bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
2 Kings 15
2 Kings 15
Lugbara (E’yo Siza Alatararu Munguniri BIBLIA)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
1
Azaria Amazia mvi opi Yudaari e’do opi nyazu eli kali iri drini aziri Yeroboamu opi Israelinirini opi nyazurisi.
2
Eri ovu eli be mudri drini azia erini e’dozu opi nyazurisi, eri nya opi eli kali towi drini iri Yerusalemua. Andri erini ma ru Yekolia Yerusalemuaari’i.
3
Eri ’ye e’yo ovupi onyiru Yehova ma miliari, ekile e’yo dria ati Amaziani ’yelerile.
4
Te nzeni pari uruleru ’diyi ku; ’ba yi ede edeta azini yi ve obiese pari uruleru ’diyia ’dani.
5
Te Yehova co opini, ’dini eca ofu’baru cazu etu erini drazuria, eri adri jo be a’dule. Te Yotamu opi mvi ovu ’ba opi vile joa ’diyi ma drilia, eri li ’ba angu ndea ’diyi ma e’yo.
6
E’yo azini dria Azariani; ’yeta erini ’yele ’diyi pie dria, yi sini yi buku opi Yudaa ’diyi ma e’yo ecezuri ma alia ku ya?
7
Te Azaria la i a’bipi be, yi sa eri i a’bipi be tualu aku Daudiniria, te Yotamu mvi erini nya opi eri ma pariani.
8
Zekaria Yeroboamu mvi nya opi mba azia Israeli drilia Samariaa eli kali na drini aro Azaria opi Yudaarini opi nyazurisi.
9
Eri ’ye e’yo ovupi onzi Yehova ma miliari, ekile i a’bipini ’yelerile. Eri kuni e’yo onzi Yeroboamu Nebati mvini ’yele, fele Israelini ’yele ’diyi ku.
10
Te Salumu Yabesi mvi otu e’yo eri ruaa, co eri ’ba ongulumuru ma drilia, fu eri ra, nya opi eri ma pariani.
11
’Yeta azini dria Zekariani ’yele ’diyi, mi ne, yi si yi buku ’yeta opi Israelini ’diyi ma e’yo ecezuri ma alia.
12
E’yo ’diri ovu e’yo ndra Yehovani ’yole Yehu tiari, kini, Anzi mini nga ri oguna opi Israeliniri dria cazu anzi su ’diyi vu. Eri nga eca’dini.
13
Salumu Yabesi mvi e’do opi nyazu eli kali na drini oromi Uzia opi Yudaarini opi nyazurisi, eri nya opi mba alu Samariaa.
14
Te Menahemu Gadi mvi tu uru engazu Tirizaa cazu Samariaa, eri co Salumu Yabesi mvini Samariaa, fu eri ra, nya opi eri ma pariani.
15
’Yeta Salumuni azini ’diyi dria, e’yo erini otuleri be, mi ne, yi si yi buku ’yeta opi Israelini ’diyi ma e’yo ecezuri ma alia.
16
’Di ma vutia Menahemu co Tifisani, ’ba dria alenia ’diyi pie, angu esele erini ’diyi pie engazu Tirizaa; yini kalitile zile eri dri kurisi eri co eri, eri asi vini oku oporovuru ovupi alenia ’diyi dria ilisi.
17
Menahemu Gadi mvi e’do opi nyazu Israeli ma drilia eli kali na drini oromi Azaria opi Yudaarini opi nyazurisi, eri nya opi eli mudri Samariaa.
18
Eri ’ye e’yo ovupi onzi Yehova ma miliari; ewu erinisi dria eri kuni e’yo onzi Yeroboamu Nebati mvini ’yele, fele Israelini ’yele ’diyi ku.
19
Pulu opi Asuriaari nga emu a’di ’dizu angu ndea; te Menahemu fe Pulu dri dahabu onzi alifu alu, ’dini Pulu ma dri ma ko i ma aza okpo opi nyazaniri bizu i ma dria beni.
