovani ovule indirile, azini ekile orindi minini ovule indirile, ma ngani mi ku ku. ’Dini yi mu sizu va Betelia.
3
Nabianzi ovupi Betelia ’diyi, yi efu Elisa vu, ’yo eri tia kini, Mi ni Yehovani nga opi mini nze mi vusi andruri ra ya? Te eri ’yo kini, E, ma ni ra; emi adri ciri.
4
Te Eliya nga ’yo eri tia kini, Elisa, mi te ’doa, ma zi mi tia; Yehovani ma ti pele Yerikoarisi. Eri omvi eri tia, Ekile Yehovani ovule indirile, azini ekile orindi minini ovule indirile, ma ngani mi ku ku. Te yi ca Yerikoa.
5
Nabianzi ovupi Yerikoa ’diyi yi esi ogogo Elisa vu, ’yo eri tia kini, Mi ni Yehovani nga opi mini nze mi vusi andruri ra ya? Te eri omvi e’yo kini, E, ma ni ra; emi adri ciri.
6
Te Eliya nga ’yo eri tia kini, Mi te ’doa, ma zi mi tia; Yehovani ma ti pele Yoridaniarisi. Eri omvi eri tia kini, Ekile Yehovani ovule indirile, azini ekile orindi minini ovule indirile, ma ngani mi ku ku. Te yi iri mu tualu drile.
7
’Ba kali towi nabianzi eselia ’diyi mu indi, yi so pa yi ageia re were, yi iri tro ’diyini pa soria Yoridani tia.
8
Te Eliya nga bongo ’beza erini ’du, nga eri tra tualu, nga yi co ani, te yi nga esele co ra, ’dini yi aga yi eseliasi angu angaza driasi.
9
Eri nga eca ’dini, yi ka zo ’bo, Eliya nga ’yo Elisa tia kini, Mi zi ma tia e’yo mini lele ma ma ’ye mi driri oko de nga nzeni ma mi vusi ku. Te Elisa ’yo ra, Mi fe orindi mini ma esele ma dri paleko iri fo.
10
Eri ’yo ra, Mi zi e’yo ewaru; mi ka ma ne mani ovuria nzezaru mi vusiria, eri nga ovu mi dri ’dini; te ka yo, eri ngani ovu ’dini ku.
11
Eri eca ’dini, yini nga aciria e’yo ’yoria, mi ne, gari aciru azini akanya aciru ’diyi be, yi efu ’ba iri ’diyi esele cozu. Te Eliya tu ’bua oliriko okporusi.
12
Te Elisa ndre e’yo nderi, eri owu, Ata mani, ata mani! gari Israelini ’diyi, ’ba tupi akanya dria erini ’diyi be! Eri neni eri dika ku. ’Di ma vutia eri nga bongo i ngulupini bi, nga eri asi esele iri.
13
Eri nga bongo ’beza Eliyani, ibipi e’depi eri vuri ’du, eri mvi so pa Yoridani tia.
14
Eri nga bongo ’beza ibipi e’depi Eliya vuri ’du, nga yi co ani, kini, Yehova Mungu Eliyaniri ngoa ya? Eri ka yi co ’bo, yi nde awa yi esele iri ra; Elisa nga di aga eseleniasi ani.
15
Nabianzi Yerikoa pa sopi eri ageia re were ’diyi ne eri, yi ’yo, Orindi Eliyaniri ovu di Elisa ma dria. Yi emu dri fuzu eri be, yi avu va nyakua eri drilia.
16
Yi ’yo eri tia, Mi ne curu’do, ’ba okporu kali towi ovu tualu ama ati’ba mini ’diyi be; ama zi mi tia, mi fe geri yi dri muzu opi mini ndazu, kani Orindi Yehovani ’du eri uru ’bezu oni dria, kani e’bu azini alia. Te eri omvi, Emi ma pe ’ba ti ku.
17
Yi omi eri ’dani, eri ovu drinzasi e’yo ndesi, eri ’yo ani, Emi pe yi ti. Yi nga di ’ba kali towi ’diyi ma ti pe; yi nda eri o’du na, te ti, isuni eri ku.
18
Yi emvi eri vu erini teria Yerikoa, te eri nga ’yo yi tia kini, Ma ’yoni ndra emi tia, Emi ma mu ku, ’dini ku ya?
19
Agupi aku ndea ’diyi yi nga ’yo Elisa tia, kini, Mi ne, ama zi mi tia, aku ’dori ma angu ovu onyiru, ekile opi manini nelerile; te yi eri ovu onzi azini nyaka kani onyiru angu ndea ku.
20
Eri nga ’yo ra, Emi eji ma dri imvu o’diru, emi ’ba a’i alenia. Yi eji di eri vu ra.
21
Eri nga di mu yi a’di ndea, ’be a’i alenia, ’yo ra, Yehova ’yo ’dini, Ma ede yi nde aluzaru ’bo; dra ngani efu ani dika ku, angu ngani vini ku afa kakokoru dika ku.
22
’Dini yi nde ovu onyiru ecazu kpere andru, ekile Elisani ’yolerile.
23
Eri nga ’dale, muzu cazu Betelia; erini muria geri ururia, agupianzi efu akuasi, yi ogu eri, ’yozu, Mi dri be tuari, mi mu uru! Mi dri be tuari, mi mu uru!
24
Eri lu i vutia yi nezu, eri tri yi Yehova ma rusi. Nguru dubaru andriru iri ’diyi nga di efu oce aliasi, ovi agupianzi kali su drini iri yi eselia ’diyi, osi yi tra tra.
25
Engazu ’dale eri mu oni Karimelia, te engazu ’dale eri mvi Samariaa.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
Recommended Reading
Commentary
2 Kings Commentaries
→
Devotional
2 Kings Devotional Guide
→
Get This Bible
Lugbara (E’yo Siza Alatararu Munguniri BIBLIA) Study Bible
→