20
Te Menahemu azi azita silingi nde ’diyi okuzu Israeli vu, adaru ’ba afa e’ipiru alu alu eji sekele dahabuni kali towi kali towi, fezu opi Asuriaari dri. ’Dini opi Asuriaari oja i vile, teni angu ndea ku.
21
E’yo dria azini Menahemuni, e’yo erini ’yele ’diyi pie dria, yi sini yi buku opi Israelini ’diyi ma e’yo ecezuri ma alia ku ya?
22
Te Menahemuni la i a’bipi be, te mvi erini Pekahia nya opi eri ma pariani.
23
Pekahia e’do opi nyazu Samariaa Israeli drilia eli kali towi Azaria opi Yudaarini opi nyazurisi, eri nya opi eli iri.
24
Eri ’ye e’yo ovupi onzi Yehova ma miliari; eri kuni e’yo onzi Yeroboamu Nebati mvini ’yele, fele Israelini ’yele ’diyi ku.
25
Te Peka Remalia mvi, ambo erini asikari driliari otu e’yo eri ruaa, ’di eri Arigobu pie Arie pie. Peka ’ba kali towi Gileadia ’diyi pie, yi fu eri Samariaa pari okporu jo opiniria, te Peka nya opi eri ma pariani.
26
’Yeta azini Pekahiani ’yele, e’vo erini ’yele ’diyi pie dria, mi ne, yi si yi buku opi Israelini ’diyi ma e’yo ecezuri ma alia.
27
Peka Remalia mvi e’do opi Inyazu Samariaa Israeli ma drilia eli kali towi drini iri Azaria opi Yudaarini opi nyazurisi, eri nya opi eli kali iri.
28
Eri ’ye e’yo ovupi onzi Yehova ma miliari; eri kuni e’yo onzi Yeroboamu Nebati mvini ’yele, fele Israelini ’yele ’diyi ku.
29
Ewu Peka opi Israelinirisi, Tigilati-pileseri opi Asuriaari eca yoni piyi o’duzu Abeli-beti-maaka pie, Yanoa pie, Kedesi pie, Hazori pie, Gileadi pie, Galili pie, angu Nafutalini pie dria; eri ji ’ba nde ’diyi ati’baru Asuriaa.
30
Eli kali iri Yotamu Uzia mvini opi nyazurisi, Hosea Ela mvi otu e’yo Peka Remalia mvi ma ruaa, co eri, fu eri ra, nya opi eri ma pariani.
31
’Yeta azini dria Pekani, e’yo erini ’yele ’diyi pie dria, mi ne, yi si yi buku opi Israelini ’diyi ma e’yo ecezuri ma alia.
32
Yotamu Uzia mvi opi Yudaari e’do opi nyazu eli iri Peka Remalia mvini opi nyazu Israeli ma driliarisi.
33
Eli erini ovu kali iri drini towi i erini e’dozu opi nyazurisi; eri nya opi eli mudri drini azia Yerusalemua. Andri erini ma ru Yerusa, Zadoki zi’i.
34
Eri ’ye e’yo ovupi onyiru Yehova ma miliari; eri ’ye dria ekile ati Uziani ’yelerile.
35
Te nzeni pari uruleru ’diyi ku; ’ba yi adri edeta ede azini obiese ve pari uruleru ’diyia ’dani. Eri si jo Yehovani ma kalitile uruleruri.
36
Yeta azini dria Yotamuni, e’yo erini ’yele ’diyi pie dria, yi sini yi buku opi Yudaa ’diyi ma e’yo ecezuri ma alia ku ya?
37
Ewu ndesi Yehova e’do Rezini opi Suriaari pi ma ti pezu Yuda vu, Peka Remalia mvi be.
38
Te Yotamu ja i a’bipi be, yi sa eri i a’bipi be aku ati Daudiniria; te mvi Ahazi nya opi eri ma pariani.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25